>>>>حملة عيالنا كبروا<<<

أم عزوز001 27-03-2010 253 رد 36,034 مشاهدة

ماشاءالله شي مميز يا ام عزوز ابدعت
والله يعينا واياكم في تعليم ابنائنا على الحمام
اعزكم الله لان فعلا راحه ونظافه
الله يعيين ان شاءالله ويسهل الامور


دمتم سالمين
اختكم شريفة

موضوع مفيييييد جدااا... انا بقول لكم تجربتي مع ولدي الحين عمره 3 سنين ونص تقريبا.... فطمته عن الرضاعه من السنتين والطريقة اني اخفيت عنه كل المرضعات الي كنا نستخدمهااا وكل مايطلب اقوله مافي يقوم يروح عند الكبت مال المرضعات وافتح له ويشوف مافي شيء ويصييح ... بس طبعا قمت اشتري له بدايل سهلة لين يتعود على الكوب العادي ... كنت اشتري له حليب مراعي بالمصاص + العصاير بعد ... بعدين صرت اشتري المصاص واصب له بالكوب ويشرب بالمصاص من الكوب العادي لين تعود يشرب من الكوب حاله حالناا بس ولدي كان وايد متعلق بالرضاعة علشا جذي سويت هذي الطريقة الي اخذت وقت ....

بالنسبة للحفاظة انا كنت اعتقد انه لما يبدأ يتكلم ويعبر عن كل شيء يعني مرحلة الادراك وغالبا تكون 3 سنين يكون الوقت مناسب اني اعلمه على الحمام وطلع هذا الشيء صحيح بناء على الدراسات العلمية والكتب الي قريتها...بس الله يهديها عمتي هبلتني ليش ماتعلمينه ومتى بتشيلين الحفاظة صار ريال ... وانا اتعبت من كلامها وبديت اعلمه من سنتين و3شهور بس مسكيين وايد تعب وتعقد ياعمري لانه ولدي تاخر بالكلام وصعب يقول شيء او يطلب شيء بسهولة ... وظلينا على هل الحال من المعاناة لين كلمتني خالتي دكتورة قالت ماعليج منها انا كل عيالي بعد الثلاث سنين اعلمهم وكلها شهر ويتعلمون والبنات سنتين او سنتين ونص وبالفعل وقفت اعلمه لين صار 3 سنين والله مااخذ اسبوعين الي تعلم من روحه الحين اشزينه 3 سنين ونص وتعلم عدل حتي يروح بروحه علمته علشان الكيجي .... واخيرا اكيد كل وحده ادرى بولدها متى يقدر يتعلم ويستوعب هذا الشيء والبنات غير عن الاولاد ...سامحوني على الاطالة ولكن بقصد الافادة ^______^

ام عزوز انا بديت مع وحده منهم وهي متقبلة النونية بس التانية ابداااااااااااااااا

ما جت صوبها ولا لمستها احس خايفة منها

ايش العمل

ترا التانية تاخد كل شي حلو وسكاكر اللي اكافء بيها الاولى

محتالة ههههههههههههههههههههههههههههه

أم عزووووز يااااريت اذااااا عندج او عند البناااات
طريقة ابي افطم بنتي عن المصاااصة " اللهاااية "
الحين اهي ما تاخذها طووول اليوم بس وقت النوم بالليل
لازم تكووون صوبهاااا ولا تقووول وتصيح وما تنااام حتى لو اعطيهااا رضاعة ما تبي تدور عن المصاصة

كلمة الحياة;11699507:
أم عزووووز يااااريت اذااااا عندج او عند البناااات
طريقة ابي افطم بنتي عن المصاااصة " اللهاااية "
الحين اهي ما تاخذها طووول اليوم بس وقت النوم بالليل
لازم تكووون صوبهاااا ولا تقووول وتصيح وما تنااام حتى لو اعطيهااا رضاعة ما تبي تدور عن المصاصة

افضل شي ارميها او تخلصي منها

انا بنتي كانت نفس الشي تاخدها بس بالليل

ما لقيت طريقة الا اني رميتها بالزبالة الله يعزكم

3 ايام بس وبعدها تعودت

اهي راح تصرخ كتير بهالايام وماراح تنام بالليل

بس صدقيني قاوميها وما تعطيها لها

بس عوضيها بشي تاني مثل لعبة جديدة او كتاب خليه معاها بالسرير لما تبي تنام

وربي يعينك:f:

السلام عليكم ورحمة الله وبركاته



ام عزووووز الله يعزك ويرفع قدرك. موضوعك جاااي عالوتر الحساس سبحان الله.
ينفع انضم لكم في الحمله؟ حابه الاقي شوية تشجيع.

عندي بنتين 4 و3 سنين. بنتي الكبيره لما صارت 3 سنين علمتها على الحمام
وماشاء الله لاقوة الا بالله اسبوع وهي متعلمه ماشاء الله عليهاعاقله وتركز في الكلام.
بدات معها بالنهار اعلمها ويمكن 3 مرات او اربع حصلت حوادث بس بعدها ماشاء الله
ولله الحمد لوحدها قطعت الحمام بالليل. بس كنت احرص اني ما اعطيها سوائل
قبل النوم ولما يجي الصباح اشوف الحفاظ جاااف.


معاناتي الان مع بنتي الثانيه حاولت معها من فتره قبل ماتكمل ال3 سنين بس باءت بالفشل
هي مريضه الله يشفيها ويشفي مرضى المسلمين جميعا وتاخذ ادويه من صغرها. وسبحان الله
ماكنا عارفين انه واحد من الادويه اللي تاخذها ياثر على تركيزها واستيعابها. اكلمها ياماما لما
عايزه تعملي هذه نونيتك الخ طيب ماما؟؟ تقول لي طيب وتعملها في حفاظتها ههههه
حاولت اخذها الحمام كل شوي دايما القاها عامله في الحفاظه جاني احباط وقلت انتظر تعقل شوي.

الان احسها تستوعب الكلام اكثر بدات معها من اسبوع هي حابه نونيتها وعندي القطعه اللي
يحطوها للاطفال على كرسي الحمام ولما بغير لها الحفاظه بحطها عالكرسي واغسل لها.
يعني هي متعوده على الحمام والكرسي والنونيه الخ. بس كل ما اجي اغير لها الاقيها عامله
حاطه لنفسي منبه كل نص ساعه بس ابدا ماتزبط الشغله معاي. ابدا يوم يومين وبعدين اتركها.

وانا اكلمها اقول لها ماما اعملي في النونيه او الكرسي وانتظرها وتقول لي عملت بس طبعا
ماتكون عملت شي. حاولت معها اشيل الحفاظه طبعا عملت عماااايل كله في ملابسها
يمكن اربع او 5 مرات في النهايه تعبببت ورجعت لها الحفاظه. <<ماصدقت تحكي قصة حياتها هههه.

المهم بعد المقدمه العريضه حابه اكون معكم اتشجع بيكم ان شاء الله وياااااااااااارب
انجح معكم في الحمله. هااااااااااااااه تقبلوني بينكم.

حياك الله اختي
والله يشفي بنوتك وتابعي معنا ولا تيأسي

موضوع رائع ومتابعه معاكم
عشان استفيد منكم
بنتى توها صغيره عمرها تسع اشهر ^_^

اسمحو لي خواتي انا عندي فكره ونفعت معي وحبيت افيدكم بالنسبه لي انا ولدي عمره سنتين و ثماني شهور وكنت ناويه افطمه عن الرضاعه جربت طريقة الملح مانفعت معي لانه كان ولدي يرميها ويطلب وحده ثانيه يعني اكرها فيها مانفع جربت طريقه ثانيه ونفعت معي اخذت علبة حليب فاضيه طبعا ولدي يعرف علبة حليبه لمن يطلب الرضاعه اخذت العلبه وفتحتها و خليته يشوف ان الحليب خلص ورميتها في الزباله مع الرضاعات وخليته يشوفني وانا ارميهم وقلت له مافي خلصت بدى يصيح شوي بس مااصر عليها وصار مايطلبها وكل مايطلبها اوريه ان العلبه فاضيه طبعا ماجربت هاي الطريقه الابعد ماخففت عليه الرضعات بتدريج والحين مايشرب الا اذا بنام فقط مره او مرتين ابغي طريقه اخليه يتركها وقت النوم من عندها فكره ممكن تساعدني ولكم جزيل الشكر:072:

هلا بكن اخواتي
شوق الدروب ابدلي الرضاعه بكاسات الاطفال او حليب مزاز
وربي يعينك

حملة رائئعة عن جد
ربي يعطيكم العافية وتسلمين يا صاحبة الفكرة موفقين دووم

ولدي ربي يحفظه بعده صغير هالشهر بيكمل السنة ان شاء الله حابة اتابعكم علشان استفيد:)

الله يسلمك
منوره
وربي يحفظ ولدك ويخليه ويبلغك فيه

لكل ام تحاول تعلم طفلها ع الحمام
الطفل ماراح يتعود من يوم وليله فعلى كذا نعوده ساعه باليوم ونزيدها الى ساعتين واكثر
مع مراعاة انك تدخلين الطفل الحمام كل نصف ساعه او بعد مايشرب شي بربع ساعه :ok:
وتحاولين معه بالحسنى مو تعصيب او ضرب حتى مايتعقد الطفل ونحاول نكافئه لما بيعمل شئ وتقدرين تقولي لما تعملها اعطيك ...ولما مايعمل شئ مانعطيه.

وبالتوووفيق لكل ام مع اطفالها

موضوع ممتاز ..

راح ارجع اقرأه على رواااق ..

تسلمين خيوه على الموضوع وجى في وقته

ابغي اعلم بتي على الحمام عمرها سنتين واني توني حامل

بس احس الشي صعب وخايفه منه كل يوم اقول بكره اعلمهاااااااا بس

ياريت تساعدوني والعلمها من الحين قبل الوحم والولاده

هلا بك نور العمر واقريه ع رواااق واستفيدي
ميمي نصيحتي لك علميها حاليا قبل الطفل الجديد عشان ماتغار منه
وربي يعينكم

اشلون ابتدي وياها قبل كنت اوديها الحمام تبول الحين ماترضى تبغي بس تلعب بلماااااااي وضهري يعورني


اعصب عليها واطلعهااااااا

الله يعينك ميمي
بس تحملي وشوفي الخطوات بالدروس

ابشركمممممممممممممممممممممممممممممممممم
فطمت بنتي عن الببرونه
بكل سهوللللللللللللللللللله الحمد لله
باقي بكره ابتدي معاها الحفاظ
في الليل ونخلصصصصصصصصصصصصصصصصصصص

مبروووووووووووووووووووووووووك خيتو
بشاره حلوووووه
وعقبال الحفاظ