تجمع ربات البيوت القمورات بيتنا الثاني الله يدوم بيننا الحب والاخوه يارب

س

سلخير

عروس نشيطة

11-04-2010 | 11:49 PM

سلخير
يومياتي العاديه لليوم:
امس طفى الكهرب من 10 الليل لما 3 الفجر:( اسلاك الكهرب متشابكه مع الهواء القوي وحالتنا حاله مع الشموع خخخخخخخخ
واليوم صحيت 12 غديت ولدي ورحت للمطبخ وعجنت عجينه بسوي بيتزا وكروسان جبن وحطيت دفعه ملابس بالغساله
وضبطت الغجاء وتغدينا 3ونص وطلع زوجي و ولدي وانا شطفت الغسيل وخليته بالغساله وكنت البيت
وطفى الكهرب مره اخرى:( وربي كأننا في غزه:(
طفى من 4ونص ولا ولع الا 6وربع
وغسلت المكنسه وطلع منها بلاوي بلاوي هذا وانا مااخليها تطول دايم اغسلها وغسلت مواعيني والحين باقي مواعين العشاء
وارتب الغرفه وخلاص
ودي اغسل المطبخ بس الغبار مو راضي يفك عننا

م

مها عبدو

مشرفة سابقة

11-04-2010 | 11:49 PM

وين البنات اليوم

يومياتي

يوم روتيني اخر

ترتيب البيت والطبخ والمسح والغسيل

وبنتي وطلباتها من اكل وتغيير ورضاعة ولعب

بس اهم الاعمال اللي سويتها اليوم

1- بخيت جدران المطبخ (سيراميك ) ببخاخ مزيل الدهون اللي ينبخ ع الافران
وخليتهم شوي ودعكتهم بمكنسة عادية وبعدين مسحتهم بقطعة قماش مبللة
وصارت الجدران نظيفة وراحت كل الدهون العالقة بالاخص الجهة اللي فوق الغاز ( الفرن )

2- بخيت الغاز ( الفرن ) بنفس البخاخ وفركته كله بليفة الومنيوم ومسحته وصار يلق لق

3- بخيت ارضية الحمام بسائل تنظيف ارضيات وخليته شوي وشطفته وصارت الارضية نظيييفة بس احس الخطوط اللي بين كل سيراميكا والثانية لسه غامقين شوي

4- مسحت ارضية البيت كله بالمطهر والكلوركس

وبث

هذه انجازاتي لليوم والحمد لله

ادعو لي بس ان الهمة ما تروح الا وانا بيتي كله نظيف ومرتب

م

مها عبدو

مشرفة سابقة

11-04-2010 | 11:53 PM

سوسو هلا نكتب بنفس الوقت

ربي يعينكم على الغبار

وهروب الكهرباء

والله يعين اهل غزة وينصرهم ويقويهم

#

##خــوخــه##

عروس مبدعة

12-04-2010 | 01:54 AM

صباح الخير ,,

استمتعت بيومياتكم ,,الله يحفظكم ويسخر لكم أزواجكم ,,

روحي تحبك ,,الله يجزاك خير على حرصك على وقت الصلاة ,,والصور بروح الحين لقسم السياحه وأشوفهم ,,

مهاوي ,,ماشاء الله على الهمه ,,وكلام أمك عن معاملة أهل الزوج نفس اللي أسويه معهم ,,ولا شفت من ام زوجي الا كل محبه وتقدير من يوم تزوجت ولدها ,,

سلخير ,,خليك معنا كذا دايم ,,والله يسلمك من الشر ,,ياربي يهون عليك ,,

كوامن ,,يكفي اعتذار من الزوج اللي كذا ,,

قوي قلبك ,,اذا كنت مازعلتيه ,,طنشيه ,,

وراح يترك هالعاده من نفسه ,,

أنا كنت كذا قبل ,أموت من الصياح والتأسف ,,

حسيت اني ذليت نفسي لأبعد درجه ,,

ألحين اذا زعل سويت له طلباته ,,بس أسوي نفسي اني عااااااااادي ,,

في الأخير يجي يسولف ويضحك وكأنه ماصار شي ..

أنثى ,,الله يعظم أجرك ,,أكره اللي يرمي كلام ويمشي ,,قولي آمين الله يسخر لك أهل زوجك ,,فطست ضحك على التنين ,,

حكايه عطر ,,موتيني ضحك على اللي قارن حواجبه ,,

والسوريات لا تجيبين طاريهم تراني أتكهرب ,,من كثر روحات زوجي لسوريا ,,

أم احلى بنيه ,,يسلم دياتك على الأكله شهيتيني ,,

م

مايمدحني لقب

عروس برونزية

12-04-2010 | 04:16 AM

صباااااح الخير......
اخباركم؟؟
اشتقت لكم....

لي عوده....بصلي الفجر...وبنوم قمري الكبير...باذن الله....

ك

كوب نسكافه

عروس مشرقة

12-04-2010 | 04:29 AM

يومياتي الاحد
سويت غدانا رز ابيض وملوخيه (حلاتها انها جايه جاهزه ومطحونه بس اطبخها:ok:بدل ماينكسر ظهري وانا اورقها
المهم شويت دجاجه معاها 000وتغدينا
وقعدت ادرس ولدي بعد العصر وسويت نسكافه لي وشاي لزوجي وجلسنا نشرب 00
وبعدها صليت المغرب ودخلت غرفه اولادي نزلت الستاره وحطيتها في الغساله واخذت السلم ومسحت المروحه والشباك وفك زوجي المكيف وغسلته ونشفته ورجعه
ورجعت الستاره على طول وكنست الغرفه وارتحت منها كذا صارت نظيفه 00ورحت فكيت مكيف الصاله وغسلته ورجعته ومسحت شباك صغير في الصاله ودخلت المطبخ غسلت المواعين وجهزت عشانا وجلسنا نتعشى ميييييييييته جوع وبعدها رحت تروشت ترويشه معتبره 00ورقدت بناتي وجيت 00

مها00 ضيوفي بيجون باذن الله نهايه هذا الاسبوع 00وبيجلسون اسبوع (اجازه مدارس)
وفي كلمة ثانية تفولها امي لنا : بالله عليكم يابناتي ما تخلوش حد في يوم من الايام يقول الله يلعن هالترباية ( يعني تربايتنا انا واختى ) استرونا انا وابوكم ( رحمة الله عليه ) قدام الناس

والله اثرت فيني 00
انثى 00الله يعينك مالك الا التطنيش وبذات ان اختك واقعه بمشكله مع زوجها يعني الموقف مايتحمل انك تردين 00اصبري وتذكري ان مع العسر يسر ا00
خلود00مرحبا00كيفك بعد رجعتك للرياض حسيتى انك انبسطتي في جده 00عيديها ولاتقطعينا00

سلخير00كله الا الكهربا تنطفي يصير ازمه00
وداااااااائما في الاجازه الصيفيه اذا سافرنا لااازم نذوق ويلات اظلااام ونصير انا واولادي وزوجي كل واحد ينادي من مكان00 وحالة استنفار وعمتى الله يستر عليها خلاص عندها خبره تقعد تهدي في اولادي وتحكينا مواقفها مع الكهربا والظلام

ك

كوب نسكافه

عروس مشرقة

12-04-2010 | 04:34 AM

هلا مدنونه00اجل الوعد اخر الليل صرت اصيدك
الان اذان فجر عندكم 00

م

مايمدحني لقب

عروس برونزية

12-04-2010 | 06:27 AM

(جيــــــــــــــــــت)...
***********************
انثى ذوق>>>ماتشوف شر رهوفه....يمكن روضتها..لسى ماشفيت....عدوى...
ربي يهون عليها....ويقومها بالسلامه...(اختك)...
الله يجزاك خير...كوني محايده...
قواااااك الله...
ياعيني ع عيالك...
الله يجزاك خير..عالرز المبخر...بعمله اليوم باذن الله...
عافيه المحشي...اما الباقي بلطقاق..ماعليك منهم...
***********************************
الننس>>>هلاااابك...صباااح النور...
**********************************
حكاية عطر>>>ماشاء الله...ربي يهنيك...
اما الشاميات نعوماااااااات....لكن قروبنا...انعم
خخخخ
********************************
ابتسامة بدلع>>>النور نورك...
يسلموو
************************
كوامن الليل>>>طولي بالك...
اذ هذا طبعه فسايريه....يمكن محتاج بانك تدلعينه....لاتلوميه...انتي حياته كلها وام اولاده....
واكيد مو ناسي اللي بينكم...واللي سويته له...
قواااااك الله......
ربي يحفظ لك امك وابوك واخوانك....ويطول باعمارهم ع طاعته...
*********************************

م

مايمدحني لقب

عروس برونزية

12-04-2010 | 06:31 AM

ام احلى بنيه>>>قواااك الله....
ربي يحفظ لك بناتك وابوهم....
لعل الفرح دوم مو يوم(مستانسه)...
ع البركه مقدما....
*****************************
سلخير>>>قواااك الله......
الله يعينكم...ياشين طفيت الكهرب...وش سويتو من غير مكيف....
****************************************
مهاااااااوي>>>نصائح امك روووووعه...الله يجزاها خير..اثرت فيني....

قواااااااااك الله....
***************************
خلود>>>هلاااابك.......
*****************

م

مايمدحني لقب

عروس برونزية

12-04-2010 | 06:33 AM

كوب نسكافيه>>>هلاااا بك........
شفتيني خخخخ
وش اسوي بالعيال..الله ييصلحهم..
*************

م

مايمدحني لقب

عروس برونزية

12-04-2010 | 06:59 AM

يومياااااااااتي//..............
الجمعـــــــــه//.......
نمت الساعه8الصبح...كنت مابنام..بغسل الملابس..
لكن..
نمت..
ماصحيت الا باذان الاول للجمعه....صحيت زوجي...وانا بفراشي..
لكن قال مابقدر اروح...احس بدوخه...وغير كذا فيه عطور وبخور...واخاف ع العمليه تتاثر(لانه مسوي عمليتين بنفس الوقت)...
كملتها نومت...ماصحيت الا قبل العصر بنص ساااااااااااعه..
سبحان الله كنت مكسله ذاك اليوم...
صليت الظهر...اذن العصر...صليت العصر...

ماصلحت الغداء...
قال زوجي الجو غيم..روعه...بنتمشى لو بالسياره....ضايق من البيت...
(برغم الدكتور مانعه من الطلعات عشان مايزكم...ياثر ع العمليه)....
طلعنا...وبالسياره..طلعنا للبر..وتمشينا...ولانزلنا..
اخذ زوجي من البوفيه شاورما وببسي...لنا غداء...
رجعنا ع اذان المغرب..

ع طول دخلنا صلينا المغرب...

حسيت بنشاط..
عبيت الغساله...وحطيت ملابس البيضاء..
ورتبت مجلس الحريم...كنسته...فرشت فرشنا...
ضبطت كبسة بلحم الحاشي....
رتبت غرفتي من...الى...>>سويت اشويت تغيير...
الا والجو صار عجاج...لااله الا الله...
طلعت الملابس البيضاء...ونشرتهم بالغرفه...
وغسلت الحمام-اعزكم الله-.....
ومطبخي ولله الحمد نظيف...كان محتاج اشويت..اشويت..ترتيب...
تعبت...
نمت ع الساعه1....

السبــــــــــت//........
صحيت قبل الفجر...بسبب عيالي...
اخو زوجي كان بيروح للدمام...لعالم التوفير...وكتبت نواقص البيت للزوج..واعطاه اياه..
رتبت البيت من...الى..
كان عندي غسيل الملابس..سله ونص..
بس..
معزومين لعند اخوه العصر...اجلتها...
جهزت غدانا...
ع اذان الظهر...
صليت..نمت...
لا لبعد اذان العصر...قمت..صليت العصر...
لبست عيالي...
اخذت دش...تكشخت...
طلعنا لاخو زوجي...
رجعنا ع الساعه10ونص...تابعت مسلسل (وعاد الماضي)...
اوترت(صليت الوتر)...
نمت من الساعه12...الى3....
رتبت البيت من..الى...
ومطبخي....
جهزت قهوه وشاي....
رتبت قسم الرجال من...الى...
كنست...
جمعت الزبايل-اعزككم الله-...بالسطح...
طلعت لحمتي للغداء...
نمت ع الساعه الصباح7...

الاحــــــــــــــــــــــد//........
صحاني زوجي ع الساعه10...
(لانه بيودينا للهرم بلازا...بلدمام)نتجهز لعرس اخوه....(ملابس لعيالي)...
عملت الغداء...غسلت الملابس...
ولان لحمة الحاشي..تاخذ ساعه ونص...بهالوقت خلصت الغسيل...
بس بقي غسله...تعـــــــبت..وراح الوقت...
ع الساعه2 كنا جاهزين...ولابسين...
جت زوجي مكالمه...وانا لابسه عباتي...
وجلس يكلم...تقريبا ساعه...
وطلعنا ع اذان العصر...
صلينا العصر..بلمحطات البنزين...
رجعنا ع الساعه7....
كنا تعبااااااانين.....((وهذا وانا ماشريت لنفسي ولا شيء))...
بس الحمدلله انجزت ملابس عيالي...
صلينا المغرب مع العشاء....جمع تاخير...
نمت ع طول(الساعه8ونص)....مع عيالي..
صحوني ع الساعه1....
رتبت اغراض السوق....
اللي خص العرس بشنطت السفر...
وكتبت النواقص بورقه...
واللي لهم الحين...ع طول بدولابهم..
لان ملابسهم ضاقت..وصار ملابس مكدوده(متهريه)...
ودي اعزل دولابهم...للجمعيه الخير...
ولحد الحين...جالسه...

ودي انام للساعه10....
الصغير نام...
والكبير...لا

م

مايمدحني لقب

عروس برونزية

12-04-2010 | 09:32 AM

يتبـــــــــــــــع له//........
الاثنين//........
الساعه7...صحى قمري الصغير...ارضعته...نومته بفراشه...
الكبير راح لعمامه....
الصاله كانت مكركبه...رتبتها ونظفتها وكنسته(بمكنسة يد...لان الناس نوما)....
طار النوم...
رتبت المطبخ...حطيت لحمه ع النار...حاشي بياخذ ساعه ونص....وافكر اسوي طبخة (انثى ذوق)...
سلة الغسيل لي اسبوع وانا اقول اليوم....صحيح انجزت 3/4 امس....
لكن وجه الفجر(قبل الفجر)...سبحت(روشت-حممت -اخذو شاور-)عيالي...ولبستهم بجامتهم الجدد...
-لعلها ملبوس العافيه-.....
وزوجي اخذ دش...
وعندي مناشف المطبخ...
ماشاء الله...امتلئة مره ثانيه...

واخذت لفه عالبيت....باقي كنس....(ولانهم نايمين..ماقدر)
اللحم نضج...نقت الرز...ع الساعه11...بلخلصه...
او بعد غسل الملابس..
قسمت غسيلي...طلعت4غسلات(وجبات).......
الحين باقي2....
ع نهايتهم...باذن الواحد الاحد....بخلص غداي ....وبنااااااام...
لان اليوم اخر يوم...من اجازة زوجي...
فواعدنا....بطلعت منتزه او برّ....ان الله راد...والجو صار صافي...ولايوجع زوجي شيء....
لهذا بنجز اشغالي...وبطلع مرتاحه....

دمتم بود...
:025::025::087::025::025:

ك

كوامن السعادة

عروس مشرقة

12-04-2010 | 10:48 AM

اليوم صحيت متأخر أشوي لأن أمس ما نمت بدري كنا برا والحمد لله أبشركم يا بنات تصالحنا ورجعت المياة لمجاريها بعد ما كانت بحار وعواصف الله يهدينا ويهدي لنا
حيت دفعة في الغساله وسويت سندويش وجالسه آكل وأتصفح وبقوم بعد أشوي أبدأ في الغدا إن شاء الله

أم أحلى بنيه / تستاهلين الخير ويالله تأثثين غرفهم بالعافية يا رب والله ييسر أمركم

سلخير / شفتي كيف .. قهررر >>> ههههه كلمة إقبال إذا كنتوا تعرفونه اللي يجي في قناة المجد قهههرررر
يا شيخة الحمد لله عدت على خير وملا نتاقشت معه حسيت فعلاً اني ما حسبت حسابي في أشياء كثيره غلطت فيها يعني والله ما يصلح أخلي أثنين مزعجين ما يفهمون إلا المطامره معاه في السيارة جالس يقول أفرضي صدمني واحد أفرضي تمشكلت مع واحد ومسكين أحتاج الحمام الله يكرمكم وتورط ما يدري وش يسوي صراحة قلت ياليتني جبت الحبشية وتجلس معهم وارتاح واريحهم مساكين
والحبشية عرفها من زمان طيبه وأم أطفال بس مدري كيف أحس ما أحد يعرف لهم إلا أنا عندي خووف من الشغالات وأحسها ما بتعرف تتصرف معهم يمكن مجرد أوهام الله ييسر الآمور ويجهلها كلها خير
ويا شيييين قطع الكهرباء خصوصا في هالجو الحلو

أنوثه / الله يعينك وييسر أمرك زوقي وأضربي بكل شي في الجدار حاولي تهدين نفسك عشان الحمل ع الأقل والله يصلح ما بين أختك ورجلها ويسخرهم لبعض

مهاوي / نصائح أمك أثرت فيني كثيييير الله يخليها لكم ما شاء الله تبارك الله فعلاً أنسانه حكيمة ربي يحفظها

خلود / الله يعين على هالرجال ويهديهم لنا مشكلتي متسرعة في الأمور وما أمسك عصبيتي وصراحه هو ما يزعل إلا على شي كبييير بس نفسي إني إذا أعتذرت على غلطي خلاص يقبل عذري .

نسكافيه / يومك كان حافل ماشاء الله .. الملوخية أحبها بس أكره توريقها ياخذ وقت وفي النهاية ما يطلع مع إلا أشوي

مدنونه / ربي يسلمك ويحفظ لك غاليك والله يقويك ويعطيك الصحة والعافية

#

##خــوخــه##

عروس مبدعة

12-04-2010 | 10:52 AM

يومياتي أمس ,,
قمت الساعه 11 ونص ,,عطيت حمودي رضعته ,,وقليت بطاطس للبنات ,,

طلعت دجاجه للغدا ,,

سويت مكرونه بالباشاميل ,,

دق زوجي قال ماني جاي للغدا ,,

حطيت غدا أخوه ,,

تغديت مع عيالي ,,

بعدين روشتهم ,,ولبستهم ,,

وتروشت ولبست ,,انتظرنا الباص حق التحفيظ ,,وطلعنا ,,

ع المغرب رجعنا صليت وشمرت أكمامي للشغل ,,

لميت الملابس وقسمتها ,,وحطيت اول دفعه ,,

وعلى المطبخ جلست فيه لما العشاء ,,

آخر شي غسلت الارضيه ,,

وكنست الصاله وغرفتي وغرفة عيالي ,,

ومسحتها بداك ,,

وغسلت حمامي بكلور ,,

ونشرت الغسيل ,,

وحميت الباقي من الغدا وتعشيت مع فروخي ,,وناموااااا

ونمت وأنا متكسره من الشغل ,,

الله يرزقني بشغالة تفتح النفس,,وتخاف الله ,,ياااااارب ,,

م

مايمدحني لقب

عروس برونزية

12-04-2010 | 11:39 AM

كوامن الليل>>>مبروك...مبارك...الصلح...
اسال الله العلي العظيم...يوفقكم لما يحبه ويرضاهـ...
الحمدلله..تصلحت الامور...
والله فرحت لك من قلبي
**********************************

خلود>>>ماشاء الله...تبارك الله...
قواااااك الله...
*************************

م

مايمدحني لقب

عروس برونزية

12-04-2010 | 11:41 AM

الحمدلله...
الحمدلله...
خلصت الغسيل...
باقي انشره بالسطح....(ع اذان الظهر)....

وباقي اكنس البيت من...الى...

ماشاء الله....

ك

كوامن السعادة

عروس مشرقة

12-04-2010 | 01:41 PM

مقطع معبر أتمنى يعجبكم

كما تعامل الله يعاملك | د. محمد العريفي

http://go.3roos.com/iO8Y9PkXcq6

ا

انثى ذوق

عروس مشرقة

12-04-2010 | 05:52 PM

مساء الخير
يومياتى امس جاء زوجى الساعه 11 وكنت قافله حبتين
بس هو اقنعنى وصار بصدرى بطيخ صيفي طفا التنين :03:
وقمت زى كل يوم بس جوجو قامت من لقافتها وراحوا اخوانها
وجاها النوم ونمت معها من 8 وشوى احس سريري يتحرك خخخ
وانا اقول لا يمكن احلم والسرير يهتز بسم الله علي
طلع اهل زوجى يكسرون حمامهم تحت غرفتى :085:
ومن قوه الازعاج سريري يهتز واحاول انام وادعى على هالعمال
قلقونى ولارقدت وجو عيالى وقالوا المدرسه تقول غيااااب احسن
والساعه 11 ونص طلعت ام زوجى لابسه عبايتها العمال بكل مكان
وفطرت واقترحت تسوى ملوخيه قلت احسن لانى مااعرف اسويها
وخلصنا 3 ونص وحطيناها وشغالتى ماغير مطيعه لام زوجى
وانهبلوا عليها :085::085:وش ادب وش اخلاق
المهم وكلمتنى قريبتى وقالت بترسل بناتها عندى لانها بتروح السوق
قلت عادى لانى احتسب الاجر ويمكن يوم احتاجها ومانى خسرانه شىء
وجوا بناتها وانا جالسه العب معهم بالورق زى البالوت خخخخ
المهم وفزت عليهم :013::013:ومرتين :093:
وقاموا بطلوا اللعب خخخخ وشغلوا لاب توب امهم يلعبون
وزوجى نام وام زوجى تتفرج على فتافيت وبناتها كل وحده بغرفه
نايمه وانا اتصفح :094::094:
وشكل الوضع بيطول اسبوع او اسبوعين

ك

كوب نسكافه

عروس مشرقة

12-04-2010 | 06:26 PM

السلام عليكم 00
اليوم صحيت 12 ونص
وحطيت دفعه ملابس لاولادي ورحت سويت الغدا وتغدينا بعد العصر
خرجت الملابس وحطيت مناشف وخرجتها وحطيت منشفه حمرا لوحدها عشان ماتعدم الباقي00
البيت يبغاله كنس 00بس امس غسلت كيس المكنسه ومن الذكاء نسيت اشغل المروحه عشان ينشف بسرعه00لقيته اليوم بااقي مرطب وخرجته وشغلت المروحه 00
ودي بخرجه للسوق اقضي فيها لبناتي لان عندي ملكه الاسبوع الجاي 00
وزوجي مكبر المخده ومدري وش بيصير 00

ك

كوب نسكافه

عروس مشرقة

12-04-2010 | 06:29 PM

انثى ذوق
ماشاء الله عليك مبدعه في اختيار كلمات التوقيع