عطوني الحل :(

حبيبتي لا تحاتين ...
اذا انتي مستخيره .. عيل اطمني ...
هو في البدايه بيكون صعب عليكم لان في بداية حياتكم الزوجيه ...
وبعدين لانكم ما شفتوا بعض ...
بس صدقيني مع الايام .. بتتعودين عليه وهو بيتعود عليج ...

وعن الثقه لاااااااااااازم تقوين ثقتج بنفسج ....
وفي وقت لين العرس ... بقولج شي كنت أسويه والحمدلله في تحسن وااايد حلو ...
أنا جمالي عادي ... يعني لا اني خسفه ولا اني ملكة جمال ....
وتميت كل يوم أوقف جدام المنظره وأقول حق نفسي أنا حلوه واااايد ماشاء الله .. كل شي فيني حلو ... حتى شعري .. أنا شعري وااايد كيرلي .. ولاااازم أسشوره كل ما أتسبح عشان ما ينقع .. خخخخخ ..
بس نفس الفتره بعد يلست أقول حق نفسي جدام المنظره الله أنا شعري واااايد حلو حتى بدون سشوار ... والله مع الايام أحس ان نظرتي لنفسي وااااايد تغيرت و واااااايد مقتنعه بجمالي وأشوف عمري حلوه ..
وأحلى من هذا ان ريلي ملاحظ ... والناس اللي حوالي ملاحظين ..
موضوع الثقه اذا ما عدلتيه الحين بيتعبج بعد الزواج ...
لان حبيبتي الريال ما تجذبه الحرمه الضعيفة الشخصيه ... لا يحب الحرمه القويه ... أنا مابغي أخوفج ... أصلا طبيعي كل وحده تكون خااايفه من الزواج ... على فكره حتى الريال ... لان هذي حياه يديده اثنينكم داخلين عليها بدون أي خبره ...
حاولي يكون لج راي وتكون لج شخصيتج الحلوه ... حلو في البدايه تكونين حياويه وهاديه ... لكن مع الايام حاولي تكونين فرفوشه مع زوجج .. يعني مب خبال لا .. خخخ .. بس ترى الريال يمل الوحده الهاديه اللي حياتها جد في جد ... يعني كل شي بتوازن ...
عرفتي ... ان شاء الله تكونين فهمتي علي ... بس لا تحاتين ...
ادخلي منتديات عن الحياه الزوجيه واقري مواضيع .. وان شاء الله بتستفيدين ... وفي كتاب ينباع في المكتبات ,, اسمه الرجال من المريخ والنساء من الزهره ... اقريه واااايد بيفيدج ... هو يتكلم عن الاختلافات بين الحرمه والريال .. ولانهم مختلفين وتفكيرهم مختلف .. عشان جذيه يختلفون ....
وفوق هذا كله ادعي واستغفري الله ان يتمم زواجكم على خير ..
وتسعدينه ويسعدج ..
والله يوفقج يااااااارب ...
واسمحيلي طولت عليج ... وأي استفسار أنا حاضره الغاليه ...

أختج أم مريم ...

ههههههه الله يسعدج دايما ياربي ...
خخخخ حتى الريال ينش من الرقاد ويهه مصفع ..
لا تتحرين انتي بس خخخخخخخ ...

واذا كنتي وايد قافطه من هالشي .. حاولي كل مره انتي تنشين قبله ..
وسيري تكرمين الحمام ... واغسلي ويهج بماي وصابون وبيخف التصفيع ... خخخخخ ..

وبعدين حاولي تعلقين الريال فيج ... أقصد عقب العرس يعني ...
في وااايد مواضيع عن هالشي هني في المنتدى ومنتديات غير ..
واذا حبج وتعلق فيج بيحبج بكل شي ... يعني بيحب ويهج وانتي ناشه من الرقاد و ويهج مصفع >>> خخخ مستانسه عالكلمه ....
بيحبج بمميزاتج وعيوبج ...
بس عاد كوني شاطره في هالشي ...

واذا تبين تعرفين أكثر قوليلي ... تراني ما وراي شغل .. خخخخ

بس ادعيلي ان الله يشفي لي ريلي ويرجع بالسلامه لانه مسافر دوره ويا الدوام ...

وادعيلي اني أحمل الحين واييب ولد لان ريلي في خاطره ...

هلا فديتج ...
ههه ان شاء الله دايما تكونين مستانسه ...
لا الغاليه لا تتوترين ... لازم يكون ويهج منتعش عشان في العرس تطلعين حلوه ....
والله شو أقولج .. أول أيام العرس هي أحلى الايام .. وبتمين تتذكرينها لين يوم القيامه ... ههه .. لا صدق والله أيام حلوه .. وعقب يوم بتكملون ويا بعض وايد .. بتمون تتذكرون وتضحكون .. خخخ ..

بس نصييييحه لا تكونين زعووله ... يعني يقولج كلمه تضايقج وتزعلين ..
لا كوني فرفوشه وخفيفه .. بس في المقابل بعد ما تكونين عادي .. يعني موضوع لازم تزعلين فيه .. عقب تقولين شمعه قالت لي ما أزعل ..
خخخخخ يعني انتي تشوفين اذا الموضوع يستاهل انج تزعلين عليه ولا لأ ...
وفي موضوع وااااايد يتكرر .. وانا صار لي ... اللي هو طلعة الريال ...
الريال يوم يعرس يكون بعده مب ماخذ على الحياه اليديده ... فتشوفينه كل يطلع ويا ربعه نفس قبل يوم ما كان معرس لان ما في شي وراه ..
لا تزعلين عليه على هالشي لانج بتضيعين وقت وجهد على الفاضي ..
يوم بيطلع ... قوليله حبيبي تحمل على عمرك .. ولا تتأخر علي .. مع ابتسامه وبوسه عاد انتي اختاري وين مكانها .. خخخخخخ
جذيه بيطلع وهو مشتاق لج .. ومره على مره بتقل سيرته لربعه وبيتونس وياج أكثر ...
يعني لا اتمين له مثل المحقق كونان .. وين ساير ويا منو .. بتأخر ؟؟ متى بتي ؟؟؟
جيه بيطلع من البيت وهو ما وده يرجع ... خخخخخ .. أنا ريلي كان يخليني بالثمان والسبع ساعات متوااااصله .. خخخخ ..
إلا اذا كان ريلج من النوع البيتوتي هني كلامي ثاني ....

لا تكونين وايد حنانه عليه ...
حاولي دايما تكون ابتسامتج على ويهج ... والله اذا تميتي جذيه حتى ما بيمل من ويهج .. خخ

وهذا اللي حظرني الحين ... واذا تذكرت شي بعد بقولج ...
خخخخ ما اباج اطيحين في نفس مشاكلي ...

هي تذكرت ..
اذا ما تعرفين تطبخين .. تعلمي
ترى الريال قلبه في بطنه .. خخخ
ومره ريلي بروحه قالي .. خخخخخ
يعني اذا تبين توصلين لقلبه اطبخيله ..
تفنني واذا انتي أصلا طباخه ... بيستانس عليج ...
حاولي تبتكريله ...

ما شاء الله زين واااايد زين خخخخ ...
عيل تفنني .. وعاد عقب يوم بتعرسين بتعرفين شو يحب من الاكل ..
وسويله بس عاد بطريقتج وتزيينج الخاص عشان يكون شي يديد عليه ...
والله يوفقكم ...