معاملة زوحي لي ساعدوني

السلام عليكم بنات

شخباركم

والله قصتي طويله مع زوجي مو عارفه شلون ابتدي بغيت منكم الراي والنصيحه لاني ما اقدر اقول كل شي لبيتنه

في كل شي مو في واحد مونفس الرجال اابد

صار لي سنه ونص معاه الحين

اول شي

من اول ما خذيته كان في مشاكل وعلى اقل مشكله تافهه او بسيطة يعصب ويمد يده علي ويطق عقب فتره ما قدرت استحمل قلت حق بيتنه وصلت السالفه للطلاق قالوا بيتنه خلاص طلقها حط انحاسه وقال انا احبها وابيها وما ابي اطلقها

ثاني شي
سالفه الصرف يقول ما عندي لدرجه ان بيتنه سافروا وامي ودتني من عندها واهوه يحلف يقول ما عنده ما عطاني فلس احمر بعدين عقب ماييت من السفر ماكانت طويله اسبوع واحد بس الا عاطي اخته مبلغ وقدره 250 دينار عشان اتسافر لانهم كانوا بسافرون وانه سكت ولا قلت شي ليومكم هذا

اذا يسوي لي شي او يعطيني بيزات يتسبب ويسوي مشاكل يرد ياخذ البيزات يقول رجعي البيزات اللي عطيتج اياها ويرد ياخذها عقب كم من يوم يرجعها من اسبوع عطاني خمسين
ينار حق عبايه رد تهاوش معاي واخذها قلت له خذها لا تذلني على 50 يوم ثاني طاف على بيتنه شاف اخوي واقف بره عطاه الخمسين عشان يعطيني اياها >> عشان يراوي بيتنه انه يعطيني
ورد البارحه تهاوش معاي وسوى له سالفه قمت انه من نفسي رجعت ال50 قبل لا يطالبني فيها ويذلني ويقول يبيها
مع ان كل شهر يعطيني 10 او 20 شنو تسوي هذي بذمتكم وانه ساكته عنه بس ابي اتوظف بعدين ما ابي ولا شي من عنده لعلمكم اذا احتاج شي اخذ من بيتنه عندي اهون من اذا اطلب من عنده

علما انه في هالفتره قاعده في بيت ابوي لأنه يبني لي شقه اصغيره في بيتهم

وامس كان رايح السعودية رجع اقول له ها شنو شريت لي كلام جذي الا عصب علي انه ما رحت سوق انه رحت اشتري اغراض للسياره وجذي مع انه ما خله شي الا شراه حق بيتهم
من فواكه وخضره وجذي

ثالثا معامله بيتهم معاي خايسه لكن ان تكلمت طلعت حقيره وخايسه نفس ومغروره

اتصدقون لو يصير عندنه اقل شي امي تعزمهم ولا يقدرون ولا ايوون لنه ذاك اليوم عندهم عزيمة ومسوين اكل وما ادري شنو وما قالوا لي اتصل فيني قال بمرج بيتنه مسوين عزيمه قلت لا ما بجي الا قوم الدنيا وقعدها بيتكم ما قالوا لي واخرتها رحت يعني شوفوا ويهي من راج بلا عزيمه قع بلا حشيمه

ولا في شي باط جبدي عدل قبل ما انعدل الشقه اهناك في بيتهم يروحون السوق ياخذون من كل شي فواكه وجذي ويظل مده اذا جريب بيخيس واخترب عطوني منه ليش مو شايفه خير في بيت اهلي والله اني كنت عايشة مدللــه في بيت اهلي ولا عيشه الاميرات بس الحظ

رابعا
يوم ياخذني انه عندي ليسن وسياره قال لي ببيع سيارتج وبزيد عليها وبشتري لج سياره افضل ترددت بالبداية ما رضيت بعدين يابت سعر اوكي السياره قلت اوكي بيع باعها وشرى سياره غير واكا عنده ما يعطيني اياها واذا اخذها ما خلى شي ما قاله وين رحتي وين يتي
وانا اخذها بس للمشاوير الضرورية

خامسا
بنت عمه كبيره شوي وعندها بنت كانت تبي تزوجه اياها بس اهوه ما بغاها من قراده حظي جان زين خذاها ولا خذته >> والله بموت قهر

وبنتهم خلاص اتزوجت عقب ما انا وياه تزوجت وللحين لين يروح بيتهم يقولون له لو ماخذ بنتنا مو احسن لك >>>>>>>> وما يبني ما اكره بنت عمه

ولا على طول تتصل عشان تبي بيزات منه ومبالغ 100 دينار 150 دينار واذا كلش مبلغ اصغير 20 دينار وما يبيني احتر يعني واجب عليك تصرف عليها ومو واجبك عليك تصرف علي

واخر مره تهاوشت معاه قلت له حرام عليها كل فلس تعطيها اياه وانه محتاجه الله لا
يربحها فيه
يقول محتاجة وفقيره انزين يعني احنه اللي عندنه ريلها يشتغل شغلتين وعيالها يشتغلون من اللي الحين مو محتاج بس عايش على قده
والله ذاك الشهر في العطله رحت العمره والله العظيم ما عطاني فلس احمر ويوم ييت من يجي لي اتصلت له بنت عمه يالله فلان تعال وصلني البيت لانها اهيه في بيتهم توه قاعد معاي ليش عاد توني يايه من السفر نبي نقعد بروحنه تسوين جذي

والله لوابي اروح مكان يلوع جبدي على ما يوديني ولكن بس اهيه تتصل على طول يروح لها يوديها

طولت عليكم

شسوي اتمنى الزمن يرجع لورى

اتمنى اتساعدوني