ارجوكم ساعدوني

:085::085:

أنا آسفة إنى ضحكت

بس حسيت إنك شخصية رومانسية جدا وحالمة

جدا

بس للأسف الكلام ده مش موجود غير فى الافلام

القديمة

شكلك لسه ما إتجوزتيش ..ولا إيه ؟؟

يابعد قلبي بصراحه حابه انصج << بس اسمحيلي بتكلم بالقطري ماعرف اتكلم بالمصري بس انشالله تفهميني >> المهم خليه خطيبته تولي ولا تفكرين تناقشين زوجج بخطيبته السابقه << وانسي انه كان خاطبها << ولا تحطين في بالج ان زوجج مايحبج << اهتمي فيه من جميع الجوانب من ناحية الاكل صيري له طباخه ومن ناحية الملابس صيري له عارضة ازياء ومن ناحية ؛؛ ومن ناحية الكلام صيري له شاعره ؛؛ ومن ناحية الجنس لاتقصرين معاه ؛؛ وقد ماتقدرين حاولي تسعدينه من جميع الجوانب وطبقي حقوقج الشرعيه باكمل وجه ؛؛ ودايما ادعي ربي :

اللهم اجعلني نورا بين عيني زوجي.. اللهم ارزقني حبه وارزقه حبي وارزقنا حب وجهك الكريم وطاعتك.اللهم اجعلني نورا بين عينيه.اللهم اعصم قلبه عن المعاصي. ...

اللهم اجعلني لزوجي كما يحب.. واجعله لي كما احب واجعلنا لك كما تحب وارزقنا الذريه الصالحه كما نحب وكما تحب .. اللهم اهدني واهدي زوجي واجعلنا من اهل بيت صالحين..

اللهم سخر لي زوجي بحولك وقوتك وعزتك وقدرتك انت القادرعلى ذلك وحدك لا شريك لك اللهم يا حنان يا منان يا ذا الجلال والاكرام يا بديع السماوات والارض يا حي يا قيوم

اللهم حنن قلبه علي اللهم بحولك وقوتك تضع مودتي في قلبه انت ولي ذلك والقادر عليه برحمتك يا ارحم الراحمين اللهم الف بين قلوبنا واصلح ذات بيننا اللهم اني اشكوا اليك ضعف قوتي وقلت حيلتي..

عسى ربي يوفقج معاه ويرزكم الذريه الصالحه ؛؛ ويجله دايما لك<<< آآمين

أختى الغالية

من خلال كلامك اللى حكيتيه عن زوجك

حسيت إنه من الشخصيات اللى أساسا مش

بيعبروا عن مشاعرهم ولما حب فعلا إنصدم وإنجرح

يمكن يكون هو ما نسيهاش خالص

لكن إن شاء الله مش هيرجع لها تانى وهو من

داخله كرهها لأنها خدعته وتقريبا النوع ده عنده

نزعة الكرامة قوية شوية

على العموم المشكلة دلوقتى إنك حاسة إنه مش

بيحبك

هو إن شاء الله بيحبك لكن مش حاسس بالحب ده

لأن معشر بنى آدم مش بيحسوا بالنعمة غير لما

تروح منهم

إحنا بقى عايزين نحسسه بالنعمة قبل ما تروح منه

الشخصية دى بينفع معاها أسلوب الشد والرخى

يعنى تبعدى شوية وتقربى شوية

تتبعى أساليب الإعلانات

تظهرى أجمل مافى المنتج المعلن عنه بس فى

دقائق قصيرة ومعدودةبحيث إنك تجعلى المشاهد

يسيل لعابه على المنتج

هنا هيكون المشاهد زوجك وإنتى المنتج المعلن

عنه

إن شاء الله لازم تعملى زى دراسة جدوى للموضوع

من كل النواحى قبل ما تبدأى التنفيذ:

1:إعرفى هدفك وحدديه :إنتى عايزة قلب زوجك

يبقى تتغاضى عن أى أهداف فرعية أخرى ممكن

تشتت هجومك ودفاعك

2:إعرفى افضل الطرق للوصول للهدف وإدرسيها

جيدا :يعنى فى رجل بيحب الست اللى تشعره

بأنوثتها من خلال إهتمامها بنفسها جدا ويشوف

بعينه مظاهر الإهتمام ده حتى لو كانت بعيده عنه

يعنى مثلا روحتى عند اهلك وإتصل عليكى

فإتاخرتى فى الرد عليه ولما رديتى قالك كنتى فين

قولى كنت بأعمل سويت لرجلى هيقول لك ليه

مثلا ما انا مش عندك علشان تعملى قولى له هو

أنا مش باعمل غير ليك أنا باعمل لنفسى علشان

اشعر بأنوثتى وجمالى.

مثلا فى رجالة تانية يحب الست المثقفة الحكيمة

يبقى ثقفى نفسك طب فرضا مش بتحبى الثقافة

ولا القراءة تابعى برامج الأخبار ولو حتى نشرات

الأخبار المختصرة خليكى على علم بآخر التطورات

فى العالم ،شوفى المجالات اللى هو بيحب يطلع

عليها ولازم تعرفى كل ماهو جديد فيها

فى رجالة بيحب الست المتميزة بأى شىء

يبقى دورى على شىء بتحبيه وإتقنيه وتميزى فيه

وابدعى فيه

المهم الطرق متعددة لكن ابحثى عن أقربها لهدفك

3:إعرفى وإدرسى جيدا كل المعوقات المحتمل إنها

تقابلك فى الوصول لهدفك :مثلا مش بتتقنى

الميكياج يبقى تبحثى عن كل مايفيدك فى تعلمه


خلصنا دراسة الجدوى ندخل بقى على الخطة

الفعلية للوصول للهدف :

يتبع...

1:إنسى حبه السابق ده

خاااااااااااااااااااااااااااااااااااااااااالص

إمسحيه من قاموسك ،إلغيه من رأسك

إنسى إنه كان فى واحدة فى حياته قبلك ملكت

قلبه لأنك كل ما هتتذكريه هتشعرى باليأس

والالم ومش هينوبك من تذكرها سوى العزوف عن

تحقيق هدفك وتقليل عزيمتك

إعتبرى زوجك لسه قلبه بكر

شاب شفتيه فى الشاعر وعجبك بس ولا هو هنا

يبقى إعملى زى ما البنات بيعملوا علشان يجذبوا

الشباب هى ما تعرفش عنه حاجة ولا يهمها تعرف

المهم إنها تجذب إنتباهه وتشعره بأنوثتها وبأنها

مميزة ومش هيلاقى زيها مهما لف أو دار

2:قلت لك قلدى البنات هم البنات بيعملوا إيه :

تلاقى البنت تستنى مجىء الشاب وتعرض نفسها

عليه فى الرايحة والجاية وتظهر مظاهر أنوثتها

بشكل واضح سواء جمال جسمها أو جمال مشيتها

أو جمال صوتها أو ضحكتها بس هى مش مستنية

منه كلمة علشان تشعر بأنها أنثى وفعلا جميلة لا

هى متاكدة إنها جميلة وكل ما تعدى عليه وما

يعلقش تقنع نفسها غنه لسه ما شافهاش وإلا

لكان إتجنن وعينه ما نزلتش من عليها فتعمل إيه

تترك التزين وتقول مافيش منه فايدة ماهو باتعب

ومش فارق معاه ...لاااااااااااااااااااااا

تروح تزود من جرعات الأنوثة عندها وتحاول تجذب

إنتباهه باى طريقة إن شاء الله تروح توقع نفسها

امامه علشان يجرى عليها علشان يساعدها

هى عملت إيه هنا

هى بس اشعرته بضعفها وإستنجدت برجولته

وياسلام على الرجل لما يلاقى ست تشعره بأنه

رجل وإنها أنثى فى حاجة لحمايته وقوته

3:بتعمل إيه البنت تانى علشان تغوى الشاب

وهى بتستعرض نفسها امامه تشعره إنها لا مبالية

به وهو مش فى تفكيرها من اساسه

لأن الرجل لما بتعجبه بنت ويلاقيها مش مهتمية به

بتشتعل عنده نزعة التحدى ويحس إنه لازم يجذب

إنتباهها وبالتالى يبدأ هو كمان السعى فى طلب

رضاها

وهنا تتقل هى وهو يزيد فى القرب

بس البنت بتعمل إيه هنا بتستخدم أسلوب الشد

شوية وأسلوب الإرخاء شوية

يعنى شوية تحسسه إنه اللى عمله ولا فرق معاها

وشوية ترمى له نظرة شكر أو ابتسامة رضا أو كلمة

رقيقة تخلي هرمون الذكورة يوصل لأعلى مستوياته

ويخليه عايز يجيب حتة من السما علشان بس

ترضى عنه

المختصر المفيد إنها فى المرحلة دى مش تتقل

قوى علشان ما يفتكرش إنها مش بتحبه خالص ولا

بتهتم بيه لا تعطيه جرعات حب بسيطة تخليه

يستمر فى محاولاته لكسب قلبها

4:الراجل فى مرحلة الأعجاب دى بيراقب محبوبته

وبيضعها تحت الميكروسكوب فتلاقى البنت بتظهر

امامه كل مميزاتها مثلا متفوقة فى دراستها تعرفه

ده من غير قصد مثلا من اسرة راقية تعرفه ده مثلا

خلوقة او طيبة وحنونة أو رقيقة المهم أياكانت

صفاتها ومميزاتها بتظهرها أمامه من غير ما يشعر

إنها متعمدة إظهارها إنتى كمان محتاجة تعملى

كده دورى على محاسنك كلها وإظهريها أمامه بدون

قصد وبدون تكلف هتقولى خلانى أحس إنى

ماليش أى محاسن

هاقول لك سيبك من كل كلامه هو عن جمالك وعن

وعن

إنتى إيه رأيك فى نفسك

الناس كانت بتمدح فيكى إيه قبل زواجك

هتقولى طول عمرى ما كنتش حاسة إنى مميزة

هاقول لك يبقى إنتى اللى ماقدرتيش تعرفى

نفسك

كل إنسان فى الدنيا ربنا أعطاه مثل ما أعطى

الآخرين بالظبط مافيش واحد واخد كل شىء وواحد تانى محروم من كل شىء

مافيش عندنا ربنا واسطة أو نسب

ربنا عااااااااااادل اعطى كل واحد مثل الآخرين

دورى على مميزاتك اللى ميزك بها ربك عن الآخرين

وإن شاء الله هتلاقيها وراعيها زى ما بتراعى البذرة

الصغيرة لغاية ما تكبر وتبقى شجرة كبيرة جذورها

ضاربة فى الارض قوية

5:لو إنتى شخصية خجولة ولو إنظلمتى بتسكتى

عن حقك حاولى تقوى نفسك شوية ووتغلبى على

خجلك وتكونى جريئة فى طلب حقها وحيية فى

بقية الأوقات

6:الرجالة مهما كان جرىء ويحب زوجته جريئة يحب

يشوفها فى بعض الاوقات حيية وتنكسف

حتى لو مش حاسة بالحياء منه تصنعى الحياء فى

بعض الأوقات لأن مظهر المرأة المستحية بيثير

الرجل جدا ويشعره بضعفها وبقوته فى نفس

الوقت


6:حاولى تستمدى قوتك فى كسب قلب زوجك من

نفسك مش من رد فعله هو لأنك ممكن ما تلاقيش

رد فعل منه فى أوقات كتير فده ممكن يحبطك

ويخليكى تكسلى وتتراجعى لكن لما تكون قوتك

من داخلك إنتى ومن ثقتك بإنك صاحبة حق ومهما

حصل هتصبرى لغاية ما تنولى ثمرة صبرك

هتلاقى نفسك بتزيد قوتك وإصرارك كل شوية عن

الأول
7:اهم شىء بيفرق بينك وبين البنت اللى بتغوى

شاب إنك حلال زوجك لكن البنت دى بتعمل حاجة

غلط وبتوصل للحرام ومادام بتعملى حاجة صح

يبقى لازم تلزمى جانب ربك وتطلبى نصرته ليكى

وتستنجدى بيه وربنا مش بيرد أى يستنجد بيه لأنه

رحيم بعباده

وأخيرا ده رابط هتلاقى فيه ردود برضه إن شاء الله

هتفيدك

http://forums.3roos.com/showthread.php?t=525174&page=3

أتمنى إنى أكون بعد الرغى ده كله أفدتك ولو

بالقليل

أختك فى الله أم سلمى