بنات أبي أفضفض أنا تعبانه

مااقول الله يكون في عونك بس بااسال كيف طلعتي الرقم السري انا زوجي برضوه حط رقم سري وطلبته عيا يعطينه اذا عندك طريقه تطلعين فيها الرقم السري قوليلي او اي احد من الاخوات تقلي الله يعطيكم العافيه انا في انتظاركم:065:

شوفي اختي هالمشاكل انا مريت فيها ما اكذب عليك من جد

عن الشيشه متقبله الامر عشان هو يدخن وحاولت معاه كذا مرة بس ما طاع
الخوف على صدره وخسارته مش عشان شي ثاني

عن الصور كان له صديق ( شر الصديق ) يرسل له هالاشياء والحمدلله من الله انقطعت علاقتهم ببعض
وما صار يرسل بس منزل برنامج متى ما لعب ابليس براسه قام ينزل هالاشياء وانا شي طبيعي امسحهم
واقوله ما تعرف انه هذا حرام من دون لا اتناقش وياه

ثالث شي عن اضافه البنات والتعارف هم بعد صارت بس اعترف بتقصير مني انا
مش منه هو وبطبع الرجال ان جاه تقصير من الحرمه يلعب ابليس براسه ويسوي هالاشياء
طبعا صار بيننا مواجهه ونقاش ونفسيه بس الحمدلله عدت على خير
واعترف لي باللي سواه طبعاً ما بمسك عليه لأنه صار من كم شهر
لو بالشهور الحاليه جان ما كلمته اساساً

فـ انتي حاولي تجلسين معاه .. صارحيه .. قولي له يا فلان لو بيوم من الايام تفكير انك تخونني او تلعب من وراي !

انا كنت ابحث بسجل محادثاته وهو جنبي كان وانصدمت يوم شفت محادثاته مع بنت صار لهم اسبوع مع بعض
بشهر يناير وسالته هالسؤال على طول اختبص ويهه ومسك اللاب توب
وانا رحت المجلس وسكرت علي الباب بس عشان ما تنزل مني دمعه والحمدلله عدت بعد مناقشه
ووريته المحادثة وانكر

فـ انتي ما عليك الا تجلسين معاه وتصارحينه بس لا تقولين عندك الباسورد
اساليه هذا السؤال وشوفي كيف ردة فعله
شوفي وجهه كيف يصير وناقشيه بهدوء جداً
قوي قلبك .. انا قويته يوم عرفت وما بكيت قدامه عشان ما يقول بنفسه اني ضعيفه

وربي يوفقك ان شاء الله

الله يهديه يارب ويسخره لج

حبيبتى حاولى تبدا مع نفسك بشوش وفكر وادعله باالهدايه حطى له اشرطه اسلميه والله رح يتغير

اختتي زوجك احسسه قوووي ومايررده ششي فانتي اسستخدمي كيد النساااء وغيري باسوورد امييله وسوي روحج حلماانة انه كان يسوي شي من ورااج او ان الله بحاااسبه وبعدييين هل شي ضاع منه واانه خييرة ما يرجع يسوي الحركة وربي يوفققج

الله يهدي زوجج يارب

صعب اقولك شو رح اسوي لو كنت بمكانك لأن ردة الفعل غيــر بالواقـع..!

بس بقولك شاللي احسه مناسب انك تسويه

لما يرد من الدوام يكون تعبان فخليه يروق ويرتاح وتحسي مزاجه مناسب

جلسي معاه وسولفي عااادي

وشوي شوي افتحي السالفة

اسأليه شكثر تحبني؟

تتوقع انك تقدر تخونني في يوم؟

قوليله بصراحة ما اتخيل انك تقدر تخونني وتخييب ظني فيك

وقوليله اسامح كل شي ولا الخيانة

ومن هالكلام,,شوفي ع حسب ردوده

استخدمي اسلوب التهديد اللطيف

يعني هدديه بالهداوة مو بالصراخ فهمتي علي حبيبتي؟

الله يعينك

بنات أشكركم على وقفتكم معي وأنا إستخدمت معه أسلوب التهديد اللطيف

وجلست معه سألته إن كان يحبني ورد علي بأنه يحبني

وسألته عن الخيانه كذب علي وقال بأنه ما يخوني

وسألته هل أنا مقصره معه رد علي لا وإذا كنت مقصره راح يقولي على طول

بس ما فتح معه الموضوع الأساسي

بس اليوم سحبت كل المحادثات إلي صارت معه ومع البنات علشان أوريه إني عارفه بإلي يدور من وراي

ناوية أعطيه الأوراق إلي سحبته فالبيت علشان أشوف وجهه كيف بيصير وشو بيكذب علي هذه المره

أنا تعبانه بجد تصدقو لدرجة يسأل البنات الصايعات الليلة بكم وعطيني رقم حسابك علشان أرسلك المبلغ وكيف بنلتقي

ورقمه معطيه لكل وحده

والله أمس طلبت منه يحولي رصيد أريد أشوف كم بيحولي تصدقو بأنه حولي 300 بيسة فقط رفض حتى يرسلي ريال

وأنا عصبت وغيري يطلب ويقوللهم أفا عليكي

كارهه أشوفه بس من داخلي أنا أحبه

كرامتي ما تسمحلي أسكت على إلي يسويه معي كل مره ناوية أخليه شو رأيكم

مع العلم إنه عندي طفل عمره سنه وشهر وهذا إلي محيرني

بس أريده يتعلم وأنا أحسه ما يتعلم كل مره طالعلي بشيء

الله يعينك بس باين ان زوجك مايرد شي! ومانقدر نقول لو لمستي احساسه ممكن يتغير
لاتعليق عندي لان لو كنت مكانك مستحيل اقبل بهذا الوضع واستمر معاه
بصراحة فكي نفسك وربك راح يعوضك باللي احسن منه باذن الله
لان الطلاق افضل من ان ولدك يتربى في هذا الجو
صدقيني ماهو كفو يكون قدوة لابنك في المستقبل
ابعدي نفسك عن هذا الوضع اللي مايتحمل
واكثري من الاستغفار والدعاء بان الله يهديه ويصلحه ويبعد عنه اصحاب السوء
وتصدقي بمبلغ للفقارة وادعي ربك

موفقة

خيو عندي لش فكرة ليش ما تراسلينه وبعدين تكشفين له نفسش خليه ينصدم من اللي قاعد اسويه

الله ايعينج وايصبر عليج ان شاء الله ايتوب من هذي الاشياء اميييييييييييين

لاحول ولاقوة الا بالله
الله ياخذ بنات ابليس اللي لاعبين بعقله
الله يهديه يارب ويسخره لج

الله يهديه

عُمـانية وأفتخر;11780319:
بنات أشكركم على وقفتكم معي وأنا إستخدمت معه أسلوب التهديد اللطيف

وجلست معه سألته إن كان يحبني ورد علي بأنه يحبني

وسألته عن الخيانه كذب علي وقال بأنه ما يخوني

وسألته هل أنا مقصره معه رد علي لا وإذا كنت مقصره راح يقولي على طول

بس ما فتح معه الموضوع الأساسي

بس اليوم سحبت كل المحادثات إلي صارت معه ومع البنات علشان أوريه إني عارفه بإلي يدور من وراي

ناوية أعطيه الأوراق إلي سحبته فالبيت علشان أشوف وجهه كيف بيصير وشو بيكذب علي هذه المره

أنا تعبانه بجد تصدقو لدرجة يسأل البنات الصايعات الليلة بكم وعطيني رقم حسابك علشان أرسلك المبلغ وكيف بنلتقي

ورقمه معطيه لكل وحده

والله أمس طلبت منه يحولي رصيد أريد أشوف كم بيحولي تصدقو بأنه حولي 300 بيسة فقط رفض حتى يرسلي ريال

وأنا عصبت وغيري يطلب ويقوللهم أفا عليكي

كارهه أشوفه بس من داخلي أنا أحبه

كرامتي ما تسمحلي أسكت على إلي يسويه معي كل مره ناوية أخليه شو رأيكم

مع العلم إنه عندي طفل عمره سنه وشهر وهذا إلي محيرني

بس أريده يتعلم وأنا أحسه ما يتعلم كل مره طالعلي بشيء

وريه المحادثات وقولي له هذا شنو بالضبط!!
وما في احد يرضى بالخيانه
وانا مو مقصره معاك بشي وانت اعترفت بهالشي قدامي
شنو سبب الخيانه ! لا وبالحرام بعد !

لا تسكتين عنه
بس لا تجيبينها بصراخ .. كل شي بالهداوة
ترى ما ينفع الصراخ بذي المواقف ابد

الله يكون في عونج ادي انه الله يهديه ويرجع لج شرات ماكان لج قبل

الله يسآعدك حبيبتي ..
مآأقـول الا الله يهـديه ويسخـره لك ..

الله يهدي الجميع