تجمعنا الرابع لشهر اكتوبر 2010

مرحبا للجميــــــــــــــــــــع

والف حمد لله على سلامتك نور وتتهني يا رب بالمشتريات وعقبال ما تجهزين مشتريات البيبي ويوصل بحصه وسلامه ..

ورده يا بعد جبدي والله دمعت عيوني قسم بالله

ما اتحمل اللي احبهم يتعذبون .. اعرف ان الصعوبة في اتخاذ القرار عذاب وخصوصا قرار مثل هذا ..

حبيبتي .. انتين ادرى بزوجش وتعرفينه اكثر وحده ،، يمكن تفهمينه اكثر مما هو يفهم روحه ..

عشان جذي اقول لج محد يقدر يتخذ هالقرار غيرج انتي ..

اتوقع انه في الاخير بيترك الخيار لج لان ما يبي يظلمج ويكون قاسي عليج وما تنسينها له مهما تعبتي بتقولي منه ،،

بيترك الخيار لج وانتي لو اخترتي راحتج هو صح بيتأثر على فراقج وفراق ولده ويمكن تجيه انتكاسه لان يحس ان البيبي خذاج منه وهذا الاحساس يجي معظم الازواج لما تولد زوجاتهم ،،

فما بالج بظرفج انتي !!

ولو اخترتيه ورجعتي معاه ،،

وفضلتيه على نفسج بتكبري بعيونه وقلبه ورح يحس ان لو مهما سوى لج بعد مقصر ..

هذي وجهة نظري البسيطه ،، على فكره .. انا محللة نفسية يعني يمكن افيدج ولو بشي بسيط ..


باقي البنوتات وش اخباركم وشمسويين ،،

طمنونا عليكم

بنات انا زوجي رافض جملة وتفصيلا اني اجهز من البحرين .. انزين وين اروح اجهز يقول اختاري السعوديه او الكويت انزين وانا ما اعرف مكان كشخه ويبيض الوجه هناك ..

الكويت ما اعتقد اروح لاني ما اقدر على الطائرة في الحمل بس السعوديه احتمال لان بالسياره وقريبة وايد منا ..

ان شاء الله حوامل السعوديه يفيدوني ،، ابي مكان كبير ما اقدر افترررر في الاسواق كلها ومن كل قطر اغنيه ،، يعني مره وحده آخذ على الاقل اكبر قدر ممكن من التجهيزات ..

اهلين مسوزه

زوجي ما يحب لتفرفر في الاسواق واسواق البحرين غالبا من كل مكان خيط << على قولته

يبي نروح مكان واحد كبير وآخذ منه كل شي بجاماتي وثياب للبيبي وسلته وقماطات يعني هذي الاشياء ،،

بس لفراشات طبعا باخذهم من البحرين وبعد متحيره من وين

شكلي بطلع فرارة لثياب في لفراش خخخخ

سلامات مسز اني بعد هالايام زايد ترجيعي

حالتي حاله حتى الحبوب ما يفيد

سوري مسز كنت اسولف وياش بس عمتي يت عندي شوي وقمت ليها ..

اممم والله مادري الهرم ساعات ييبون فلتات بس بعد مو لهناك ومو كل شي ينأخذ من عندهم

ناس قالوا لي بيبي هاوس وسألت عنه كذا وحده سعوديه قالوا حليووو واسعاره تقريبا مثل سنتر بوينت او اقل شويه بس اني اهم شي عندي اخلص بسرعه لان مو بس زوجي ما يحب السوق حتى اني ما احب اطولها وهي قصيره ..

ومهم كلش اني آخذ شي مرتب غالي او رخيص يهمني يكون مرتب ومريح وما اعتقد بحصل خياراتي هني في البحرين تعرفين مستوى بضايعنا واسعارنا ..

ما ادري هذا تحليلي للموضوع .. ويش تنصحيني انتين