تجمع ربات البيوت القمورات بيتنا الثاني الله يدوم بيننا الحب والاخوه يارب

جدو حبيبتي حمد لله على سلامة زوجك وربي مايغيبه عنك وعن بناته ...
شذى في انتظار يومياتك الحلوة ...وشن صار في اختراع الملابس ؟؟؟هالوقت السلة مليانة ومكسلة نغسلهم مع ان الغسالة توماتيك لكن اكره ما عندي تطبيقهم وكويهم بعد ما ينشفوا !!!
مهوو ..انا لا من مصراتة ولا من بنغازي ...من الخليج اللي في النص عرفتيه ؟؟؟؟ ومشكورة على الوصفة وفعلا نجومي عنده غازات ومسكين ساعات تنتفخ بطنه زي الكورة ...وزي ما قلتي فترة وتعدي بس ليها طعمتها سبحان الله على قد التعب على قد المتعة ..يارب ترزق كل محروم ...
ومشكورة على الاطراء خخخخخ حتى انتي اسلوبك حلو يا عسل ...

صباح الخير..:083:

جداوية.. حمد لله على سلامة زوجك.. الله يقومه بالسلامة..ويرجع لكم البيت..

انثى.. الله يشفي اخت زوجك.. باسم الله.. خفت..

احساس الغيوم.. فيه احواض خاصة لتحميم الرضع.. تسهل عليك ترويشه بدون مساعدة..

عند مذر كير و تويز ار اص.. اذا هي عندكم!!



[COLOR=olive]الجزء الاصفر اسفنج ليّن على ظهر البيبي وما يخليه يزلق..[/COLOR]

يزلق= يتزحلق ، ينزلق..

والجزء الاحمر..هذي سدادة..لك الخيار تبين تسكرينها وتخلين الموية تتجمع على البيبي..او تفتحيها وتسير الموية تتصرف وتطلع برا عشان البيبي ما يشرق فيها..

مرررره مريح..
مها..بوسي لي اللي ريحتها زعتر..انا اللي عندي ريحتها زيتون..خخخخخ

كان ودي افيدك بموضوع الدريم ويب.. لكن ما عندي.. البنات ان شاء الله ما يقصرون..

_____________

يومياتي..

امس اخذته اجازة..بعد الكرف اللي كرفته.. والعشى سخنت الباقي من السباكتي..

واليوم.. قمت من النوم ما ادري ليه؟؟؟!!

وما شبعت من النوم.. ابي انام..بس المدرسة!! اناظر الساعة..القاها خمس..

يا سلااااااااام يعني عندي ساعتين كاملات:03:...

وارمي راسي عالمخدة و خ خ خ خ:019:

دقت الساعة سبع ونص..قمت وانا بردانة :090:

قومت البنات فطرتهم ولبستهم و طلعنا للمدرسة..

واليوم لولو داومت اخيرا.. رجعت للبيت.. غيرت للصغيرة..

افطرت وانا اتفرج عـTV.. من زماااااان ما شفته!!! دايم افلام كرتون..

بعدين قمت ورتبت غرفة بناتي.. وكنستها.. ورتبت سريري..

ورتبت الصالة وفتحت الستاير..

والمجلا فيه مواعين رابصة تنتظرني.. والشبك مليان مواعين نظيفة يبي لها ترجيع لأماكنها..

وغسالة المواعين ما بعد فرغتها عقب العزيمة..خخخخ

وقطو.

السلام عليكم
جداويا الله يقوم زوجك بالسلامو يا رب ويشفيه
أسأل الله أن يشفيه شفاء من عنده

احساس الغيوم اهلا طلعتي سررررررررررتاوية معناها اهلا بيك وبالجودة
ووليدك مسكين رقديه على بطنه مرة مرة باش يتنحوا الغازات وامسحي له بايدك على بطنه وحركي يدك من فوق جهة الصدر لتحت فوق ملابسه تريحه شوي من الغازات
وبالنسبة لحمام البيبي عندي اسفنجة شريتها بـ 10 د.ل ونص
جاية كبيرة على شكل سمكة صفراء وسميكة تنحط في مغسلة اليدين بالحمام بعد ماتنظفيها بالوركينا ( الكلوركس ) وتعقميها
تحطي فيها الاسفنجة بحيث تفرش الاسفنجة المغسلة كلها ومعاها اسفنجتين صغار لجسم البيبي
وتكوني مجهزة جنبك على المغسل ( الاويندينو ) شامبو وصابون الاستحمام للبيبي والفوطة قريبة منك
ترقدي البيبي في السمكة وتكوني فاتحة الحنفية ومعدلة الماء بحيث يكون دافئ وتبدأي تحمميه بسهوووووووووووووووولة ع الاخر ومن غير ما تحتاجي حد جنبك يساعدك
تفركي جسمه وتغسليه وتحطي له الشامبو وحنفية الماء جنبك تصب
تكملي الحمام تحطي الفوطة على صدرك وتاخدي البيبي تحضنيه بصدرك فوق الفوطة وتلفيها عليه وبثثثثثثثثثثثث
وتعرفي الحمد لله سهلت عليا المهمة هلبة لاني ولدت بالصيف والرطوبة وبنتي تعرق هلبة كنت نخاف نحممها بروحي وانتظر لحد ماتجيني ماما وتحممها بس طبعا ماما مش فاضية كل يوم تجيني تحمم لي بنتي
والحق هي شرتها لي الاسفنجة والحمد لله من يومها لليوم وانا استعملها
ولو تبي صورتها عندي صورة لبنتي وانا نححم فيها وحاطتها فيها بالحمام لو تبيها ابعثها ل ع الخاص


روز امممم محلاهم زعنر وزيتون في انتظار الجبنة وكاسة الشاي ههههههههههه
ربي يحفظهم لك
وصلت البوسة ومني ومن بنتي زيها لبناتك الحلوين :087::087::087:

السلام عليكم
مها كيف حالك وكيف حال بنتك مع الاسهال

__________________
يومياتي امس كملت اشغالي ورحت لاهلي وتلاقيت مع اخواتي
________________________
اليوم لا شيء يذكر
حطيت ملابس زوجي حق العمل في الغسالة ورتبت غرفة النوم وغرفة الجلوس فطرت
روح =رجع زوجي من العمل معاه اغراض للمطبخ تتنظر الترتيب ووكويت بدلة زوجي اللي بيروح فيها للكلية والبنات يلعبون وانا جالسة معكم وزوجي قال بياخذ غفوة شوي قبل الدراسة
__________________________
الشغلات الي تنتظرني
اليوم ان شاء الله ناوية اسوي العشاء شوربة وبيتزا خبزة محشية........الخ أنواع المعجنات احبها انا وزوجي
وابي انظف الثلاجة زيييين= عدل) وارتب الاغراض الجدد والف على المطبخ لفة بسيطة لان تقريبا نظيييف
وابي امسح الصالة وغرفة جلوسنا وغرفة نومي واغسل الممرات واشطفهم والحمامات الثلاثة وبث! ^^

ندوش ... بالنسبة للحوض اللي عندي تقريبا مشابه ليه ومعاه شبكة ممكن تحطي عليها البيبي لكن مع ذلك خوافة خخخخخ...وذكرتيني بنفسي ...اليوم انواع التنبلة لاني امس كرفت ..وتوة الحوض فيه مواعين متربصة خخخخ بوك يالفصيح !!!!...والشباك مليان مواعين مغسولة والطاولة فيها سفرتين ..سفرة الفطور ..وسفرة الغدا اللي كان من برا ...هذا غير سلة الغسيل النظيف تنتظر الكوي والتطبيق وسلة غسيل مش نظيف يبي الغسل...
وانا مكسلة وحموانة ...لكن اكيد حنقوم قومة رجل واحد ..قصدي امراة واحدة على كل هالشغل لانه وراي وراي ...:096:
مهو ...الاسفنجة من اي محل شرتها امك علشان نشري زيها بعد ما يكبر البيبي شوية ونقدر نحممه بروحي نحممه عن طريقها ..انا المشكلة مش الاستحمام فقط لكن مانقدرش نرفعه بروحي وهو عريان ومبلول انحسه يزحلق من يديا هذا غير التلبيس ..والله انا طبعي فالحة لكن في هالنقطة للاسف انا باااايرة = رفلة ..:040: ...
وطبعا عرض مغري انك ترسلي صورة ميورة الحلوة لا يمكن رفضه ..اكيد انا في الانتظار ياقمر ...بالك تعجبنا العروسة ونخطبوها ...:016:
ام احلى بنية ..يوسيلي بنوتاتك ..وصحتين العشا مقدما ...وعندي سؤال انتم ما عندكمش تلفزيون كيف مفوتين وقتكم ..خصوصا البنوتات ..؟؟؟والله حتى انا مش راضية عنه في البيت لكن مع قلة الخروج وقلة الترفيه مجبرين عليه ربي يتوب علينا ....بصراحة عجبتوني:ok: ربي يثبتكم ...

بنات عندي شغل يستنى فيا من تدخل معاي وتشجعني ؟؟؟

احساس الغيوم
يا هلا
الله يسلمك مزال مابديتش في العشاء زوجي قال ماهو راجع الى بعد العشاء
يعني قدامي النهار طوييييييييل
+++++++++++++++++++
بالنسبة للتلفزيون والله مش عارفة شنو نقولك بس الحمد لله خديت على قلته رغم انه في بيت اهلي (قبل الزواج) ديما وجهي في جهه ولما تزوجت بشخص متدين الحمد لله من اول اسبوع قال ان اهله ما دخلش الستلايت ولا الدش الى بيتهم ابد وهم متعودين على عدم وجوده وفهني ان مفاسده أكثر من محاسنه وحتى محاسنه تقدري تستغني عليهم وقال انه عنده كتب اشكال وانواع << يعلم اني نحب المطالعة وااااااااجد
وعنك الانترنت استخدميه في المفيد وامتى ما تبي يعني ليك اللاب توب والنت24 بس تلفزيون لا
وفعلاراقتنعت ورأيت ان هذا الصح
وتوا=الان) قاعدة انقنع اهلي يتركووه
وعادي جدا الحياة بدونه بالعكس اريح واااااااااااااااااااااااااااجد وصدقيني يوم عن يوم تنسيه

احساس الغيوم شنو الشغل ؟؟!!

الشغل ياروحي المطبخ يبي تشطيبة هو نظيف لكن الحوسة اليومية ...والحمام يبي حتى هو تشطيب ..وملابس تبي تطبيق والشقة تبي ترتيب وغرفة المعيشة تبي تنعنيش ....نحب بعد ما نكمل ترتيب ناخذ بخاخ فيه معطر فرش نبخ على الموكيت والجلسة ونفرك بالفرشة على السريع وبعدها نبخر العملية هذي مسميتها تنعنيش = نعنشة ...ونحمم ونمشط شعر بنتي وخلاص ...لكن للاسف عاجزة ...عازة عليا الجلسة عالنت خصوصا ان ولدي راقد وحاسة بنوع من الحرية ..خخخخخ

يلا سلام حانت ساعة العمل ..فات النهار بين التسدح والتبطح ...راجعة بانجازاتي باذن الواحد الاحد ...

احساس نفس الشعور بالضبط مع كوم الاشغال الي ذكرتها لكم قبل شوي
الا اني ما ني قادرة اسيب النت ما ادري اشبلاي معاه صايره مدمنة الله لا يبلاكم
وعلى قولتك البنات راقدات وحاسة بنوع من الحرية
<<<<<<<<<<<<<<< والحين قاااموا واااااااو

يلا احساس نشجع بعض
خلنا نقوم نسوي اللي علينا (أشغالنا) ونرد نكتب الانجازات أوكي؟
ان شاء الله هالمرة بحط الانجازات بالصور اشرايكم
اشرايك احساس الغيوم
ليش ما تسويها انتي بعد
والكل يسويها عشان ينتعش التجمع
نسويله نعنشة على قولة غيومة

هلا ربات البيووووت .. عفيه عليكم ..

قواكم الله ..متسببة تصدقووون انا اليوووم مااااااااااااااااسويت شي ...

ماخذه اجازه اليوووم مااااااااااااابي انظف ولا ارتب .. وبكره باخذ خدامه امي عشان تنظف وترتب لي الشقـــه ..

.
.
.

هههههههههههههههههههههههههههههههههههههههه
احساس الغيوم وام احلى بنية نشوف فيكم كل واحدة تدف ( تدفع ) في الثانية للشغل بس باين عليكم رجل قدام و10 وراء
يعني مش على بالكم
احساس الغيوم انت وين ساكنة في الاول
ماما شرت الاسفنجة من محل الام والطفل اللي في شارع عمر المختار مقابل مستشفى الجلاء بالضبط
وبالنسبة لابنك لو متعبك فيه دراجيح بالبطاريات يعني تحطي فيهم البيبي وهي تهز بيه بروحها
رووووعة
صح تاكل هلبة بطاريات وبسرعة ما يكملوا بس مريحتني ع الاخر بالاخص لما يكون عندي شغل او مش فاضية تهنيني علي ميورة
وهي منها درجيحة ومنها هاي تشير للاكل يعني
وماما شريتها لي من حنين اللي في زاوية الدهماني وحتى محل العاشوري عنده وبنفس السعر
والماركة هي mamalove



ام احلى بنية ابعثي لي صحن من المعجنات يشهوا
مش تنسيني



ميس ديور هلا والله بالغالية
وحلوة الراحة وانت عارفة ان في حد حينظف لك بيتك

دخووووول ...
الحمد لله انجزنا :08:..والله كان الشغل ساهل جدا غير التنبلة هي اللي مخلية رجل قدام و10 للوراء...
اول شيء رتبت غرفة المعيشة وكنستها ولمعت شباكها وبابها والتلفزيون وطاولته ونعنشتها !!:03:.. ورتبت غرفة العيال فقط لانها نظيفة ..وعقمت الحمام عالسريع لانه نظيف ...ودرت سندوتشات وعصير للعيال وفرشتلهم فوطة جنب بوهم وزوجي يحضر في مباراة عالتلفزيون بين النصر والهلال ..يشجع في الدوري السعودي تضامنا مع زوجته اللي اغلب صديقاتها سعوديات:041: خخخخ ...
ورتبت باقي البيت سريع سريع لانه الحمد لله نظيف من امس ..
ودخلت المطبخ لان الحوسة كلها مجتمعة فيه .:039:.
اول شيء رتبت اسطح الدولاب والكاونتر ..ولمعت الثلاجة من برا ورتبتها من داخل عالسريع برضو لانها نظيفة بس شوية حوسة ...ولمعت الغاز والميكرويف ...ومسحت الرخامة اللي جنب الحوض وحطيت عليها المواعين اللي مش نظيفو ولمعت الطاولة اللي في الوسط ..ورجعت المواعين النظيفة في مكانها وغسلت المواعين المتربصة خخخ ..وكنست المطبخ وخلاص ...
صحى ولدي :029: .. رضعته وكنت ناوية نسرح شعر نونة ونحمم ..لكن دخلت عليا بنت خالتي كانت تتمشى قريب مني هي وبنيتها مرت عليا نص ساعة وروحت ..حمدت ربي اني تنشطت وضميت حوستي والا كانت فضيحة لانها ما تجينيش ديما ..حتى شكلي كان معقول كنت لابسة توتة وهي عبارة عن بنطلون ومعاه قميص منزلي وشعري مرتب شوي بس كان عفوي وناعم ...شربت عصير وكيكة وروحت ..وانا كسلت عالدوش خخ حاسة اني بردت ..اجلتها لقبل النوم علشان نخش سريري على طووووول ..
وتوة جالسة جنب العيلة العيال يلعبوا مكعبات ..وزوجي يحضر في مباراة الشباب والاتحاد يشجع في طارق التائب لكن للاسف للان فريقه مهزوم 2-0 ..:057:
ها وانتي يا ام احلى بنية شن صار معاك كملتي حوستك والا مازال ؟؟؟
...
مهاوي... انا ساكنة في سرت لكن ديما نمشو لطرابلس وباذن الله ناوية بعد يكبر البيبي شوية ويدفا الجو نجوكم نغيروا جو لاني حاسة اني مكتومة ومحتاجة لتغييرة جو مع ان زحمة طرابلس متعبة شوي لكن هي اقرب مكان لينا ..انا خاطري في الجبل الاخضر لكن بعيد بالسيارة وصعب مع الصغار ...خصوصا نجومي مازال صغير ....:095: وبسة صغنونة حلوة !!!

مساء الخير..

احساس.. مين ندوش ؟ انا ما اعرفها!!!:02: خخخخخ

ايش سار على مباراة الهلال والنصر؟ كم النتيجة؟

يا حليلكم..اجل زوجك متظامن معك..خخخخخ

انا سرت نحكي ليبي احيانا مع زوجي لما اهدرز معاه..وهو يفكرني متأثرة من ام معاذ <<ليبية ولدها يدرس بنفس كلاس بنتي..

ام احلا بنية..ننتظر انجازاتك المصورة..

انا لي فترة وانا ابي اصور شي قبل وبعد..وانزله..


يا سعوديات..يالله اجازتكم خلصت نشوفكم السبت :041:

ام احلى بنية مشكورة ع السؤال حبيبتي
بنتي الحمد لله خف الاسهال عندها وتوا بالضبط اكتب في الرد واشم ريحتها عاملتها كخخخخ
وبالنسبة للتصوير انا من فترة عملت حملة قوية للمطبخ وصورت المنظفات والمعقمات ومجهزة موضوع ع التنظيف بس المشكلة في تنزيل الصور لانها محتاجة تعديل في الحجم وادراج اسمك عليها عشان هكي صرفت نظر ع الموضوع لحين اشعار اخر
والله اعلم متى هالاشعار


احساس الغيوم كويس انك نشطتي ونظفتي بيتك قبل ما تدخل عيليك بنت خالتك
ومرحبتين بيك في طرابلس
انا شهر 12 كنت بسرت بس خسارة ما لفيناش فيها كانت عندنا حالة وفاة اخت زوج حماتي
وصلنا الخميس بالليل وطلعنا منها الجمعه الصبح
الطريق طوييييييييييييلة ومتعبة


روز فرحتيني لما قلتي ان الاجازة خلصت والله استاحشنا البنات كلهم والتجمع صار كساد من غيرهم
اعتقد انه ما عاد فيه غيري انا وام احلى بنية واحساس الغيوم بالتجمع
والباقي اغلب الوقت غايبين بسبب العطلة


جوجو كيف حال زوجك الحين ان شاء الله احسن ورحتي زرتيه بالمستشفى واتطمنتي عنه



دونة كيف حالكم مع الانفلونزا
ووينك ياغالية



روحي تحبك **** سوسو **** خوخة **** حبيبة زوجها **** شوشو **** هموسة ويــــــــــــــــــــنكم