تجمع ربات البيوت القمورات بيتنا الثاني الله يدوم بيننا الحب والاخوه يارب

"صباح الورد والفل والياسمين"
كيفكم حبايبي؟ ان شاء الله إنكم بأحسن حال.

أنوثه: سلامتك ياقلبي ، ولازم تفطرين الله يهديك ، وبناتك بسم الله عليهم أكيد أميرات إذا أمهم أنوثه الحلوه.
أم أحلى بنيه: هلا فيك ، الله لا يجيب الزعل بينك وبيننا ، يعني تتغلين علينا؟؟؟ ، وسلامتك ياقلبي وسلامة بناتك حبيبتي ، وما عليك في كلام الناس ، وجاري تطبيق الشاورما (شكلها لذيذه).
جداويا: هههههههههههههههه ، وأخيراً مشطتي الكشه؟؟؟؟
مهاوي: الصور قلتلكم خلاص مو راضية تتصغر ، عشان كذا مانزلتها ، وبالعافية عليك البسبوسه.
سلخير: ههههههههههه ، الله يخليلك ولدك يارب ، والله يعطيك العافية.
هموسه: استودعك الله الذي لا تضيع ودائعه ، والله يسهل أمرك يارب ياكريم ، طمنينا فديتك.
شذاوي: يسعد صباحك.
روز ، كوامن الليل ، مدنونة فينكم

يومياتي امس

جلست اتسدح من مكان لمكان على 5 تنشطت شوي و قكت نشرت

الشراشف اللي بالغساله و حطيت ملابس لبناتي و دخلت المطبخ

غسلت النحاس و طلعت الزباله الله يكرمكم و رجعت جلست بالصاله

و بعد المغرب روشت البنات و بعد العشاء تعشينا ساندويشات

و نمت على 1 و بس..

يومياتي:
أمس: صحيت الساعه 1 ونص من اتصال عمي يقولي لسا نايمه ، يلا قومي اطلعي تقهوي معانا ، قمت صليت ولبست ورتبت البيت وطلعت ، تقهوينا ، وسوينا غدا دغااابيس (أكيد راح تعلقين ياجداويا) وبرياني دجاج ، استنينا زوجي لما جا من الدوام الساعه 4 وتغدينا ، مررررره كان الغدا لذيييييييييييذ وطحنا فيه ، والبرياني مفلفل يمي يمي ، بعد صلاة العصر نزلت انا وزوجي قعدنا شوي على التي في ، وبعدين خرجت مع عمتي واخوات زوجي ورحنا البحر ، وبعدين رحنا الروشان مول ، ونصنا أخذ آيس كريم والنص الثاني أخذ وجبات من البيك ، واتصل عليا زوجي قال ارجعوا بسرعه لأني برا ونسيت مفتاح البيت ، المهم رجعنا واخذنا معانا شاورما ، وفي محل الشاورما لقي أخو زوجي جوال بلاك بيري مرمي ، أخذه وأعطاه زوجي ، وكلم صاحب الجوال ، اتصل على آخر رقم ، ورجع المطعم وأعطاه ، تعشينا ونمنا على الساعه 11 ، الساعه 1 ونص صحيت سمعت صوت ، حاجه طاحت ما ادري ايش هيا ، المهم لقيت في جوالي مكالمات ورساله من جوال عمي ، طلعت الحلوه اخت زوجي (هيا ما عندها جوال) مرسله أنها نسيت الملابس حقت المدرسه عندي وما كوتها ، طبعا أنا صرت كذا :mad: ، المهم رجعت نمت ، وعلى الفجر صحيت وكويت الملابس (3 مراييل وثوب أخو زوجي) ولما صحي زوجي وهوا رايح للصلاة طلعها معاه عندهم ، وسويت فطور ، فطر زوجي وراح الدوام وأنا جيتكم دغري....

روحي تحبك
هههههههههه عساها بالعافيه يارب
والله كنت ناويه اعملها غدا اليوم بس زوجي قال بيبدأ ريجيم و انقهرت

صباح الخيــــــر
روحي تحبك يعطيك العافية ماشاء الله علاقتك بأهل زوجك حلوووووه أكد عمتك أم زوجك تصير لك
مدنونه روز همس وينكم طلوا
يوميــــــاتي
صحيت بدري صليت وكويت ملابس لزوجي لصلاة الجمعه وعلى الأذان صحيته وأخذ شور ولبس وودعته
كلمت ماما وبعدين دخلت الحمام وكمان أخذة شور وشطفت الحمام عشان أفتك وصليت وسشورة شعري
صلحت الشاي والبيض ورجع زوجي ومعاة الخبزات وأفطرنا غسلت المواعين ولميت الزبايل وكنست الصالة والمطبخ وزوجي رجع نام وحطيت غسيلاتي بالغسالة
وجلست على التي في وعلى صلاة العصرفضيت المكنسة من الغبار وغسلتها وعطرتها
ومسحت أرضية المطبخ وصلحت قهوة وحلى الزبادي وشاي وقليت سمبوسه لأني ماسويت غداء وبعد صلاة المغرب حطيت القهوه واتقهوينا
وبعد صلاة العشاء رحنا السوق وأخذة بجايم قطنية مره حلووة وقمصان خفيفة المشكلة أخذة أثنين زي بعض
أنشاء الله أرجع واحد اليوم وأبدلة ومريت نكتار وأخذة سبراي التوت البري مرة رخيص وحلووو مشكلته مو ثابت وأخذنا عشاء من البيك ورجعنا البيت متأخر لأن البيك كان زحمممممه وأنا فرحانه عشان ألف كم محل
على بال مايجي دورنا ورجعنا وتعشينا وعلى التي في أخذة الدوى ونمت بسرعه قبل يبدأ مفعوله لأنه مرة متعب
وصحيت اليوم وشيكت عليكم وعم بكتب يومياتي ومستمتعه بقرأت يومياتكم
تحياتي للجميع
مهاوي جاوايا كوب نسكافة أنثى خوخة مدنونه أم أحلى بنيه كوامن روحي تحبك روز حكاية عطر همس والجميع لكم هذة:087::087::087::087::087::087::087::087::087::087::087::087::087: