كل وحده تكتب ايش اشترت من تجهيزات زواجها...ارجوكم نبي تفاعل

اللاااااااااااااااااااااااااااااااااي عجبني الموضوع
شوفو بشكل عام كل بنت بتتزوج لازم تقسم مهرها عشان يستوفي الاشيا هاذي
ثلاث ساعات اقل شي وحده سيلفر وحده غولد وحده لذر
اقل شي سبع عبايات ثنتين ناعمات ووحده ساده وثنتين بين الناعم والثقيل ووحده شغل ثقيل وعباه حرير راس
بعدين اقله اربع شناط ماركه كشخه كشخه جدااااااااااااا ومعاهم 6او 10شناط من محلات عاديه بس معروفه يعني ألدو على ميلانو و نيو لوك وناين ويست يعني 20شنطه معقوله
شوز وصنادل تقريبا بعد 20وحده بصراحه انا مدمنه على الشوز والصنادل والشناط واحاول اكون معقوله بالارقام الي اكتبها والا انا ماعاجبتني هاذي 20شنطه و20شوز بس القليله اتكلم انا يكون هالقد لان الحرمه
بالعاده مايبين منها الا ساعتها وعباتها وشنطتها والشوز تقريبا فلازم يكونون حاجه حلوه ومتغيره

انا مااحب الجلابيات بس في مناسبات تستدعي ذي الشي يعني اربع جلابيات كفايه
بعدين لازم تخصص الحرمه مبلغ محترم للانجري لان ياخذ مبلغ كبير جدا
وماتوقعت انه ياخذ هالقد مبلغ
بعدين مبلغ محترم حق الالماسات والذهب يعني اقله البنت تاخذ لها اقله يعني خاتمين الماس وحلقين الماس
انا احب الجواهر الكريمه اكثر من الذهب بصراحه
لكن الوحده يعني تاخذ لها طقمين ذهب ومعاهم اسواره وحلق ذهب
بعدين مبلغ محترم للعطور
ودهن العود والدخون
مبلغ محترم السكن كير كريمات العنايه والشور جل والشامبوز والكونديشنرات
بعدين مبلغ بسييييييط للمكياج بصراحه
وبعد كذا ملابس البيت افضل تكون فساتين ناعمه وترينينغ سوت
بدل الدشداشات وقمصان النوم احس ماادري افضل وموديرن اكثر
وفي نفس الوقت مش متكلف
بعدين تشتري لها قطع ملابس متفرقه وتلبقهم مع بعض تقريبا بشكل مبدئي
15لبسه متكامله سواءا كان بلوزات كارديغان بوليرو وتوبز وسكيرتس وبانتا كور وبنطلونات يعني بدله
متاكامله بعدد 15مبدئيا وتصير تشتري هي بشهر العسل يعني تخلي مبلغ
بس تكون حريصه انها تشتري بنطلون جينز كشــــــــــــخه اربع او خمسه اقل شي
بس هذا الي اتذكره وانشالله انكم تستفيدون
الفتاه الطاهره مواضيعك دايم حلوه

مشاعل حبيبتي مو كأنك مبالغه شوي
مجرد احساس لا تزعلين مني
بس من جد 20 شنطه و20 شوز مررره كثير
في بنات لا مهورهم ولا أهلهم يقدرون على هالشي
أنا من رأيي خمسه أقل شي
و اللي تبي تزيد بكيفها
و عالعموم عجتني طريقتك وتفصيلك للأغراض ,, منوره يا قلبي ..

الفتاه الطاهره >> فكرة موضوعك حلوه , اتمنى التفاعل مثلك , يعطيكي العافيه ..

مدلعه قلبي واي بي فور ايفر
زي ماقلتو كل وحده ونظرتها وذوقها للاشيا
اذا لاحظتي انا ماركزت لا على المكياج ولا على اللبس
لان بصراحه هاذي الي مايمدي الواحد يشتري الا تغيرت القصات والالوان وكل شي
بالنسبه ان الشوز لون او لونين يكفي مع اكثر من لبسه فانا مااوافق على هالكلام
اول شي البنطلون الطويل لها شوز غير عن البانتا كور
ونفس الشي للتنوره الطويله والقصيره
والفساتين الكوكتيل او الفساتين المتكلفه
يعني ماينفع تلبسين تنوره برينسيس سكيرت كلوش ومعاها شوز مسكر من قدام
حده يرخص اللوك ولا بانتا كور ومعاهم صندل طويل من فوق شوي يعني تسكيرته عاليه
هذا اذا ماتكلمنا عن الالوان لان الشوز قطعه اساسيه باللبس وتضيف مررررررررررررره على اللوك
تزيد من قيمته او تنقص منها
يعني للسهره تبي الوان غير وللسوق غير وفي شوز التسيورات الي ماتقدرين تمشين فيهم مده طويله
والدوام او الجامعه ونفس شي بالنسبه للشناط
في للسهره اشيا غير ووووو0000000الاشيا الي ذكرت قبل
يعني الواحد اذا بيمسك الاشيا الاساسيه وياخذ له شوز وشنطه سود وبيض ومثلا بني توفو بس ويلبقهم مع كل شي وين الوناسه حلاته من كل لون عندج شي
والقصات ترى تفرق مع اللبس يعني اذا لابسه سبور يبي لج شنطه غير لما تلبسين فورمال غير لما تلبسين فانكي غير لما تلبسين سهره غير لما 00000
بس زي ماقلتو كل واحد وذوقه ونظرته انا بررت لنفسي بالاول اني مجنونة شنط وشوزات
يعني اذا قلت لكم كم الشناط والشوزات الي عندي بتنصدمون
مشكورات على تعليقكم

موضوعك حلو الله يعطيك العافيه

بالنسبه لي انا الحمد لله خلصت من تصميم فستان فرحي وصممته بسوق اليمامه .. وكلووووو مكلللللللف وشغله مرصع بالكريستلات شيء خوراااااافي وكل دا بس ب 4000 الاف ريال

مع انو اللي يشوفو يعطيه سعر 10 الاف :037:

بالنسبه لمسكتي وكوشتي سويتها في محل الأمبراطور لكوش الأفراح وطبعا دا المحل غنــــــــــي عن التعريف بجد بجد ناس ذووووووق وفاهمين بالألوان ورغبات العروسه وشغلهم ماعليه كلام واسعارهم جنآآآآآآآن

اخذت كوشة المظلات مع تنسيق الممر والمدخل والبلكونه والمسكه والدفتر كلللللها ب 3000 الاف بس

بالنسبه للمشغل حجزت بمشغل الخبيرة سلمى العولقي مشغلها اسمه ارزاقي واكرامي :093:

المصورة حجزت المصورة رووعه واسمها على مسمى رووعه من جد :040:

الحمام المغربي مح اسويه بالمشغل قررت اسويه بالبيت على يد مغربيه شغلها نظييييييييف وطيبه ماشاء الله

توزيعات الفرح حجزتها ب 1170 ريال وبصراحه شغلها راااائع اللي حجزت عندها اسمها ناني للمناسبات .

المطربه حجزتها خالة خطيبي اسمها شموس الأهدل يقولوا حلوو دقها بس ماقد سمعتو والله يستر:02:

اخذت طقم اول ليله 10 قطع مع الصندل وقميص اول ليلة وطقم ارواب حمام بمحتوياتها لي ولخطيبي بقيمة 1000 ريال بسسسسسسسسس ومررررة مرررة انبسطت بدا السعر لأني رحت وقت تخفيضات طبعا المحل اسمه واحة الجلابيه والحمد لله محل اسعاره طيبه ويصك على نعومي ولاسنزا الحرميه:039:

العطور اخذتها من الكورنيش عمارة الكورنيش الدور الخامس من محل العمودي عطوراتها دماااااااار واصليــــــــــــه واللي تقول انها تقليد بكآآآآآآآآآآشه درجة اولى:041:

كل عطورات باريس غاليري ووجوهـ تنباع في دا المحل وبسعر الجمله يعني بسعر مررة كوويس

اخذت 7 عطور ب1000 ريال

( اخذت فرساتشي الطقم . وروك اند روز . وفلورا . والين . ودولسي اند غابانا .بلاك اكس . كلوي .)

وكمان حرجع اخذ الميك اب من عندو .. كل الماركات عنده واصلييييييييه لأنو محل عنده وكالة وماشاء الله العمودي معروف ببضاعته الطيبه :ok:ويسوي لك تخفيض فوق ماتتصوري:013:

العبايات حفصلها في سوق الخيمه في محل اسمه الإختيار الأول .

باقي اللانجريهات وملابس البيت حروح الهرم وسيتي ماكس

مخلطات ودبخور ودهن عود اخذت من جنيد بقيمه 700 ريال

اخذت بخور اسمعه معطر خصوصي يجننننننننننننننن يابنات قسم بالله كأنها عودة .. حطيت منها كسرة صغيييرة وفاحت بالبيت فوحة مو طبيعيه

واخذت بخور للبيت ب 80 ريال علبته كبيرة ماشاء الله بس الصراحه استخسرت ابخر به البيت ههههه يجنننننننننننننن مرة مرة مرة فكرت ابخر به القاعه يوم فرحي :085::085:

واخذت عطر نواعم ومخلط داني ومخلط عبيق وكريم لمسة حرير .

وبصراحه العلب مرة مرة فخمه واسعارهم تجنن احسن من النصابين العربيه للعود احسهم مرررة اسعارهم مبالغ فيها :039:

الشنط حقت العفش حقي اشتريتها من الصواريخ طقم 4 شنط ب200 ريال وقسم بالله اللي يشوفه ينصدم انها من الصواريخ وبهذا السعر .. رووعه ماشاء الله وقماشها صلب ماينقطع بسهوولة يعني مهما تدافرين فيها تصمد معاك:094:

الشنط والصنادل والساعات والأكسسوارات حاخذها من الكورنيش او المحمل شيء جنان هناك

شراشف الصلاه اخذتها من وحده تخيطها ماشاء الله شغلها روووووعه وقماش الصلاه لو تغسلينه 100 مرة مايتكرمش معاك قطن 100% وخياطتها مرتبه ماشاء الله عليها

اكياس الملابس الداخلية وعلاقات الملابس المزينه واكياس الأورجنزا وعلب الجزم الشفافه وسبتات العطور والكريمات والمكياج حقت التسريحه حاخذها من الهنداوية رووووووعه وبرخص التراب يبيعوها هناك وكمان مزينه بكل الألوان.

امممممممممممم وبس اذا في شيء تاني حجي اكتبه :040:

اتمنى اكون افدتكم

اخذت 7 عطور ب1000 ريال


( اخذت فرساتشي الطقم . وروك اند روز . وفلورا . والين . ودولسي اند غابانا .بلاك اكس . كلوي .)

!!!!!!!!!!!!!!!!!!!!!!!!
من جد
الروك اند روز والين ودولتشي اند غابانا لحالهم بتقريبا 1000

فوفو العطور من جد أسعارها حلووووووووه
عليكي بالعافيه يا قلبي تتهنين ببخهم >>> ههههههه
و الله يوفقك في حياتك يالغلا ...

موضوعك حلوووو

انا للحين ما جهزة شي عرسي بعيد بس باذن الله بكره احجز القاعه
دعوتكم

يؤ
هبلتوني وش هالنصاايح يامشااعل شهالعباياات ههههههههههههههه
وربي اقرا ومنهبله وميته ضحك
خافي ربك مو لهادرجه
اساسا بالكثيييييييير 3 عباياات
ترا انتوا مو رايحين للربع الخالي ياما بتروحين اسواق وبلداان مع ابو الشباااب
يعني جهزو واكشخو واشترو ماركاات والشي الفخم والخطير بس مو لهدرجه الحين الموضه تتغير بالأشهر مو زي قبل بالسنه
والله يعاافيكم ويوفقكم ياارب
.
.
بروح اصور اغرااضي وتجهيزاتي وارجع لكم
بررب