ام ريلي صارت ام بنتي تعالو ساعدوني جزاكم الله خير

الله يكون بعونج حبيبتي

الحبُ الكبير;11771140:

مشكورين بنات ماقصرتو..

بقولكم اخر التطورات..

انا طرشت مسج حق اخت زوجي ع اساس هي قريبه مني وانا اعتبرها اختي وقلت لها ان انا وزوجي متضايقيين لانكم تعلموون بنتنا تنادينا باسمنا وهالشي عيب واذاا انتو عندكم عادي الصراحه احنا عندنا عيب لان اهلي من انا صغيره ربوني احترم الكبير والصغير وما انادي الكبار باسمهم علمونها ان هالشي عيب عشان جذي انا هالسالفه مضايقتني..

ماردت علي

واليوم الثاني رحت بيتهم وماسلمت علي ولا عطتني ويه قمت رجعت بيتي ولما وصل زوجي يات شقاتنا ودخلت علينا في الغرفه واحنا مسكرين النور وبنام وقومت زوجي كان بادي ينام وقعدت تصارخ وتقوله شوف زوجتك شتقول وتمت تقولي انتي غلطتي ع اهلي وسبيتينا شنو يعني اهلج ربوج ان هالشي عيب اشقصدج احنا ناس مو متربيين وشراشنه وماتمت سبه وكلمه ماقالتها لي وانتي غبيه وانتي وانتي وانتي وانا ارد عليها بس تسكتني وتقولي ليش تدافعين عن نفسج لا تدافعين عن نفسج مالج حق وقالت حق زوجي انت شرايك اذا انت تشوف هالشي صح انا باسكت وباروح والا هو يقوول لا هي غلطانه وطول الوقت قاعده تصارخ وتسب وهو ما سكتها ولا قالها ولا كلمه وعنده ان انا غلطانه!! وهو قبل يقولي انه متضايق وان اللي يسوونه غلط!!! والله انصدمت..

واقولها لو سمحتي لا تصارخين انتي يايه تتهاوشين ولا تتفاهمين قامت تتطنز علي تقولي اي نسيت انتي ماتحبين احد يصارخ عليج وكانت وايد تستهزأ فيني وبكلامي وتقولي شنو اهلج رربوج؟؟!! كأن انا وحده من الشوارع ومو متربيه وانا ماعمري غلطت ع احد ولا سبيته وابدا ماقصدت اللي فهمته كل اللي قصدته ان كل عائله تفكيرهم غير انتوا عندكم هالشي عادي بس انا اهلي عندهم هالشي عيب لان احنا تربينا ع جذي...! كلامي مسبه؟؟ وغلط؟؟ وهل انا غلطانه وجرحتها؟؟

اتمنى القى رد..

انا اشوف ما كان لازم ترسلي لها مسج ،،هالشي تتناقشي فيه مع زوجك و هو ادرى شلون يتعامل مع أهله و شلون يوضح وجهة نظره، لأن لما يشوفوا ولدهم او اخوهم متضايق بيعيدوا حساباتهم عشان ما يخسروه.

الحبُ الكبير;11771140:

مشكورين بنات ماقصرتو..

بقولكم اخر التطورات..

انا طرشت مسج حق اخت زوجي ع اساس هي قريبه مني وانا اعتبرها اختي وقلت لها ان انا وزوجي متضايقيين لانكم تعلموون بنتنا تنادينا باسمنا وهالشي عيب واذاا انتو عندكم عادي الصراحه احنا عندنا عيب لان اهلي من انا صغيره ربوني احترم الكبير والصغير وما انادي الكبار باسمهم علمونها ان هالشي عيب عشان جذي انا هالسالفه مضايقتني..

ماردت علي

واليوم الثاني رحت بيتهم وماسلمت علي ولا عطتني ويه قمت رجعت بيتي ولما وصل زوجي يات شقاتنا ودخلت علينا في الغرفه واحنا مسكرين النور وبنام وقومت زوجي كان بادي ينام وقعدت تصارخ وتقوله شوف زوجتك شتقول وتمت تقولي انتي غلطتي ع اهلي وسبيتينا شنو يعني اهلج ربوج ان هالشي عيب اشقصدج احنا ناس مو متربيين وشراشنه وماتمت سبه وكلمه ماقالتها لي وانتي غبيه وانتي وانتي وانتي وانا ارد عليها بس تسكتني وتقولي ليش تدافعين عن نفسج لا تدافعين عن نفسج مالج حق وقالت حق زوجي انت شرايك اذا انت تشوف هالشي صح انا باسكت وباروح والا هو يقوول لا هي غلطانه وطول الوقت قاعده تصارخ وتسب وهو ما سكتها ولا قالها ولا كلمه وعنده ان انا غلطانه!! وهو قبل يقولي انه متضايق وان اللي يسوونه غلط!!! والله انصدمت..

واقولها لو سمحتي لا تصارخين انتي يايه تتهاوشين ولا تتفاهمين قامت تتطنز علي تقولي اي نسيت انتي ماتحبين احد يصارخ عليج وكانت وايد تستهزأ فيني وبكلامي وتقولي شنو اهلج رربوج؟؟!! كأن انا وحده من الشوارع ومو متربيه وانا ماعمري غلطت ع احد ولا سبيته وابدا ماقصدت اللي فهمته كل اللي قصدته ان كل عائله تفكيرهم غير انتوا عندكم هالشي عادي بس انا اهلي عندهم هالشي عيب لان احنا تربينا ع جذي...! كلامي مسبه؟؟ وغلط؟؟ وهل انا غلطانه وجرحتها؟؟

اتمنى القى رد..

تبين الصراحه اختي اسلوب المسج كلش غلط يعني انا اللي مالي سالفه في الموضوع بفهمه مثل ما فهمته اخت زوجج وريلج صف معاها لان فعلا الكلام اللي انقال غلط وما ينفهم غير بالطريقه اللي فهمتها اخته...
وبالنسبه لتصرف اخت زوجج فاكيد غلط حتى لو اهي مقتهره ومضايقه ماكان له داعي تصارخ وتدش عليكم غرفه النوم بهالطريقه للأسف اختي انتي وايد كبرتي المواضيع بينج وبين اهل زوجج واحنا نصحناج من قبل ان يا زوجج يكلم امه بهدوء ويفهمها ان الوضع مضايقكم يا ان تخليين كل تركيزج على بنتج وقت اللي تناديج باسمج تطنشينها وتفهمينها ان اسمج ماما وما يصير تناديج باي اسم ثاني...
الله يستر عليكم ويهدي سركم وان شاء الله ما تكبر المشاكل بينكم اكبر من جذي بس اختي حاولي تبتعديين في النقاش عن المقارنات بين اهلج واهل زوجج بهالطريقه توضحيين لهم ان انتو احسن منهم وان تربيتكم افضل صراحه اي شخص بيفهمها بهالطريقه لا تزعليين مني انتي تطالعيين الامور من زاويه لان انتي يمكن السالفه وايد مضايقتج ومحتاره شلون تحلينها واحنا على حسب ما تكتبين لنا نطالعها من الزاويتيين فحاولي تمسكيين العصا من النص ولا تخسريين زوجج واهله على موضوع اليوم ولا باجر مرده بيتغير وبيرجع لوضعه الطبيعي صدقيني بنتج مستحيل اتم طول عمرها تنادييج باسمج مردها بتكبر وبتفهم وبتنادييج ماما ومستحيل احد ياثر عليها لان بتكون خلاص تفهم وتقدر تميز

صدق تصرفها غلط ... بس بما انك تقولي انها كبيرة حاولي تماشيها على عقلها .... سن الستين الحريم يبدئوا يسوى حركات غريبه تراه ... وماعليكي الا انك تقوليلها ماريدها تناديني بأسمي مش حلوة ومثل ما انتي اولادك ينادوكي ماما انا لي الحق بنتي تناديني ب ماما...
وهالطفله لازم تتعلم من الحين تناديكي ماما ولا طول عمرها تناديكي بأسمك لاني اعرف حد تعود ينادي امه من يوم صغير بأسمها والله الحين تعدى ال 30 سنة وهو يناديها بأسمها يقول ما قدر وامه ماقدرت تغير شي لانها من البدايه سكتت عنه والحين كبر ماقدر يغير ف الشي من الصغر ينغرس بالانسان صعب تغيرينه ....
(( العلم في الصغر كالنقش في الحجر ...)) من الحين علموهم كل شي انقهر لما تقولوا ياهله وصغيره وماتفهم ولله يفهمون كل شي الحين الجيل صار واعي وفاهم مش مثل قبل... تحياتي اختي وسمحيلي ع الاطاله وربي يقويكي ويعينك على التربيه

يمكن هي غارت منك او الله اعلم علمي بنتك تناديكي ماما و لا تردي عليها و خلي زوجك يحكي مع امه لانه الكلام منه لامه افضل من انه يجي منك انتي

اختي انتي غلطتي بارسال مسج لها لان المسج غير عن الكلام وجه لوجه وريلك مايبي المشاكل .....
بس انتي لو راده عليها بكلمتين وقايله لها انتي لو متربيه ماتفتحين وتدخلين علي انا وريلي بغرفة النوم .......
ونصيحه طنشيها ولاتفتحين الموضوع مع ريلك خلااص الي صار صار ......وشفتي شنو كان موقف ريلك يعني لاتحطين نفسك بموقف اكبر منه وبعدين تتوالى عليك المشاكل لاسمح الله والله يهدي سركم ويخلي لكم بنتكم ...

تقبلي مروري

الظاهر ان ام ريلج ما تحب تكبر مو راضية تستوعب انها صارت جدة ، عشادة كذة خلي بنتج تناديها ماما و هم انتي تناديج ماما ، و لما تكون بنتج وياج فهميها ان انتي امها الحقيقية لي ولدتيها و ان جدتها هي ام باباها و لازم كل واحد ينادي ابوه و امه بس بابا و ماما بس قولي لها ما يخالف تناديها هي هم ماما عشان هي تحبج وايد مثل بنتها ، اكيد راح تفهمي بنتج بكلمات بسيطة عشان تفهم قصدج و اهم شي تركزي عليه انه عيب تناديج انتي و باباها باسماءكم

حبيبتي تكلمي مع ام زوجك باسلوب حلو انه ما يصير بنتك تناديك بي اسمك
واذا اصرت لاقالت لبنتك كذا قولي لي بنتك عيب تناديني كذا وبي البيت لانادتك بي اسمك لا تردين على بنتك لين ما تقولك ماما بعدين ردي عليها
علشان تتعود واضح ام ام زوجك تغار وما تبي تحس ان دورها انتهى وولدها صار ابو ومو مستوعبه انكم صار لكم حياتكم الخاصه علشان كذا جالسه تتدخل بي الصغيره والكبيره علشان تفعل دورها بي حياتكم وثتبت وجودها ما عليك راعي كبر سنها وحالتها النفسيه انتي سوي اللي تبين بسكوت وما تتناقشين معل بكل شي الا اذا تعدت حدودها معهكم والغت وجودك وهمشت دورك بي تعاملك مع بنتك وزوجك لا كذا لازم تتكلمين

الله يعينك

هلا اختي اما اني لي وجهة نظر ثانيه من الموضوع
بما ان ام زوجك عاجبنها الوضع خليها اتناديها ماما ام فلان لان احنا في بيتنا كذا لعيال ينادون جدتهم وتناديك ماما واسمك او بس ماما
لا اتكبري الموضوع وهوه صغير وماسيوى دام ان ام زوجك وحده كبيره في الستينات زي ما قلتي فأن الكلام معاها ضايع لان الجدات في هالسن يرجعون زي الأطفال طنشيهااا ولا تهتمي لها وباالنسبه لبنتك علميها ان اللي قاعده اتقوله اليها جدتها غلط واذا نادتش بأسمش لا تردي عليها لين تقول ماما
و بالنسبة لسالفة المسج صحيح ان الاسلوب اللي كتبتيه فيه غلط بس دام انها تعتبرك زي اختك اكيد راح تتفهم الموضوع
وبعدين اخت زوجش اللي سوته اكبررر غلط لو اني منش وزوجي مارد عليهاااا كان قلت اليه وانت ساكت بعد ما اتقول لك كلمه اتسكت اختك اللي جت واحنا في غرفة النوم وتفتح علينا الباب واذا ما رد فهذا معناتها انه ماعنده شخصيه قدام اهله اسمحي ليي
وباالنسبه لأهل زوجش خلاص انتي لا اتروحي لهم بعد اللي صار او اذا بتروحي خففي زياراتش لهم يعني مره في الاسبوع او كل اسبوعين او حتى في الشهررر
لا تكوني كل يوم عندهم وعلى سالفة ام زوجش تتدخل فيش ردي عليهاااا ترى الكبار في السن ماينفع وياهم الى العين الحمراااا فهمتي عليي
يعني لو بتقول لش ليش ماقلتي ليي انش بتطلعي قولي لها والله اني اخذ الأذن من زوجي وزوجي هوه ولي أمري صح ولا لا
يعني ردي عليها بس بأسلوب يعني لا تعطينها مجال اتحط لك حجه فهمتيني
وحماتك لا اتصالحينها مره تانيه الى لازم تعتذر منش واتحب راسش كمااان
واذا على لبس بنتك لبسيها شي يعجب جدتها اذا بتروحين لهم واذا مابتروحين لهم لبسيها على كيفش
وانتي مش مجبوره تطلعي مع ام زوجك كل مكان يعني باالعربي لا تحتكي فيهاااا اصلااااااا خليها ماعليك منها لان الكلام معاها ضايع
وباالنسبه لزوجك فهميه ان اللي سوته اخته غلط واللي سواه هوه اكبر غلط يمكن هوه ماكان يبي يزعل اخته لانش انتي اتمونين عليه بس مش لدي الدرجه
فهميه واتكلمي معاه ولا اتطنشي الموضوع صدقيني اذا طنشتي الموضوع راح يتعود والرجال على ما اتعوديه
وقولي اليه انه هذي الحركه تدل على انه مو عامل الش الف حساب
واذا كلمتيه على سالفة بنتك مره تانيه وقال لش بروح انعل خامسهم قولي اليه الله وياك لان اسمحي ليي اهل زوجك ماتنفع معاهم الى هذي الطريقه بعد اللي سووه
وهذا كل اللي عندي وخبرينا عنش وعن اخبارش

:040:صراحه عقلها صغير لكن انتي بنفسك حاولي وارجعي لبنتك وحاولي معاها انك تناديك ماما وام زوجك اخصريكي منها تراها غيرانه منك لانه ممكن مافي احد من عيالها ناداها زي كذا 00الله يعينك:040:

ههههههههه
ليش مكبرة الموضوع
سوي حل وسط
علميها ام ريلج تناديها ماما نورة وانتي ماما سارة <<<< طبعا الاسامي مثال
وانتي قولي حق زوجج ما ينادي امه (يمه) خل يناديها باسمها عشان تحس طبعا بينكم وبين بعض مو جدام الناس مو حلوة في حقها بس عشان تحسسونها...
في النهايه هذي مثل امج مو بالكلام لا المفروض تحبينها وتتعاملين معاها مثل ما تتعاملين مع امج حتى لو ما كانت حليوة,, بذوقج واخلاقج كسبيها

الله يعينك

ربي يعينك ويعينا على هالحموات ما أدري لييش يتدخلون في أشياء مالهم فيها دخل
الله المستعان

السلام عليكم

انت لا تخلين هذا الموضوع يسير لانه كيف انت فلانة وجدتها ماما

لا لا لا

انت اللي حملتي فيها وولدتيها ومو هي

يعني لا تخلي ولو سويت كل شي انه بنتك تناديك باسمك

حاولي بنتك تعاقبيها لو قالتلك فلانه عشان تعرف انه غلط وحاولي قدر الاستطاعة تحفضيها انه انت الماما


الله يعينك

أنا أجوف انج عطيتي الموضوع اكبر من حجمه..
انتظري جم يوم بعدين بالهداوة كلميها وقوليلها حطي روحج مكاني تخيلي ينتج تناديج باسمج شنو بيكون شعورج.. ياحبيبتي الريال يتملل اذا كل شوي قلتيله كلم هلك.. لا تخربين حياتج بسبة موضوع أنا أجوفه عادي.. كلما رحتي عند اهل زوجج انتي بادري قولي حق بنتج روحي سلمي على ماما...... .. وفي البيت بينج وبين بنتج حاولي تصححين لها الاشيا اللي تحسينها غلط.. ريلج لاتدخلينه ترا السالفه بتكبر .. لاتصيرين حساسه بتعبين وتعبين بنتج معاج..
الله يسعدكم دوووم.. وسامحيني اذا ثقلت عليج..

هاي
شوفي هذا عادي عندي الاطفال حتى انا بنت عمو تقول امها يا ماما او يا تنادي باسمها وعادي