(كيف تتعامل المخطوبة مع خطيبها؟)(نريد المساعدة)

مرحبااااااااااااا خواتي..:)

انا حبيت اشارككم الموضوع وانا امر بنفس التجربة وبغيت مساعدتكم...

انا بعد مخطوبة صار لي مدة

بس للحين ما كلمت خطيبي

هو كلم اخوي على اساس انه يريد يكلمني:o :o

بس انا مترددة..

ما اعرف كيف ابدأ معاه

اتمنى مساعدتكم:) :)

عندي كم سؤال ابغي اسأله رجاااااااااااااااااء ساعدوني

اول سؤال
كيف اكلمه في اول مكالمة وشو اقوله...


وبعدين اكلمه بشكل رسمي ولا عادي اكلمه فكلام حب..؟؟؟؟؟:eek: :eek:

مررررررحبا...سؤال مهم جدا قلب اي شئ..!!انت مخطوبه رسمي ومعقود قرانكما والااااااا لاااا؟؟

تحياتي لك..:)

مساء الخير


شكرا لتواصلكم

طفول وش قصدك بالسؤال(سؤال مهم جدا قلب اي شئ..!!انت مخطوبه رسمي ومعقود قرانكما والااااااا لاااا؟؟)

يعني خطأ ان البنت تكلم خطيبها قبل عقد القران حتى لو كان كل شي منتهي

يعني طبع اهل البنت انهم مايسوون الملكة الاقبل الزواج بيوم او يومين
طيب بهالحالة كيف تتعرف عليه وعلى اخلاقه؟؟


ياليت تفيدني لانك خوفتني بسؤالك جدا

دمت

لا في ناس يكتبون الكتاب قبل الملكة بيوم او يومين اسبوع
يعني فترة بسيطة

وتكون المدة بين الملكة والزواج سنة او ستة شهور

يعني مدة طويلة

وباااااااااااااي

بنات الموضوع جدا حلو ووعد مني اني اتابع معاكم على طووووول
بس

خلوني اشارك معكم

خلوني اقول لكم عن تجربتي بالخطوبه فترة الخطوبه برأيي اما انها تكون من احلى فترات بين الزوجين او انها تكون من اكره فترات بين الزوجين وخصوصا اذا طولت

لانهم بنظر المجتمع لاهم متزوجين ولاهم عزوبيه

والبنت والرجل تصيبهم حيره في كيفية التعامل مع بعض

يعني هو زوجي خلاص وله بعده رجل غريب عني ؟؟؟

طيب اشلون اتصرف معاه وش هو الاسلوب المناسب للتعامل معه

كلها اسئله تطرأ على بال الفتاة والرجل فما هي اجاباتها

؟؟؟
لي عوده مع الاجابات وانتوا بعد فكروا معاي

مشكورة اختي على مشاركتك

انا عن نفسي راح اتصل فيه اذا ما اتصل فيني على طول علشان يحس اني انا بعد مهتمه فيه

واسال عنه دايم دوم لانه سوف يكون نصفي الثاني

وتحياتي للجميع كيوكيو

سلملم;)

اختي الكريمه
انا اقدر انصحك بشي واحد فقط وهو انك حاولي تبتعدي عن الاقنعه
لان فترة الخطوبه من اخطر مراحل العمر وهي بنفس الوقت احلاها ولكن المشكله الرجال يكون مخفي اطباع كثيرة وراء اقنعه وهذا شي مو بيده والبنت تخفي هي بدورها كل اطباعها اللي يمكن تزعج الرجال منها (مثل لو كانت عنيده )وبعد الزواج اي مشكله تصير تبدئ الاتهامات
البنت تقول :انت ايام الخطوبه ما كنت كذا معناها اكيد ما عاد تحبني
الرجل يقول :لو كنت اعرف طبعك هذا ما كنت تزوجتك
وتبدئ المشاكل (وبكذا نطبق الامثال الشعبيه )
اللي تقول
في فترة الحب يتكلم الرجل وتسمع المراة
في فترة الخطوبه تتكلم المراة ويسمع الرجل
وبعد الزواج يتكلم الاثنين ويسمع الجيران
صدقيني اختي اهم شي التعامل يكون طبيعي دون اي تمثيل
اعرفي طباعه كلها وحاولي انه يعرف طباعك
سليمان عليه السلام مرة شاف عصفور يخطب عصفورة وقالها تزوجيني وانا اسكنك اي بيت من بيوت دمشق ضحك سليمان عليه السلام وقال
(كل خاطب كذاب )لان بيوت دمشق مبنيه داخل الجبل
اتمنى اكون قدمت شئ مفيد
اخوكم النجم الحزين

عزيزتي بثينه..سؤالي للاخت مشفي جروحي عادي جدا ومهم في نفس الوقت....لانها كانت تسأل اذا كان من الممكن تكلم خطيبها بشكل رسمي والا في كلام حب..!!..وانا كنت بقول ليها اذا هم مخطوبين رسمي ومعقود قرانهم يتكلموا بشكل طبيعي وشوي شوي لين تأقلموا مع بعض كلام الحب يجي بروحه ما بحتاج تحددين له وقت..

واذا كانت الخطوبه لسه كلام في كلام يعني ما صار شئ رسمي..يعني تتكلمي معاه بشكل جدي ..والثقــــــــــــــــــّل زززززين..

بثينه...عادي حبيبتي تكلمي اللي بيخطبك في التلفوووون..أو في لقاءاااااات عائليه..وتتعرفين على طبعه وأخلاقه من تعامله مع اللي حوله..وتصرفاته مع أهله مع أصدقائه..والبيئه اللي عايش فيها بشكل عام..



وبصراحه أحنا ...يعني انا..مجتمعنا وعاداتنا ما تسمح لنا بالخطوبة بدون عقد قرآن..يعني الخطوبة عندنا لازم عقد ..والا الخطوبه اللي بس كلام في كلام..يعني أقصى حد اليها أسبوع يأتي بعدها عقد القران..ويقعدووووون فتره ..البعض أشهر والبعض سنوات ..الى أن يتم الزواج ..

وتحياتي للجمييييييييع..

دمـــــــــــــتم سالمين..;)

مشروع عروسه
احلا رد كان ردج

شكرا لكم جميعا

الخطوبه فتره حلوه لاتحاولين اتخربينها بأشياء نكديه وزعل ومشاكل حاولي تجعلينها احلى ايام زواجكم بس مو معنى هاذا انج تتغاضين عن المشاكل وتهملينها حتى لا تعكر صفو حياتكم بس المهم انكم تحلون مشاكلكم اول باول وما تخلونها تتراكم لما تتراكم في النفوس وبعدين اي مشكله تصير بينكم تتفجر وتتعقد والنصيحه الاخويه لكم انكم لاتدخلون اي أحد في مشاكلكم ابداااااا حتى لو كانوا الاهل لان هاذي الطريقه مب زينه حق المستقبل اذا الحين ومشاكلكم بسيطه وتافهه موقادرين تحلونها بأنفسكم شلون لي صار عندكم عيال وصارت لكم أسرة مستقله ولها مسوؤليه كامله

الرجل عزيزتي مثل الطفل اذا تعودينه على شئ يأخذ عليه بسرعة ويصير عنده عاده

مثلا تعودينه من البدايه في فترة الخطوبه لي الزواج ان اي مناسبه واي ذكرى لابد انكم تحتفلون فيها ولابد من الهدايا ........... اهم شئ

وانكم على طول اطلعون اتغيرون جو كشتات طلعات مجمعات شاليهات مطاعم اتغيرون جو على الاقل يعني على الاقل في الويك اند لان بعدين يتعود انه يحبسج في البيت ولا يمرج وحتى عقب الزواج عوديه على هالشئ لان بعدين بيصير عندكم يهال حلو انكم تطلعون طلعه جماعيه مع الاهل والاصدقاء يعني حببيه فهالشئ

هالاشياء تغير من روتين حياتكم وتعوده على انه يخصص من اوقاته لج ولاسرتج في المستقبل

وفترة الخطوبه اهي البدايه لانج تعودين ريلج على كل شئ تبينه

لان من اهم فترات الحياة الزوجيه الخمس سنوات الاولي ومن بينها الخطوبه

مثلا

مهما ساعدتيه من راتبج يبقى لج الحق انج تأخذين منه مصروفج وكل احتياجاتج لانه ملزم ابها لا تخليبنه يعتمد واايد على راتبج بعدين في الزواج كل ما تبغين شئ بيقول لج اخذي الي تبينه من راتبج

حتى بداية العرس عوديه انه يساعدج بشغل البيت لا تقولين لي صعب صدقيني المره بذكائه تقدر تغلب الريال وتغير في اطباع وعادات يمكن اهو متعود عليها من صغره
مثلا
في حريم وااايد يشتكون من رجالهم انهم وااايد يسهرون استغرب من كلامهم هذا واسالهم عن فترة الخطوبه يقولون اي كنا نستحي اول الايام منه حتى بداية العرس كان يسهر ونخليه على راحته بس لما شفنا المشكله كبرت ما رضينا بهالشئ
يعني الحين انتي ما عودتيه من لبدايه جايه تعودينه عقب ما فات الفوت ............ما ينفع الصوت

وصدقوني بالتعود كل شئ يصير

ومثل ما قلت عوديه من البدايه مو لين طاح الفاس بالراس تبغين تغيرين فيه كل شئ

وسلامتكم

مشكورة يا ايوت على النصائح الجميلة والف شكر لكم جميعا وياليت اللي عنده زياده لايبخل

أنا عندي مشكله....!!وما أدري أصلا هل تستحق كلمة مشكله والا لاااااااا..يعني شئ طبيعي وعادي...!!

أنا مخطوبه..وخطيبي ولد عمي..ومآخذين بعض عن حب..

المهم..المشكله وووووين..؟؟

خطيبي كان قبل الخطوبه يشتغل في مكانين..الدوام الاول من 7صباحا الى3ظهرا...والدوام الثاني من 7مساءا الى11مساء..


وبعد الخطوبه بشهرين اشتغل في مكان ثالث..يعني بين الدوام الاول والثاني..يعني من الساعه4عصرا الى السابعه مساءا..

يعني صار يومه يطلع من شغل ويدخل في شغل ثاني..

ويجيني بعد الساعه 11..وعلى حد قوله مشتاق لي ووولهاااااااان..اقعد معاه شوي..وشيئا فشيئا ينام من كثر التعب..بدون ما يحس..

وما ادري اذا احد بيصدقني والا لاااااا اذا قلت لكم انه ما يآخذ اجازه في الاسبوع..يعني ايامه كلهااااااا شغل..بس يوم الجمعه العصر ما يروح يعني من الساعه 4الى7 راحه...وبس..

في البدايه انا رفضت شغله اللي من الساعه 4الى 7لكن هو قال لي انا راح اشتغل شهر واحد بس....وخلّص الشهر وجاء الشهر الثاني وما طلع من شغلته هذي قلت له ليييييييش ؟؟قال لي هم محتاجين لي كثييييير ومو راضين يخلووووني
اطلع..

والله صايره افتقده كثيييييير واشتاق له اكثر..بس ما ابيّن له هالشئ..

واسوّي رووووحي رزينه وثقيله..وانه الوضع عادي ولا مأثر فينننننني..

شسوووووووي قولوا لي..!!

بسم الله الرحمن الرحيم
اختنا العزيزة مشروع عروسه كلامك جميل جدا جدا وانا عن نفسى بتصرف نفس التصرفات ايلى انتى بتقولى عليها وفعلا هو بيموت فيا من دى التصرفات

طفول مشكلتك نفس مشكلتي معه:(

مهتهم بالشغل كثير وخاصة هالفترة قبل الزواج ويقول بعد الزواج بس بطلع الصبح وبرجع الظهر لاتخافين

لكن انا بصراحه خايفة هالوضع يستمر بعد الزواج

لكن بعد مافكرت بكلامه قلت بالعكس هذا مجتهد وهو مايشتغل هالشغله الا عشاني انا
اروح واكلمه واضيق عليه؟ ماتصير صعبه وانا السبب اللي يشتغل عشانه
فقلت اصبر
لكنه هالفترة غاب عني شهر ونص تخيلو لا اتصال ولاخبر:(
وقبل كان يوميا يكلمني مرتين او ثلاث
وفجأه انقطع
احترت ذبحني التفكير وماني قادرة اوصل له ولا افهم وش فيه
مدري كرهني:(
او ايش دلوني من جد تعبانة:(

شكرا لكم

الحال من بعضه الله يقطعهم ذا الرجال ماعندهم احساس


وانا عندي مشكله وش تسوي اللي متملكه وتاجل زواجها وطولت الملكة وملت ولاعت كبدها؟!!!!!!!

كيف اقدر اقضي هذا الوقت الطويل بدون مشاكل ؟؟؟؟


ارجو انكم تردون علي ولاتطنشوني

معه في مهب الريح
الله يساعدج ويعينج انتي مثلي طولت فترة الخطوبه وطالت فيها معاناتي يمكن انه اهون منج لاني اشوف خطيبي على طول ومافي يوم ما أشوفه أو اتصل فيه يمكن بحكم عادات وتقاليدنا الي تسمح بجذي يعني عندنا عادي الخطيب يطلع ويسهر مع خطيبته بس شسوي صارت ظروف رغما عني وعنه مع ان كل شئ جاهز اتصدقين اني أعد الايام يوم بيومه عن موعد الزواج وكل يوم يمر أشطب على الرزنامه بس يا خويتي الايام والاشهر قاعده تزيد ما تنقص وتحول حلمي الجميل ليللة زفافي ليوم بعيييييد المنال الله اللهم لا نسألك رد القضاء ولكننا نسألك اللطف فيه
ادعولنا يا بنات الله يسهل علينا هالمره وما نأجل الزواج

أنا بعد مثلكم يا شمعة في مهب الريح وايوت

خطبتي مطوووووولة وأنا الصراحة مليييييت :pain:

أنا عادي أطلع معاه وأسهر ونروح ونجي مع بعض .....بس بدون استقرار

ادعو لي أتزوج قريييييييب.......تراني زهقت حتى من خواتي في البيت:eek2:




تحياتي
ايمـــــــــــــــا

الله يعيننا بنات

بس انا حالتي صعبه مررررررره مابيننا الا تلفون ومو دايم نتكلم

لان اهلي مايحبون المكالمات الكثير!!!!


اما الطلعات والزيارات بالمشمش

واش الحل؟؟؟؟؟؟؟؟؟؟؟؟؟؟

نبي حل نفس المشكلة ظنيت انا لحالي

انا لي سنه ونصف على هالحالة:(



دلونا تكفوووون