كل وحده اتقولنا كيف انخطبت واتزوجت

:clap:قصصكم كلها حلوه
خصوصا ام جود ....لاتنسيني من دعائك وكل البنات
قلب المسافر الله يجمعك مع اللي تبين يارب في الدنيا والاخره وياريت تكتبين لنا ادا تم الموضوع احنا في انتظارك
تحياتي ..
:z_clap:

السلام عليكم.. بنات..

سوالفكم حلوة وما تنمل...:clap:
وإذا عني أنا..
أنا والحمد لله على قدر عالي من الجمال...:cool2:
وكانوا الحريم كل ما شافوني في عرس.. يسألوني.. انت من..؟ وبنت من..؟ شو يصيرلك المعرس..؟ شو تصير لك العروس..؟ ومن هالأسئلة..!
لأني كنت دبة.. (يعني متينة..!) والعيايز (يموتون ) في المتان..

وكل مرة.. كنت أرد اللي يخطبوني.. وبدون سبب!!!!

ليما كلمتني أم زوجي في ملكة خالتي..
يعني بالعربي.. زوجي يصير أخو ربيع ريل خالتي..:D2

وهو الوحيد اللي شفته.. يعني الباقين كنت أردهم بدون ما أشوفهم أو أسأل عنهم..

وما أعرف ليش وافقت عليه هو بالذات..!
يعني مب هالقد وسيم..وأكبر مني 8 سنوات.. و سوالفه يوم شافني كانت (بايخة) بعض الشيء..! بس عذرته لأنه كان مرتبك ومبهور(بجمالي طبعاً).. يعني شكله:eek2:
وتمينا مالكين سنة..وتزوجنا من سنتين..

وسبحان الله..والحمد لله..
على فكرة الحين يلمح لي إني دبة!!!!!!!!:D2

الله يهنيكم ويرزق البنات (أزواج) بمثل طيبته وبراءة قلبه..

السلام عليكم ورحمة الله وبركاته

بصراحة انا قصتي غريبة جدا

زوجي كان احد اصدقائي بالانترنت ال اي ار سي من 4 سنوات او اكثر

كنت اكلمه ك اخ لا اكثر وهو تعلق فيني و كل يوم يرسلي 6 الى 7

ايميلات ما كنت اهتم و مع كثر الحاحه التفت له و صرت اراساله ايميلات

بعدين طلع رفيجة اخو رفيجتي و شجعتني اكلمه بالتليفون

لان اخلاقه وايد عالية و كلمته سنتين حب طاهر و صادق

و اول ما توظف خطبني لكن الفروق الاجتماعية حالت بيننا

ولكن دعواتي و دعواته جعلت اهلي يوافقون عليه

وكذلك اخلاقه العالية و الحمدلله والدي متفهم قابله قبل ان يوافق

وتمت الزواج والحمد لله والان لنا سنتين و لدي بنت اموره الكادي
ثمره حبنا .

والحمدلله كل ليله اضع رأسي على المخده اقول الحمد لله يارب

اللهم ارزق من لم تتزرج بالزوج الصالح اللهم امين

ادعولي بالتوفيق و صفوا قلوبكم فالله يرزق الصادقين الطيبين

اسفه على الاطاله

:clap: :clap: :clap: :clap: :clap:

:clap: :clap: :clap: :clap: :clap:

:clap: :clap: :clap: :clap: :clap:

يسلام عليكم وعلى قصصكم .. الصراحة انا زوجي ما يقربلي ابد لا من بعيد ولا من قريب حتى اهلي يعرفون اهله من زمان بس العلاقة مقطوعة بينهم كل واحد لاهي في دنياه .. فأختكم دايم كانت تتعدل وتتزين وتروح مع امها واخواتها المناسبات علشان تنخطب .. (( اللغاثة واصلة حدها )) بس ماحد يعطيني وية (( مش لهذي الدرجة انا حلوة بس ما يصير نصيب )) ففي يوم انا كنت متتملله من القعدة في البيت .. وزوجت اخوي معزومة عند وحدة صديقتها .. فقالتلي شورايك اتروحين معاية .. والله ثم والله اني رحت علشاني ملانة مش علشان انخطب .. وفي العزيمة سلمت على كل الموجودين الا وحدة طوفتها مادري ليش ما سلمت عليها .. وكانت زوجت اخو الي عازمتنا .. فحطت عينها علية .. واليوم الثاني .. جتني مرت اخوي وقالتلي والله زوجت اخو صديقتي تريد تخطبك الاخوها .. قلتلها الشور عند ابوي وامي (( مسوية روحها الاخت عادي عندا السالفة الا فرحت وجنيت بعد )) وبعد اسبوع جت امة تخطبني والسبوع الي بعدة جا هو وعمه واخوانه يقابلون ابوي .. ومافي كلام شهرين ونص الا وانا في بيتهم .. والحمد لله على هذا الزوج ما جا مثل ما ابي بس والله مرتاحة معاه .. والحين صدقت المثل الي يقول الرزق يبيله غفلة ..


:smile::smile::smile:

قريت كل رد في الموضوع لأني أحب هالقصص واجد :shy: و اللي لفت نظري إن الكثير من الأخوات مرتبطين بأقارب اليهم ،،

أني أقدر اقول عن نفسي اني محجوزة عن حب :cool2:
كنت ارفض كل شخص يتقدم لي لأن فكري مشغول بشخص واحد بس ،، و الحمدلله الحين تقدم لي و أهلي وافقوا عليه لأنه انسان ما يتعيب و اخلاقه عالية :up:

و الملجة راح تكون بعد سنة ان شاااااااء الله لين ما نتخرج من الجامعة ،، دعواتكم لنا ، و خاصة الأخت أم جود ترى قصتج يا أختي عطتني الكثير من الأمل و على فكرة اني بعد حجيت و دعيت ربي انه يجمعني في الحلال مع الانسان اللي حبيته و يسهل أمورنا .

و الله يهني كل متزوجة و يتمم على كل مخطوبة بالخير و يرزق كل بنت بالزوج الصالح ياااااارب.

السلام عليكم ورحمة الله وبركاته ...
الصراحه الموضوع وايد حلو وحبيت اشارك فيه ...
وقصتي بالزواج الله يسلمكم اوي طريفه :)

أمي الله يحفظها وخالتي <-- أم زوجي ، كانوا مع بعض مدرسات بنفس المدرسه ... و أم زوجي كانت مدرستني سنتين تربيه فنيه ...

المهم وأم زوجي وصت أمي وقالت لها دوريلي بنيه حق ولدي اللي اهو زوجي وامي قالت لها من عيوني لأني صغيرة وايد ومحد يه على باله ...

المهم وقامت امي تخطب حق زوجي :( وتدورله بنت حلال وانه اذكر اني كنت اساعدها بعد وافكر معاها

ليييييي في يوم من الايام شافتني أم زوجي بعد فترة وقالت ماشالله كبرتي بسرعه ... واستانست عليييي

وصار اللي صار والحمدلله تم كل شي على خير مع العلم اني الحين عمري 17 سنه وريلي عمره 26 سنه ... بس هذا اهو القسمه والنصيب

:shy::shy::shy::shy::shy::shy::shy::shy::shy::shy::shy::shy::shy::shy:

انا كنت رافضة فكرة الزواج لحد ما جا شاب وسيييم يخطبني وغصبوني اهلي عليه لأنه شاب ملتزم............واقلهم جزاكم الله خير يا أهلي والحمد لله على هذة النعمة:shy:

:o

احم احم طبعا هاي اول مشاركه لي وعجبني الموضوع وايد

:up: مبروووووووووووك لكل المزوجين واللي ما حالفها الحظ انشاء الله نصيبها بي قريب

انا بالصدفه وبدون اي سابق انزار تقدم لي شخص ما اعرفه لا يقربلي ولا اقربله ...........شافني مره في المستشفى وتم فتره يسال عني وعن اهلي وسبحان الله وبدون اي سابق انذار صار كل شي وانا اللحن مالجه وان شاء الله زواجي قريب

بس انتوا ادعولي بالتوفيق وان شاء الله عقبال الكل يا رب

تحياتي لكم

هيميان

الله يهنيكم ويسعدكم ان شاءالله...

انا ماني مخطوبه.....:cry: :cry: :cry:

احس ان ذا كله من امي وابوي...عندهم اني صغيرة مايبون....:cry:

ولا يعلموني عن إلي خطبوني ولا إلي يبوني....:mad2:

وأصلاً ولا مره امي جابتلي فيه موضوع زواج او خطبه..... أبــــــــــــــــــــــــــــــــــــــــــــــــــــــــــــــــــــــــــــــــــــد.................!:confused::confused::confused::confused:

مع العلم اني ماني صغيرة.......:confused::confused::confused:

عمري 19...............:sad:


>>>ربنا هب لنا من أزواجنا وذرياتنا قرة أعين واجعلنا للمتقين إماما<<<


:flower:

اما قصة زواجى ينفع يكون فيلم
اولا هو من معارفنا وصديق ابن خالى
وكنا فى اجازة الصيف فى لندن وساكنين فى بنايتين متقابلين وكانت اخته الصغيرة تزور اختى وترجع تطفر اهلها من كثر ماتمدح فى شعرى اللى كان طويل وغليظ (عليه العوض) وهو يسمع
وفى مرة رحنا مع قريباته الى الملاهى واحنا راجعين ننتظر التاكسي راحو كل مجموعة مع اخ لهم وبقيت مع اختى وبنت عمتى واخوها الصغير لوحدنا وتاخر التاكسى فشافنا فطلب منا نمشى لحد البيت لانه قريب وهو يرافقنا لان الوقت تاخر فمشى امامنا ووقف عند محل اشترالنا شاورما تركى وبيبسى وهو يقدم لى وانا ارفض مستحية الين ما اصرت بنت عمتى اخذه واحنا ماشين لقيت اول زبالة ورميته حسبالى ماشاف وقالى بعد الخطوبة انه شاف لكن ما بغا يحرجنى
انا كنت فى هالفترة فى ثانى ثانوي ومخطوبة لاحد من اهلى وما كنت مهتمة به
ولما رجعنا البلاد عرف انى مخطوبة فسكت عن الموضوع وخطوبتى انفسخت بعد سنة وهو لايدرى وبعدسنتين عرف وشافنى ادخل لبيت خالى وهو واقف عند الباب مع ولد خالى وتذكر وسأله وتقدم لى وكان متقدم لى شخص اخر بنفس الوقت لكن اول ما قالولى عنه نسيت الثانى
كأن الله مسخر لى خصوصا بعد ما سألت بنت خالى عنه قالت لو اتقدملى بتزوجه من غير تفكير فقبلت فيه والحمدلله اتوفقت
ولما سألته ليش اختارنى من بين قريباته واهلى اللى كانو معاى فى السفر وكلهم غير مخطوبين قاللى لانك انتى الوحيده كنت متحجبة بينهم فانتى كنت الاصيلة وهاى كلمة اعتز بها لحد اليوم والآن مر على زواجى ما شاء الله عشر سنين

الصرااااااااااااااااحه يا بناااااااااااات احرجتوني ابردودكن وفرحتوني ابقصصكن الحلوه


الله يوفقكن

اختكن: امسح الدمعـــه :shy:

انا ان شاءالله لين انخطبت راح اقولكم...:bigsmile:

عاد ان شاءالله الموضوع يكون موجود وقتها...:down:


هههههه

الموضوع حلو ولكن انا يقولون لي كبرتي وراحت عليج مع اني والله حلوة:confused:

السلام عليكم ورحمة الله وبركاته

اختي في الله (فيمتو) الله يرزقك الزوج الصالح إلي تمنينه ان شاءالله...
أكثري من الدعاء في هذا الشهر الفضيل...:up:

وان شاءالله كلها كم يوم واتجين اتعلمينا بقصت خطوبتك...
آميــــــن:D2

وعليكم السلام ورحمة الله وبركاته

:cool2:

مبرووووووووك للمتزوجات و المخطوبات والله يهنيكم ويرزقكم بالذرية الصالحة

اما بالنسبة لي انا مرة بغى يخطبني واحد العام الللي طاف و كانت بنت عمتي الخطابة ويومها انا كنت مستانسة و يوم اتصلت بم\نت عمتي في امي وقالت لها انها تبي تخطبني لولد خالتها ساعتها تمييييييييت اصيح ما ابي اتزوج الحين توني صغيرة و هو مستعيل يبي يملج و يعرس عقب ما اخلص هاي السنة قتله بتتريا 5 سنين اوكي ولا لا والحمدلله ما خذنا بعض مع انه شاب خلوق ودين بس مشكلته امه شرانية بشكل فظيع واخر شي يوم قتله لا راح يخطب بنت عمي وبعد رفضته واخر شي عرس هاك الشهر اللي طاف

وسلامتكم

وانشالله بقولكم سوالفي المرة اليايه :up:

bonbona
سبحان اللة الوحدة ما تتدري وين النصيب:up:

:clap::clap:

ماشاء الله عليكم

كل قصه اروع من الثانيه


ادعو لي يابنات انخطب واتزوج

وتنفك عقدتي :confused::cry: :cry:

:shy: اما انا بصراحه يعني تعرفت على زوجي من النت وعقب شفنا بعض هم في النت عجبني وعجبته وهو من دوله خليجيه وزار اهلي وخطبني منهم وابوي والحمدالله مب من النوع الي امممممممم :down: على طول وافق طبعا بعد موافقتي وفي الزياره الثانيه تزوجنا ولكن قبل الزواج والخطبه كنا نعرف بعض من سنه وكل واحد فينا درس الثاني وتاكد ان الحب متبادل بين الطرفين فبعدين تم الزواج على بركت الله وسافرنا لشهر العسل مع ان مدة السفر كانت اسبوعين تقريبا بس والله كانت اسعد ايام حياتي :smile:

ولازم اكمل دراستي .....


ولكن لااأنصح ولا أشجع زواج الانترنت >>> شنو اللي يضمنلج ان هذا الشخص مش لعوب وانه لايعرف 500 وحده غيرج والعكس صحيح بالنسبة لك ... وكلكم تعرفون رأي الدين في هذا الموضوع

يعني اللي تزوجوا عن طريق الانترنت اتحدى وحده تقولي انها كلمت رجال واحد في حياتها وثاني يوم جا خطبها....شغلة مستحيلة...

واعتقد ان(( ذات الدين )) اللي وصى عليها رسول الله صلى الله عليه وسلم...لاتوجد على النت تكلم شباب....وليس فقط الانترنت بل هناك وسائل ثانية الكل يعرفها ايضا مشبوهة

اتقوا الله يااابنات عشان الله يوفقكم بالزوج الصالح والذرية الصالحة