زين اموره بخبرج عن موقف .. صار لي ايام الملجة ..
.. مثل ما قتلج انا شفت ريلي بس مرات معدوده .. يوم الخطبة .. يوم الملجة .. و بعد الملجة يوم ..
و هاي المرة الرابعة ..
كنت مشتركة بدورة رسم .. لاني احب الرسم .. المهم .. مره وصلني المرسم .. و انا يالسه ارسم .. ريلي كان في المرسم .. و يشوف ع لوحتي .. بعد ما خلصت قلت له ها شرايك ؟؟ قال ابدا مب حلوه باقي الوحات احلى .. كنت ابدا مب متعودة عليه و ع دفاشته .. قتله اصلا انت ليش ما رحت .. اخوي كان بيمر يأخذني .. قالي شو اسوي مستبلي فيج .. بعد ما قال جيه مسكت لوحتي و اغراضي و ابي اروح السيارة .. صادفت ان البلاط توه ممسوح .. و انا من عصبيتي و قهري امشي بسرعة .. و ايييييييي اتزحلق و اطيح شر طيحة .. من العصبية قمت كنه ما صاير لي شي .. خطوتين و اطيح مره ثانية .. و خلاص الدمعة بعيني .. و قمت و شفت ع وراي شفت ريلي يشوف علي بخوف .. بس بعد فيه ضحكة خفيفة .. و عاد هني صج انقهرت .. و يالسه امشي و اشوف عليه و توني اشوف قدامي الا طخ طخ طخ طخ طحت من بداية الدرج لنهايته .. خخخخخخخخخخ اللحين اضحك بس يومها مت من الاحراج .. و عاد ياني ركض بعد اللي صار و يعتذر .. بس انا ما كلمته يومين بسبب هالشي .. يقولي كان يمزح .. قتله انا ما استحمل مزاح دفش