مشكلتي الشخصيه - منتديات عروس

السـلام عليكم ورحمة الله وبركـااته

اختي " شريفـه " عندي مشكله او موضوع شاغل بالي .. ومب قادره افاتح اي شخص فيه

مسألة ان الموضوع بيكون مخفي وبس انتي تقدرين تشوفينه ساعدتني اطرح عليج مشكلتي خاصه انج مشرفه اجتماعيه ويمكن تقدرين تساعديني بإذن الله

..

انا تعرفت على شخص قبل 4 إلى 5 شهور تقريباً .. تعرفنـا ع بعض وأول مره احس اني فتحت قلب لإنسـان بـ هالطريقه وهو بعد

وفعلاً حبينـا بعض

تعلقنا ببعض بشكل مب طبيعـي وصرت احسـه كل شيء

حسيت بإحسـاس الحب !

وقال لي انا ابيـج وابي اكلم اهلي عنج .. من بعد مافاتح اخته بالموضوع وشجعته انه يكلم أمه ..

وقبل فتـره قعد مع امه ولـّمح لها باالكلام وحس انها مب موافقـه

لأن ببساطه عندنا مشكله .. اللي هي اختلاف المذاهب :091:

وتخيلي اتصل فيني يبجـي يقول حسيت انها ما بترضى ونزلت دمعتي وقمت .. وانا حاولت اهديه

وهو وعدني انه بيكلم ابـوه قريب بس تتعدل ظروفهـم العائليه شوي

هو متفائل ويتمنى ان ابوه مايعارض وانا بعد اتمنى

بس اليوم جاني وقال ان التفكير تعبّـه وانه خايف ان اهله مايوافقون وخايف من ردة فعلي وقتها

هو الحين قال مابضغط عليج .. اذا تبين نظل مع بعض واكلم اهلي ونشوف شيقولون .. او اذا تبين نبتعد ولو انه مايبي هالشي ولا انا

:091:

خايفــه .. ماعرف اهله بيوافقـون او لا

هو شاب محترم وحنون وخلوق .. فيه كل شي زين ماشاء الله

ووده ان صج ربي يتمم لنا ع خير .. بس مشكلة المذاهب بالنص

ساعديني شلون اتصرف :091:

(( ملاحظه \ ادري ان ماصار لنا وقت طويل بس هالكم شهر كأنهم سنين .. كل وقتنا مع بعض ))

السلام عليكم
انا لا اعرفك ولا انتي تعرفيني ...
انا اكلمك وانصحك لوجهه الله
الرجل اذا اراد المرأة تقدم وخطبها من اهلها
ولكن

هذا لايريد الارتباط بك
حتى لو كان هناك فعلا حب ولكنه لايريد الارتباط
صدقيني .. يريد المتعه والحب حتى لو يبكي .. عاشق وعايش الدور
وهو عارف ان أهله ماراح يوافقون على الزواج هذا من اول يوم كلمج بالتلفون

غاليتي
حطي الله مابين عيونج
وحفظي نفسج وشرفج وسمعتج وسمعة والدينج اللي ربوج وتعبوا في تربيتج وانتظري النصيب الذي يفتح باب بيتكم يرغب بك بالحلال
فكري بكلامي

واخرجي القلب من الموضوع وفكري بعقلك وستجدين الحل من غير ماتحتارين

فكري جيدا بالموضوع لمصلحتج

دمتم سالمين
اختك شريفه