بنات الدوحة رأيكم في مستشفي الأهلي؟؟؟؟

انا اتابع في مستشفى الولاده الحكومي .. وما احب اتابع برع لان ناوية اولد في الولاده .. عشان كذا ما ابي اروح اكثر من مكان ..

بعدين يعتمد انتي في اي اسبوع الحين .. يعني في البدايه تتابعين في المركز الصحي الي في منطقتكم .. بعدين على القامن تقريبا يحولونج مستشفى الولاده ..

انآ ولدت في حمد ولدت فالاهلي والحين حآمل ومافكر اولد الا فالاهلي
بصرآحه اهتمآم ونظآفه وكل شي لانج بفلوسج طبعآ بس في حمد
استغفر الله شفت الويل عندهم والاهمآل

ان شاءالله تولدين بالسلامة انا كنت جديدة في قطر مثلج والكل مدح لي مستشفى حمد الحكومي ورحت له موعدين لما كنت في الثامن ومارتحت له على الاخر بصراحه كل ماروح له احس بضيقة وارجع وانتي بكرامه ومنها غيرت وتابعت في الاهلي وولدت فيه صج اهتمام ورعاية وسمعت كلام وايد عنه بس انا اعتبرها اشاعات لانه مو خبر اكيد ولو كان اكيد كل شي قضاء وقدر والحمدلله اهو مستشفى متكامل بس للامانة احس يعتنون بالام اكثر من البيبي بعكس مستشفى حمد .. وانا ولدت من سنة تقريبا بس بعملية قيصرية لانه نشف ماي البيبي ورتفعت حرارتي ومرت حماي ولدت فيه بعد من شهرين طبيعي وكانت وايد مرتاحه الحمدلله واللي كانت معاها في الولادة النرس وايد زينة اسمها اعتقد ليلى جزائرية والله يسهل عليج