اخواتي ساعدوني بدئت أضيع

السلام عليكم

بنــات أنا قبل فتره كتبت ليا كم موضوع أشكي فيه عن آسايا وحزني

والحمدلله ماقصرتوا و وقتها كنت أحس بالراحه والأمان أحس بالحياهـ و بهجة الحياهـ ياالله ايش كانت أيام حلوه معاكم ولأنو فترة مادخلت المنتدى أحس اتغيرت فيا اشياء كتيره ...

والله يابنات اتغيرت وانا من غير النصايح اضيييع من أول حابه اكتب دا الموضوع بس متردده .. والله يا أخواتي أنا أحبكم وبجد محتاجتكم كل ثانيه اضيع فيها ...

يابنات ساعدوني ابى أكون قريبه من ربي بس في شيطان غلاب من كتر مااسمع أغاني ماعاد سرت أصلي بنات ابى اصلي ابى اصلي و كل مااتذكر حالتي ادعي ربي يهديني في الصلاهـ وكل مااقول ابى استغفر ودحين اجيب السبحه واستغفر امكن ربي يطهر قلبي بس برضو اقوول بعدين ايش ورانا وكل شويه اقول لربي من بكرا بصلي بس هادي الحاله استمرت كتــير ..


وبعدين بدئت افسق شويه بسبب بعدي عن ربي ..سرت أكلم ولد واحد وماابى غيرو لأني حبيتو .. لين دحين ماقابلتوا ولاشي بس مخططه نتقابل يوم المهم الهرجه وصلت للجوال .. ويعني في مجال انقذ نفسي .. واعرف انو السبب الاوفى هو بعدي عن ربي ..

وبعدين كنت اذاااكر كتير واشد حيللي ودحين ماعاد سرت ازاكر مررره كسلت سار كل تفكيري في الولد الي حبيتو والولد الي بلعب عليه ..

ايوا ولد بلعب عليه الله يسامحني ولد اصغر مني بأربعه سنين يقربلي وهو صح يحبني و قريب اعترف عاد أنا قولت خليني اتسلى عليه ( الله يهديني ) ودحين علقتوا وبزياده وقال انا والله لو مو ليكي بنتحر و يبى يتزوجني دحين و بخطط للمستقبل وكلام وانا كل مالي احزن عليه بس الشيطان غلبني ومخليني اسكت على الموضوع ..و أنا الي يعجبني فيه صوتوا أحس نفسي اسمع صوت ولد .. ولأنو الولد الي احبوا ماكلمني الا مره وحده بالجوال وانا مرره زعلانه ..قلت اصبر نفسي بهادا الصغير ... وبذات انو هادا الصغير اضارب مع بنت خالي روزي عشانو وحبيت اقهر اهلو الي قهروني ..



والله يانااااس ضعت ضعت و في طريقي للمشاكل والضياع .. و أنا عارفه هادا الشي وماتصدقوا قدي ايش مبسووطه إني قدرت اكتب الموضوع ولا كنت مكسلة ..نفسي أعيش الحياه النضيفه العفيفه تاني كلو نفسي س ليش مااقدر وليش الشيطان غالبني وياليت تدعولي بالهدايا قبل مااروح فيها
( لا إلــه إلا أنت سبحانك إني كنت من الظالمين ) :032::032::032:
( استغفر الله استغفر الله استغفر الله )
(انقذني ياالله يا هادي يارحيم )