اللهم صلي على محمد وال محمد
السلام عليكم
خواتي في عالم حواء ،،،شخباركم شلونكم
جيت اليوم اكتب لكم تقرير خطوبتي،،،الي كانت في شهر 11،،،يمكن تآخرت شوي لكن والله مانسيتكم
وما انكر اني استفدت من المنتدى هذا وايد فحبيت تشاركوني هاي اللحظات
ولاتنسون تسمون بالرحمن وتدعون لي يارب الله يسر امورنا ونتزوج قريب
التاريخ: 12-11-2009
المكان: قاعه مرمريز 3
تصميم القاعه والمسرح: برميرا ستيلا مكانه في الدبلومات ،ثيم الحفل كان ابيض واحمر
حبايبي انا حاولت اغير من القاعه كثر ما اقدر
غلفتها كلها بستاير بيض ،،وبسجاد ابيض،،وحتى الطاولات لبستهم شراشف بيض
المسرح كان فكرتي وتصميمي..بس حسافه ماسووه عدل نفس مابي
كان مصكوك ومغطى بشريطه حمره،،،محد من الناس يقدر يشوفه
اول شي في البدايه قبل لا ادخل
تصكرت الليتات وتولعت الشموع في كل الطاولات ربعي ماقصروو،،،وكان فيديو عرض احنا مجهزينه فيه صوري من انا صغيره وصور ربعي والمدرسه والجامعه والاهل وخطيب الهنا
وجبت شاشات عرض كباار حطيتهم على يمين ويسار القاعه
وتقدرون تشوفون ان المسرح كان مصكوك بشريطه حمره ،،نفس لون فستاني الاحمر
الى ان انا جيت وفتحته
وهاي لما دخلت المسرح
فستاني احمر طوييييل الذيل
كله وروود حمر من القماش نفسه،،،،
خيطته في السعوديه..طلعت روحي لكن من كثر ماجينا ورحنا،،،لكن الحمدالله كمل وصار حلو حمدالله
بعدين بدينا سلامات ووتصوير هههههه
عقب شوي ،،ربعي شلتي من احنا صغار كانو مجهزين لي مفاجآه
الا وهو فيديووو كله صورنا وجنونا وهبالتنا علي اغنيه انقليزيه هااديه..انا من الصدمه ومن كثر المشاعر الي كنت احس فيها لاشعوريا شفت روحي قاعده علي الارض واطاالع الفيديوو
عقبه مبااشره
رقصولي رقصه هنديه متدربين عليهااا صارلهم دهر هههههه وصفقت لهم كل القاعه كآنهم بوليوود هههههه
بعدين طلعت من القااعه
دخل المعرس معاه الرياييل زفووه للمسرح واستانسو ورقصو وصوروو
بعدين دخلت انا ،غيرت فستاني لبست فستان ابيض نااعم مع طرحه نااعمه جدا لان فستاني الاحمر كان دفش شوي ومعاي اخواني على يميني وعلى يساري وصلوني لنص القاعه وخطيب الهنا جاا واخذني منهم وكملنا الى ان وصلنا المسرح
وطبعا اخوي الله يحفظه ويخليه ...دخلني بتسجيل شعر اهوا كاتبه عني،،،وكان وايد مؤثر مع فيديوو حقنا كله انا في نص اخواني وهم على يميني ويساري الله يحفظهم ولا يخليني منهم
حتى في جم وحده في القاعه دمعت عيونهم من كثر ماكان مؤثر
هذي الكيكه،،،
وكانوو دار مادارنا الاهل والربع كلهم شايلين من هالشمووع ويلوحون فيها على اغنيه a whoe new world مالت فلم علاء الدين تذكرونه واحنا يهال
عقبهاا حطو لنا اغنيه ها حبيبي مالت كاظم الساهر ورقصنا عليهاا ..،وبعدين حطو ميكس اغاني كاظم..زيديني عشقا وقولي احبك واشهد واحبيني بلا عقد...
بعدين تجمعووو البنات وقطيت الباقه عليهم...وايد حلوه هالحركه بنات لاتنسوون تسوونها
بعدين حطينا اغنيه لا تغلبونه وقاام الرقص عدل
بعدين رحنا بيوتنا
مكياجي:فاطمه اللبنانيه
شعري:وحده فلبينيه من رونق ما اتذكر شسمها
وبس
ولاتنسون تدعون لي حبايبي ان الله يسر لناا ويسهل امورناا
وتسلمووون جميعا وسامحوني على الاطاله