تجمعنا الرابع لشهر اكتوبر 2010

رقة الورد;11905312:
مشكورين بنات على ردودكم ..شيؤؤخية ..لولو ..بريح حالي ع الاخر هاليومين واذا ما وقف بروح المستشفى ..


مسووزه ..وينك طليتي شوي ورحتي ..شخبارك وشخبار النونو ؟؟


الزنبق ..هلا وغلا تسلمين قلبي ع السؤال ..انا الحمد لله منيحة ..مبروك دخولك الرااابع ..وعقبال الولادة ..


بقايا حلم ..كيفك عسووله وكف نونوك ..؟؟


نوووووووور ..شفتي الكل ينتظرك يلا تعالي بلا تغلي ههههههههه ..

اورانج ..شخبارك وكيف النونو ؟؟


ام حسين ..انا توني بديت احس بحركة النونو بس خفيفة جدا ..ومرات قليلة بعد ..

مسز عادل;11905527:
رغيده

هلا و الله

بالعكس اني حسيت بالحركه في الرابع صدق خفيفه بس واضحه جداً اول كنت نهاية الثالث شاكه لأنها مثل الرفه بس في الرابع بينت عدل

شكلي فيني بنت خخخخ صدق بولدي اشوف ما تحرك بهالسرعه بس الحين غير و لاحظت الي فيهم بنات يقولون حسوا << غصب ابي اطلعها بنت ههههه

Noor M;11905580:

السلام عليكم ..

اكتب الرد و انا الابتسامة من الاذن للاذن خخخخخخخ .. جد جد فرحتوني باهتمامكم فيني ياربي .. الناس اللي حولي ما مهتمين كثركم .. بس امي الله يخليها ..

... مممممممم معرف ارد ع منو ولا منو .. كل وحده خجلتني بردها و اهتمامها .. تسلمون ما تقصروون ربي يوفقكم و يرزقكم باللي تتمنون و يفرح قلبكم مثل ما فرحتوا قلبي ..

.. واللي قالته بقايا صح .. وصلت من المستشفى منهد حيلي و نمت و قبل شوي صاحيه ..

..

احكي لكم صار

..

قمت ع الساعة 7 و رحت المركز 8 .. بعدها دخلت ع الدكتورة .. و كله ع بالي بس عشان الفحص و ارد البيت انام و ارد لهم موعدي الظهر .. بس قالت لي ان الجهاز جربان .. كانت فيني ضحكة تذكرت سالفة الافوكادو بالليل .. خخخ قلت بعد كل هذك الحشرة ما بيسون لي الفحص ..

.. المهم قلت لها زين بسوي التراساوند اللحين .. قالت لا ما يحتاج بس بنسمع النبض .. شو يااااااااااااااااااااني احباط .. بغيت اكفخها .. بس سكت ..

و ع فكرة هي مو دكتورتي اللي اراجع عندها .. هذك صار لها ضرف و ما جت ..

.. المهم يت تحط الجهاااااااااااااز .. تخيلوا بنات انا بروحي ريولي ما تشلني و قلبي طايح قبل لا ادخل .. و هالدكتورة الله يساااااااااااامحها بس .. زين ما وقفت لي قلبي .. يلست 10 دقايق .. حسيتهم عشر سنين .. تقول ما نبض .. و تعيد و تزيد تحط الجهاز ما تسمع .. خلاااااااااااااااص عاد قمت ابكي .. تقولي خلاص بحولك ع اللتراساوند و نشوف .. و قتها ما فهمت شي من اللي تقوله .. بس كنت ادعي ربي و انا ابكي .. و تذكرت رسووووله وايد كانت في بالي .. يوم انها تقول انهم ما لقوا النبض و كنت متفائله على امل ان يصير معي و يلقون النبض .. المهم اول ما سوت سونار .. الحمد لله لك يارب .. شافت النبض .. و البيبي نايم .. ياربي ما اقدر اوصف لكم شعوري .. كنت شوي و بقوم اسجد لله شكر مكاني .. بعدين طحت فيها طيحه .. قلت لها قبل تأكدي ولا تقولين للحامل ان النبض مافي .. و اخر شي طلع جهازها خربان مال النبض .. وطلعت شعوري ملخبط معرف شو اسوي ..

.. و بس .. وموعدي بعد اسبوع عشان الفحص .. بس اكثر شي بغير و بتابع في مستشفى ثاني .. و سلامتكم ..

.. الا صح من اللي صار لي .. حتى ما فكرت اسأل ولا اي شي عن جنس البيبي .. واصلا هي بس شافت النبض .. و سكرت الجهاز ..

.. احسن عشان ما اكون حالة شك بنت او ولد .. ع كلام رقة احسن ع الخامس عشان يكون واضح عدل ..

Noor M;11905798:

صح انا خلاص تقريبا تاريخ ولادتي تغير اكيد .. ع حسب كلام الدكتورة اليوم ..

يعني في اخر موعدين عطوني تاريخ الولادة 21/10 .. بس ما بغيره في القائمة لان 27 مميز ..

..

بس مممم اتوقع البنت هي اللي تتقدم في الحمل عن موعد الدورة و الولد هو اللي يتأخر عن موعد الدورة ..

.. مدري هالشي صح او لا ..

..

عروسه ناعمه;11905827:

لااااا نور

وش هلخيانه

اذا تقدم موعد ولادتك انا بولد روحي في نفس اليوم ما فيني ضل لحالي والكل يولد عني

Noor M;11905786:

تسلمين بقايا ع الاهتمام .. مشكوره ما تقصرين .. ايه والله ارتاح قلبي .. الحمد لله .. شعور مقدر اوصفه ..

.. الا صج بقايا بسألج كانكم سرقوا عنا اللؤلؤة السوداء .. :029:

عروسه ناعمه;11905925:

اموره انا اصلا ولادتي الاولى قدمت فيها 3 اسابيع

دلولةالبحرين;11905939:
بنات صج وين للولوة سوداء

دلولةالبحرين;11905963:
اميره حبيبتي بسالج انتي وين ساكنه بوظبي - بصادقج ماعندي صديقات بالامارات خخخخخ