العرائس الجزائريات..هنا سيكون ملتقانا..

اللهم انصر اهلنا في غزة يارب

اللهم كن معهم اللهم انصرهم على عدونا و عدهم

اللهم اجعيل كيد القردة و الخنازير في نحورهم

يا رحمن يارحيم ياذالجلال و الاكلام

طيب معلش ران حطيت الموضوع في بلاستواااااا

بارك الله فيك اختي
كل واحدة تحب تتكلم على هاذ القضية قضية فلسطينتدخل على هاذ الرابط
http://forums.3roos.com/showthread.php?t=539175
باش ميغلقوناش الملتقى

سمحيلي و بارك الله فيك غاليتي

Marseille;12213980:
اختي لونجة أنا عندي ساري هندي ورايحة نشري روب سواري تكون شابة بصح مازال ملفيتش مودال شباب وكامل ليراهم يتباعو ماشي الذوق نتاعي زايد منصورية مغربية و لقيت عند الخياطة روب باربار شابة بزاف عمري ماخممت فيها بصح كي شفتها هبلتني ودخلت راسي ستيل هايل وأكيد لباس سطايفي ما كنتش حابة نديرو ومن بعد قلت انا رايحه لفرنسا انشاء الله اموا نادي حاجة تراديسيونال نتاع المنطقة نتاعنا و كيما معروف لازم لعروسه تحني بالجبة انا نلبس واحدة نتاع اختي ولا نتاع كاش وحدة في لافامي ولا نكريها وفيها براكة وربي انشاء الله يكمل لكل واحدة بالهنا.

مارساي ملاح الحوايج الي راح ديري لاخاطر رايحة لفرنسا ماكيش را تحتاجيهم.
لونا شكرا على الرد وراني نستنا الصور ليمودال ديالك:L:

Marseille;12214228:
نكمللكم نهار الخطبة ديالي واش درت واسمحولي علبالي راني روتار
1- اول حاجة حطيت بيبي + عصير البرتقال مع زوج انواع نتاع قاطو واحد دي بركات بالميرانق و واحد تارتولات بالشوكولاطة و القاطو كامل شريتو وانا حطيت لماعن كامل كريستال ومن بعد انشاء الله نصورلكم الطاقم كامل. ومن بعد حطيت القهوة والحليب +القاطو ومن بعد لاتاي و كل انواع المكسرات اللوز والجوز و الفستق والبندق و كاكابيشو و شوكولا فريرو روشي درتها في بوبونيار شابة + حلوى ديدراجي باللوز ثاني في بوبنار واحد أخر و ختمتها بالفواكه بنان تفاح دقلة انجاض وخوخ وحطيتهم كامل في بانيي شباب و درتلهم طباسه صغار و كل واحد يرفد واش يحب ومن بعد كي عادو خارجين مديت لعجوزتي كادو عبارة عن صندوق حطب شباب وغلفتو مليح و أعطيت لشيخي ساعة فيها اسماء الله الحستى زائد الأذان و فيها فيوز ثاني وكيما هما في فرنشا عجبوهم بزاف ليكادو وزاد عمرتلهم باط نتاع قاطو و من بعد يوم الجمعه جا زوجي عندي لبست انا كلش جديد نشفى سروال جين نوار + فازت باج +ساك برونز وسندال نوار تالو عالي ولاكولار نتاعو برونز راني مصوؤتو مع الحذية نتاوعي في الأعداد السابقة ودرت ماكياج شباب وعرضني رحنا جوزنا لاجورني في بجاية و تغدينا سمك في البور ونهار الثلاثاء عقدنا و رحنا ثاني تغدينا في بجاية و أسبوع من بعد درنا الفاتحة بيوم الخميس ما درت والو غير في الجامع و أنا درت عشا بيناتنا في الدار شخشوحة وحنيت مع أختي وزدنا رحنا تغدينا انا وياه في اليوم الموالي في بجاية الله غالب مكانش وين تروحي في بلادنا غير بجاية لي قريبة وفيها لبحر على بيها كل مرة نروحو نتغداو فما وتوته توته خلصت الحتوته اه فكرتوني رجعتوني عام ونصف للوراء بصح يامات الخطبه يامات هايلين نواسيكم يا بنات اتدلو قد ما تقدرو في هاذ لا بريود ما دامكم عزاز وجدد من بعد مع الولف توليلك نورمال متحسيش بلحلاوة كيما ليمات اللولين صدقوني.

عجبني النهار كامل..

وعجبوني التجهيزات..

ربي يكملك ان شاء الله ويكمل لكل البنات اللي هنا ويسعدكم ويهنيكم...

ولعقوبا لكل البنات اللي مازالو ..

بالتوفيق..

قلم داعية;12214260:
السلام عليكم بنات

حياكن الله و بياكن وجعل الجنة مثوانا ومثواكم

صراحة اعجبتني بزاف هاد الجماعة الله يبارك

و يشرفني نكون جزائرية معكن

ان شاء الله تقبلوني ضيفة و عضوة جديدة في اسرتكن الرااااائعة

عجبني بزاف بزاف هاد الموضوع و بما اني مخطوبة ان شاء الله نستفاد منكم

احبكن في الله

تقبلوا هادي مني

عربون صداقة






و السلام عليكم

قلم داعية;12214416:
ربي يخليكم حنونة

اول شي عجبتني بزاااف حكياتك يا ختيتوا Marseille


المهم نعرفكم بنفسي

انا مريم عمري 18 بنت الجزائر العاصمة مي اصلي من بجاية

مخطوبة و الحمد لله ملتزمة و هدا ماكان خخخخخخخخخخخ

ربي يحفظكم

و ران بزاف فرحانة بيكم


والله العضيم فيف بنات بلادي *-*

اهلا بيكي معانا مريم..

وانا اوسي رانا بزاف بزاف بزاف فرحانين لي راكي معانا..

ان شاء الله الف مبروكوربي يتمملك على خير..

شاركينا دايما بكل افكارك وتجاربك.
واي سؤال عندك ما تحشميش احنا كلنا هنا باش نساعدو بعض..

قوليلنا وقتاش عرسك..

وابداي توريلنا حوايجك...

لاجلك سوف اتغير;12214485:

بنات كثفو الدعاء من اجل نصرة اخواننا في فلسطين وغزة

لاجلك سوف اتغير;12214611:
بارك الله فيك اختي
كل واحدة تحب تتكلم على هاذ القضية قضية فلسطينتدخل على هاذ الرابط
http://forums.3roos.com/showthread.php?t=539175
باش ميغلقوناش الملتقى

اللهم فرج كربتهم يا رب وانصرهم يا ارحم الرحمين..

شكرا على الرابط اختي الغالية..

وربي يعاونهم ويكون معاهم..

لونجة;12215314:
مارساي ملاح الحوايج الي راح ديري لاخاطر رايحة لفرنسا ماكيش را تحتاجيهم.
لونا شكرا على الرد وراني نستنا الصور ليمودال ديالك:L:

العفو حبيبتي..

ان شاء الله في اقرب وقت..

وكام قلت نصورلكم الموديل تاع القنادر اللي عادو يحنيو بيهم هنا في سكيكدة..

غدوة بادن الله..

السلام عليكم بنات بلادي, اسمحولي طولت الغيبة راني مع الخدمة و التدقليل في المول باش نكمل الحاجة اللي ناقصتني , نهار الاربعاء انشاء الله نركب منا باه نروح لبلادي الحبيبة ,
انا عمبالي ما نقدروش نحطو تصاور هنا اللي ما تكونش مغطية , و الا كنت حطيتلكم تصاور من بكري تع شحال من حاجة ,
المهم , حبيت نوريلكم دي زونسوبل قمة في الروعة ينفعو للعرضات و فوايج دو نوس















ht





http://forums.3roos.com/attachment.php?attachmentid=113192&stc=1&d=1275350097
http://forums.3roos.com/attachment.php?attachmentid=113193&stc=1&d=1275350097









,

و كيما شفتو كاين الطويل و القصير , الطويل تقدرو تلبسوه حجاب للعرضات ادا كنتو متحجبات , و الموديل القصير ثان لوكان تحبو تخيطو معاه جيب طويل ثان يخرج عليه ,
انا كنت راح نشري منا بصح غالييين فضاااعة عادي يقولك 500$ , يعني 5 ملاين بدراهمنا, و هوما سامبل بصح غاليين على جال الاسم تع المصمم انتاعهم ,
, فقلت اني ندي الموديل ونخيط في الدزاير و بما انهم سامبل ما يشدوش بزاف الوقت في الخياطة ,
معولة نخيط واحد طويل و 2 قصار , قولولي واش رايكم
ايه قبل ما ننسى مرحبا بكل واحدة جديدة انضمت معانا ربي يكمل و يهني كل واحدة فيكم ,
و هادو هدية لسامو بما انو شكلها زعفت مني المرة لي فاتت

و بما انكم كنتو تهدرو على الساري قلت نوريلكم عرس صحبتي , هية هندية بصح مسلمة , و لبستها كانت سامبل و بدون مايك اب مانيش عارفة علاه ,
بصح في الخطوبة كانت روعة اكثر و الساري انتاعها كان يهبل
نبداو بالخطبة




و هادو صحاباتي
اللي لابسة الاورنج هندية ( هندو ) و لخرى حباتي حفصة من باكستان

و ها

و هادو الشلة ( نصفهم مسلمات )

دا العريس نهار العرس طاحة يطلسو فيه بالزعفران هههه مسكين



و هادا العرس , سامبل بزااااااااااف


و بس

اهلا صباااح الخير اليوم ران نضت بكري

باسكوا طيب واحد لعفايس لختيتي باش تديهم معاها راه رايحة تجوز البيام لا تنسوها من صالح الدعاء

على كل حال شكرا لكل من رحبت بي و انا سعيدة كثير بتواجدي معاكن


اختي لونا بارك الله فيك عالترحيب شكرا ليك

انا ان شاء الله ران رايحة ندير عرسي مع الفاتحة في شهر اكتبور الى تيسرت الامور يعني قبل العيد لكبير و نروح بعد العيد لكبير بشهر تقريبا مزال مفكسيناش لادات



اووه الحمد لله كملت كل مبقالي والو نورمالمون غير شوي تفاتف

على كل حال اسالوني و انا نجاوبكم -*





بزاااااااااااااااااااااف شباب الله يبارك هايل


علا ما اضن انوا الصور ممنوعة هنا ايه و لالا؟؟؟

علابالك ختي ليتايور قاع شابين الله يبارك خير وختار*-*

الساري تاع العروووووسة شباب بزاف مام هي الله يبارك مينيون وحلوة ربي يهنيها

و شحااااال فرحت كي قلت نصهم قاع مسلمات

اسال الله لهن الثباث يارب

و في امان الله

الى الملتقى *-*

قلم داعية;12214668:
سمحيلي و بارك الله فيك غاليتي

اختي علاش السماح انتي لي تستاهلي الشكر في الحقيقة قصيدة رائعة استطعت من خلالها ان المح بصيرتك وخيالك الواسع وكذا احاسيسك وعواطفك
والله مشكورة

بلادي_جزائر;12212875:
لبيبة بهدلتينا يا خلايا الساري متعرفيهش يا حوووووووووجي نخبر عليك لحاجة ونقولها متعرفش الواسمو هكذا ههههههههههههههههههههههههههههه

سلام عليكم كيراكي ام اسراء سكتي ماتقوليش لماما متبهدلينيش ههههههههههههههههههههههههههههههه

تشيرات هذي ختي رجعت تشارك معانا
انى نستنا ترحيب كبييييييييييير F:

ḆŌ₦Ťầầ ĚĽЗ§ẩŁŁ سلام عليكم ورحمة الله وبركاته

الحمد لله اللى راكي مليحة وربي يعينكم ويصبركم ان شاء الله


مارساي حمد لله على سلامتك ونورتي اللمة من جديد

قلم داعية مرحبا بيك معانا وان شاء الله تستفادي وتفيدي واختك ربي يهنيها ويباركلها ان شاء الله

هاشمية عاش من سمع اخبارك وتوصلي بخير للجزاير ان شاء الله
طريق سلامة ..لي تايور والهندية اللى حطيتيهم هايلين ماشاء الله

يعطيكم الصحة اخواتي على كل اجوبتكم المهم هي ماشي ليا لوحدة صديقتي انا مازال مكتبش ربي ادعولي ربي يسهلي مع اللي راهو في بالي
كاين وحد النقطة حبيت نهدرلكم عليها مادابيا كل وحدة تكون راح تتزوج ما تخممش غير في واش تشري وواش تدي معاها لازم نخمو بش نبدلو عقليتنا للاحسن يعني حتولي مرة بعد اللي كنت طفلة يعني تولي مسؤولية تاع راجل ودار ودراري لازم نتقفو روحنا بحاجة لي تفيدنا نتعلمو الطياب الحلويات كيفية التعامل مع الزوج مع الاطفال حاجات كيما هادو مادبيا تفهمو واش حبيت نقوللكم

خديجة 2009;12218241:
يعطيكم الصحة اخواتي على كل اجوبتكم المهم هي ماشي ليا لوحدة صديقتي انا مازال مكتبش ربي ادعولي ربي يسهلي مع اللي راهو في بالي
كاين وحد النقطة حبيت نهدرلكم عليها مادابيا كل وحدة تكون راح تتزوج ما تخممش غير في واش تشري وواش تدي معاها لازم نخمو بش نبدلو عقليتنا للاحسن يعني حتولي مرة بعد اللي كنت طفلة يعني تولي مسؤولية تاع راجل ودار ودراري لازم نتقفو روحنا بحاجة لي تفيدنا نتعلمو الطياب الحلويات كيفية التعامل مع الزوج مع الاطفال حاجات كيما هادو مادبيا تفهمو واش حبيت نقوللكم

الله يجازيك كل خير على صديقتك
بالنسبة للنصايح بارك الله فيك وان شاء الله في ميزان حسناتك.. عندك الحق لازم الوحدة تخمم باه تتبدل انا عندي مشكلة في عقليتي نمشي بمزاجي هههههههههههههههه ولد الناس رايحة نجيبلو الضغط ... الله يصلح الحال

صباح الخير عليكم عرايس راكم منورين كي العادة ربي يهنيكم انشاء الله
الهاشمية أنا اول واحدة تتمنالك سفر ممتع و مرحبا بيك في بلادك توصلي بخير و على خير انشاء الله و شكرا على الصور هايلين بصح أنا متأكدة بلي الصور الشخصية ممنوعة احذفيهم قبل ما يغلقوا الموضوع و أيضا كل صورة تحطوها للباس و تكون فيه صور نساء غير ضلوهم انا راني مشتركة في هذا الموقع من 2006 و نعرف قوانينهم مليح نأكدلكم بلي راهم متولهوش برك بصح صدقوني لوكان يضرب طلة على التحمع انتاعنا و يلقاو فيه كل هذا الصور والله غير يغلقوه و باش تصدقوني روحو أقراو قوانين المشاركة الور الله يخليكم متزيدوش تحطوا صور شخصية نتاع أفراد و لا صور لباس بلا متظلو جسم المرأة باش ميغلقوناش التجمع نتاعنا و هكذا ادوم لمتنا ونستفادو من بعض انشاء الله تكونو فهمتوني و متزعفوش مني راني غير حابة التجمع انتاعنا يدوم وشكرا ليكم.

صباح الخير أختي خديجة عندك الحق لي تقولي لازم منركزوش برك على اللباس انا راني معاك 100/100 اللباس و الحطة لازم لنفسك قبل زوجك بصح عرايس كاين أشياء اخرين لازم تركزو عليهم أنا راح نكتبلكم بعض النصائح و انشاء الله تستفادو منهم و نظن راني أكبر وحده معاكم اهنا في التجمع وصدقوني الخبرة نتاعي مع الناس و المخالطة خلاتني نبدل عقليتي بزاف حتى صحاباتي كي يسحقو كاش نصيحه يجو عندي رغم انهم كبار عليا و بوالدهم ثاني هههههه وليت بسيكولوك ايه صح و الله صحبتي بسيكولوك بصح انا لننصحها في حياتها الشخصية المهم منطولش عليكم و نبدأ بالنصائح:
1- يا بنات نواسيكم كثيرا على النظافة لازم تركزو عليها بزاف هي أول حاجة يلاحظها الزوج قبل العقلية و قبل اللبسة راجلك راح يتوله ليك اذا تغسلي اسنانك قبل النوم ولا لالا راح يتوله لشعر الجسم اذا جسمك دائما ناعم ولا لالا راح يتوله لأسنانك نظاف و مخدومين ولا مخسرين راح يتوله للبشرة نتاعك كل حاجة في جسمك يتوله ليها الراجل للظافر للريحة الطيبة لعدد المرات لتغيري فيهم ملابسك الداخلية وكاين راجل ليقولك وكاين ليضرب النح ويشد في قلبو بصح نهار يهدر ربي يستر اذا ركزي على نظافتك قبل اللباس و قبل الحب و قبل كل حاجة و كي نقول نظافتك ماشي غير جسمك نظافة بيتك أيضا المطبخ نتاعك وغرفة النوم و الحمام ركزي على اللباس نتاعو حديهولو الجوارب لازم يكونو ديما مغسولين ملابسو الداخلية متخليهش خلاص يديرلك الملاحظة أنا نظن هذه أول حاجة تركزو عليها عرائس.
2- ثاني حاجه الأهل نتاوعو لازم تكسبيهم من جيهتك مهما كانو راح تلقايهم نهار الشدة انا بديت بعجوزتي وشيخي خلاص رجعتهم يحبوني واقيل كثر من بنهم الصح الصح هما بزاف ناس ملاح سيرتو عجوزتي بصح انا زدت عليهم كل أسبوع نكلمها في التليفون باش نسقسي عليها كل موسم أول واحدة تعيطلها وتعيدها هي أنا حتى قبل أولادها كل مرة يجي زوجي عندي نبعثلها هدايا دخلت للمستشفى نكلمها كل يوم في البورتابل نسقسي عليها نعيطلها ماما بصح منكذبش عليكم ولات تموت عليا و من جيهتي و تظال توسي في بنها عليا. من بعد وليت لخواتاتو شريتلهم لي كادو نكلمهم في التليفون نسقسي عليهم على أولادهم بديت نصاحبهم ورجعتهم ثاني من جهتي حتى هما ولاو يوسيو زوجي عليا و مزال خاوتو و زوجاتهم حتى نكسب كل العائلة من جيهتي صدقيني كل ما كانو من جيهتك كل ما كانو سند ليك اذا قدر ربي كاش مشكل مع زوجك بصح انا هذا طبعي مليحة مع كامل الناس و عائلة زوجي أقرب ليا بعد عائلتي ألور لازم نكون مليحه معاهم والصح الصح نعمل هذا عن طيب خاطر نحب نعيش مهنيا و بلا مشاكل مع كل الناس.
راح نرجعلكم مع نصائح واحد أخرين انشاء الله ذركا عندي شغل الدار راني كونجي لمدة 3 أيام باه نبروفيتي مع زوجي ألور نبدا بالميناج و من بعد حمام و حفافة علابالكم هذا أخر أسبوع ليه في البلاد ربي يهنينا انشاء الله سلام.

خديجة 2009;12218241:
يعطيكم الصحة اخواتي على كل اجوبتكم المهم هي ماشي ليا لوحدة صديقتي انا مازال مكتبش ربي ادعولي ربي يسهلي مع اللي راهو في بالي
كاين وحد النقطة حبيت نهدرلكم عليها مادابيا كل وحدة تكون راح تتزوج ما تخممش غير في واش تشري وواش تدي معاها لازم نخمو بش نبدلو عقليتنا للاحسن يعني حتولي مرة بعد اللي كنت طفلة يعني تولي مسؤولية تاع راجل ودار ودراري لازم نتقفو روحنا بحاجة لي تفيدنا نتعلمو الطياب الحلويات كيفية التعامل مع الزوج مع الاطفال حاجات كيما هادو مادبيا تفهمو واش حبيت نقوللكم

1- يا بنات نواسيكم كثيرا على النظافة لازم تركزو عليها بزاف هي أول حاجة يلاحظها الزوج قبل العقلية و قبل اللبسة راجلك راح يتوله ليك اذا تغسلي اسنانك قبل النوم ولا لالا راح يتوله لشعر الجسم اذا جسمك دائما ناعم ولا لالا راح يتوله لأسنانك نظاف و مخدومين ولا مخسرين راح يتوله للبشرة نتاعك كل حاجة في جسمك يتوله ليها الراجل للظافر للريحة الطيبة لعدد المرات لتغيري فيهم ملابسك الداخلية وكاين راجل ليقولك وكاين ليضرب النح ويشد في قلبو بصح نهار يهدر ربي يستر اذا ركزي على نظافتك قبل اللباس و قبل الحب و قبل كل حاجة و كي نقول نظافتك ماشي غير جسمك نظافة بيتك أيضا المطبخ نتاعك وغرفة النوم و الحمام ركزي على اللباس نتاعو حديهولو الجوارب لازم يكونو ديما مغسولين ملابسو الداخلية متخليهش خلاص يديرلك الملاحظة أنا نظن هذه أول حاجة تركزو عليها عرائس.
2- ثاني حاجه الأهل نتاوعو لازم تكسبيهم من جيهتك مهما كانو راح تلقايهم نهار الشدة انا بديت بعجوزتي وشيخي خلاص رجعتهم يحبوني واقيل كثر من بنهم الصح الصح هما بزاف ناس ملاح سيرتو عجوزتي بصح انا زدت عليهم كل أسبوع نكلمها في التليفون باش نسقسي عليها كل موسم أول واحدة تعيطلها وتعيدها هي أنا حتى قبل أولادها كل مرة يجي زوجي عندي نبعثلها هدايا دخلت للمستشفى نكلمها كل يوم في البورتابل نسقسي عليها نعيطلها ماما بصح منكذبش عليكم ولات تموت عليا و من جيهتي و تظال توسي في بنها عليا. من بعد وليت لخواتاتو شريتلهم لي كادو نكلمهم في التليفون نسقسي عليهم على أولادهم بديت نصاحبهم ورجعتهم ثاني من جهتي حتى هما ولاو يوسيو زوجي عليا و مزال خاوتو و زوجاتهم حتى نكسب كل العائلة من جيهتي صدقيني كل ما كانو من جيهتك كل ما كانو سند ليك اذا قدر ربي كاش مشكل مع زوجك بصح انا هذا طبعي مليحة مع كامل الناس و عائلة زوجي أقرب ليا بعد عائلتي ألور لازم نكون مليحه معاهم والصح الصح نعمل هذا عن طيب خاطر نحب نعيش مهنيا و بلا مشاكل مع كل الناس.
راح نرجعلكم مع نصائح واحد أخرين انشاء الله ذركا عندي شغل الدار راني كونجي لمدة 3 أيام باه نبروفيتي مع زوجي ألور نبدا بالميناج و من بعد حمام و حفافة علابالكم هذا أخر أسبوع ليه في البلاد ربي يهنينا انشاء الله سلام.

مارساي الله يحفظك على نصايح بارك الله فيك وربي يهنيك مع راجلك .... والراجل تاني يريح نفسيا كي يلقى مرتو يبغوها ماليه ... ربي يكملك على الخير ويصخرلك زوجك قبل كامل الناس