مشكلتى غريبة! لكن عصيبة

السلام عليكم ورحة الله وبركاته

وحشتونى يابنات يارب تكونوا جميعاً بخير
أنا حبيت أضع موضوعى هنا فى ركن القضايا والحلول لأنى حسيت منكم التعاون والتعاون على حل مشاكل العضوات ربنا يفك كربنا جميعاً

يابنات أنا مشكلتى هى نحافتى
أنا نحيفة وضعيفة وعندى أنيميا ونقص بالحديد وفقر دم وعظامى ضعيفة وظهرى فقراته ابتدت تنحرف عن مسارها الطبيعى انا ذهبت لدكاترة كتير وكان تشخيصهم أن السوء الغذا هو السبب
وأعطونى فيتامينات وقالولى الأهم من العلاج الأكل
يابنات أنا دائما شهيتى مقفولة ومهما أخدت فواتح شهية مفيش فايدة وكمان انا عصبية وبفكر كتير .. وفقدت ثقتى فى نفسى لأن أهل زوجى دايماً يتلمزوا عليا ويتكلموا عليا معاه ويكرهوه فى شكل جسمى النحيف وهو بسم الله ما شاء الله وسيم وأمور ما شاء الله ومشدود ودايما البنات تعاكسه حتى وانا ماشيه معاه
المهم زوجى مسافر بقاله سنة وهيرجع إن شاء الله كمان شهر ومأكد عليا إنه عايز يرجع يلاقينى (بطــه) وملفوفة وياما بعتلى مبالغ عشان اعالج نفسى واغذى نفسى كويس
أنا من شهر تقريبا نويت وبإرادة إنى هتخن يعنى هتخن وزدت فعلا كم كيلو ووشى دور وكنت فى طريقى للأمام لكن إتكلمت كتير قدام الناس والله أعلم إتنظرت فى إرادتى وأكلى واللا أنا اللى إرادتى فرملت!
يابنات أنا الآن نفسيتى وحشه جدا وشهيتى اتقفلت تماما والاييام بتجرى وهو قرب يجى (يجى بالسلامة يارب) وأنا عماله أنشف وجسمى كش وكرمش من الرفع أستغففففففففففر الله انا مش عارفة أعمل اييييييييه بفكر أخد كورتيزون لأن هو الاسرع بالنسبة لى دلوقتى إنتوا ايه رايكم مفيش حل قدامى غير كده يابنات إدعولى ارجوكم لأن رفعى متسبب كمان تأخر الحمل :091:

إدعولى يابنات واعطونى حلول بالله عليكم اقفوا جنبى نفسيتى فى الأرض