تجمع حوامل وامهات ( قطر ) لشهر جمادى الاولى لعام 1431 هـ ؛ 2010

ب ر ب
الى بعد الغدا

السلام عليكم

تسلمين لولو.. الله يبلغج في الشوش تشوفينها عروس..


انا الصراحة ندمانة اني سويت حفلة حق حمود في بيت اهل ريلي امس..
لو ما سويت احسن..
كنت أجلته لين رديت قطر وسويتها في بيتنا..

ليش مزمز؟

اناا بسوي لها بس الاسبوع الجاي
لان هالاسبوع الكل امتحانات فأجلتها

بس بسويها في بيت اهل ريلي

مزمز وريلوو

فدييت الكتاكيت وعقباال ماتحتفلوون بعرسهم

ام ريلي حليوة وحبوبة وطيبة.. بس تجيها ايام كله حزينه ومكتأبة ومالها بارض..
امس كان كلش مالها خلق.. انا عازمة بيت اهل مرة حماي.. وقايليلن لها من قبل..
كانت متضايقة ومالها بارض شي.. كل مرة ايون البيت هي تتلبس وتحط مكياج.. امس كانت ابسة جلابية ورابطة شعرها بس..
انتقدت كل اللي يبته من اكل ما عدا العشا..
كنت طالبة ورق عنب وملفوف من وحدة < الله يسامحها بعد هاذي كان استغفر الله لوعة ما ينأكل .. دافعة 290 على اللي طلبته منها..
ام ريلي قالتلي ليش ما قلتي لنا نسوي فطاير والا ورق عنب.. الخدم ما عندهم شي يسوونه .. << من اسبوع وانا وريلي نسألها شنو تبون نسويلكم.. ونبي رايها كله كانت تقول مادري.. قالت لي انا ما اثق بالحريم اللي يسوون في البيوت ومادري ايش.. المهم يعني اللي يبته كجرة.. ريلي فالليل قالي انها قالت له ليش ما قلتوا لي اخلي الخدم يسوون شي جان يقولها ما نبيكم اتعبون نفسكم وما نبي نثقل عليكم... قالت اي بس فشيلة جدام الناس مو مسويين شي < يعني اللي يبته ولا شي.. قالها يما اي ناس بس اهل مرة اخوي.. قالت اي شيله << تعليقي: انزين ليش مو انتي من نفسج قلتيلهم يسوون شي من عندج<< مو ملزومة بس هي اذا تقول فشيلة انزين هاي بيتج والناس زايرينج<< انا استحي اقول خل يسوون جي وجي.. فالاخير مو بيتي..
ورق العنب عطت الخدم ياكلونه ..
غير الكب كيك اللي ما زخته وجدام المعزومين قالت هاي شكله جاهز وهي بس زينت فوقه < انزين ليش تحرجيني جدامهم..
حتى لو الاكلالي طلبته < اعترف ان كان مو شي بس بعد ما كان له داعي تحرجني جي
انا قلت بس هاي اللي ما عجبها.. كنا خلاص بنروح غرفتنا.. وهي كنت تغطي الكيكة عشان يحطونهافي الثلاجة.. جان مرة حماي تقول بس كيك مستر بيكر احسن من كيكهم جان ام ريلي تقول ليش هاي مو من مستر بيكر؟؟ وانا اقول ليش طعمه جي... < لا تعليق
مرة حماي طرشت لي مسج تعتذر انها قالت جي جدام ام ريلي..
المهم الحين هي طول الحفلة وهي مالها خلق.. تخيلوا يوم راحوا الناس تغيرت 180 درجة .. تقول مرة حماي هي كانت تحت عندهم لين الساعة 1.. تقول انا استغربت كانت تضحك وتسولف..
هي تحب اهل مرة حماي ودايما تزورهم.. بس غريبة امس ليش كانت جي..
فأنا قلت هاي اخر مرة اعزم حد في بيتهم.. ان شاء الله لين صار عندي بيت باعزم اللي ابي.. هاي كله لان مو عزيمتها يعني؟ انا قلت مسكينة معذورة يمكن تعبانة .. بس يوم دريت انها عقب ما راحوا ضحك ومادري ايش شكيت في المووضوع..
يعني اختمت كل الاشياء اللي يبتها بتعليقات سلبية..
هو اول مرة يصير لي موقف جي معاها.. انا اعرف انها صريحة وما تجامل.. وتقط في الويه اذا شي ما عجبها..
بس مستغربة ليش كان مالها خلق ومكتأبة وقت الحفلة... وعقب ما راحوا الناس وانا رحت فوق.. تقول مرة حماي تميت لين الساعة 1 معاهم ام ريلي كانت كله ضحك وسوالف هي بنفسها استغربت.. حتى قالت اهلي يحسون انهم مثقلين عليها..
انا قلت حق ريلي وحتى ياتني الصيحة وانا اقوله.. هو تضايق بس الحمدلله ان هو يعرف امه.. وقال هاي اخر مرة اسوي حفلة والا شي لهم... الحين انا اسوي شي حق ولدي عشان يستانسون وهي تقلبها هم وغم..
قالي ريلي اليوم لا تنزلين تحت عشان تعرف انج زعلانة.. حتى مرة حماي قالت لي نفس الكلام..

مزمز
حبيبتي ولا تضايقين ولا شي
ترى في حريم جذي يكون مزاجهم متعكر وقت العزيمه والحشرة
وانتي ام ريلج وخابرتها انها صريحه وما تجامل ..
ماعرف شقولج
مثلا الاكل انتي ماقد ذقتي من اكل هالحريم وطباخهم ..؟
شوفي عن نفسي الين اليوم وحتى مستقبلا ماعتقد استقبل حد في بيت اهل ريلي
يعني اول شي البيت مو بيتي وانا استحي اتطلب في المواعين والبيالات والدلال الا اذا كانوا لي
وانا ماعندي يعني كميه حق عزيمة اصلا
وعن سالفة ليش ماطلبتي من الخدم <<طبيعي هالشي
انا وحده كنت انحرج الف مرة لما اقول حق خدامتهم سوي لي اكل حق شوشه
الين ماجبت خدامتي والحمدالله تيسرت اموري شوي عقبها

خلاص ليلة وعدت مز مز لا تتحسرين عليها ولا تضايقين نفسج
وعن انج مانزلتي اليوم ....
يعني احسن انج ماتكبرين السالفه
يعني فرضا مالقيتي منها اي reaction اشبيكون موقفج ؟؟
بتنزلين عقب وبتسلمين عليها صح ..بيصير جنج انتي تراضينها <<حاولي اتحلينها بالزين والحسنى احسن

خلاص عوضيها في الدوحه في اقرب فرصة
او اي مرة تنزلين فيها خلاص رتبي امورج انج بتسوين حفله حق حمود وهلج

ومايصير خاطرج الا طيب يا ام محمد

السلام عليكم كروشات وماميز

الاماكن ..
الف الف الف مبروك البيبي بوي والحمدلله ع سلامتكم


موزان..
فديتج لاتتضايقين من ام ريلج والله ان لهم عرات احيانا ولازم تستحملينها وهي بخسبه امج الحين وسعي صدرج ولاتضايقين نفسج شوفيها متضايقه من ايش ؟؟ والله يبلغج بولدج ان شالله وتشوفينه معرس

هلا كروشات شخباركم موزان كل عام وحمودي بخير ان شاء الله موقف وعدى ...وصج عوضيها لين جيتي الدوحه انا يوم حفلة نعوم سويتها ببيت هلي مع ان ريلي كان مقترح ببيتهم بس ادري محد بيي عكس هنيه بس يالله ان شاء الله تعوضينها بشي احسن

الناعمه الله يبارك فيج ان شاء الله

موزان
هونيها وتهون .. نزلي تحت وسلمي عليها ولا جنه صاير شي وانسي وهي ام ريلج في حسبت امج .. وان شاء الله لين يتي الدوحه سويله حفله كبيره وطلعي كل الي في خاطرج ..

السلام عليكم


بنات كان عندي موعد الخميس وقالوا لي مفتوح 1 سم وقبل شوي رحت الحمام وانتم بكرامة ونزل على افراز بني مثل المخاط وانا خايفة شسوي مع اني مااحس بوجع قوي

الورد الله واعلم هاذي بوادر ولاده ..

بس لا تستعجلين وتروحين من اللحين بيلعبون فيج ..

موزان

لا تاحذين على خاطرج ولا شي والدنيا تجارب ومواقف والواحد يتعلم منها .. من يوم ورايح عندج مناسبه مثل ميلاد او عزومه سويها في بيتج الخاص او عند اهلج ..
وعمتج حسبت امج لا تزعلين ومنها ولاشي ..

الورد

خلاص قرب الصج :) الله يهون عليج ويرزقج الولادة السهلة..
انا صارلي مثلج نزل دم رقدت في المستشفى عقب رديت البيت واليوم اللي عقبه الفير نزل علي الماي.. بس لا تروحين المستشفى اذا ما تحسين بالم انطري شوي.. بس اذا نزل عليج الماي على طول روحي ..


لولو

انا نسيت الموضوع ونزلت قعدت معاهم في الحوش..
مرة ثانية علقت هاذي المرة جدام ريلي.. قالت الكيك كانه اسفنج مال الغسيل..
وقالت عن الكب كيك نفس ما قالت امس ان كانها كيك جاهز وهي حطت الزينة فوقه.. قالها ريلي يما انتي ما يعجبج شي.. وانا بردت خاطري يوم مدحت في الكب كيك اللي بنتها يابته مرة (وحدة من الحريم تسويهم) تقول كان لذيذ.. نطرتها تمدح فيه.. عقب قلتلها اذكر ريلي يابلي واحد اطعمه فوق الكيكه اوكي طعمها بس الكريمة اللي فوق طعمها مادري شلون مر..
سكتت :) هههه < صج كان طعمها جي ما الفت قلت الصج.

الناعمة

فديتج تسلمين.. لا الحمدلله مو متضايقة الحين.. هي كانت تعبانة ونفسيتها اصلا هالايام مو شي عندها ظروفها.. ونفس ما قلتي لها عرات.. بس هي وايد زينة معاي وطيبة.. بس سالفة امس اول مرة يصير لي هالموقف..

الاماكن

تسلمين حبيبتي والله يبلغج في نعومة واخوها عرسان.. صج هاي اخر مرة اسوي حفلة او اعزم حد في بيتهم.. مارتحت كلش امس... وهي حسستني ان هي ما كانت مرتاحة فليش اعور رسي مرة ثانية..



لان يبين عليها اني مثقلة عليها.. يعني في مرتين زاروني حريم ربع ريلي.. نفس الحركات سوت.. وريلي قالي ان امه ما تطلع وايد وما تزور الناس وايد.. فعاذرتها ان تستثقل هالشي.. بس الغريبة امس ان الناس اللي يو هم بالذات هي تعزهم وتزورهم تقريبا في الشهر 3 مرات.. بس امس مادري شفيها


زينة

هونتها ههه نسيت سالفة امس ونزلت قعدت معاهم عادي.. صج ماحسها سالفة تستاهل اني ازعل وما انزل اقعد معاهم واكبر الموضوع.. والمرات الياية ان شاء الله كله في قطر بسوي عزايمي وحفلاتي هههه

نصفه الثاني

صح كلامج.. اذا حصلت فرصة اني اقول لها الكلام بقولها..
مشكورة عالنصيحة :)

الاصيلة

صج تعلمت من موقف امس.. وان شاء الله ما بثقل عليهم مرة ثانية..

مزمز
فديتج والله
زين سويتي انج نزلتي
والحلو والاكل عموما اللي يسوونه الحريم يعجبج بس يمكن مايعجب غيرج <<دحدوووحه وقطووور كلمتكم هههه

ربيعاتي اذا بيجوني هم من نفسهم على طول يقولون بيت هلج


اصوله
احم احم
ما ودج فبنوته <<لحد يحذفني بشي الحين
:)

نصوفه
منورة يالحلوة <<فديت المغرورة انا


الورد
الله يهون عليج ان شالله
اصبري على عمرج ولا تروحين من الحين الولاده ..


انا برب

ههههههههههههههههههههههههههههه لولو خلينا حبايب :011:

اصوله
ماقلت شي :025:

:086:

السلام عليكم

شخباركم

مزمز

فديييييييييييييييييييييييييييييته حموووووووووووود وفديييييييييييييييت بووووووووووزه :025:

الله يبلغج فيه معرس:032:

وانا تضايقت والله بعد من سالفة الحفلة :01:

حبيبتي لاتكدرين روحج السالفة ماتستاهل وكوني انتي الاحسن :)

ومعوضة في الدوحة الحفلة

لان الدوحة وويا الاهل غيييييييييييييييييييييييييييييييير:093:

:013:

ام دوووودي

ايه عليها الله يبلغج فيها عرووووووووس فديييتها :087:

موزان
معوضه انشاء في حفلات ثانيه تستانسين فيها
وماعندي تعليق البنات كفو وفو