تجمعنا الرابع لشهر اكتوبر 2010

وينكم كروشات ما حد مبين :(

مرحباااااااااااااااااا شخباركم

غبت عنكم كم يوم وحشتوني

الواجب شكله وايد طويل بروح اقراه

رقة الورد;11825590:
رسيل ..يا عمري عليها القمرر ..الحمد لله على سلامتها ..والله يبلغك فيهااا ..


الحب الكبير ..حبوبة ليش تتضايقي ..اهم شي النونو بخير ولد ولا بنت مو مهم ..ادري انك تتمنين الولد وشعورك طبيعي ..لكن لا خلين هالشي يأثر عليك ..الضنا غالي ومعزته وحدة ولد لو بنت ..الله ينولك الي فبالك ..ومبروووك نجاحك ..

در ..اميرة ..ودرة ..نور ..رغيدة ..دريم مون ..شيؤؤخية ..دلولة البحرين ..دلوعه بوحسون ..اللؤللؤة السوداء ..لولو ..اورانج ..والجميع اعذروني اذا نسيت احد ..شخباركم ؟؟

هلا وغلا انا بخير انتي شخبارج

اهلا دلوعة بوحسون كيفك وكيف البيبي؟

يتصفح الموضوع حالياً: 4 (4 من الأعضاء و 0 من الزوار) ‏القمر الوردي
اضهر وبان عليكي الامان :)

مرحبا كروشات

الحب الكبير اني بعد موعدي يوم الثلاثاء

در صح التجهيز للطفل الثاني يكون اشياء موجودة مايحتاج ناخذ مرة ثانية

اني بعد احس ماباخذ واجد (عندي خبرة مرتين من قبل)
وحاليا الي ناقصني قليل اشياء باخذ كم طقم من سنتر بوينت
اللي يجي كامل شبك وشباحة وقبعة وقفاز وقماط قطني سعر الطقم (5,500دينار)
رحت من اسبوعين في التخفيض سووهم بـ 4دينار و3.500 واجد السعر زين لو بتحسبون كل قطعة يطلع فوق
بس خسارة ماشريت لاني للحين مادري جنس البيبي

بنات حاسبوا ان احنا بنولد شهر 10 الجو معتدل وبسرعة بيبرد

مساء الخيييير...
شوو اخباركم؟

مرحبا بنات

ترى شهر 6 سيل فانتظروا شوي على بضاعة سنتر بوينت و الا شرايكم؟؟

در

من وين شاريه قمصان الرضاعه من هني والا السعوديه؟؟ صراحه اني بعد حجمي صغنون ونتفه سواء الطول والا المتن حتى الي حطيتهم امس خاطري فيهم بس قاعده افكر يمكن مو حلوين علي وهم في الأصل مو جلابيات رضاعه هم قمصان نوم بس احس مناسبين وبمولودي الأول لا فصلت ولا شريت كله بيجامات قطنيه عاديه بس هالمره خاطري

ومثل ما قلتين الضيافه ما له داعي الفشخره الضيافه هي هي للزواج والا الولاده و الا الرجوع من السفر و الحمد لله اهم شي شي يواجه مو شرط التكلفه بس بتصير التوزيعات وياها

انزين عطينا افكار يا دروره مفيده غير الي حطيتهم بالكروشيه ؟؟


القمر الوردي

ان شاء الله بنات السعوديه يدلونك على محلات الجلابيات او شوفي موديل من النت و فصليه

و عن المصاحف اكيد تنباع في المكتبات الي تبيع الكتب و اسعارها على حسب الحجم ونوعية الخط

و الكروشيه عاد هادي يبيلها معرفه شخصيه يعني ما اعتقد في محلات تسوي بس يبيعون جاهزين مرت حميي وزعت قبعات فيها شوكولاته جاهزين

اممم بعد شنو اغراض البيبي حطيت لش من قبل اسماء المحلات صدقيني تحصلين فيها حلوين ورخاص


رسيل ودلوعة بو حسون و الحب الكبير و الكل ننتظر موعدكم و ان شاء الله كل شي تمام وتفرحونا وياكم

اني بخير لحد الحين ما نزل شي بشوف اليوم وبكره بعد لأن لاحظت ينزل الخميس او الجمعه او السبت و الأسبوع الي طاف الأحد نزل

فبضل مرتاحه جدي لأسبوع الجاي و ان شاء الله يوقف وما ينزل بعدها ببتدي اتحرك خفيف لين يجي موعدي 11/5 و اشوف الدكتوره شنو تقول احتاج لراحه لو عادي

مساء الخيــــــر

يا هلا ومرحب فيكم ..


در مكنون ..شخبارك وكيف كتكوتك والنونو ..بالنسبة للتجهيز ..انا كمان مو ناويه ابالغ ..لكن تجهيزي يعتبر كأنه لأول مولود ..لاني بولادتي بطفلي الاول كان الجو شتووي مررره ..وكله ثقيل وصوف ..عندي كم شغله بسيطه مناسبه ....يعني ما عندي شي نهائي ..عشان كذا ببدا بعد اسبوعين ان شاء الله اخذ شوي شوي ..الحاجات البسيطه والي عادي تكون محايده ..الشبكات الداخليه والبيجامات وهالامور ..بس اللفات والمحامل ومفرش السرير بخليهم اذا عرفت جنسه ..


القمر الوردي ..يا هلا فيك ..الجلابيات تلقيها فالمجمعات بكثرة ..واسعارها مناسبة ..عندك مارينا مجمع الظهران وغيرهم اغلب المجمعات اذا مو كلهم فيهم ..والكروشيه وقمصان الرضاعه ما عندي فكرة عنهم ..لان ما البسهم ..


رسيل الورد ..الله يعينك ع الارق مثل حالتي بس اليوم اهون نمت الحمد لله زين ..والله ما يندرى عن الدراسه صحيحه لو لا ..انا فحملي الاول والحين مفتووحه شهيتي ع الاخر ..واكل وااايد ..ووزني زااااااد بشكل ملحوووظ ..نشوف شيقول السونار ..بقي شهر تقريبا ً ..خلااااص مو مصدقه قريب بعرف خخخخ ..


الحب الكبير ..ان شاء الله خير وطمنينا عنك وعن النونو ..


مسز ..انا كمان ببدأ اجهز اذا بدأت تخفيضات سنتر بوينت ..وباقي المحلات مذركير و نكست وغيرهم عندهم شغلات مميزة للبيبيات ..


سلاااام للجميع ..

مساء النور اميره الوفا...
مسز عادل..طيب ماتدري متى التخفيضات على الماركات الثانيه...

أنا موعدي الاثنين

رسيل صح كلامك .... أنا للأسف حتى لو كلامي يبين شيء غير مسرفة في تجهيزات البيبي !!!! بحمود شريت مبالغة تفوق المبالغة على قولة أخواتي متأكدة ما شريتي له للروضة مرة وحدة بعد ؟؟؟!!! ما خليت شوزات ولا بدل ولا ألعاب أشكال ووو وبكميات رهيبة ولا حتى الأدوات الشفاط شريت 3 أنواع كهربائي ويدوي مع رضاعة ويدوي بدون إلخ !!!! وفي النهاية ما استخدمت شيء منهم ... لكن اللي ما أفتكر فيه ولا يهمني مثل ما قلت تجهيزات المستشفى والنفاس والاستقبال والأشياء اللي طالعة هالأيام ... أنا أبالغ لولدي لأني ما أقدر اشوف شيء حلو له وأقاومه لكن للمظاهر وكلام الناس ما يهمني

وحتى التوزيعات سويت كميات وعدة أشكال من فرحتي

بس هالمرة مقررة أحكم عقلي حتى في تجهيزاته وأتغلب على ضعفي .... المبالغ اللي بصرفها على لبس وأشياء ما راح يمديه يستخدمها هو أولى فيها أدخرها له

أنا مثلك شريت الطقم الكامل من سنتر بونت " لكن ما دريت أنه سووا عليه تخفيض " بس هم سعره زين 2 ويمكن اشتري 2 اكسترا

ومن اللبس يبقى علي بس الشبك الكامل 4 " عندي 3 " " بس بدون جوارب " حجم صغيييييير لأني مثلك أتوقع يكون بيبي جداً حجمه صغير وهذولا بالحجم اللي ابيه ما القاهم غير في مراكز السعودية

والفوط أخذت أمس 2 كبار باقي 2 وسط والمجموعة الصغار ، واللفات خلص صار عندي 14 ولحاف واحد بآخذ 2 غيره

الشنط مثل ما قلت عندي 2 محايدين أحبهم جداً جداً من سنتر بونت " ما أحب الخلق أو أطقم مع الفراش رغم أن محمد أخذت أطقم كاملة " وللحين كأنهم جدد 100 الـــ 100 وأبي آخذ شنط اليد اللي في الأسواق المتنقلة والسعودية بدينار ونص ودينارين " اللي اشكالهم كيوت وكثير بنات يستخدمونهم للمدرسة الآن " في أشكال أحسها تناسب مواليد جداً وكلش حابتها

الأدوات الكبار محدودة حتى الكبت عندي البقية الناقصة الأقل تكلفة

الفراشات بآخذ 2 بس لأن في في بيت الوالد كمية بحال ممتازة وعندي أختين أولادهم صغار شهرين و6 شهور وحدة بنوتة والثانية ولد فقايلين عن أغراضهم لأن تبقى بحال ممتازة لأن الطفل يستخدمها فترة محدودة فبخصصها للبيت واللي بفصلهم للطلعات والزيارات

الكاميرا كانت مهمة عندي لأن ما عاد تصوير كاميرتي يرضيني ومثل ما قلت قبل أخذت من كم ليلة وحدة لازال زوجي معترض على لونها خخخ وكله بسبب مسوزة

فسياستي حالياً أني كل شهر بركز على شيء وآخر شهرين قبل الشهر التاسع بخليهم لأدوات الحليب وأدوات النظافة لأن ما فيهم دوارة واختيار كثير " نوعية الأدوات ما أغيرها سيباميد " وبقية الأدوات مثل المشط وقياس الحرارة والقراضه آخذ المجموعات من سنتر بونت

أحس جدي ما في إرهاق للميزانية ... ورغم أني استلمت جمعية هالشهر وراح استلم ثانية إن شاء الله بعد شهرين وكنت مخططة أنها للتجهيزات بس ما أشوف أن في داعي لهذا ... بقسم المبلغ بين الكتكوت والنونو وبحطهم شهادات إدخار باسمهم وبحاول أتقيد بالتجهيز من الراتب

در اني بعد متحيرة حدي على حجم البيبي
بناتي صغار وكل شيء كبير عليهم ويضيعون فيه وبعد مايكبرون بسرعة
يعني مو مثل اللي اسمعه ان البيبي بسرعة يكب وتصغر ثيابه لااااا مايصغر عليهم شي خخخخ
هالمرة متحيرة اخذ بعد اشياء نتوف لو البيبي هالمرة غير؟
بنتظر على نهاية الاسبوع لين رحت العيادة بشوف حجم البيبي

المجموعة اللي من سنتر بوينت نوعين من اسبوعين عليها تخفيض 50%
شنطة فيها (مشط وفرشاة ومبرد وفرشاة اسنان ومقراض .. موذاكرة اذا نسيت شي)
شنطة فيها ( مقياس حرارة واشياء اللي ينعطى بها الدواء )

اخذت الاولى ورديت خليتها لان خسارة اني مو محتاجة الا الى مشط وفرشاة والباقي عندي اياهم جدد
ضيعت مال بنتي واشتريت لها (طقم مقراض ومقص ومبرد ) بس فتحتهم ولقيت مالها في الشنطة
فيعتبرون جدد

من فترة مريت احلى الاطفال وكان عندهم قماطات قطنية بدينار ونص
بس مادري زينين او لا؟ لان ببنتي اخذت من نفس المحل بس نوع غير ولوعوا جبدي من كثر ماحببوا
ماابي اخذ شي ويختربب ومال سنتر بوينت زينين

اللوعة مغربلتني اليوم زايدة حدي ووجع الراس مادري شسالفته من الضغط لو شنو ؟

ماشاء الله ناس بدوو ف التجهيزات وبيخصلو وناس بعدهم مب مفكرين يبدووون

المشكله احس تعب هههههه

اني موعد الولاده المحتمل بداية شهر11يعني بداية ذو القعده..
يعني الجو ايش معتدل..واصلاً ماني عارفه ايش اخذ؟