العرائس الجزائريات..هنا سيكون ملتقانا..

وشراكم يا بنات ان شاء الله تكونوا لاباس صورتلكم قنادر الدار اللي درتهم لجهازي قولولي رايكم :rolleyes:
هذي باربار

وهذي طرز ستيل هندي

وهذي طرز ستيل شينوا تاع عرضة مثلا



و هذي هي المفضلة عندي درتها نلبسها في العيد ان شاء الله




وهذي صورة من تحت



وهذي خيطتها قبل الخطبة وخليتها للجهاز





راني نستنى رايكم . بالاكم

ايوه حنونة معلش

صح من ناحية عندك الحق


ربي يهنيك

الله يبارك

ماشاء الله بزاف شابين

هدوا مخيطين ول مشريين ؟؟


بصح لوكان تاخدي رايي تغيري شوي من الستيل لانهم قاع يتشابهوا

بصح صراحة قاع تحفة
و باين يجوك يهبلوا

تبلي و تخلفي ان شاء الله

قلم داعية شكرا على التعليق هادو كامل مخيطين . بالاك كامل يتشابهو لاخاطر انا نحب هدا الستيل.

لونجة ماشاء الله ربي يبارك يهبلو تلبسيهم بالصحة و لهنا شابين الله يبارك و عجبتني هذو بزاف

صح عندك الحق مام انا نموت على هاد الستيل

خاطرش يجي سانتري و شوي عريان

ممكن تقوليلي وين خيطيتهم ؟؟

قلم داعية في الحقيقة انا ختي خياطة وهي هناتني من هاد الحوايج لاخاطر انا صعيبة بش تعجبني الحاجة.
ختي سامو مرسي "هذا من ذوقك"

الله يبارك ماشاء الله

و الله شابوا لازم تشكريها بزاف بزاف


ربي يحفظكم

تصاوير مابانوش عندي انى باغية نبكي

مهم بصحتك وربي يهنيك بيهم ومدام اختك خيطتهم اكيد شابين بزاف الله يبارك

سامو تفكرتي الكوميك هذيك هي بالذات اللى سماوني عليها .....

تحياتي

labiba_87;12236516:
ماريمار يتوحشك الخير حبيبتي احنا تاني توحشناك بزاف ... ورانا نستناو جديدك( للتذكير شاركت سابقا ب med)

لونا الماعين الا راكي رايحة ديري دارك وحدك ادي معاك ونصيحة ماتشريش بزاف على خاطر يجبيهملك في ليكادو والله اعلم

لاجلك سوف اتغير بارك الله فيك ان شاء الله منزيدوش نخرجو على الموضوع

ميمي ولونا انا راني معاكم في الاقتراح والفكرة

قلم داعية ماشاء الله عليك راكي ناشطة الله يبارك ...

صفاء الحنونة ربي يهنيك ويوفقك وجميع المخطوبات برك متخرجوش على الموضوع الله يحفظكم عندنا زوج انذارات ثالث يبلعو الملتقى وميزيدوش يخلونا نحلو.... بارك الله في الجميع

شكرا ماريمار..

انا اوسي فكرت هكدا..

وحابة بعد الزواج نخرجو انا وراجلي نشريو المواعن مع بعض..

نرجس الشرق;12236641:
عالسلامة و ينكم لاباس .. يا خي شبيكم ما تماش تفاعل مع انكم فتحتوا من شهر مارس بربي امان عاد اتفاعلوا باش كل وحدة فيكم تستفيد و راني انحب الجزايرية برشا برشا و انموت عليهم هم و المغاربة امان عاد ايعيش خواتي ما دبيا ندخل و نلقاكم وصلوتوا للصفحة ال 200 ..سلام .. نرجس الشرق نصي ليبي و نصي تونسي ..

اهلا بيكي نجرس...

حتى حنا الجزائريين نحبوكم بزاف..

صراحة التوانسة جيراننا وحبابنا..

ودايما يثبثو بلي صح يحبونا..

وحتى اللليبين ماشاء الله عليهم يحبونا واحنا نحبوهم..

شكرا ليكي..

لونجة;12237898:
قلم داعية في الحقيقة انا ختي خياطة وهي هناتني من هاد الحوايج لاخاطر انا صعيبة بش تعجبني الحاجة.
ختي سامو مرسي "هذا من ذوقك"

ماشاء الله لونجة حوايجك والله رووعة..

وعجبوني كامل بزاف..

انا اوسي نحب هدا الستيل..

وربي يخليلك اختك..يعطيها الصحة..

هدي عجبتني بزاف..

وتقدري حتى تديريهم مع سروال ولا بونتا كور ومن فوق قصيرة..

تجي رووعة اوسي..






سامو يا سامو..

كي بديت نشوف التصاور تاع المواعن تاعك..ما شفتش بلي تاعك..

خرجولي التصاور وكوم الصفحة تكبار امك ما بانش..

مي كي شفته هادوك الصحونة الطوال اللي بالكحل..

قلت هادي سامو..على خاطرش الدوق تاعها كيما تاعي..

وشفت لقيتم انتي صح..

هد الحوايج ما يجيوكش كادو..

وتقدري تشريهم..

انا اوسي شريت واحد لي غامكان صغار مع صحن تاعهم من تحت..

ان شاء الله نوريهملكم..



البنات راني حطيت موضوع مناقشة في المجموعة..

ادخلو وعبرو على الشعور...

:thumbs_up::thumbs_up::thumbs_up:

سامو يا سامو..

كي بديت نشوف التصاور تاع المواعن تاعك..ما شفتش بلي تاعك..

خرجولي التصاور وكوم الصفحة تكبار امك ما بانش..

مي كي شفته هادوك الصحونة الطوال اللي بالكحل..

قلت هادي سامو..على خاطرش الدوق تاعها كيما تاعي..

وشفت لقيتم انتي صح..

هد الحوايج ما يجيوكش كادو..

وتقدري تشريهم..

انا اوسي شريت واحد لي غامكان صغار مع صحن تاعهم من تحت..

ان شاء الله نوريهملكم..





ههههههههههههههههه ضحكتيني عدتي علابالك بيا و يحوايجي و الله الصح الصح حسيت الذوق تاعي كيما تاعك و في كلش حتى ميمي مام قو ديما الحاجة لي تعجبني نلقاها عجبتكم اوسي ....

اية مبعد وريلي لماعن ليشريتي نزيد ندي ايدي ....انا قلت ندي لينبدا بيهم حياتي قيسي انا و هو و مبعد نشري بعقلي ....انا قالي نهار و لا 2 من بعد العرس و نرووحو فوياج دو نونس قلت حتى ايلا مالحقتش على لمعان نلم دراهم و كي نخرجو كيف كيف نخيرو مع بعض

سامو روووعة الماعن ما شاء الله ذوقك هايل انا تاني نحب هذوك لي مودال و ان شاء الله كل ما تعجبني حاجة نشريها و ناوية نشري سرفيس تونسي
و عندك الحق لي كادو يكثرو بزاف من لي سرفيس تع الماء و القازوز


ميمي حنونة واش راكي واش مع ليسيكساما...علبالي تحبي هذوك لي مودال هذا وين قلت لونا ميمي و انتي عندكم مام قو كيفي....ايه حنونة كي تلقاي حاجة و عجباتك حتى و تكون صغيرة اشريها و حطيها ابار مبعد تلقايها ....حتى السارفيس التونسي هايل حنا عندنا واحد نديروه بزاف كي يجيونا دياف و نديرو حاجة تراديسيونال شريناه من تونس يسخف ...و لي كادو اني قتلك اغلبية الناس واش دير غير ليسارفيس ما و قزوز حتى كي يطيحلك واحد تاع قهوة بالاك يعجيك يالاك لالا ...انا و الله غير شفتها من عرس ختي و بنات خالتي ابار ايلا كاش وحدة تكون قريبة ليك تعرف القو تاعك و لا وش ناقصك اي ديرهولك

سلام عليكم

الله يحفضكم اعطوني الرابط تاع تجمع الجديد لى درتوه للمخطوبات معرفتش وين نلقاه الموضوع
بارك الله فيكم

لبيبة هذا الرابط

http://forums.3roos.com/group.php?groupid=290

و رانا نسناو فيك

الله الله ماشاء الله

راكم هايلين

الله يبارك

انا نصلي نشرب قهوة نولي بادن الله


ربي يحفضكم

ربي ينجحك ختي ميمي و ان شاء الله ربي يسهلك في كلش ...ايه الترامس راهم خارجين دي مودال جدد هايلين و جابو معاهم كلش ربي يسهلك حنونة

ღ MiMi ღ;12238556:
لبيبة هذا الرابط

http://forums.3roos.com/group.php?groupid=290

و رانا نسناو فيك

صحيتي الله يحفظك ويوفقك في قرايتك

اهلا لبنااات كاش متحكوا

كاش تصاور جدد