تجمعنا الثالث لشهر اكتوبر

دريم ماتشوفين شر ..

الصداع بالاحوال العاديه له عدة اسباب : الارق , الارهاق , هبوط الضغط , الامساك ,حساسية الجيوب الانفيه .

بس اذا فيه حمل معروف الصداع يترافق ويا الوحام عند البعض .. وحده من خواتي وحاامها

صدااع مايفك عنها طول الاشهر الثلاثه الاولى لدرجه تربط راسها ..

فلاتحاتين يالغلاااا اذا مضطره اكلي بنادول بس النوع الخفيف اللي تصرفه المستشفيات الحكوميه

وكله بأجره باذن الله ..

مراااحب ...

وردة الخريف ..سنوريتا ..سارة ..دريم مون ..تسلموون حبيباتي ما قصرتوا ..والله يسمع منكم ..انا ما احاتي الدم زي الالتهاب ..صايره متخوفه منه ..


سارة ..السهرة صارت صباحي عجل ..الله يعنيك نومها صعب وااايد ..ان شاء الله يتعدل اذا كملت السنة ..

الؤللؤة السوداء ..كيفك حبوبة ..وكيف حفلتكم ان شاء الله وناسه ؟؟


نور الايمان ..الزنبقة ..شلوونكم حبوبات ..انا كمان من حملت والصداع مترافق وياي شبه يوميا ..واضطر فالاسبوع اخذ حبة او حبتين بندول العادي ..لاني ما اقدر اتحمل ..الله يعين ....


سلاام وتحية للجميع ..

مساء الخير مامات شخباركم

صار لي مدة ما دخلت متراكم علي واجب طووووووووويل ... بحاول بكره أحله دام مديرتي بتكون محد فأكيد الشغل بيكون خفيف نسبياً

أذكر أن من كم يوم كنتوا تتكلموا عن التجهيزات .. تصدقون للحين عندي الحالة العكسية كلش ملش اختفى حماسي للتجهيز !!!

أمس رحت الشرقية واشتريت لكتاكيت خواتي ... عصفوري ما محتاج شيء فشريت له ألعاب بس ، ونونوي ما عجبني ولا شيء ... ما ادري لأن ما في حماس حقيقي للحين للتجهيز ؟؟؟

شريت بس الشبك الصيفي بو 10 ريال ... قلت هذا الحاجة ليه أكيدة ... وكم شغلة تحليل روحة ... بس ما حسيت في شيء واو
أذكر شلون قبل لما اشوف تجهيزات النيو بورن استخف عليهم ... ألحين كلش مو شايفه شيء يلفتني !!! شكلي متوحمة عليهم خخخخ

رقة ما تشوفين شر خيو
ما اعرف شنو السالفة لأني ما قرأت الواجب بس من كلامش كنتين تعبانة ... بروح بقرأ بشوف شنو صاير

وشكله الصداع كلنا نعاني منه
أني ما كنت أشرب كوفي أبداً ولا عمري جربته صرت اشربه مرات لأن يقولوا يخفف الصداع ، واربط راسي وعيني واعتم المكان وآخذ بندول عادي مرة أو 2 في الأسبوع ... وكلو من غير فايدة

ماتشوفين شر كلكم ..

در مكنون صدقيني فيج حماااس .. بس يمكن للحين موب مستوعبه ..

او تبين شي مميز وموب محصلته للحين .. انا متحمسه للتجهيز اذا كانت بنت

خاطري اشتري فساتين شكثر .. تصدقون من اسبوعين دشيت مذركير ووقفت صوب

النيوبورن مال البنات .. الله لايحرمني شوفة جنيني معافى وبحضني ويرزقني واياكم الاصلح

بنت او ولد ..

السلااااااااااام عليكو كروشاااات

لحظه باقرا الوااجب
وباكتب ردوود وراجعه
تكونو ان شااء الله تجمعتو

* نور الايمان *;11730236:
اللؤلؤة صراحه التوزيعات حلوه


بالعافيه


عقبال ما تسوين توزيعاتج يارب

Noor M;11730466:

... لولوه

التوزيعااااااااااااااااااات رووووعه ... والوردي طالع شي... الله يسعدكم

مشكورين حبيباتي وعقبال ما نشوف توزيعااتكم الحلوه:083:

مسز عادل;11730474:
وردة


لؤلؤة

و الله كل شي بيد الله سواء بعلاج لو طبيعي بس احنا نسوي الي علينا وما فيها تقديم على الله ولا شي وكل وحده يكون خاطرها تجهز بنفسها

انا والله خاطر اي
بس مومسموح لي اطلع
شلون بعد اروح السوق
:01:

alzanbaq;11730541:
مساء الخير .. شخباركم ..؟




دلوله + لؤلؤه .. الله يتتم لكم حملكم ع خير ويرزقكم شوفة بيبياتكم بخير وصحه ..



..

يااارب
والجميع ان شاااء الله
تسلمين يا قلبي

dreamMoon;11730658:
هلاخيووتي عهود وبس هههه انضميت وياهم


لي شالوو التواقيع لاتخلوني اشيله احسن لاستخف وياه هه


بس المشكله يجيني فضوووول ابي اعرف متى ادخل اسبوع جديد ومتى شهر جديد هه

اييي
انا احب توقيعي
ساعات بس اطالع فيه اشوف رسمه النونو ههههههه

{دلوعة بو حسون};11731146:
مساء الخير

تعبت وانا اقرا الواجب

بنات خوفتوني انا مدري ان الكبده مو زينه للحامل و انا وايد اكلها من يوم حملت

لا تخوفين روحج
بسم الله عليج
مو قصدي اخوفج
بس الحين لا تاكلينه افضل

رقة الورد;11733402:
القمر الوردي ..سارة القمر ..تسلموون ع السؤال ما قصرتوا ..


التهاب شديد وصديد فالبول ..وفقر دم ..بكرا بسوي المزرعه ..الحمد لله على كل حال ..ان شاء الله اتحسن مع الايام ..دعوااتكم ..

سلامتج يا قلبي
الله يشافيج ياااربي
طمنينا عليج

dreamMoon;11736521:
هلا حبيبتي اللولوءه انا كل ايصدني ارق اقعد من الفجر ولا يجيني نوم


اعجز ابي انام اتقلب لين تلوع جبدي ولا تغط عيني وايد احاتي موعدي متى يجي الخميس وارتاح

اييي نفس الحاله
انا بعد يصيدني جدي
كل شي وباجره
زئبق+نور +در
الله يساعدنا شكلنا كلنا جدي

dreamMoon;11736524:
واخيرا تغير توقيعي ودخلت الشهر الراااابع


الحمدلله يااااااااارب عقبال التاسع والسلامه للجميع يارب

يا سلااام
مبروك يا قلبي
عقبال التاسع:083:

رقة الورد;11737224:
مراااحب ...



الؤللؤة السوداء ..كيفك حبوبة ..وكيف حفلتكم ان شاء الله وناسه ؟؟



سلاام وتحية للجميع ..

اهلييين
والله الحفله كااانت رووعه
بعدين باخلي لكم الصور:03:

مسااااااااائكوو عسل

لاحلى حوامل
الغايبين والحااااضرين
وش اخباركم حبيباتي
ماتشووفون شر يالغلا

بس بنااااااااات خلاص تراكم زودتوهاا

<<< ينقال عصبت
مو كل وحدة قبل موعدها باسبووع تبدا قلق وخووف
لا توترون نفسكم والجنين
خلاص حطوا في بالكم ان شاء الله كل شي تمااااام
وان كان لا سمح الله في شي مو تمااام
لا تزيدونه بتوتركم
وتوكلوا على الله وان شاء الله رب العالمين ما راح يخيبكم

*سارة*;11734479:
سنيويتا الحال من بعضه
بنتي نامت من 11 ونص الا 2
والحين مصحصحه تلعب وعافسه الدنيا وانا ماعندي باور كلللللللللللللش

هههههههههههههههههه
يعني نفسي صارت سهرتي صباحي
والله انا احاتي اذا ولدت وش بيصير فيني
هذي بنتي ما تخليني انام
والبيبي الثاني الله يستر ان صار نومه غير نومها
باكلها عدل

سلاااااام
كيفكم
اليوووم انا مزكمه وحلقي ملتهب وصدااااع فضيييييع

وقاعده بس عالبندول والليمون

والمشكله عاديت ولدي

وماني عاارفه اهتم بولدي ولانفسي

وانا اذا تعبت يكون مالي خلق لاحد

عاد شلوون حامل وتعباانه وولدي تعبان هذا غير الوحم المقرف


العصر ان شاء الله بروح احلل عن الحصبه الالمانيه لانه قالت عيديه عشان نتطمن

الله يستر انا خاايفه

دعووواتكم

هلا وغلا عهوووووووووود
ما تشووفين شر يا قلبووو
وان شاء النتيجة تكون مطمئنة
وطمنينا عنك

وكثري سوائل دافية
كوجرات ليمون اسوود
نعناع
كثري منها وان شاء الله بسرعة تروح عنك الانفو


بناااات جالسة اشووف تجهيزات بتاعت البنات ووري بنتي
واقول لها شووفي نشتري حق الصغيرون كذا وفي البداية هي فرحت
قالت الله
يوم شافت اغراض كثيرة
قامت تقول اناا بيها
قلت الله يستر لا تشووفني اشتري لصغيرون بتحقد
عليه قبل لا يجي

سلام شخباركم بنات ان شاء الله اخباركم طيبه حبيت اسلم عليكم

مرحبا بنات

اليوم رحت للدكتورة وطمنتني ان كل شي اوكي و سألتها اذا محتاجه حبوب تثبيت او ابره بس قالت لي ما له داعي لأن لو لا سمح الله بيصير شي الحبوب ما تفيد ولا شي بس قالت اهم شي المشيمه اوكي و الدم ما يطلع من داخلها و هذا شي يصير لبعض الحوامل في الشهور الأولى

سألتها بعد عن جنس البيبي بالأحرى زوجي الي سأل لأنه مستعجل على ما يعرف بس هي قالت مو متأكده لأنه للحين صغير بس لا زالت تقول يمكن بنت لأن للحين ما في أعضاء بين الرجلين

و ترى يا بنات صدق لاحظت ليش بعض الدكتورات يجزمون بالجنس من الحين وبعضهم يقولون مو مبين على حسب نوع الجهاز الي عندها الي عند فهيمه حسيته واضح واجد واجد بس الي عند كيران مو لهناك أحس كأنه موشوش خخخخ بس الحبيب لما كنا عند فهيمه صاك رجوله صك و الحين مفتوحه ع الآخر

اهم شي تطمنا على سلامة الحمل الحمد لله بس بيني وبينكم للحين فيني خوف شوي

اقول لزوجي اذا جينا الموعد الجاي وقالت يمكن بدبحها هههه

المشكله اذا قالوا بنت احتمال يطلع خطأ بس اذا ولد يكون اكيد

البراق العربي

هلا وغلا شخبارش ها طمنينا شنو قالوا المستشفى؟؟

رقة

كثري شرب سوائل واذا دمش ناقص كثري من الخضروات الخضراء وخصوصاً الجرجير و تفاح و كيوي ورمان و لحوم اني كنت اسوي سلطه اسميها السلطه الحديديه هههه لأن كلها حديد فيها جرجير و خس و رويد و كل شي لونه أخضر و تفاح مقطع مكعبات و رمان و عليهم عصرة ليمون يمي لذيذه و غنيه بالحديد

وكل شي فيه حديد شربي وياه عصير برتقال او ليمون او اعصري عليه ليمون


سنيوريتا

احسبي حسابش وانتي تجهزين للبيبي تشترين لها بعد لأن الغيره لا بد تكون شغاله

ما ادري كم عمر بنتش بس فهميها ان البيبي بيجي وما عنده ولا قطعة ملابس ومحتاج واجد و هي بعد لما جت شريتون لها واجد ومن جدي الحين كبتها في ملابس واجد

مساااء الخيييير...
شخبااااركم؟

وينكم بنااات ؟؟؟

المهم بنزل لكم تقريري مال امس خخخ
مثل ما تدرون البنات تجمعو عندي وكل وحده جابت طبق
ما قدرت اصور عدل من اللويه ههه
كان في مشويات ومعكرونه بالباشميل وورق عنب وفطاير وبيتزا وصورت الي قدرت عليه









وهذي الكيكه



وهدايا




وهذي الهديه ...







بنااات هذي صور للهدايا بعد التغليف مني ومن اختي(من فوق لتحت ,, عدسه ملونه ,,عطر ,,سشوار وصندل)


وبث خلاث

مساااء الخيرررررررررر

سنيوريتا حبيبتي مو انا لي رحت الشرقيه



اني زوجي حتى سيتي سنتر مايرضى يخليني اطلع


مو السعوديه بعد بالغضب بطلعه الروح مره وداني وبسرعه بسرعه خايف عليي


لكن خلني اوصل لاخر الاشهر بعوض من الهياته ولابقعد في البيت هههههههههه

يمي يمي الاكل بس عاد لو صوبي ولا اقدر اكل


خل ترجع النفسسيه العدله بعضووض خخخ حق اصير درام خخ


بالعافيه عليكم العيد ميلاد والاكل دووم يارب