تجمعنا الرابع لشهر اكتوبر 2010

كيفكم كريوشات ؟
أمس رحت على المسبح وسبحت ثلاث ساعات تسليت كتير بس تعبت كتير لما رعت على البيت ما قدرت اتحرك من تعبي واليوم طول النهار تعبانة من السباحة أمس

أنا ان شاء الله موعدي غداً ادعولي اطمن على البيبي وأعرف جنسه

نور أكيد ان شاء الله بطمنكم:D

إن شاء الله بطمنكم :)

مرحبا حبيبااااتي

فرحتني ردودكم وايد

اني كنت اتوقع ولد بس اتمنى بنت ،،

لان وايد افكر في بنتي واحاتيها واخاف انها تصير مثلي وحيده يعني وايد كريه هالشعور ،،

ادعي ربي ان يرزقني ليها اخت والحمد لله ارتحت لما عرفت انها بنت حتى هي مو مصدقه ..

بس بنات اني خايفه من شغله ..

لما رحت البارحه للدكتوره ووصل دورنا بعد انتظار ساعتين تقريبا .. بس دخلت على الدكتوره قبل ما تسوي الاشعه دخل واحد غرفتها وهاوشها وكان اسلوبه جاف مع الدكتوره ونرفزها وايد وعصبت من قلب وطردته من الحجره ،، طبعا هالموقف ما صار الا في حظي الدمار ..

بعدين ظلت تفحص من غير نفس وروحها في خشمها من الموقف اللي صار

هي مسكينه معذوره اني لو مكانها بتضايق من اسلوب الزباين اذا كانوا بهالمستوى ..

المهم لما فحصتني ما حسيتها عطتني حقي كلش يعني الفحص صار تقريبا في 4 دقايق ما تزيد وع السريع ولا حرف نطقت .. واني خايفه اسألها لان معصبه وخفت تحط حرتها فيي ..

حتى جنس الجنين ما قالته الا لما سألتها .. والحين ياني الوسواس وخفت ان هي من ربكتها احتمال تقول لي الجنس بالغلط .. مع اني اكدت عليها وسألتها أكيد قالت اي .

قلت القصه كامله صدق ما عندي سالفه بس لابد من استشاراتكم ..

يعني تتوقعون ان في احتمال غلطت ؟؟

هلا سنيوريتا

اني كنت اقول لزوجي ادخل وياي بس في الطلق

لكن وقت الولاده اطلع ..