قاعات الأفراح 2010 ..يلا يابنات مصر

mssoliman;13378040:
بنات اللى تعرف اسعار قاعة نقابة المهندسين بحلوان اسعارها اية
وكمان نادى family land بتاع جمال جبرة بردة بحلوان
اكون شاكرة جدا
ومرسى لاهتمامكم


بصى ياحبيبتى دى صور القاعة الكبيرة هناك فى فاميلى جاردن اسمها مينا.وفى 3 قاعات تانى حلوين برده الكبيرة دى بتاخد لحد 300 وزيادة وقاعة الف ليلة وليلة 250 وسندريلا 200 وفى قاعة صغيرة تاخد 120 فرد بس مش فاكرة اسمها بس كلهم حلوين وشيك
انا اختى عملت فى الكبيرة ودى صورها وهحاول اشوفلك صور الباقين
..
..
..
..
..

..
..
والفرح اتكلف فيها 10000 بالظبط والقاعات التانية اقل منها طبعا
وان شاء الله هحاول اجيبلك الاسعار هشوف الورقة بتاعتهم فين.وفى كمان نادى اسمه 36 تبع الانتاج الحربى فى قاعتين هناك اسمهم السحاب الكبرى والصغري شيك برده وسعرهم معقول حضرت فيهم قبل كده

بنات اللى تعرف اسعار قاعة نقابة المهندسين بحلوان اسعارها اية
وكمان نادى family land بتاع جمال جبرة بردة بحلوان
اكون شاكرة جدا
ومرسى لاهتمامكم


بصى ياحبيبتى دى صور القاعة الكبيرة هناك فى فاميلى جاردن اسمها مينا.وفى 3 قاعات تانى حلوين برده الكبيرة دى بتاخد لحد 300 وزيادة وقاعة الف ليلة وليلة 250 وسندريلا 200 وفى قاعة صغيرة تاخد 120 فرد بس مش فاكرة اسمها بس كلهم حلوين وشيك
انا اختى عملت فى الكبيرة ودى صورها وهحاول اشوفلك صور الباقين
..
..
..
..
..

..
..
والفرح اتكلف فيها 10000 بالظبط والقاعات التانية اقل منها طبعا
وان شاء الله هحاول اجيبلك الاسعار هشوف الورقة بتاعتهم فين.وفى كمان نادى اسمه 36 تبع الانتاج الحربى فى قاعتين هناك اسمهم السحاب الكبرى والصغري شيك برده وسعرهم معقول حضرت فيهم قبل كده

مرسى مرسى مرسى
فعلا حتكملى جميلك ليا لو جبتيلى ورقة الاسعار
مرسى مرسى مر ثانية

انتوا فين يابنات

خد يعرف اسعار فى حدود 3500 لقاعات فى القاهرة

يابنات اللى راحو للدارات يقولولى محجوزة لحد شهر كام؟؟؟؟؟؟؟؟؟؟؟؟؟؟؟؟؟؟؟؟؟؟؟

بنــــــــــــــــــات حد يعرف اماكن للافراح بس اوبن اير انا هعمله فى القاهره ومش عاوزه موسيقي وكده هعمله فرح اسلامى بس مش فى قاعه ومقفول وكده يعنى قعده عائليه بس وعاوزاه مكان مفتوح لانى منتقبه وكده بس هحاول اعمل فاصل بردو ^o)
مش هينفع بردو يبقى مختلط بس مش عاوزه قاعه
فياريت اللى تعرف حدائق بالقاهره اعمل فيها تقولى فين والاسعار لو تعرف وهكون ممنونه ليكم اوى F:F:F:

بنات انا زعلانة اوى اوى مش لاقية قاعة حلوة فى حدود معقولة بجد اعصابى تعبت

موضوع جامد جدا انا هنزل صور فرحي بس لما بنتي تناااااااام

دلوقتى انا عامله ميزانيه للفرح من 10 الى 15 الف ياترى ايه الاماكن الشيك سواء دور او فنادق اللى فى الرينج ده وياسلام لو حاجه فى المعادى يبقى كتر خيركوا بجد

سا الجمال عليكم يا كميلين
دلوقت بقى هندخل في صور وتفاصيل قاعات شبرا اللي رحتها وراي الشخصي فيها عيوب ومميزات بصراحه
وهنزل في كل مشاركه قاعه
تومام كده
خليكم معايا
الاول نادي الموسسه وده قصاد مترو شبرا الخيمه على طول
وفيه اربع قاعات ( فرحه ودهب ودول 300 فرد والاتنين شبه بعض بالشط وبابهم جمب بعض وفوقهم الملكه وفي واحده في مبني غيرهم اسمها خلود
كلهم نفس الاستايل مفيش فرق غير ان فرحه ودهب اكبر من الباقين
والمكله مدخلها سلم عماره اي كلام خالص
وكلهم على شارع ضيق وسوق يعتبر
بس دي الصور
هي تعتبر معقوله متوسطه

وادي الاسعار يا حلوين

1200 ايجار القاعه (شامله 210 كرسي +30 ترابيزه )
200 كوشه
300 عشر صناديق بسبسي
250 دي جي
250 فديو+شاشه عرض+3 تلفزيون
250 ليزر
50 شو بيلايت
100 خدمه
ودي البنود الاساسيه وتعملها 2600 جنيه
الحاجات الفرعيه
200 رسم دخول فرقه من الخارج
150 منلوجيست
200 زفه 10 افراد
350 زفه قرب +تنوره
550تصوير فيدو ميكسر 2 كاميرا

الماكولات
30 صندوق بيسي
3ونص قطعه جاتوه وباتيه
4 عباره عن اتنين قطعه جاتوه وباتون ساليه
لححد 8 جنيه (2 قطعه جاتوه-2 ساندويتش لحمه ورومي )
200 تورته العروسه 3 ادوار واي دور زياده ب 75
وانتظرونا في باقي القعات
ابقوا معنا

ودي قاعه زمرده اللي على النيل قصاد دار الاداره المحليه وعلى نفس الصف دار ضباط النقل
دي حلوه وعجبتني ووساعه ومدخلها واسه للزفه وشيك بس عيبها الوحيد انها مش مكيفه
يعني لو في الشتا تبقى تحفه
وادي الاسعار
2800 شامله (ايجار القاعه وكوشه وزفه وكسوه الكراسي ودي جي وفيديو 3 ساعات وسي دي و 2 شاشه عرض وليزر وشو المشاعل وشو الشربات والنور والزينه )

البنود الايضافيه
بالون باسم العروسين 100
زفه دمياطي 250-400
شاشه عرض 200
تصوير فوتوغرافي 150
والاكل بقى من اول 4 جنيه ل 9ونص اللي ب 9ونص قطعتين جاتوه وساندويتش لحمه بارده وساندويتش كفته
والاقل بتنقصي حاجه
وممكن تجبي البوفيه من بره وانتى وهما يقدموه ويتدفعوا 200 او 300 جنيه

وانا مع الراجل وبقله لا شهر 6 هيبقى حر مش هينفع من غير تكيف قالي ان ليهم قاعتين تانين في نادي البلاستيك واحده 100 فرد والتانيه 300 والاتنين مكيفين
مكدبتش خبر ركبت ورحتلها
الشارع ضلمه واديق وطلعا مش قريبه من النيل المكان الاولني من بره احلى
المهم المكان اللي قدام القاعه كويس والقاعه نفس الديكور وحلوه وكمان اجدد وانضف
بس المساحه بين الترابيزات ديقه خالص ومليانه عواميد تحسي المكان مديق عن التانيه اللي على النيل
وبالنسبه للسعر قالي هتنزل 200 جنيه يعني 2600 عشان القاعه لسه جديده ومحدش لسه يعرفها

وانا خارجه بقى لقيت ست داخله قعدت اسئلها على قاعات الافراح وكده
وقالتي على قاعتين جمب بعض في شارع اسمه ال خمسه وعشرين
واحده اسها سهر الليالي والتانيه جار القمر
هوا شارع عادي وفيه عمارات ومساكن مش منفصله زي الباقين
المهم
سهر الليالي فيها قاعتين واحده تحت 250 فرد واللي فوق 300 فرد
كانوا بيوضوبها فمش اتفرجت عليها
بس هي حلوه ومعقوله ومكيفه والكوشه حلوه بس كانت الدنيا مكركبه فمش عرفت اصور
والاسعار كالتالي
1500 حجز قاعه
250 كوشه
250 دي جي
250 ليزر وبي لايت
350 فيديو 3 ساعات
100 خدمه
كل دي بنود اساسيه

الاختيار بقى
زفه (تنوره - قرب - مبخره - شماسي - مزمار )350 جنيه
زفه وتحطيب 350
شو مشاعل وشو التورته
75
شو شربات 50

وممكن تدخلي البوفيه من بره عااااااااااااااااااادي
واسعار البوفيهات بتاعتهم
هاي تي 5 جنيه ( جاتوه وباتيه وباتون ساليه وبيبسي
او 6 جنيه نفس المنيو بس زياده قطعه بيتزا

وفي عشا ب 25 جنيه
رز بالكاري وكفته ولحمه بارده وبانيه وكايزر وسلطه وبيبسي

والاخيره جار القمر
وعجبتني مووووووووووووت
فيها قاعتين جار القمر 300 فرد
واللوتس 250 فرد
مدخلها حلو بس صغير عشان جمب عمارات ومساكن
بس نظيفه جدا يعني بجد عيبها الوحيد الشارع
لما تدخليها زي الفنادق بجد
والصور ظالماها اوي هي رقيقه موت
والكوشه في النص وفي مكان واسع جدا في النص للبسيت والحركه العريس والعروسه والدي جي مكانه حلو ومكيفه ونضيفه موت
بس مينفعش تدخلي بوفيه من بره لازم بتاعهم
بس وانا هناك كان في راجل بيتفاوض معاها انه يجيب البانيه ولجاتوه من بره والباقي على القاعه

عارفين القاعه دي لو في اي مكان على الطريق تبقى غاليه عجباني جدا بس الشارع هوا اللي خانقني
شارع واسع وكل حاجه بس جمب البيوت كده مش على شارع رئيسي ولا على النيل


وشوفو الصور

كده الفيصل بالنسبالي هيبقى دار الاداره انا نقلت اسعارها من على الباب برضه 1500 حجز القاعه ونفس الاسعار
بس مكنش نازل اسعار الاكل ومعرفتش اتفرج على القاعه عشان الاداره تببقى موجوده من الساعه 7 واللي كان موجود هناك بتاع الامن وبس
وشكرلي في القاعه وقالي هنا مكان حكومه والخدمه فيه ممتازه
والقاعه الكبيره 250 فرد
وانتمتي حضرت فيها قريب وقالتي انها تحفه ووبعتلي صور الكوشه والقاعه وهي فاضيه بس النت فصل واحنا بنتكلم فمش عرفت اخدهم بس شفتهم
ف باذن الله هروحها لانها على الشارع العمومي وعلى النيل وجميله وسعرها معقول
وهشوف برضه قاعه نادي المعلمين اللي في قصر النيل لان مدخل النقابه اصلا سلالم والمدخل كبير وشيك وكفايه انها قصاده حديقه الاندلس وعلى الطريق
هي عيبها هيبقى في ركنه عربيات المعازيم
المهم انى باذن الله هنزل اشوف دار الاداره وقاعه نادي المعلمين وهقلكم التفاصيل
واختاروا معايا بقى عشان انا احترت واحتار دليلي

ما شاء الله يا نوودى كفيتى ووفيتى بجد
وقميتك على التقارير الجامده دى

ومستنين بتاع نادى المعلمين ان شا ءالله

fulla2010;13909866:
ما شاء الله يا نوودى كفيتى ووفيتى بجد
وقميتك على التقارير الجامده دى

ومستنين بتاع نادى المعلمين ان شا ءالله

ان شاء الله يا فله
واديني مستنيه عندي امل كبير فيها يارب تطلع حلوه وتدخل دماغي لان عاجبني المكان من بره بس مدخلتش القاعه قبل كده
ادعيلي تطلع حلوه هي او دار الاداره
عشان ارتاح من هم القاعه
انا اصلا عامله خناقه بسبب القاعه قبل كده مع حمايا عشان بيتحشر في اللي ملوش فيه واضطري انزل الف على القاعات من دلوقت مع ان لسه 6 شهور عشان مش ضامنه ممكن يدبسني في حاجه بمزاجه

فعلا الاسعار في شبرا اقل من نص اسعار القاعات عندنا في المعادي
بس فرق المكان
قاعات المعادي على كورنيش النيل بتاع المعادي والدنيا في المعادي لطيفه ومش زحمه وكمان جمب بيت ماما اللي هتطع منه وبيتي اللي هرجعله بعد الفرح
اليه اللي يشحططني في سبرا وارجع تاني
بس لازم مكان قريب من القطر عشان اهله
مع انهم هياجوا باصاتويجوا سوا
بس دي عمايل حمايا ربنا يسامحه
احمد كان موافق على المعادي الاول
ادعوووووووووووووووووووووووووووووووووووووووووووووووووووووولي

ربنا معاكى ياااااااارب ويتمملك على خير وكل حاجه تيجى سهله باذن الله

واخر قاعه دى حلوة

بس انا كمان عندى امل فى نادى المعلمين وان شا ءالله هتطلع حلوة باذن الله

lasposadelnilo;13909990:
ان شاء الله يا فله
واديني مستنيه عندي امل كبير فيها يارب تطلع حلوه وتدخل دماغي لان عاجبني المكان من بره بس مدخلتش القاعه قبل كده
ادعيلي تطلع حلوه هي او دار الاداره
عشان ارتاح من هم القاعه
انا اصلا عامله خناقه بسبب القاعه قبل كده مع حمايا عشان بيتحشر في اللي ملوش فيه واضطري انزل الف على القاعات من دلوقت مع ان لسه 6 شهور عشان مش ضامنه ممكن يدبسني في حاجه بمزاجه

فعلا الاسعار في شبرا اقل من نص اسعار القاعات عندنا في المعادي
بس فرق المكان
قاعات المعادي على كورنيش النيل بتاع المعادي والدنيا في المعادي لطيفه ومش زحمه وكمان جمب بيت ماما اللي هتطع منه وبيتي اللي هرجعله بعد الفرح
اليه اللي يشحططني في سبرا وارجع تاني
بس لازم مكان قريب من القطر عشان اهله
مع انهم هياجوا باصاتويجوا سوا
بس دي عمايل حمايا ربنا يسامحه
احمد كان موافق على المعادي الاول
ادعوووووووووووووووووووووووووووووووووووووووووووووووووووووولي

حبيبتى طب عندك اسعار وصور قاعات المعادى؟
ياريت تحطيهم