السلام عليكم ورحمة الله وبركاته
ابا مساعدتكم وافكاركم يا بنات انا متزوجه تقريبا من سنه واحس بنفسي مليت من الروتين اريد نيو لوك اريد افكار حلوه تعطوني اياه انا اول ما تزوجت كل شهر تقريبا اسوي مفاجئة لزوجي ولا ارتب الغرفه
يوم احط شموع
يوم احط ورد يوم اسوي مساج ويوم اسوي جو رومنسي يوم حفله والحين احس بنفسي مليت من ها الروتين اليومي احس اني فجاءه تعبت ولا اهتم في نفسي ولا شي صرت حتى اكره اشوف شكلي في المرايا تخيلو ولا احط ولا شي في ويهي عادي وودايما بلبس البيت اللهم يوم اروح بيت اهلي اترتب شوي حتى زوجي يلاحظ الفرق لما اترتب بس قولولي شو اسوي والله محتاجتلكم ردو علي الله يوفقكم
حاولي تغيري المكان مثلا احجزي في فندق وخبري اصحاب الفندق يسوو لكم حفلة وغيري النظام
مثلا اطلعي على البحر او الملاهي او سافري ع بلد ثانية
ا
المرأه الجذابه
عروس مبدعة
14-04-2010 | 02:26 AM
و انا كمان من رأيي سالي الاحزان احجزي فندق و غيري جو انتي و زوجك و لا تضلي بهالحاله ليل و نهار الزوج لا سمح ا لله يملك اختي العزيزه و لا تنسي الفضائيات ما خلت و لا شي و البنات اشكال و الوان ربي يديمكم لبعض و الزوج يزعل بس زوجته تترتب لما تطلع بره بيتها حتى لو ما قالك و خبرك هالشي
دمتي بود عزيزتي
اكيد بتملين لأنك تعودتي ع التغيير اليومي ليمن مليتي وتعبتـــــــــي
قولي مره بالاسبوع تسوي ليله ورد والاسبوع الثاني للية شموع والثالث ليلة مساج كااااااامله
والرابع رحلة للبر او عشاء رومانسي
وعلى كذا ماراح تملين من ترتيب حالك يوميا"
وكل ليله اخذي شاور وتبخري وحطي كريمات جسم وتعطري واذا تقدري تسوي مقشر كل اسبوع او مرتين بالاسبوع يسوي لك نعومه للجسم
تكونين انتي حزتها الورده اللي زوجك ينتظرها وعطرك يسبقك عنده
وترى كل ما كثرتي من هالليالي راااااح يمــــــــــــــــل ترى مو بحلى السالفه
لكن لو عرف زوجك ان هالاسبوع بتسوين له ليله بيشتاااااااااااااق وانتي بعد بتشتااااااااااااااقين
لكن بشكل يومي حاجه ممله صراحه
والافضل بعد تسوين له ليله بس كل شهر او اسبوعين
رتبي نفسك ومالومك لو مليتي انهد حيلك كل ليله مسويه ليله خاصه حتى الجو صار مألوف عندكم مو غريب
لكن ترى الروتين مللك من هالاشياء
قومي بترتيب نفسك قبل ترتبين غرفتك
تهندمي وتتعطري والبسي لزوجك حسسيه انه متزوج بنت حيويه مو ملت بعد سنه زواج
جددي من حياتك من لبسك من شكلك من تغيير روتين بيتك
غيري بالصاله
غيري بالمجلس
غيري بطاولة الطعام
غيري بالاكسسوارات
ما راح تملين
جددي داخلك عشان ترجعين لحيويتك لكن لا تكثرين من الليالي اللي افتقدتم جمالها بسبب كثرتها
حتى الورد الظاهر ماصار له معنى عندكم والشموع وهالاشياء
هذي وجهة نظري
تقبلي مروري
دمتي بود يالغلا
لأنك ضغطتي نفسك بالبدايه حفله ورا حفله
فعشان كذا طبيعي تملين
مثل بعض الطبخات نحبها نموت عليها ناكلها كل يوم وبعدين يجي يوم مانطيق نسمع حتى اسمها
اعتبري نفسك ماخذه بريك راحه وبترجعين بنفس النشاط
انتي الان اهتمي بنفسك بشكل بسيط يعني سبحي طلعي استشوري شعك وحطي عطر
مره ثانيه زيدي الجرعه شوي حطي شي اضافي
ومره ثالثه نفس الشي
شوي شوي تتعودين على هالاهتمام بنفسك بشكل كامل من كل النواحي
انتي لاتحطين ببالج انج بتسوين شغلات كثيره بنفسك يعني لازم اسوي كذا وباقي كذا وبسوي كذا
لا حطي في بالج انج بتسوين شي بسيط يعني بس بسبح واستشور شعري مره ثانيه زيدي الجرعه بشي ثاني وهكذا لما تتعودين ويصير هذا اسلوب حياتك
عشان ماتملين سوي الشي وانتي حابته لاتسوينه وانتي تحسينه واجب بيصعب عليك الامر وبتكرهينه
رؤحى صالون وغير من ستايلك وانتبهى لزوجك الرجل يمل من الروتين اكثر :(:(:(
التغيير انواع مو بس بالحفلات
غيري ملابسك
شكلك
اكسسواراتك
مكياجك
ترتيب البيت
حتى اكلك وشربك نوعي فيه
حبيبتي لا تخلي التغيير يصير روتين
عشان كذا مليتي ,, لان التغيير صاير عندك يومي
ودقات قلبي رأيها عن مية راي ما شاء الله عليها
ماقصروو البنات بارك الله فيهم
ماقصرو البنات
والله ييسر امرج
S
Soft Touch female
عروس ماسية
15-04-2010 | 01:17 AM
اختتتي لانك كثررتي من الحفلاات فصارت وايد وروتيين هاي ما يصيروون الا بس اب عيد الزواج يوم عييد الحب وايام المميزة ..الحيين ادا تبين ترجعيين اتفرفششين نضفي الشقة جي يوم تنضييف كامل وخذي لج شووور ولبسسي بجامة جديدة وخللج فررش وقعدي سوالف مع زوجج وضضحك والله بيتغييير الجو روحو سينما كوفي شوب مجمع طالعة فللم لو بالبييت قصي شعرج صبغييه وربي يوفققج ويسعدج اميين
انا اشوف انه مو تغير بيت او مكان . اشوف تغير من الداخل ..
يعني انتي قلتي حق عقلك الباطني خلاص مليت كلي يوم تعب .. فأثر عليك !!
غيري من الداخل وتفكيريك ويتغير كلشي ..
يعني لو ماغيرتي تفكيرك .. حتى لو خذتي غرفه في فندق يوم او 2 يوم بعده بترجعين بيتك وبيرجع احسااسك الاول ,, بالملل ..
هذا من وجهة نظري تقبلي كلامك ..
شوفي روحي مشغل او كوافير الي تسمونه
وقولي لهم ابي اسوي لي حمام مغربي وبديكير واستشور شعري وبالمره قصيه وصبغيه
انتي ماراح تسوين شي بس بتقعدين وهم بيخدمونك
واذا رجعتي البيت حتى لو ماسويتي جو رومانسي تغيير شكلك بحد ذاته بيأثر على زوجك
الله يعطي العافيه على كل من رد على وساعدني بالافكار الارائعه