mahhaweee;12366390:
صباح الخير للجميع اشلونكم شخباركم وحشتوني
صار لي جم يوم احس روحي مو اوكي
راسي مفتر علي وفيني نوم ومزاجي متعكر شكل النساه ارجعت مره ثانيه
اليوم احس روحي احس ما ادري لانه اليوم الخميس وباجر اجازه "يجوز" اشوي اتعدل النفسيه
بنات من حس بحركه البيبي
mahhaweee;12366397:
الاخت كتكوته اصار عليها شنو قالوا لها بين جنس البيبي والا لا
العيناوية;12366585:
صباااااااااح الخير
شخباااركم
بنت كتكوته;12366618:
الأخت كتكوتة سوت التراسوند :D
وقالو لها ان البيبي مايبين واضح :thumbs_down: المرة الياية بيبن أكيد
بعدين قالو احتمال 60% بنت و40% ولد مايبين واضح
:lol: فقررت الأخت كتكوتة أنها تكون بنوووته :lol:
العيناوية;12366585:
صباااااااااح الخير
شخباااركم
mahhaweee;12367054:
بنات المجمعات عندهم تخفيضات لحقوا اللي يبي ثياب للحمل والرمضان والعيد هذي فرصه لا تعوض
سيمفونيه;12363956:مراحب
اخباركم اكيد نايمين
نوم العافيه يارب
حاليا اكل ثلج عشان تخف عني الحومه
الجنان 2010;12365778:
صار ليي ثلاثه ايام غيبه ..و لا احد افتقدني اشدعوه :(
اتحـــــــــــــــــــــــــطمت
راجعه ليكم بخبر حلو تفتحوا صباحكم ابه
امس اول مره اشوف جنيني الحمد لله رب العالمين .. :biggrin:
قالت ليي الدكتوره صار ليي 15 اسبوع تقريباً
ورحت للأخصائيه حقت الاشعه وسويت سونار مره ثانيه وياقلبي عليه قاعد يتحرك ويتقلب وسمعتني النبض وقالت ليي شاكه في الجنس على الموعد الجاي تتأكد منه
طبعا رحت ويه امي خليتها اتشوف الحفيد لان الحبيب مارجع ويايي على السعوديه بعده ماخلص الدراسه ان شاءالله بعد كم اسبوع يرجع ويشوفه ويايي
الجنان 2010;12365787:
اختي تذكر ... بالنسبه للكعك ( الصبار) على قولش مادري هو نفسه اولا اذا عندش صوره ليه روينا ونقول ليش اي لو لا خخخ ..تدري اني ادخل على تجمه نوفمبر واسمع البحرينيات اقولوا صبار واني اقول يوووو اياكلوا الصبار حسبالي اللي فيه شوك اقشروه او اسووا فيه شي ههههه
امممممم الي القشر لونه اخضر وداخل الاكل اللي تاكلينه ابيض والحبه اللي داخله سوده صح
جنه يسمونه صبار <--- نست اسمه بس عرفته من وصفج
اللي بعدهم للوحام وياهم الله يساعدكم ويخفف عنكم يارب .. بتجربتي العلكه اتخفف وايد جربوها ماتضركم ..
والله انا على طول اتعلج ههههههههههههههههه بس ساعات يفيد وووووووساعات مايفيد وخصوصا ااذا اللوعه قويه
دعواتكم الله يتمم عليي بخير ...
mahhaweee;12366390:
صباح الخير للجميع اشلونكم شخباركم وحشتوني
صار لي جم يوم احس روحي مو اوكي
راسي مفتر علي وفيني نوم ومزاجي متعكر شكل النساه ارجعت مره ثانيه
اليوم احس روحي احس ما ادري لانه اليوم الخميس وباجر اجازه "يجوز" اشوي اتعدل النفسيه
بنات من حس بحركه البيبي
Noor1979;12366521:
بنات شخباركم عساكم بخير ..
في شي لفت نظري ... في الصفحات الي راحت ... وهو ..انكم تحاتون ... التحاليل الي تكشف عن اي تشوهات خلقيه للجنين والاشياء الثانيه .. يا سمح الله والله يعافي كل حامل ان شاء الله ..
طيب في شي خطر على بالي ... يعني لو فرضيا .. اكتشفت وحده ان فيها يا سمح الله عيب خلقي او قصور او غيره... هل هي بتتنازل عن حملها .. يا سمح الله .. يعني احس ان الوحده تقوم بالاسباب وعليها .. تسوي الي تقدر عليه .. وتحافظ على نفسها وتغذيتها قبل حتى لا تفكر تاخذ الفيتامينات .. وتترك الامر لله...
كل هلامور ما بتخلق الا ضرر والم نفسي ... حق الحامل لو لا قدر الله اكتشفت شي .. في بطنها .. ( هل يعقل انها بتجهض الطفل لو اكتشفت انه منغول )؟
او اكتشفت ان فيه عيب خلقي ؟
لو حصل فهو ابتلاء من رب العالمين .. ويمكن تسوي كل الفحوصات .. وتتطمن على البيبي وبالاخير ينولد وفيه شي ...
ليش استباق الاحداث والامور ... اهم شي نشوف الياهل بصحه وعافيه .. ونسأل الله له الثبات .. ووولاده سهله .. ونسأل له حُسن الخلق والخلقه ... ونترك الامر لله.
انا ادري ان نص الموجودات بكوره .. وأول حمل ... ومتشوقين لكل شي ... بس لا تبالغون... يعني يعني لو المستشفى الخاص يكفيك .. اكتفي بالمستشفى الخاص لو المستشفى الحكومي يكفيك اكتفي بالحكومي ومراجعه المركز الصحي ... ووفري الفلوس حق شي اهم ...
والله يا بنات .. اني احاول احط لي برنامج غذائي اوفر فيه الفتامينات حق الجنين .. والصراحه ما التزم حتى بالاسيد فولك .. سويت بحوث على الانترنت واكتشفت ان الافضل ان المرأه تاخذ الاسد فوليك من الخضروات الخضره نفسها ... احسن لها .. ولازم المرأه الحامل تسوي فحص حق الدم وتشوف نسبه الاسد فولك في دمها .. لان زياده الجرعه ...ممكن تضر الجنين وتسبب لها تشوهات عصبيه وخلقيه ...
فاكتفيت بأني ما اخذ الحبه الا لمن احس اني مقصره في تغذيتي ... ولمن شفت البيبي ولله الحمد مافيه الا العافيه .. وبعد ارجع اقول لو فيه شي .. مب من تقصيري بأخذ الحبوب او غيره ( بالعكس ) ابتلاء من رب العالمين ... امهاتنا .. القبليين يابو عيال اصحاء وهم عايشين على التمر والخبز.. والسمج .. فما بالكم احنا..
بس اتمنى ما طولت عليكم .. بنات والله يتمم عليكم بخير
ام جنى
بنت كتكوته;12366618:
الأخت كتكوتة سوت التراسوند :D
وقالو لها ان البيبي مايبين واضح :thumbs_down: المرة الياية بيبن أكيد
بعدين قالو احتمال 60% بنت و40% ولد مايبين واضح
:lol: فقررت الأخت كتكوتة أنها تكون بنوووته :lol:
بنت كتكوته;12367168:
حتى اللي يبون يشترون اغراض من احين حق البيبي دااام في تخفيضاات
سنتر بوينت 50 %
تخفيضات بعد عند أكسسوريز
ادمز كيدز
مونسون 75% اليوم بس وعقب يصير 50%
بي أج أس
هش بابيز
أأممممم هذي اللي اتذكره :cool:
mahhaweee;12367260:
بس احنا بنولد في ديسمبر يعني الثياب بتكون شتويه
