rockerbabe;11923520:
بنات سؤال للنقاش : تؤيدون تجيبون العيال ورا بعض و لا بينهم فاصل؟
امم، صعب اقول ءأيد أو أعارض، احس تفرق من زوجين ل زوجين ، الظروف ،
شخصية البيبيات ، عمر الأم، الزوج اللي مايستحمل اليهال ماينفع تجيبنهم ورا بعض او تجبين عيال وايد وتزهقينه، واللي يحب البيبيات ويساعد والزوجة تقدر لان وظعهم غير ..
عني ، عيالي 3 ورا بعض والرابع ف الطريق ، بعده ان شالله اتفقنا انا وزجي امنع مبدأيا 5 سنوات
ف خاطرنا 6 عيال ، فإذا كنا مرتاحين يمكن نقلل مدة المانع ، أذا تعبنا بنمدد أو بانكسل الفكرة ، الأربعة ان شالله فيهم البركة ،
اهم شي ف رايي الشخصي حق الزوج مايضيع والبيبيات واكيد نفسج،خخخ:p
alzanbaq;11923572:
انا عني احب يكون بينهم من سنتين فاكثر ..
بس يعتمد على عمر الوحده .. يعني اذا تزوجت كبيره يفضل
تجيبهم ورى بعض علشان توقف حمل قبل الثلاثين وترتاح وتنتبه لعمرها ..
وايد أييد هالفكرة ، مع انه حاطه ف بالي 2 ورا بعض إذا الله راد ع 32 -33 وبس، يعني بعد 5 سنوات ، عمري 27 ، واولا واخرا الله سبحانه اللي يعطي ويمنع ، ودايما راظيين بالمكتوب..
rockerbabe;11923688:
أنا بين موزة و العنود سنة و بين العنود و اللي في بطني سنة و كم من شهر.. يعني ما في فاصل كبير
نفس وظعي بينهم سنة و3 شهور بالكثير او ع سنة وشهر ، انا طلعت من الشغل مع البيبي الثالث ، وارتحت في البيت وارتاح ظميري وهني اشتقنا لبيبي رابع ، والحمدلله الله عطنا ، والله يقدرنا ع المسؤولية
rockerbabe;11923755:
الزنبق مب جذيه عيالي وايد يحبوني لدرجة عادي إذا رحتي ملحقي يتبعوني و توني مغيرة الخدامات و مب متقبلينهم يعني انا أسوي لهم كل شي ..
ماشالله عليج، احب هالنوع من الأمهات ، وتعبج ان شالله ببين ع الكبر، أحنا اخوان وخوات ورا بعظ ، ووايد متعلقين ببعظ ، وامي واييد كانت تهتم فينا وابوي بعد، كبرنا الحين وحاطينهم ع راسنا، وان شالله عيالنا يكونون جذي..
alzanbaq;11923975:
دوحانيه في هالزمن ربج يعين ,, خاصه الامهات الموظفات احس تأنيب الضمير
يعذبهم وانا أولهم ,, من جد مهما سويتي تحسين نفسج مقصره ,,
لان الدوام ياخذ طاقتج كامله وهم يبي لهم صبر وطولة بال .. فلما ترجعين تكونين خلاص
مالج بارض تسمعين لهم او تلعبين ويااهم ,, < وحده مآكلها تأنيب الضمير والحزن ع عيالها :'(
والله اعرف شعورج ، لاتضايقين روحج سوي اللي تقدرين عليه، واكيد إذا انتي تفكرين هالشكل ماراح تقصرين فيهم ، بس باقولج شغلة يمكن تستغربين، لما كنت اداوم ، وبعدين اضطر اطلع مشوار قصير تأدية واجب ولا موعد كان يصيدني تانيب ظميييير يذبح ، الحين لما جلست ف البيت فكرت انه هاي بيريح ظميري ولين بغيت اطلع باطلع وانا مرتاحة لاني جابلتهم طول اليوم ، اللي صار اني تخديت وتعودت اني موجودة معاهم 24 ساعة وهاي خربني، ولا بعارفة اطلع عدل، مع انه كنت كل صبح اخليهم واروح الدوام ، بس الحين الطلعة صارت صعععبة ع قلبي واييييد ومرات الدموع تخر، و ع فكرة،ترى د.فيل يقول لازم الام شوي تطلع شوي عن عيالها وتفج عنهم مب تلزق فيهم 24 ساعة عشان يتعودون ويفهمون ان الام مب دايما موجودة لهم ، لا لازم يمشون امورهم بدونها احيانا،
الورد99;11927567:
كان عندي موعد وقالوا اذا ماربيتي للصبح لازم اتيين نحط لج طلق صناعي عشان اذا طولتي اكثر فيه خطر عالبيبي لان الماي صاير شوي والحجم عود وتقول معاج طلق قوي ايتعب البيبي والرحم مفتوح بس 1 سم شسوووووووووووووي عشان يفتح اكثر ومااحتاج للطلق الصناعي؟؟:'(
حبيبتي الورد يارب يجيج الطلق وتولدين طبيعي ، والرحم يفتح بسرعة إذا جاج الطلق، لا تلغلغين روحج بخلطات ولا شي ، وترى الطلق الصناعي جربته نفس الطبيعي ، حطي ف بالج انج بتربين بسرعة وان الله بيسر ولا تخافين وتوكلي ع الله، والله يفرحج بشوفة البيبي ، تسوي تعبها ..
