مشكلة انفصال محتاجة لمساعدة

انا عمري 22 سنة

شهر 8 العام الماضي تم عقد قراني وخطوبتي يعني صار لي 8 اشهر

من ليلة عقد القران خطيبي ما تقرب مني ولا حتى لمس ايدي ولا حتى بادر بكلمة طالعة حلوة وبادر بالخروج بسرعة بحجة انه تعبان ومنهمك من حيث التجهيزات لحيت عليه بطريقة لطيفة للبقاء او حتى نطلع برى عشان نصور لكنه اصر على تعبه وقال الايام الجاية اكثر

وجات ليلة الخطوبة ونفس الشي مع انه جدام الناس كان طبيعي المهم قلت يمكن للحين مو متعود ويمكن مع الايام يتغير

كان جدام اهلي طبيعي يضحك يتغشمر ولافي شي

لما نطلع ما يحاول يسمك ايدي ولا حتى يذكر الكلمات البسيطة مثل وحشتيني ومن هالكلام وللعلم انا مو من الشخصيات اللي تحب المبالغة لكني كإنثى كنت اتضايق من هالوضع

ما يحبذ الاختلاء فيني ابدا ودائما يتحجج بالشغل والتعب

اهلي لاحظو ان الامر غرررررررررررررريب وكانو يسألون بكثرة ويتغطون علي لكني من اول مقابلتنا كان في اتفاق على خصوصية الاثنين فما حبيت هالشي يطلع منا احنا

حاولت اعاتبه بطريقة غير مباشرة ولطيفة لان حسيت صعب علي ان كبنت اقول هالاشياء

واستحيت اقول لاهلي شوفوه ما يبادر بأي طريقة كانت

نفسيتي كل يوم عن يوم كانت تتعب

المهم انه حدد موعد للزواج لكن امي وخالتي رفضو ووقفو بوجهي قالولي شلون راح تعيشين ببيت مع واحد حتى ما حاول يلمس ايدج مع العلم بوجود عقد فيما بينكم وضغطو علي بمصارحته

قمت لا انام ولا آكل

وبيوم انفجرت وصارحته قلت له هل انت مقتنع فيني جاوب طبعا قلت له هل تحبي قال لي اي ليش كل هالاسئلة قلت له احس في حاجز بينا انت حاطه ما اشوف اي مبادرة رومانسية منك حتى بكلمة او تعليق حلو رد علي انه ما مر بتجارب وان عنده نقص من ناحية التعبير وعدم القدرة على اخراج هالمشاعر بس بيحاول يتغير وبسوي كل شي ابيه وهالشي بيكون طالع من قلبه

المهم تقابلنا ورجع فتح الموضوع بالاشياء الللي ما تعجبني فيه ولما حاولت اذكره من ناحية المبادرة والتعابير سكتني بطريقة غير مباشرة قال اي اي فهمت عليج

بعدين طلب مني اروح اتغذى في بيتهم فطلبت منه نجلس بغرفته لكنه رفض ررررفض تاااااااااااااااااااااااااااااااااااام وقال لا نجلس بالمجلس عندنا قلت له ليش مب بغرفتك انا ما ابي اجلس فترة طويلة مع اهلك ابي اجلس معاك بغرفتك للخصوصية كونه قال بمصارحتنا انه يستحي يطول ببيتنا فقلت الوضع ببيتهم بيكون عادي

وكنت اطلب منه باستمرار نروح لبيتهم لكنه كان يتحجج بأن اهله مب بالبيت وطالعين وكأنه ما يبيني اروح بيتهم


وسألته اكثر من مرة ان كان متضايق من صارحتي له قال لا بالعكس المفروض الانسان يتقبل اخطاءه ويسمع لغيره وكان متحسف اني اجلت الزواج لاني قلت له لازم نعطي فرصة لبعض عشان اشوف تغيراتك وتتعود علي اكثر

وواجته ان كان شايف مني شي غلط او علي شي عشان اصلحه قال لا ابد مافيج شي غلط ولا شاف عليج شي

رحنا لبيتهم يوم ثاني وجلسنا بالمجلس عادي انتظرت منه كلمة مبادرة او حتى يلمس ايدي كنوع من انواع الدعم لدرجة اني مديت يدي بطريقة ملحوظة

بعدها تغدينا مع اهله بعدها طلعنا برى انتظرت منه شي لكن مافي فايدة ولاحظت عليه اتصاله مع اخوه غريب ويقوله اقولك بعدين اقولك بعدين

بعدها بيوم اتصل الظهر وسالته ان كان بالشغل لانه قالي لي ان باجر دوامه لكنه ما دوام واخذ اجازة مع انه نااااااااااااااااااااااااادرا اذا حتى تاخر عن شغله


وقال انه تعبان ومريض قلت له سلامات اكيد من الجو قال اي يمكن ويمكن اني تضايقت من كلامج لي قلت له ليش كلامي كان فيه شي قال لا بس كان جارح قلت له ليش ما صارحتني مع اني سألتك اكثر من خمس مرات وانت تقول لا مافي شي ضايقني

انا سويت شي قال لا مني انا انا

قلت له لما كنا ببيتكم ليش ما بادرت كونك قلت ببيتنا استحي قال كنت مريض وتعبان وانا هذي حياتي وهذا اسلوبي ويمكن اتغير ويمكن ما اتغير حتى بعد الزواج وحرام اظلمج معاي

قلت له شلون ما تتغير انا ابي افهم العيب مني ولا فيك قال فيني انا انا الغلطان

يمكن ما صار توافق او انسجام بينا وان التوافق يجي بالعشرة ببيت واحد وانت مب معاي ببيت واحد قلت له وليييييييييييييش ما قلت من البداية مع انك قعدت معاي اكثر من مرة وتناقشنا قبل العقد وانت من ليلة العقد ما حاولت حتى تقول كلمة حلوة

وطلبت منه يجي في الليل وهو كان مصر انه يجي بنفس وقت المكالمة لاني بروحي واهلي مب موجودين في البيت لكني اصريت على مجيئه في الليل

لما جا في الليل قلته قول اللي عندك قال ان مافي توافق او مافي مشاعر

انا هني انصدمت ما عرفت شنو ارد قلت له الحين جاي تقول هالكلام !!!!!!!!!!!!!!!!

قلت له لما تقصد توافق من اي ناحية الفكرية ولا الاجتماعية ولا المادية قال لا مب المادية اصلا مالها دخل علما بأن حالتي المادية احسن منه

قال لا الاجتماعية قلت له شلون قالي انتي جامدة ما احتويتيني قلت له فسرررررررررررررر اكثر قالي يعني ما تقعدين في بيتنا واطلع وانتي قاعدة في بيتنا قلت له
انت اللي ما توديني وانا طلبت منك اكثر من مرة وانت كنت تتهرب سكت وما رد علي

وقلت له شلون جامدة ؟؟؟؟؟؟؟؟؟؟؟؟؟؟؟ اذا انت حتى ما تعبر بكلمة حلوة تبيني انا اقولك وارمي نفسي عليك

قلت له ليش لما صارحتك قلت لي احبج ليشششششششششششش جذبت علي ليش ما قلت وهذا انت تقول عن نفسك صريح وواضح ؟؟؟؟؟؟؟؟؟؟؟؟؟؟؟؟؟؟؟؟؟؟؟

قام يردد انا قلت انا قلت

المهم قلت له شتبي انا ما ابي اعيش مع واحد ما يحترمني ولا يقدرني ويكرهني قالي لا انا ما اكرهج اصلا من جاب طاري الكره

قال ننفصل احسن وكل واحد يروح بطريقه قلت له عن اذنك لحظة وناديت امي كون ابوي للحين ما رجع للبيت

المهم امي دخلت وقال له شصاير قال انا صارحت ... فلانة اني مافي مشاعر بينا قالت له امي توك الحين الحين تقول انا بنتي قالت لي كل شي بس انت ليش سكت ولو هي ما صارحتك كنت بتسكت وبتتزوج بنتي وهو يقول انا مني الغلطان

بنتكم ادب واخلاق وجمال وكل شي بس انا العيب مني انا الغلطان

لما وصل ابوي قال له آمر شتبي قال انا فهمت البنت وامها عن الموضوع وكذا وكذا

ابوي استغررررررررررررررررررررب وقال له الحين توك تقول لييييييييييييش ما قلت من زمان

قال انا قلت احاول واحاول واختبر نفسي ومشاعري بهالعلاقة

ابوي وامي عصبو وقالوله تحب تختبر نفسك مع بنات الناس والبنت الحين بتصير بحكم المطلقة بسببك انت

قال عادي والامر كله تجربة


انا انهرررررررررررررررت داخليا وحسيت بانكسار

احاول اطع جدام اهلي اني قوية وما همني الموضوع حتى اني ما بجيت لكني مكسوووووووووووووورة ودموعي داخل بقلبي

بالبداية اهلي شكو ان الرجال مب طبيعي او فيه نقص وحاول يغطيه بالزواج واحيانا مقتنعين بكلامه ان ما حبني

وبالدقيقة ما اشوف هالكلمة واحس بنظرات الحزن والشفقة من كل اهلي

صرت اكره شي اسمه زواج او التفكير فيه وافكر لو صار نصيب بعدين ممكن يخدعني بهالطريقة ممكن يكون جدامني بوجه وراي بوجه ثاني شلوووووووووووووووووووووون اصدقه شلون احس اني مب ناقصة او محبوبة

انا تعبانة ما انام ولا اكل واربع وعشرين ساعة افكر بيني وبين نفسي مع اني طالعة قوية جدامهم بس مب عارفة شلون اواجه الناس خصوصا انه قاعد يفهمهم انه هو اللي ما حبني