تجمعنا الثالث لشهر اكتوبر

انوارة;11723377:
اني كنت البارحة عند دكتورة فهيمة المطوع وقالت ليي جنس الجنين :013:
مع اني 13 اسبوع بس وبعد راوتني الأجهزة كامل الكلى والمعدة والمخ ....الخ

طيب وش قالت لج جنسه :037:

انوارة مافي بينا فرق
انا حسيت الدكتورة مستعجله وهي تسوي لي السونار
يالله الشهر الجاي ان شاء الله اعرف

سلام عليكم بنات


شخباركم ان شاء الله بخير


اني بقوم انام صراحة ابي اتعود اقعد من الصبح

سارة..
جنس الجنين بخليه سر :029:
لأن بس زوجي اللي يدري حتى أهلي ما خبرتهم .

وأنا نفسش يوم كنت في الاسبوع 12 رحت لدكتورة ثانية ومع أن جهازها متطور سألتها قالت ما يبين ألحين حتى ما حاولت تدور بسرعة أخذت عليي سونار ودفعت فلوس على الفاضي وحلفت ما أروح لها لأن شكلها مو مهتمة ولا تبغي تتعب نفسها .

هلا نور عليكم السلام .
أني بعد ورايي دوام بكرى تصبحون على خير

مساء الورد ..

هلا سارة ..مرره فرحت اليوووووم الحمد لله تطمنتي ع النونو فديته بعد عمري ..وصح انا بعد استغرب من الي يقولون اعرفوا جنسه احسه بدري بس يجوز ..لاني لما سألت الدكتورة امس احسها استغربت مع انها طولت فيه حتى انا استمليت تعيد وتزيد ..بس من كلام البنات هنا قلت يمكن اعرف ههههههههه ..وذكرت اختي كمان قالت عرفت جنس ولدها من الشهر الثالث مع انه من زمااااان 9 سنين ..والاجهزة الحين تغيرت وتطورت ..يلا خلاص السونار الجاي ان شاء الله فالخامس اعرف ..



انواره ..حركات عرفتي جنسه ..واحسن ما تعلمون احد ..انا عن نفسي هالمرة مو ناويه اعلم احد بالمرة ..الا وحدة وفيه اتفاق بيني وبينها هههههههههه ..


اميرة ..ما شاء الله حسيتي بالحركة عدل ..انا لسى اوقات احس بشي خفيف بس مو متأكدة حركة ..او مو متوقعة ..

مرحبا بنات

توني من شوي راجعه من الطواريء رد نزل مني دم و هالمره أحمر ومتنا من الخوف اني وزوجي قلت خلاص البيبي راح فيها و ما دخلت على الدكتوره الا روحي وصلت التراقي

بس الحمد لله طمنتني ان هذا شي طبيعي يصير للحامل بدون سبب بس نصحتني بالراحه وبس


اللؤلؤة

لفت انتباهي سؤالش عن الحركه هههه بعدش لاحقه بيلعبون كرة قدم في بطنش و هات يا ترفس ههههه اختي حملت بتوأم صبيان و ذبحوها من الحركه خخخخ

رقة الورد

امبلا يبين شلون اجل البنات عرفوا ؟؟؟

حتى اني قالت لي دكتوره فهيمه يبين بس بيبيي ما رضى يفتح رجله

مسز الحمد لله تطمنتي ..ما عطتك الدكتورة شي ..مثبت يعني ؟؟

ما تشوفي شر حبوبة وانتبهي لنفسك ..

وجنس النونو قليل الا يعرفوا فالثالث ..واني احسه تخمين من الدكتور مادري ليه هههههه...بس يمكن في داكاترة شطار بزياده ..وعندهم خبرة ..

بجد تعببببببت من الصداااع ما صارت ..كل يوم وكل وقت ..


بكرا بروح للدكتورة بشوف شنو السالفة ..مليييت من الوضع ..

بسم الله علييكم

كل هذا وااااجب :057:

مشكووورين اللي سألوا عني

اليوم رحت الدكتوره قبل موعدي باسبوع لاني من كم يوم حاسه بالتهابات وحكه

عطتني مرهم وغسول , وسمعت نبض البيبي وقاللت تبين سونار قلت لا بخليها الشهر الجاي عشان جنس البيبي يكون واضح

وطمنتني على نتائج التحاليل بس قالت عندك املاح بالبول , وطلبت مني اعيد تحليل الحصبه الالمانيه تقول طلع عندك ايجابي بس نتطمن انه من التطعيم اللي اخذتيه وانتي صغيره

بس هالدكتوره بتجنني:039:

تخيلوا توك داخله الثالث من اسبوع

طلعت تحسب بداية الحمل من الوقت اللي انقطعت فيه الدوره:047:

مدري طريقتها كذا صح!

عهووود يا هلا فيك حبوبة ..وحشتيناا ..


الحمد لله تطمنتي ع النونو ..وكثري مااااي عشان يروح الالتهاب افضل من الادويه وعن تجربة ..


وفيه دكتورات يحسبون عمر النونو من اخر دورة ..يعني من اول يوم فالدورة ..بس انتي تقولين من انقطعت الدورة ..هذي جديدة بعد ..ذكرتيني بحساب الولادة ..ما سألأت الدكتورة عن موعد ولادتي ..<<نسيت اهم شي ..


بكرا ان شاء الله اذا رحت اسألها ..


بس كذا يصير الشريط مقدمنك شهر ..كثييير ..!!


ما تشوفي شر قمر ..

رقة الورد;11723938:





انواره ..حركات عرفتي جنسه ..واحسن ما تعلمون احد ..انا عن نفسي هالمرة مو ناويه اعلم احد بالمرة ..الا وحدة وفيه اتفاق بيني وبينها هههههههههه ..

على كييذا بتخلون كل البنات مايقولون
خلاص كنت ناويه اول مااروح اقول الحين لا مابي اقول :037:
بس استغرب ليش ماتقولون وش يعني الفايده يضل سر
بس انا زين ماراح تعرفون بكون بالمملكه وبجي على ابواب الثامن
هع

وردة خريف;11725350:
على كييذا بتخلون كل البنات مايقولون
خلاص كنت ناويه اول مااروح اقول الحين لا مابي اقول :037:
بس استغرب ليش ماتقولون وش يعني الفايده يضل سر
بس انا زين ماراح تعرفون بكون بالمملكه وبجي على ابواب الثامن
هع

لا مو مسألة سر ..بس في ناس يحبون المفاجأة ...ما يعلموا احد ابد ..وانا فحملي الاول علمت اهلي ..بس هالمرة مادري احس حلو يتفاجئون من اولد يسألوا هااااااااا ولد لو بنت ؟؟

بس كيييذا ..:094:

رقة الورد;11726059:
لا مو مسألة سر ..بس في ناس يحبون المفاجأة ...ما يعلموا احد ابد ..وانا فحملي الاول علمت اهلي ..بس هالمرة مادري احس حلو يتفاجئون من اولد يسألوا هااااااااا ولد لو بنت ؟؟

بس كيييذا ..:094:

تصدقين ابد مقدر امسك لسااني
بحملي هذا لاني مجهضه بالغصب قدرت اسكت بس الين اسمع النبض
وبعدها خبرت اهلي <<وهذول اهم شي بحياتي
ولا اعتقد انو بيقدر مااقول لهم << عاد متحمسه تعرف

..

بصرآحه تدرين احس اني حامل ببنت واحساسي كل يوم يقوى
وامس زرت حريم قالوا لي ثنتين اني حامل شكلي ببنت :032:
عاد انتظر متى اعرف رغم اني مااعتقد لانو عندي موعد اليوم الصبح
وبعدين تبدأ اختبارات زوجي وراح انزل بعدها على طول المملكه
يعني مدري اذا بروح المستشفى ثاني اول لا <<منقهره حدي


..

تدرين رقه بقولج شي بما انو عندج عيال
انا احس اني ملوووله واجد صايره مااحب اطبخ حق زوجي
واحس لما يزيد يوم علي الضغط ودي كيذا تطق براسي وارجع المملكه
شلون لو صار عندي عيالي احس اني بمل بسرعه <<ياويلي

صباااااااااااااح الخير ياحلوييييييييييييييييييين

صباح الخير والورد ..

اخباركم امهات شمسوين .؟

ورده:072: سألت عنج العافيه حياتي .. انا بخير فديتج .. بشريني عنج .؟



اميرة:072: مبرووووووووك احساسج بحركة البيبي وعقبال ماتقر عينج بشوفته بحضنج ..

مسز عادل:072: ماتشوفين شر .. تحملي على روحج .. وارتاحي .. ربي يثبت حملج ويعدي

هالاشهر على خير ..

نواره :072:.. مبرووووووووووك عليج جنس البيبي ربي يحفظه ويخليه لج .. اذا ولد ترى اكيد ..

لان الولد يبان من اخر الثالث .. بس اذا قالت لج بنت .. يبي لج عقب تتأكدين لان البنت

ماتبان بدرري .. بولدي الاخير عرفت جنسه بالثالث ..


انا انشغلت بالدوام ورجعت لي اللووعه مطفشتني الله يعين ..

وهالاسبوع باذن الله ابي اروح اسوي تلفزيون التشوهات .. كل اسبوع

اقول الاسبوع اللي بعده .. محتاجه حد يشجعني .. يلااا شجعوني :03:


الباقين .. اخباركم شمسوين .؟ ..

بالنسبة لجنس الجنين .. قررت مااقول لاحد من اهلي .. هالمره بحاول امسك

لساني .. بس ان شاء الله اقدر :096:.. بس بنتي وزوجي اكيد اول من يعرف ..

بنتي :029:عطيتها وعد اوديها وياي لاول سونار مال جنس البيبي ..

dreamMoon;11726406:
صباااااااااااااح الخير ياحلوييييييييييييييييييين

صبااح النور والسرور

alzanbaq;11726718:
صباح الخير والورد ..

اخباركم امهات شمسوين .؟




اميرة:072: مبرووووووووك احساسج بحركة البيبي وعقبال ماتقر عينج بشوفته بحضنج ..




بنتي :029:عطيتها وعد اوديها وياي لاول سونار مال جنس البيبي ..

الله يبارك فيج
انا تمام الحمدلله
انتي اشحالج
اتوديني ويا بنتج هههه
انا بحاول ما اقول لهم مب اكيد بحاول

كروشات انا بختفي عنكم اسبوع وان شاء الله عقب اسبوع اجوفكم:093:
يالله السموحه منكم:01: