زوجي ضربني وتفل علي المشكله مو هذا المشكله اني ..

:039:مثل ماقريتوا

لنا شهر متزاعلين ماطلعني ابدا ابدا حبس في البيت :01:
المهم ..

جيت يوم السبت الصباح صحيت :019: الا هو داق علي مدري وش يبي ارسلتله قلت له ليش تدق علي وانت عارف اني نايمه اذا تبغى غدا ارسل رساله <== على نياتها :01:
دق علي ورديت :053:

كيف ترسلين لي رساله بالاسلوب ذا ماتستحين على وجهك :02:والله لو باقي تعيدينها لواريك شغلك لا تخليني اجي اوريك الاصول واعلمك الادب ((هو كان بالدوام )) على كيفي ادق في الوقت اللي ابيه مادقيت من زين وجهك دقيت اقول صكي الدرايش فيه غبار مابي غداكي :039:<=== كله هذا كلامه ماعطاني فرصه وقاله بعصبيه وقفل السماعه بوجهي

عاد انا طرطعت :039:
دقيت اعطاني مشغول طرطعت زياده :039:

ارسلت له رساله طيب تعال واللي ماتطوله بيدك وصله برجلك :013: وحسيت اني هديت نفسيا خخخخخخ وانجزت انجاز طبعا لاتقولون ليش قلتيله كذا بصراحه رفع ضغطي اي شي اسويه يهددني كنه بيذبحني من يوم تزوجنا

المهم انا متوقعه جيته في اي وقت :060:

وانتظر :058:

وانتظر :058:

وبالاخير سمعت باب الشقه انقفل عرفت انه جا :096:

تراعدت عضامي وجتني امي الركب والله العضيم يابنات خفت مره لان زوجي عصبي :090:

شال بنتي من جنبي عمرها اربع شهور وداها الصاله ورجع

وانفجر :039:ياقليلة الحيا ياقليلة الادب ياللي ماتربيتي واختكم ماردت الا بابتسامه عرييييييييييييييييييييييييييضه :094:

انقهر من ابتسامتي تفل علي :094:

زادت الابتسامه :094:

تفل علي مرتن اخرى

وقلت له هذا اللي قدرك ربي عليه :085: قلتها وانا اضحك وبصراحه يابنات مدري وش جاني يوم انه يتفل علي وابتسم شي غريب صح شكله من الصدمه :057:

وانا اشوف اعصابه تشنجت من الزعل :091:

وقاعد يحارب رغبته في انه يصكني كف محاربه وانا ازيد في استفزازه لاني من جد ابي اعرف تاليتها فالاخير

مسك اسفل دقني وقال اتقي شري احسن لك ودفني رماني ع السرير :049:

وطلع رجع عمله

فكرت وفكرت وفكرت وبكيت وبكيت وبكيت وفي الاخير قررت اكلم ابوه لاني مابي اكلم اهلي انا في مدينه وهم في مدينه ومابيهم يجون ياخذوني طلعة الحرمه من بيت زوجها مع احد غيره ماهيب زينه

كلمت عمي ابوه وشكيت له قال اصبري علي انا جاي يوم الجمعه اصبري تكفين وطلبتك لاتعلمين اهلك الين اجي

وهذا انا بنتظر عمي يجي واشوف لكن ورب الكعبه لادفعه الثمن غالي بس الطبخه الحلو ماتستوي الا على نار هاديه صح ياحلوات ولالا

المشكله مو هذا كله

المشكله اني ماني مقهوره ولا تعبت نفسيتي من اللي صار واحس نفسي ريلااااااااكس جدا
شي غريب صح والله يابنات انا مستغربه حالي

صح اني ناوية له نيه قشرا وبعلم اهلي وبنمسح فيه الارض

بس مدري ليش احس اني مرتاحه

وش رايكم في اللي صار ؟؟؟