تجمع ربات البيوت القمورات بيتنا الثاني الله يدوم بيننا الحب والاخوه يارب

~

~لمعة الماس~

عروس متألقة

03-04-2010 | 01:55 AM

هههههههههه هموسه الله يسعد قلبك ضحكتيني
بصراحه جااارتك تستاهل تحجين به على راسك خخخخ
الله يجزاها خير تذكرت جارتي اول يوم كنت بالقريه حتى الغدا احياننا ترسله اااااه قلبتي المواجع الله يجمعني بها قريب يارب

#

##خــوخــه##

عروس مبدعة

03-04-2010 | 02:17 AM

صباح الخير
هلا وغلا وصياني حلا بمهاوي::والله لك وحشه وشوق هلللللبه
حسيت إن الملف طلع له نكهه من جديد ولا يهونون الباقين ::
روز الله يجمع شملكم ومثل ماقلت لك راجعي علاقتك مع ربك :كيف صلاتك ووقتها _حجابك وعبايتك _أغاني قنوات فضائيه_ملابسك والكلام لي ولك وللجميع عسى الله يرحمنا برحمته_
مدنونه_همس_حبيبه زوجها_سلخير_أنثى_جداويا_كوب نسكافه_روحي تحبك_إبتسامه بدلع_مهاوي_روز_أحبكم

#

##خــوخــه##

عروس مبدعة

03-04-2010 | 02:25 AM

يومياتي:الجمعه صحيت 11 وصلحت قهوه وولعت ع الفحم وصحى زوجي تحمم بعدين تقهوى وتطيب وطلع _وأنا صحيت عيالي وعطيتهم عصير ورحت شغلت اذاعه القرآن أبي أسمع الخطبه وصليت وبديت بغداي كشري كنت مشتهيته لأني حالمه الصبح إني أكل كشري _تغدينا وحممت بناتي ولبستهم وتحممت ولبست ورحنا نزور خالتي ام زوجي في الديره ورجعنا ع 12 وبس

~

~مصراتية~

عروس برونزية

03-04-2010 | 03:21 AM

ألف مبرووووووووووووووووووك التجمع الجديد
ان شاء الله فاتحة خير
وبالنشاط يا ربات البيوت

م

مايمدحني لقب

عروس برونزية

03-04-2010 | 03:33 AM

صبااااااااااااح الخير....
اخباركم؟؟......

هلااااوغلاااا...بمهااااوي...نورتي..
عساك ع القوه دوم مو يوم.....
**************
بقية البنات>>>ماشاء الله عليكم....قواكم الله
يامال العافيه.....
((قرأت يومياتكم...وتمنيت ارد....لكن الوقت ضيق))....
****************************************

~

~مصراتية~

عروس برونزية

03-04-2010 | 03:39 AM

يومياتي
اليوم الجمعة:
استيقظت الساعة 11 بدري صح؟؟!!<<<ههه
ابتديت يومي ككل جمع باعداد الفطور والبنات نايمات كملت الفطور والبنات وأبوهم فامو من النوم
فطرنا كويت لبس زوجي لصلاة الجمعة دخل زوجي للحمام ياخذ دوش سريع وانا غيرت لنات وأعطيتهم مراضعهم في هالفترة زوجي جهز نفسه وراح لصلاة الجمعة الساعة 12 و45 تقريبا
ع السررريييييييييع جدا مسحت الصالة ورتبتها وغرفة جلوسنا<<المعيشة) وشغلت الغسالة حطيت الملاببس البيضاء غسلت الممرات بديتول وماء ونشفتهم عطرت البيت وصارت الريحة تجنن
جا زوجي من الجمعة عطيته البنت الصغيرة والكبيرة رجعت نامت لأنها طول اليل تبكي بدون سبب!!
ورحت للحمام أخذتلي دوش سريع ولما كملت وانا داخل الحمام سويت تمارين بنت عذاري لتكبير وشد الصدر <<كسبا للوقت >>من كم يوم ابتديت فيه
طلعت صليت الظهر ووغيرت الملابس اللي بالغسالة ورحت لغرفة النةم رتبتها ومسحتها ولمعتها وما سويت غدا لأن انا وزوجي ماكنا جوعانيين فطرنا فطووور ضخم؛؛وليمة,, ههه وبعد العصر زوجي راح لخاله لأنه مريييض جدا في هالفترة غيرت للبنات وأكلتهم وكل ما تنتهي الغسالة أطلع الملابس وأنشرهم جت عندي أمي ع السريع بتسأل على بناتي لأنهم مريضاااااات نصف ساعة وراحت عندها ضيوف بيجوها العصر وجت ام زوجي شربنا شاي أنا وزوجي وأمه والمغرب نزلت أم زوجي وزوجي ذهب للصلاة أثناء وجود زوجي بالمسجد بسرعة خيالية رتبت المطبخ لأني ما دخلتله طول اليوم من بعد الفطور
وسويت العشاء سندويتشات شاورما يميييييييييي لذيييييييييذة جدا
تعشينا وغسلت مواعين العشاء ونامت بنتي الصغيرة والكبيرة تزنزن بالبيت وتلعب وزوجي معانق الاب توب 3 ساعات تقريبا سويت نسكافيه وشربناها رحت غسلت الأكواب عشان ما يبقالي شي فيه<<مايخلص أبدا) أعطيت بنتي زجاجة حلييب ودواها ونآآآآآآآآآمت
وذهب زوجي للسري ونآآآآآم صليت العشاء رحت للسرير شوي وما جاني نوم فقلت أدخل للنت أشوف حبيبات قلبي وأخبرهم على يومي

~

~مصراتية~

عروس برونزية

03-04-2010 | 03:41 AM

مدنونة حمود
شلون زوجك سوا العملية والا لا؟؟
إن شاء الله حاله أحسن
اللهم اشفه شفاء من عندك أسأل الله العظيم رب العرش العظيم أن يشفيه ويقومه بالصحة ويخليه لك ولأبنائكم
آمين

م

مايمدحني لقب

عروس برونزية

03-04-2010 | 03:46 AM

اكمل يومياتي//............
خلصت اشغالي وترتيبي للمطبخ ع الساعه1 بليل....
واول ماوترت(صليت الوتر)...الا وقمري الصغير....يصحى...
نام ع الساعه3.....صحى الكبير...
لين اذان الفجر...
صحى زوجي واخوه....راحو للمسجد...
عملت شاهي بلنعناع....
جابو فطور...
افطورو....ونامو ع الساعه6...
كن انا مع عيالي نمت حوالي الساعه8....
صحيت الساعه11وشوي....
كان زوجي واخوه راحو لصلاة الجمعـــــــــه......
قمت صلحت شاهي وقهوه...والشوكلاته...وملحقاتهم...ع الصاله....
جهزت الغداء ع النار((مضغوط دجاج))...
بخرت البيت..
صليت...
جو ....وتغدو...
نام اخو زوجي....
رتبت البيت ع السريع((قلت اخلص اشغالي اول باول))...
نومت عيالي....نمت..
لصلاة العصر...
راحو للصلاة...
قمت صليت...
جهزت قهوه وشاهي...((عشان بنطلع لمنتزه))....
راح اخو زوجي للدوام...
حنا طلعنا للشاطي...
ولعب قمري الكبير مع عيال عمه بالمراجيح...
رجعنا ع الساعه8بليل....
((لان موعد عملية زوجي بكرى....فلازم يصوم من الساعه12
وصلنا البيت ومعانا عشانا....ع الساعه9وشوي...
تعشى زوجي...وجلس ع النت...
انا نمت...ع الساعه11
لاني ابغى النومه....
صحيت ع الساعه 2 بليل....الله يصلحهم...عيالي مايخلون الواحد ينام....
صحيت..والا زوجي يقول عطشاااااان...قلت تحمل لين تخلص من العمليه....رجع ونام...
قمت رتبت الصاله...
جيت ع قسم الرجال ع السريع...ترتيب وتنظيف...
غسلت ترامس الشاهي والقهوه..

م

مايمدحني لقب

عروس برونزية

03-04-2010 | 03:48 AM

وجت اطل عليكم....
قلبي مهموم ع زوجي....
بحسسه اني معاه....لكن الدمعه قريبه...وماودي احسسه بانه مودع الدنيا...
وهي ماهي شيء صعب او قوي...
كلها((عملية لحميه))....واللي جربها يقوووووول سهله.....

م

مايمدحني لقب

عروس برونزية

03-04-2010 | 03:50 AM

هلااااا بك ام احلى بنيه.....
قواااااااك الله....
لا..لسى ماسواها....اليوم الساعه8الصبح....
ربي يشفيه ويقومه بالسلامه...
الله يجزاك خير......

~

~مصراتية~

عروس برونزية

03-04-2010 | 03:58 AM

مدنونة حمود
الله يقومه بالسلامة
والله يعينك على أطفالك والله ان السهر يهد الحيل بس الحمد لله كله بأجره
انتي تسكني مع اخوان زوجك؟؟ أمهم حية وأبوهم والا لا
وهم عندهم زوجات عابشة معاهم بنفس البيت
والله ان الواحد يا دوب يخدم نفسه وأطفاله

ج

جداويا يا ابويا

عروس مبدعة

03-04-2010 | 07:20 AM

السلام عليكم و رحمة الله و بركاته

صبااااااااااح الخير

كيفكم؟

يومياتي امس

صحيت الساعه 12 و نص غيرت للبنات و صليت زوجي راح الصلاه

و انا صليت رتبت البيت عالسريع و رجع زوجي جهزت فطور و فطرنا

و بعدها جلست عالتلفزيون و بعد العصر روشت البنات و تروشت

و غسلت حمام غرفة النوم و بعد المغرب عملت فته و تعشينا

انا و البنات و نامت الكبيره و جاء زوجي و كنت طالبته سمبوسه

جاب معاه عجين و انا كان نفسي برقاق يقرمش يقول تشش اذا

اكلتيه اخ بس و اكلت و جلست عالماسن شوي و بعدها

اتعارك انا و الصغيره عندي نووووووووووم و هي مصحصحه

نامت على 1 و على طول نمممممممت..

مهاوي
الله يبارك فيكي يارب و عقبالك

الحلوات الباقيات الله يقويكم

ج

جداويا يا ابويا

عروس مبدعة

03-04-2010 | 07:22 AM

مدنونة حمود
الله يقوم زوجك بالسلامه و يخليه لك و لعيالك
و خليه يشوف الدمعه يا ستي

يوميات كوب نسكافه ذكرتني

صاحبتي نقلت جده قبل فتره بسيطه

و كلمتني تبغاني نتزاور و انا الفاحه نسيييييييييييت

المفروض ادبا اعزمها عندي

ا

انثى ذوق

عروس مشرقة

03-04-2010 | 07:44 AM

صباح الخير
ياسلام على الملف صاير حركات وفله لو ادرى كان فتحت واحد من زمان
يومياتى امس على المغرب اكلت جوجو رز بزبادى والغثيان ماسك معى
ونومتهم 8 وجلست اتفرج على فيلم متابعته كل جمعه
ومااشوف الا دموعى تنزل مع البطله :085::085: منقهره عليها
ومنصدمه من هالدموع اللى مدرى وشلون جايه :085:
المهم وانتهى على 11 ونمت الا زوجى جاي ازعجنى
عاد انا اتوحم عليه مررره مو طايقته :085: وهو عارف يقوم
يزودها :085:المهم نهاوشنا وزعلت ونمت وقايم من بدرى
ينادينى ويبي اشياء تافهه وانا كل شوى اقول يارب يارب صبرنى :085:
وراح وصحيت الشله وفطرتهم ولبستهم وجا باصهم وراحوا
بنات اكلى مع الوحم مايضبط وانا اتقرف ومااكله :085:
المشكله اكون مشتهيته مررره واغلب الايام مااطبخ
الاسبوع اللى فات يمكن 4 ايام ماطبخت
ونجوع ولااعرف شىء بسيط اعمله
وابغى افرزن الله يسعدكم اعطونى اكلات بسيطه وسريعه اقدر
افرزنها وتكون جديده وغريبه وسهله

ايه وش كنت ابقول عندى موعد اليوم ادعو لى يبان نبض الجنين مو باين
الاسبوع اللى فات :042:

مدنونه هونيها وتهون ياقلبي اجر وعافيه يارب بسيطه ان شاء الله الله يقومه بالسلامه لك وتفرحين فيه

جداوايا اشتهيت الفته حقتكم مثل حقتنا بعيش الملا والا وشلون

ام احلى بنوته سلامه بناتك ياقلبي

مها اخبارك يالغلا سامحينى على التقصير

كوب نسكافه ياحبي لك انا كل ماشربت نسكافه ذكرتك

روحي تحبك بالعافيه المندى اسدحى الطريقه :085: خبرك حوامل

حبيبه زوجى هلا هلا اخبارك اخبار عيالك سلامتهم والله

همس ياحبي لجارتك ماتسلفينى هى :085: محد معبرنى والله

خلود بالعافيه الكشري ياقلبي

الباقين لكم :087::087:

م

مايمدحني لقب

عروس برونزية

03-04-2010 | 08:34 AM

أم أحلى بنية;11708523:
مدنونة حمود
الله يقومه بالسلامة
والله يعينك على أطفالك والله ان السهر يهد الحيل بس الحمد لله كله بأجره
انتي تسكني مع اخوان زوجك؟؟ أمهم حية وأبوهم والا لا
وهم عندهم زوجات عابشة معاهم بنفس البيت
والله ان الواحد يا دوب يخدم نفسه وأطفاله

ااااااامين....
الله يجزاك خير....
اخوان زوجي اثنين شباب...موظفين...
امهم وابوهم...((احياء..اطال الله بعمرهم ع طاعته))...بمنطقه ثانيه...
وساكنين معانا عشان وظايفهم...
واحد بيتزوج بشهر رجب....

الله ياجرنا...وكل مسلم...

م

مايمدحني لقب

عروس برونزية

03-04-2010 | 08:46 AM

صبااااااااااااااااح الخير....
جداويا>>>قوااااااك الله......
*****************
انثى>>>قوااااااك الله...
********************
اكتب وانا:035::035:....
طلع زوجي عالساعه7...
وقال:034:اشوف دمعتك...ولاابغى هديه....
هديتي شوفتكم بعد العمليه.....
وحرص عالهديه((اقول قريت بعيونك...انا ماابي الهدايا....انا نخفف مشاكل...وتتحمليني...هذه اعظم هديه))..

وانا من طلع...كانني بنجما متعلق...لاع الارض ...ولابالسماء:08:...
وبس اتصل...لحد الحين مادخل العمليه..:01::01::01::01:
ياثقل الوقت....:058::058:

ك

كوامن السعادة

عروس مشرقة

03-04-2010 | 09:39 AM

مدنونة / الله يقوم زوجك بالسلامة واللحميه ترا سهلللله مره وفعلاً أفضل هدية عند الزوج أنه يكون مرتاح البال وما فيه مشاكل ذكرتيني بزوجي لما أقول ليه ما تفرحني بهدية يرد ويقول >> أنا أكبر هديه خخخخخ

مهاوي / وحشتينا يالغلا كيف الكتكوته وكيف أمورك بشرينا عنك

جداويا / مبروك الحمل ولو أنها متأخره أشوي بس العذر والسموحه

روز / الله يصلح ما بينكم واستعيني بالله في كل امور حياتك الله ييسر امره وتكون صفحه جديده ومباركه في حياتكم

همس / بعطيك طريقتي بالجريش طبعاً أكثر شغلي فيه بالنظر يعني على حسب
جيبي جريش على حسب الكمية اللي تتوقعين تكفيكم أتوقع أن 3 كاسات كفاية وانتي شوفي اللي يكفيكم
أنقع الجريش بماء ساااخن وأخليه ثم أبدأ أفرم بصل وأقطع دجاج عادي أو صدور والصدور أسرع وأطعم
أشوح البصل في الزيت في قدر ضغط وقبل حتى ما يصفر لونه أحط الدجاج وأحرك شوي ثم أصب المويه المغليه حتى تغطي الدجاج وأزود كمان
ما أكثر بهارات بس أحط عود قرفه وممكن ماجي لو بغيتي ووازني الملح وأكبس القدر وخليه حتى تنضج الدجاج
بعدها ارمي الجريش ولو بقى مويه من موية النقع حطيها كمان في القدر وحالولي تكون الموية كثير يعني فوق الجريش ب5 أصابع تقريباً
أكبسية وخليه على نار أشوي مرتفعه وإذا بدأ يصفر خففي النار لأقل درجة عشان ما يحترق وأحسبي له 30 أو 40 دقيقة
طبعاً الوقت يختلف على حسب الكمية

إذا خلاص فتحتيه حركيه بملعقه خشب كبيره أو مسوط إذا كنتي تعرفينه اللي يسوون فيه العصيده
ورجعيه على نااار واااطيه مرره ... في طاسه ثانيه حطي حليب بودرة وتوصي في الكمية لأنه يطلعه لذيييييييذ وحليها بوميه ولا تكثرين المويه
وصبيها ع الجريش في القدر وأجلسي حركه وسوي حليب كمان وصبيه وحركه بس حاولي يكون الحليب ثقيل أشوي يعني لا تكثرين المويه عشان ما يصير مرقه =)
أنتي شوفي القوام اللي يناسبك وأضيفي الحليب على أساسه
خليه يطبخ على نار خفيييييفه حوالي 10 دقايق وبعدها قدمية وانثري عليه قطع زبده وشرائح بصل مقلي

ملاحظة لا تكثرين مويه لأن الجريش تلقائياً راح يثقل وقت التقديم

واي سؤال انا في الخدمة

#

##خــوخــه##

عروس مبدعة

03-04-2010 | 01:47 PM

مساء الخير :اليوم عندنا عزيمه في بيتنا بس حنا الضيوف :جارنا وزوجته بيجيبون عشانا في بيتنا بمناسبة سلامتنا بعد الحريق _ومحتاره مدري شسوي :شوروا علي تكفون يعني أسوي سلطات وحلا ع العشا وإلا هم بيجيبون شيهم معهم وش تتوقعون ردوا علي تكفون محتاره::مدنونه الله يقوم أبوكم بالسلامه
م

ج

جداويا يا ابويا

عروس مبدعة

03-04-2010 | 02:37 PM

خلود ريح العود

سوي نوعين سلطه سلطه مطحونه حاره و سلطه بارده لانهم اكيد بيجيبون

رز و لحم و جهزي فاكهه و كريم كراميل او كاسترد ..

و القهوه خرجي تمر و قهوه بس عشان تتقهون بسرعه و تطلعي

العشاء قبل ما يبرد..

و بعد العشاء جهزي نوع حلا بارد و الله يجملها معك و يبيض وجهك ..

د

دودي4

عروس مبدعة

03-04-2010 | 03:21 PM

السلام عليكم ورحمة الله
كيفكم حبايبي؟

جداويا: يعطيك العافية حبيبتي ، ولو تبغيني أسويلك سمبوسه تقول تشش لما تاكليها أنا حاضر كم جداويا عندنا؟؟؟
أنثى ذوق: الله يعينك على الغثيان (يووووووووووووووه ما أطيقه) أجلس أبكي لما أحس بغثيان ، وبالنسبة للأكل اللي تفرزنينه (جيبي من الكباب الجاهز المجمد أو كبة وسوي معجنات وفرزنيها ، وطريقة المندي يا حلوه هذه اللي بالفرن (تطبخين أول شي الدجاج على النار مع هيل وقرفه وماجي وبهاراتك ، بعدين حطي الرز في صينية وهوا لسا مو مستوي وصبي عليه مرقة الدجاج لما يغطي الرز مزبوط ، وغطيها بقصدير وسوي فتحات في القصدير بالسكين ، بعدين حطي الدجاج مع شوية كركم على القصدير اللي فوق الرز وغطيها كمان بقصدير وحطيها في الفرن لمدة ساعه ونص أو ساعتين تقريبا ، ولما يستوي الرز طلعي الصينية وافتحي القصدير شوية وحطي في وسط الرز فنجان فيه زيت وحطي عليه فحمه قدك مولعتها من اول وغطي عليها بسرعه بالقصدير وبمنشفه وخليها شويه بعدين قدميها بالهنا والعافية.
مدنونة حمود: ربي يقوم زوجك بالسلامه ان شاء الله ، وترى سههههههله العملية مررررررررررررررة ، أختي سوتها ، وبالله عليك طمنينا حبيبتي.

يومياتي:
أمس طفشنا انا وزوجي واحنا قاعدين على التلفزيون ، على الساعه 1 ونص الليل قالي إيش رايك نطلع ، قلت طبعا ، حتى أنا كنت طفشانه ، وطلعنا ورحنا أبحر بس لفلفنا بالسيارة (والحمد لله ما شغل أغاني ، ابغا ابطل يابنات اسمع اغاني) وقعدنا نسولف عن الزوجه الصالحه والبطاله والرجال في هذا الزمن والرجال زمان ، وعن تربية الأولاد ، والحمد لله انبسنا ، رجعنا الساعه 3 الا ربع ، نمنا على طول داااااايخين ،،،
اليوم: صحينا الساعه 1 قمت صليت وسويت غدا كودو وتغدا وراح الدوام وسلامتكم...