تجمعنا الرابع لشهر اكتوبر 2010

در مكنون

تسلميين على القائمة

وراح اخزن الكلام اله كتبتينه عشان لين جى موعد التجهيز

وترى انا اول ماشفت صورة الافرول حتى قبل لا أقرأ الكلام عجبني شكله حلوووو عقب قريت الكلام اله تحته

:)

لا اله الا الله محمدا رسول الله

هلا بنات

اي رسوله اقرا الواجب هههه

استانست على در ساعدتنا بس عندي اسئله يعني الي قالت ضروري هو القماط الخفيف الي يجي مثل الغتره البيضا؟؟؟ اني بولدي ما اخدت منهم بس اخواتي يقولون لي زينين للحر و احنا ولادتنا بتكون بدايتها شوي الجو معتدل بعده ما برد و اني احب اكثر شي القماطات القطن مثل الي في سنتر بوينت الحين كم احتاج ؟؟ مره قالت 11 ومره خمسه ما فهمت ؟؟ ابي اعرف المجموع و اني بقدر كم آخد جديد لأن عندي كميه كبيره متوارثه

وشنو نلبس احسن بداية ولادتنا بدون اكمام و الا اكمام طويله و الا عادي نخلط اخاف يستحر الجاهل لأن البرد صاير يتأخر و بعدين بسألكم سؤال مضحك شوي هي الي يجون بأكمام طويله ورجايل البس تحتهم شباحات او لا؟؟ نسيت الصراحه

يعني اذا باخد منهم مو شرط الشباحات جديده لأن مو باينه اصلاً وعندي كميه بس مو بناتيه في حال كان فيني بنت

واحس روحي مو عارفه آخد شنو لطلعه احس كل ثياب المواليد مثل الشي لهالعمر اشوف مرت حميي تلبس بنتها فساتين بس ما ادري احس مو مريحين شنو رايكم ؟؟

و بعد اني بكون والده قبل نهاية شوال ب اسبوع تقريباً بإذن الله فيعني في عيد الأضحى بيكون البيبي في حظني ان شاء الله فشنو البسه يعني في مناسبه مثل هي او غيرها هو مقمط بس في ناس فضوليين يفللون الجاهل خصوصاً اني بكون طلعت من الأربعين من اسبوع

وتكلمنا عن الملابس شنو عن الباقي

سرير للي ما عندهم من قبل و مفرش للسرير

و مفرش للطفل

ادوات نظافه

كريمات وشامبوهات و مناديل مبلله و حفاظات و أعواد أذن معروفه يعني

و مقراض و مشط و صندوق للأغراض هي

و ثرمومتر

مراضع

كرسي استحمام

فرشاة تنظيف المراضع

اسفنجه لاستحمام

وعطر او كلونيا


و أدوية شعبيه

مرقدوش

ماي الحندبان

ماي الحلوة

زيت زيتون


هي الي في بالي و الي عندها شي تضيفه تقول و هي بس اغراض البيبي باقي اغراضنا بعد نتكلم عنهم بعدين

اي وما قلت بعد الي بترضع صناعي تاخد جهاز تعقيم او جهاز تسخين المراضع يعني اختياري

و المريلات ؟؟؟ بولدي ما لبسته في هالسن بس كان واجد يرجع فما ادري آخد او لا لهالسن

ولهايات للي يعطون اني ما عطيت ولدي بس مفكره هالمره استعين فيها للحظات الحرجه يعني وقت التبديل او اذا انشغلت لحظات عنه و هو يصيح شرايكم ؟؟

الي تبي سله لحمل الطفل و التنقل فيه بس اني احس مو محتاجتنها

كرسي للسياره بس يتهيأ لي مو من الحين اذا متوقعه احد يجيبه هديه و اذا لا احسه ضروري للي تسوق

اي وبساطات ما تكلمنا عنهم ؟؟ خصوصاً اذا البيبي يرجع واجد كم واحد نحتاج؟؟

هلا مسز والبقية

انا شفت هذه من قبل وسيفتها عندي اول ماحملت

وهي تبع العضوة رسيل الورد

ماقريتها للحين بس بقراها قريب

يتصفح الموضوع حالياً: 5 (5 من الأعضاء و 0 من الزوار) ‏dreamMoon, ‏بقَايا حُلمْ, ‏orange mango, ‏مسز عادل

شخباركم ؟؟؟؟؟؟؟؟؟؟

اهلين دريم مون

الحمدلله

.
.

انا ماجربت بس اله اشوفه ان القماط الخفيف يضايق الجاهل مادري هو احساس جاني

بعكس القطن اله من سنتر بوينت احسه احسن وحتى ارتب في اللف لان الخفيف ما يتمغط مدري ما يتمدد

والا انتوا شنوو راايكم؟؟

شخبار الحلوين

الصراحه عندي خلفيه عن التجهيز

بس بعد ما نستغنى عن نصايح الحلوين

هلا بقايا ودريم

شخباركم

الي ناويه ترضع طبيعي تفكر تدخل صناعي للطواريء؟؟

اني مفكره ادخل له صناعي بعد فتره من الولاده كتعويد فقط يعني مو اعتماد في حال طلعت وياه لسوق مثلاً شلون برضعه؟؟لأن تبهدلت مع ولدي الأول بس خايفه من التجربه شرايكم؟؟

متى بتبدئون التجهيز؟

لاني اقول بعدهي وقت وش رايكم

من ناحية الراحه من الرضاعه الصناعيه عشان الطلعه اوكي

بس صحيا ما انصح ابدا الي للمحتاجين للرضاعه الصناعيه بسبب العمل او شئ اخر

مسز عادل;11975271:
هلا بقايا ودريم

شخباركم

الي ناويه ترضع طبيعي تفكر تدخل صناعي للطواريء؟؟

اني مفكره ادخل له صناعي بعد فتره من الولاده كتعويد فقط يعني مو اعتماد في حال طلعت وياه لسوق مثلاً شلون برضعه؟؟لأن تبهدلت مع ولدي الأول بس خايفه من التجربه شرايكم؟؟

الحمدلله بخير

اممم اني مفكرة اعطي البيبي الاثنين

الطبيعي والصناعي

الصناعي للحالات الضرورية والطارئة مثلا في حالة اني اشتغلت

او اني صرت مريضة او مو موجودة طالعة مشوار ضروري
او طالعة وياه مكان والمكان مو مناسب اني ارضعه طبيعي

فيعني ما بنستغني عن الصناعي من وجهة نظري

.
.

اهلين رغيدة الحمدلله انتي شخبارش؟

هلا دريم حبيبتي شخبارك ياقلبي

وشخبارك بقايا حلم

صح السانش للطوارئ فقط

بس لازم يتعودون حتى لو رضعه في اليوم