ابي اسبحهم وابي تساااااعدوني

حبيبتي .. عيالك باين ان الشهابه اللي فيهم من نقص التغذيه ..

انا ما اقول انك ما تأكلينهم .. لكن فيه اشياء لازم تحرصين عليها ..

ركزي ع الفواكه والخضار .. وحاولي قد ما تقدرين انهم يأكلون تمر على الريق .. لأنه هو أحسن حل لتعويض نقص الجسم ..

واذا كانوا يلعبون وقت العصر في الحوش حاولي تعطينهم عصير فواكه يشربونه وهم يلعبون .. زي ( نجديه - نادك ) القوارير الصغيره .. وبعد ما يلعبون غسلي لهم وبدلي لهم ودهني هم ..

ولا تروشينهم بماء يميل للحار .. خليه شوي فيه بروده .. لأن بشرة الاطفال حساسه ..

واستعملي لهم قبل الترويشه زيت لشعرهم أي نوع .. خليه اقل شي ساعه يجلس على شعرهم ..

ودهني اجسامهم بعد الترويش ..
واذا جاء وقت النوم قبل ما يلبسون البيجامات دهني يدينهم من فوق الى الكف .. ورجلينهم من الفخذ الى القدم .. ولا تنسين الوجه ..

واذا على سمارتهم هذي خلقة ربي .. انتي سوي اللي عليك وان شاءالله تشوفينهم احلى اطفال بالعالم ..

:025:

شوفي ادا اتحسين لونهم مو موحد واملح عليج بالحمام المغربي بتستغربين بس والله والله ان يفتح اللون وبالخصوص لو لونهم اتبقع من الشمس خليها بس مرة بالشهر او باالشهرين او حتى بالاعياد والمناسبات او اشتريلج صابون مغربي فرامز على دينار وحطيه فجسمهم وفركي بمفركة اتكون خشنة مو اسفنج ؟؟؟؟ فيه وحدة مال المصاروة بس ما اعرف شسمها هي مثل لخيوط مع بعض بس خشنة اشوي
وانتي بعد لا اتخلينهم وايد فالشمس اصلا مو ابزين لهم الشمس وايد وسوي بنصيحة الاخوات ان شالله بيطلعون ولا ارتب
انا ولدي اسمراني بعد بس شحليلاته الحمد لله والشكر

خيو أم علااوي يمكن تقصد ان بشرتهم فيهااا مثل الكلف اللي يصير بالركب وبعد سمرااان تكتمل ..

أنا أستخدم للولد شامبو جونسون البنفسجي .. رووعة .. لشعره وهم أحط نقطتين بالمفركة وادمجهااا مع صابون ديتول الوردي .. وما يطلع من الحمام الا قمر ..

وبعدين أحط على جسمه لوشن جونسون الورددي .. خصوصاا منطقة الركب والساقين .. وأقصص أظافره اذا في وأنظف أذونه بأعواد القطن وأحط له المسك تحت أذونه .. وكريم بشعره وأمشطه ..

الله يوفقج خيو..