تجمع بنات مصر متتظرات الحمل بإذن الله الجزء (6)

علي فكرة انا الدكتور قالي لو عملنا التلقيح 3 مرات و منجحش يبقي نعمل منظار نستكشف بقي في ايه جوة

ايوة يا بوسى
ما هو فعلا ممكن يتعمل الاول تلقيح

او ممكن منظار على طوول الاول

ربنا معايكي يا علياء يارب وي قدملك اللي فيه الخير

يااااااااااااارب ياااااا بوووووووسى

بوسى شكلك مسهرة يعنى النهاردة

ما فيش شغل بكرة ولا ايه ؟؟؟

يتصفح الموضوع حالياً: 3 (3 من الأعضاء و 0 من الزوار) ‏دينا حمدى, ‏Nesoo+
نوسنوس
ازييييييييييييييك وحشتينى

من العضوة المختفية دى بقى اظهرى وبانى

http://forums.3roos.com/showthread.php?t=396729

http://forums.3roos.com/showthread.php?t=439001
شوفو ده كمان

bosy82;12012835:
معلش يا بناات مش عارفة ليه مش بيعمل اقتباسات متعددةهبة كنتي سالتي ازاي بتحسبي عمر الجنين زي ما ايمان قالتلك اول يوم في اخر بيريود تزودي عليه 7 ايام

ميرسى يا قمر على ردك وربنا يتمم حملك على خير ان شاء الله انتى بس ريحى نفسك

قوليلى معلش يا بوسى انتى كنتى عايشة حياتك عادى يعنى بتتحركى براحتك وتنزلى وتطلعى وبتعملى حاجات البيت يعنى كان فيه مجهود بتعمليه عادى قبل ما تكتشفى انك حامل والحركة الممنوعة دى بتبقى للى بالفعل اكتشفت انها حامل ولا بصفة عامة لكل البنات اللى عاوزين الحمل بس ممكن نقدر نتحكم فى تحركاتنا ومش نشيل حاجات تقيلة وكده انا شايفة ان الموضوع ده صعب خالص ولا ايه رأيكم وهل فعلا النشاط الزايد ده بيأثر على ثبات البويضة المخصبة يعنى ممكن يحصل عدم ثبات للحمل فى أوله وبتنزل الدورة عادى ولا ايه يا ريت تفيدينى

دينا حمدى;12013037:
فوائد الزوجة النكديه
من يعتقد ان الزوجه النكديه ليس لها فوائد فهو مخطىء
من اهم الفوائد :

تجعل لسان الزوج رطب بذكر الله

طول اليوم قاعد يدعي حسبي الله ونعم الوكيل

تساعد الزوج على غض البصر لأنه سوف يكره صنف الحريم

تساعد الزوج على صلة الرحم

لأنه على طول هربان عند أمه

تساعد الزوج على أن يحافظ على وزنه ورشاقة جسمه

لأنه دائما ً نفسه مسدودة عن الأكل

وأخيراً ،تجعل من زوجها رجلاً عظيماً

فبسبب قرفه وزهقه منها ، سوف يقضي وقتا ً أطول في العمل

مما يجعله إنسانا ً ناجحاً في عمله ويحقق المثل القائل:

"وراء كل رجل عظيم إمرأة"

ايه رأيكو بقى هههههههه

تعرفى انتى عسل والله فعلا بكده احنا عظماء بردك ههههههههههههه

محبة_الرسول;12013518:
بصو يا بنات
لما ايمان اختى راحت للدكتورة انا كنت معاها
فطبعا استغليت الدكتورة وقولت لما اسالها على حالتى
وهى الحمد لله طلعت دكتورة زوق وبتكلم كتيير وكده

ففضلت تسالنى انا عملت ايه وكده يعنى

قالتلى انتى المفروض تعملى المنظاااار

قولتلها انا فعلا موقفة عند الخطوة دى
التلقيح او المنظاار

قالتلى المنظاار احسن لانه مهم فى التشخيص

وكمان قالتلى طالما جوزك تحليله كويس مش لازم كشف خااااااالص
ممكن يعيد التحليل عشان الاطمئنان
وكده كده لو راح لدكتور هيقوله اعمل تحليل

فالاحسن اعملوه وخلاص ولو طلع فى مشكلة يبقى يروح للدكتور

المهم قولت لجوزى واقتنع بفكرة المنظار دى

بس فى الاخر

قااااااااااااااالى
مش دلوقتى

شوية كده :( :(

بسسسسسسسس ده الموضوع

ربنا يهديه بقى وناخد خطوة ياااااااااااارب

او نحمل ان شاء الله من غير عمليات ولا منظار ولا نيييييييييييلة

:D

صح بصى خليه ان شاء الله يعمل تحليل يطمن بس مش حكاية يعنى وبعدين تشوفى موضوع التلقيح والمنظار وان شاء الله مش تحتاجى حاجة وتيجى من عند ربنا ربنا كبير

دينا حمدى;12015079:
http://forums.3roos.com/showthread.php?t=396729

جزاكى الله خيرا على الموضوع

هبة ازيك ياحبيبتى
وجزاك مثله ياقمر
بصى ياستى بالنسبة للحركة للحامل انا هقولك حاجة خلاص اقتنعت بيها من اللى شوفته
فى ناس بتطلع وتنزل وتمسح الشقة وتعمل كل حاجة وسبحان الله الحمل بيمشى كويس وبيكمل على خير
وفى ناس ممكن ينامو على ضهرهم زى حالاتى كده وبرضو يحصل اجهاض
يعنى ربنا اللى قادر على ثبات الجبال مش هيقدر على تثبيت حملنا
لأ طبعا سبحانه وتعالى قادر على كل شئ
بس فى اسباب لازم ناخد بيها يعنى لما ان شاء الله تحملى والدكتور يقوللك ان الحمل ماشى تمام هتتحركى عادى بس فى حاجات هتخلى بالك منها واكيد الدكتور هيعرفها لك
طيب انتى عارفة دكتور عادل البيجاوى اللى بتابع معاه
قالى الحمل لو سليم من الاول لو بالبطبل البلدى مش هينزل و طبعا بأرادة ربنا كله
وربنا يرزقنا يارب كلنا الذرية الصالحة السليمة عاجلا غير اجلا يارب
ويثبت حمل نيمو وبوسى وكل البنات الحلوين بتوعنا وكل المسلمات يارب

يابنات الله يخليكو يارب
عايزة رأيكو كلكو فى حاجة مهمة بس اوعو تنفضولى
اخر مرة كنت عند الدكتور كان ساعة الاجهاض فى شهر 12 اللى فات
وكان وزنى فوق ال75
المهم قالى اروح له بعد 3شهور واكون68 كيلو
المهم احنا دلوقتى داخلين على خامس شهر
وان دلوقتى 72 وخلاص بفكر جديا انى اخد منشطات من الدورة الجاية وانا على الوزن ده
هو الدكتور كان كاتب لى اخد كلوميد قرصين يوميا لمدة 5 ايام طبعا من تانى يوم الدورة واخد حقن فوستيمون لمدة اربع ايام من اليوم الخامس من الدورة
انا خلاص قررت بإذن الله اخدهم وانا وزنى 72 مش هستنى تانى
انا بطيئة جدا فى الريجيم
انتو ايه رأيكو
خايفة اخدهم ويحصل حمل ويجهض تالت مرة ومش قادرة استنى لما اخس للوزن اللى قالى عليه
قولى اعمل ايه الله يخليكو انا محتتتتتتتتتتتتتتتتتتتارة جدااااااااااااااااااا وخايفة
ومين اخدت حقن الفوستيمون دى هى منشط ولا مثبت للحمل ولا ايه بالظبط

الله الله الله الله ... إيه الأخبار الحلوة دي..بسم الله ما شاءالله تبارك الله ... أغيب يومين أرجع ألاقي كل الأخبار الحلوة دي ههههههههههه طب انا حغيب الأسبوع كله يمكن الأخبار دي تكتر و ألاقي التجمع كله حامل ان شاءالله ... ههههههههههههههههههه
بجد بجد بجد (صدقا) على رأي نيسووووو(بحبها الكلمة دي منك أوي يا نيسو) :) فرحت أوي لما شفت الأخبار الحلوة دي..
ألف مليون ..دشليون مبرووووووووووووووووووووووووووووووووووووووووووووووووووووك لبوسي.... أيوة كدا اسكندرية نورت... و بتحتفل بالبيبي الجديد اللي حينولد بعد 9 شهور ده بإذن الله ....
و ألف مليون دشليون مبروك كمان لعلى طريق العرس.... و كمااااااااااااااااااااااااااااااااااااااااااان نيموووووووووووووو على البنوووتة..و أنا بحب البنوتات أوييييييييييييييييييي......
أنا بحب أسامي نور و بتول ... و ريم....
و ربنا ياااارب يتمملكم الحمل على خير و يرزقكم بالذرية الصالحة ياااااارب العالمين .. و يباركلكم فيهم ياااارب... :)
و عقبال باقي بنااات التجمع ياااااااااارب العالمين....

دينا.....للأسف مش عارفة أفيدك في سؤالك لاني ما عنديش فكرة عنه ... ربنا ييسرلك ما فيه الخير يا رب و تحملي... بس أنا رأيي تسمعي كلام الدكتور....
أنا الدكتورة اللي كتبتلي على الكلوميد ما جابتليش سيرة الطخن خااالص مع اني 90 كيلو... و لااااا قالتلي خسي حتى ولا علقت على وزني... مع ان كل الدكاترة اللي قبل كدا قالولي لازم اخس...بس انا بخس ببطء اويي..... و تعبت من الدايت و بقيت أخرف فيه كتير....
و هي كاتبالي على الكلوميد بس.. ومعرفش حتى ايه الخطوات اللي بعد كدا ...

بس كمان عايزة أقولك يا دينا ان 4 كيلو بس تخسيهم مش حكاية.. يعني اسبوعين بس دايت محترم على أصوله حيخسسك ال 4 كيلو دول.... فاصبري شهر واحد بس .. خسي فيه و ابدئي العلاج من الشهر الجاي... دا رأي شخصي... ...زيا ريت الموضوع ييجي على 4 كيلو يا بنتي ..صدقيني سهل تنزليهم ان شاءالله ...
أنا عشان اوصل للوزن المناسب أصلا عايزلي 25 كيلو أخسهم....
ربنا المستعان...

newlife;12015694:
ميرسى يا قمر على ردك وربنا يتمم حملك على خير ان شاء الله انتى بس ريحى نفسك

قوليلى معلش يا بوسى انتى كنتى عايشة حياتك عادى يعنى بتتحركى براحتك وتنزلى وتطلعى وبتعملى حاجات البيت يعنى كان فيه مجهود بتعمليه عادى قبل ما تكتشفى انك حامل والحركة الممنوعة دى بتبقى للى بالفعل اكتشفت انها حامل ولا بصفة عامة لكل البنات اللى عاوزين الحمل بس ممكن نقدر نتحكم فى تحركاتنا ومش نشيل حاجات تقيلة وكده انا شايفة ان الموضوع ده صعب خالص ولا ايه رأيكم وهل فعلا النشاط الزايد ده بيأثر على ثبات البويضة المخصبة يعنى ممكن يحصل عدم ثبات للحمل فى أوله وبتنزل الدورة عادى ولا ايه يا ريت تفيدينى

بصي يا هبة زي و الله ما بيحصل مع كل البنات و زي ما كل البنات بتقول اكمتر شهر و الله اتهديت فيه

علشان فرح اخو احمد و فرح صحبتي

من تنجيد لعفش لكتب كتاب و كمان فيه يوم كان عندي فيه 2 كتب كتاب اتهديت اليوم ده و يوم العفش اتهديت و الليلة بردوو و كمان جالي حالة وفاة و روحت العزاء و روحت الجنازة الصبح و اتهديت فيها و كمان لما عرفت ان اخو احمد حيلبس عندي شيلت الشقة و نضفتها قبل الفرح بيوم و في الفرح بقي طبعا مش حاقولك

غير كل ده و ده كنت بطلع التاسع و كان بيتهد حيلي في السلم

سبحان الله زي ما دينا قالت دي حاجر ربنا مقدرها

بس اول ما تعرفي انك حامل بتاخدي بالك شوية حركاتك تبقي براحة و متعمليش مجهود زايد و بلاش حركات عنيفة و فجائية بس

دينا حمدى;12015828:
يابنات الله يخليكو يارب
عايزة رأيكو كلكو فى حاجة مهمة بس اوعو تنفضولى
اخر مرة كنت عند الدكتور كان ساعة الاجهاض فى شهر 12 اللى فات
وكان وزنى فوق ال75
المهم قالى اروح له بعد 3شهور واكون68 كيلو
المهم احنا دلوقتى داخلين على خامس شهر
وان دلوقتى 72 وخلاص بفكر جديا انى اخد منشطات من الدورة الجاية وانا على الوزن ده
هو الدكتور كان كاتب لى اخد كلوميد قرصين يوميا لمدة 5 ايام طبعا من تانى يوم الدورة واخد حقن فوستيمون لمدة اربع ايام من اليوم الخامس من الدورة
انا خلاص قررت بإذن الله اخدهم وانا وزنى 72 مش هستنى تانى
انا بطيئة جدا فى الريجيم
انتو ايه رأيكو
خايفة اخدهم ويحصل حمل ويجهض تالت مرة ومش قادرة استنى لما اخس للوزن اللى قالى عليه
قولى اعمل ايه الله يخليكو انا محتتتتتتتتتتتتتتتتتتتارة جدااااااااااااااااااا وخايفة
ومين اخدت حقن الفوستيمون دى هى منشط ولا مثبت للحمل ولا ايه بالظبط

بصي يا دينا ماشي خدي المنشطات بس مع الدايت بردو بس دايت بجد مش اللي يخسسك 4 كيلو في 3 شهور بس ده كدة عذاب اكتر من الدايت يعني ابداي الدايت بجدية و لما تيجي البيريود ابقي خدي المنشطات بس تكوني علي الدايت

manyaa;12017186:
بس كمان عايزة أقولك يا دينا ان 4 كيلو بس تخسيهم مش حكاية.. يعني اسبوعين بس دايت محترم على أصوله حيخسسك ال 4 كيلو دول.... فاصبري شهر واحد بس .. خسي فيه و ابدئي العلاج من الشهر الجاي... دا رأي شخصي... ...زيا ريت الموضوع ييجي على 4 كيلو يا بنتي ..صدقيني سهل تنزليهم ان شاءالله ...
أنا عشان اوصل للوزن المناسب أصلا عايزلي 25 كيلو أخسهم....
ربنا المستعان...

الله يبارك فيكي يا مانيا يا قمر و عقبالك يارب عاجلا غير اجلا

بصي يا قمر انا كنت زيك علشان اوصل للوزن المناسب لازم انزل 20 كيلووو بس الحمد لله كل اللي نزلتهم 10 بس في شهر و نصف تقريبا يعني مش لازم تنزلي الوزن كله

السلااااام عليكم
ازيك يا بووسى عاملة ايه ؟

دينا
انا اخدت الحقن دى قبل كده هى حقن منشطة اقوى من الكلوميد
توكلى على الله وخديها

انا بردو من راى البنات انك تحاولى تخسى الاول افضل

لكن لو انتى كده خلاص ده اخرك مش مشكلة خدى المنشطات الشهر ده وخلاص
:)

هبة
اخباارك ايه دايما بتدخلى فى السهرة

محبة ازيك يا قمر عاملة ايه؟؟؟

طرق لتقويه خصوبه المرأه

10 طرق لتقوية خصوبة المرأة

خصوبة المرأة وحدها لا تكفى لحدوث الحمل وهو ما تؤكده الأبحاث الطبية الحديثة حيث تلعب العوامل النفسية و الفسيولوجية دوراً رئيسياً فى حدوث الحمل لذلك يقدم لك الأطباء 10 طرق لتقوية خصوبتك وهى كالتالى:

راقبى وزنك:
لاشك أن تناسب الوزن مع الطول يساعد على سلامة الخصوبة حيث يؤدى الوزن الزائد إلى تراكم الدهن حول الرحم الأمر الذى ينتج عنه صعوبة التبويض ... كما أن نقصان الوزن عن الطبيعى يؤثر على كمية افرازات الهرمونات اللازمة لحدوث الحمل ومن ثم تتضاءل فرص الحمل.

ولكى تحصلى على الوزن المناسب ينصح أخصائى أمراض النساء و الولادة الأمريكى د. كريستوفر وليم كل امرأة بضرورة ممارسة رياضة المشى يومياً فهى تساعد على الاحتفاظ بالوزن المناسب كما أنها تقوى الخصوبة.

الغذاء الصحي
عادة ما يؤثر الغذاء على خصوبة المرأة فهى تحتاج لتناول وجبة غنية بفيتامين ج ، الحديد ، الزنك ، و البروتين حيث تؤثر هذه المعادن على حدوث التبويض لدى المرأة لذلك ينصح د.وليم كل امرأة ترغب فى تقوية خصوبتها بتناول مالتى فيتامين والاكثار من تناول اللحوم والأسماك ، البيض ، و الخضروات ، وبالنسبة للأشخاص النباتيين يمكنهم تعويض نقص حامض الأمونيا الموجود باللحوم بتناول الأغذية الغنية بالبروتين كالأرز و التوفو.

التدخين
لا يقتصر تأثير النيكوتين على تدمير بويضات المرأة فحسب بل يؤدى أيضاً إلى زيادة عمر الرحم بحيث تعمل وظائف الرحم لدى المرأة المدخنة البالغه 35 عامل كعمل وظائف الرحم لدى امرأة تبلغ 42 عاما مما يؤدى لضعف خصوبتها.

ابتعدى عن التوتر
لا شك أن التوتر والقلق ينتج عنهما تدمير الخصوبة لدى المرأة وهو ما كشفت عنه دراسة ألمانية أجريت على 393 امرأة يرغبن فى الحمل حيث ثبت أن عدم حدوث الحمل لديهن يرجع إلى معاناتهن من مشاعر الأحباط مما يؤدى إلى حدوث تغيرات هرمونية تؤثر على الخصوبة.

القهوة و الشاي
فهناك علاقة وثيقة بين الاكثار من المشروبات الغنية بالكافيين و الخصوبة حيث تؤثر على عملية التبويض لدى المرأة مما يتسبب فى ضعف الخصوبة ، وجدير بالذكر أن تناول كوب من الشاى و القهوة يومياً لا يؤثر إطلاقاً على الخصوبة.

لا توجد مواعيد
يقوم بعض الأزواج بتحديد موعد أسبوعى لممارسة العلاقة الحميمة ورغم أن ذلك يساعد المرأة على افراز هرمون الاستروجين إلا أنه يؤثر على درجة خصوبتها ومن ثم ينصح بممارسة العلاقة الجنسية كل بضعة أيام خلال الشهر الواحد فى حالة الرغبة فى حدوث الحمل.

الأمراض التناسلية
كثيراُ ما تصاب النساء ببعض الالتهابات المهبلية وبعض أنواع الميكروبات والتى تنتقل عبر دوات المياه وحمامات السباحة وعادة ما تؤثر هذه الأمراض على خصوبة المرأة لذلك ينصح باللجوء إلى اخصائى لتحديد العلاج المناسب. وجدير بالذكر أن أعراض هذه الميكروبات تظهر فى شكل حرقان وحكة جلدية يصاحبها شعور بالألم عند ممارسة الجنس.

حبوب منع الحمل
كثيراً ما يؤدى تناول حبوب منع الحمل فى بداية الزواج إلى حدوث اضطرابات فى الاخصاب عادة ما يزول أثره بعد شهر من تاريخ التوقف عن تناول الحبوب إلا أن الأمر يختلف لدى بعض النساء عند مواظبتهن على تناول أقراص منع الحمل لذلك يجب استشارة الأخصائى قبل اللجوء إلى أى من موانع الحمل حتى لا تؤثر على الخصوبة فيما بعد.

صحة زوجك
عادة ما تتأثر خصوبة الرجل مثلما تتأثر خصوبة المرأة ببعض العوامل منها التدخين ، الخمور، الرجيم الغذائى الخاطيء لذا يجب أن يتجنب زوجك هذه الأشياء حيث تؤثر على سلامة الحيوانات المنوية.

الحمد لله يا بوسى
انتى اخبارك ايه

قوليلى عرفتى زمايلك فى الشغل بالحمل وكده ولا

ومامتك وحماتك وكده كان ايه رد فعلهم ؟؟

انتى اكبر اخواتك ؟؟