روووووح قطر;11994078:
بنات ابي اعرف متى تعلمون الياهل
على انه يروح الحمام وشلون تعلمونه ؟؟
كتبت رد شطوله وانمسح8o|
المهم كل شي حسب الياهل
يعني اذا بدا الياهل يتكلم ويفهم في عمر سنتين الا او سنتين او سنتين وشي
معناتها خلاص هذا احسن وقت تعلمينه فيه
لازم تقولين له حبيبي ترا خلاص البامبرز خلص اذا بتروح الحمام قول لي
وطبعا انتي بدورج كل نص الى ساعه تدوينه الحمام او تسالينه
اذا الله يعزكم تبول او وصخ في البيت مايصير تهاوشونه
لازم تكونين حنونه معاه لين مايتعلم
ولبسيه هاف مب شورت عشان مايدمر لج البيت خخخخخخ
فيه هافات يبيعونها في مذر كير خاصه حق تعليم الأطفال على الحمام
وسهله في الغسيل وتنشف بسرعه طبعا انا ماشريتها اكتفيت باللي عندي
وطبعا وديه معاج خله يختار القيصريه اللي تعجبه وقولي له هذي لك
حبيبي عشان انت صرت كبير وبتروح الروضه ولازم تروح الحمام
ودايما شجعيه روحي سوق واقف ولا اي دكان وكودي لج خريطه فيها هالألعاب الرخيصه
وطبعا شوية حلويات وكل مايقولج ابي اروح الحمام وصج يكون فيه شي عطيه هديه ولا حلاوه
مكافأه على انه علمج ودايما كلميه وشجعيه:)
طبعا في البدايه اذا بينام العصر او في الليل
لبسيه بامبرز
وبعدها اذا حسيتيه تمكن وهو قاعد شيلي عنه البامبرز في نومة العصر
وتدريجيا بعدها في الليل
وعلميه يغسل يده وخليه يشاركج في تنظيف القيصرية طبعا
بس اذا تبول الله يعزكم
وهيك يعني
اي سؤال انا حاضره حبيبات قلبي