مين بتتنفس عند امهااا

أنصحك أقعدي عند أمك(هذا من تجربة).

أول شي مبروك الحمل..
والله يعطيج العافية ويقويج في حمالج!

اكره شي فترة الوحام.. مأساة بالنسبة ليي وابشع ذكرى أحملها عن حملي خخخخ.. يا رب تعدي شهورج كلها على خير!!

بالنسبة ليي اني.. الحمدلله جات من الله انتقالنا لشقة فوق بيت اهلي وصرت يم امي ويا بداية حملي.. سبحان الله كان من دون تخطيط .. بس رحمة من رب العالمين.. خاصة اني بداية الحمل من النوع اللي توحم من الزين وماقدر حتى ارفع راسي من اللوعة والترجيع..الخ!
ما قصرت الوالدة الله يطول عمرها ويعطيها العافية..

لين دشيت الخامس قدرت اشيل عمري شوي..!!
واكيد ما فيها مسألة منة مثل ما تقولين ام عبادي بين الام وبنتها.. يعني سوت لي هالشي او وما سوته ما اطلع من جزاها.. ومحد لي غيرها في الأخير.. ويا رب يعطيني طولة العمر واسوي لبناتي نفس الشي بعد..!!!!

في حالتج انتي..
انا اقول لج كنصيحة.. لا تلعبين بعافيتج.. بكرا تتندمين.. اذا مو الكل الاغلبية ينفسونهم امهاتهم وهذا من بختهم.. يلقون اللي يرعاهم ويداريهم..
عاد ولدج ما فيها شي لو غاب عن الروضة كم يوم.. اولاً ما فيج شدة تسهرين طول الليل وبتقومين من صباح الله تسوين فطور الولد وتجهزين اغراضه وتنزلينه الباص وتردين عقب كم ساعة تاخذينه من الباص.. وفي هالوقت بتسوين غذاج لو تاخذين من المطعم؟!
من رايي في النفاس كلش اكل المطاعم مو شيْ ويخرب جسمج ويضعفه.. غير لو كنتي ويا امج اول 10 ايام او اسبوعين بيجيج غذاج وعشاج ساخن ومال البيت!!!

واذا على مسألة الضيوف.. انتي بتعابلين هالبيبي لو بتعابلين قدوع الضيوف وضيافتهم، لو يتقفضين البيت قبل وعقب جية الناس؟؟ يعني اعطيج ضمان طاقتج بتخلص وبينعكس على نفسيتج.. وهالشي مو زين لج وانتي ترضعين..
وانتي اكيد ما عندج شغالة تعينج بهالوقت والا كان كلام ثاني..

غير هالشي الوحدة نفسيتها بعد الولادة تكون نازلة وتبي احد يسليها.. وماكو احلى من تسالي الام والاخوات وياج.. لأن الكل فرحان فيج ومستانسين بالياهل.. لا تفوتين هالفترة لأنج بتذكرينها.. خاصة لين اتجمعوا على الرشوفة ولا العصيدة من يد الوالدة!!!!

وطبعاً.. ما تحبين احد يتكلم على والدتج يقولون ما نفّست بنتها.. لأن مو الكل يعرف ظروفج وليش انتي ما رحتي عندها.. وهذا يمكن اللي جاء ببالها وخلاها تزعل يوم طرحتي فكرة نفاسج في شقتج..
وخاصة الامهات ترى يستانسون لين شافوا البنت للحين تحتاج لهم، مو عرستْ واستغنتْ عنهم..

كل هالايجابيات بتضيعينها في مقابل كم يوم تمر اسرع مما تحسين؟

بنت الاصايل;11690067:
أول شي مبروك الحمل..
والله يعطيج العافية ويقويج في حمالج!

اكره شي فترة الوحام.. مأساة بالنسبة ليي وابشع ذكرى أحملها عن حملي خخخخ.. يا رب تعدي شهورج كلها على خير!!

بالنسبة ليي اني.. الحمدلله جات من الله انتقالنا لشقة فوق بيت اهلي وصرت يم امي ويا بداية حملي.. سبحان الله كان من دون تخطيط .. بس رحمة من رب العالمين.. خاصة اني بداية الحمل من النوع اللي توحم من الزين وماقدر حتى ارفع راسي من اللوعة والترجيع..الخ!
ما قصرت الوالدة الله يطول عمرها ويعطيها العافية..

لين دشيت الخامس قدرت اشيل عمري شوي..!!
واكيد ما فيها مسألة منة مثل ما تقولين ام عبادي بين الام وبنتها.. يعني سوت لي هالشي او وما سوته ما اطلع من جزاها.. ومحد لي غيرها في الأخير.. ويا رب يعطيني طولة العمر واسوي لبناتي نفس الشي بعد..!!!!

في حالتج انتي..
انا اقول لج كنصيحة.. لا تلعبين بعافيتج.. بكرا تتندمين.. اذا مو الكل الاغلبية ينفسونهم امهاتهم وهذا من بختهم.. يلقون اللي يرعاهم ويداريهم..
عاد ولدج ما فيها شي لو غاب عن الروضة كم يوم.. اولاً ما فيج شدة تسهرين طول الليل وبتقومين من صباح الله تسوين فطور الولد وتجهزين اغراضه وتنزلينه الباص وتردين عقب كم ساعة تاخذينه من الباص.. وفي هالوقت بتسوين غذاج لو تاخذين من المطعم؟!
من رايي في النفاس كلش اكل المطاعم مو شيْ ويخرب جسمج ويضعفه.. غير لو كنتي ويا امج اول 10 ايام او اسبوعين بيجيج غذاج وعشاج ساخن ومال البيت!!!

واذا على مسألة الضيوف.. انتي بتعابلين هالبيبي لو بتعابلين قدوع الضيوف وضيافتهم، لو يتقفضين البيت قبل وعقب جية الناس؟؟ يعني اعطيج ضمان طاقتج بتخلص وبينعكس على نفسيتج.. وهالشي مو زين لج وانتي ترضعين..
وانتي اكيد ما عندج شغالة تعينج بهالوقت والا كان كلام ثاني..

غير هالشي الوحدة نفسيتها بعد الولادة تكون نازلة وتبي احد يسليها.. وماكو احلى من تسالي الام والاخوات وياج.. لأن الكل فرحان فيج ومستانسين بالياهل.. لا تفوتين هالفترة لأنج بتذكرينها.. خاصة لين اتجمعوا على الرشوفة ولا العصيدة من يد الوالدة!!!!

وطبعاً.. ما تحبين احد يتكلم على والدتج يقولون ما نفّست بنتها.. لأن مو الكل يعرف ظروفج وليش انتي ما رحتي عندها.. وهذا يمكن اللي جاء ببالها وخلاها تزعل يوم طرحتي فكرة نفاسج في شقتج..
وخاصة الامهات ترى يستانسون لين شافوا البنت للحين تحتاج لهم، مو عرستْ واستغنتْ عنهم..

كل هالايجابيات بتضيعينها في مقابل كم يوم تمر اسرع مما تحسين؟

ماشاء الله عليج كفيتي ووفيتي :ok:

خلج عند امج اختي

والله بنات عروس خليتوني فعلا اغير راي ههههههه
اني كنت مقتعنعة اني اتنفس في شقتي
الحين مقتنعة اني اتنفس عند ام هههههه
مشكورين بنات لكل من طرح تجربتة حبوبات
وبصراحة بنت الاصايل كلامج اثر فيني وايد
وخصوصوا سالفة العصيدة والرشوفة لاني اموت عليهم من يد امي الله يخليها لي
بس سالفة انه احد يمن علي
اني مااقصد الوالدة لا
اني اقصد بيت عمي اهل زوجي
الوالدة بالعكس تستانس لما اقول لها مثلا سوي لعبادي جذي او جذي
على انها مسكينة مريض ومافيها شدة
لكن بعد حفيدة لازم تستانس فيه
وكلش مافكرت بسالفة انه امي اتمن علي
هذا لو افكر مجرد تفكير انجان بتذبحني ههههههه
بس يمكن ماقريتين كلامي عدل حبابة

أم عبادي قرأت من الموضوع من أول ما نزلتينه بس ما رديت كنت ابي اشوف ردود البنات هل بتجي مثل ما توقعت ؟؟

وفعلاً توقعت الكل بيقول لش مثل الكلام و الحمد لله انش غيرتين رايش

اني بعد مثلش ولدي في الروضه وبين بيت أهلي وشقتي سفر و المسافه مو سهله بس أبداً ما فكرت إني أقعد في شقتي

أكيد جى في بالي زوجي شلون بيكون متبهدل في توصيل ولدي الروضه بس اني تبهدلت اكثر منه صح؟؟

و غير شطانة حسون الله يحفظه وشلون بيأديهم بس شسوي محد يشيل البنت غير امها

و البنات ما قصروا

الله يتمم ليش و لينا على خير و نفرح بأولادنا يا رب

زين ام عبادي غيرتين راايش ,,

ربي يوصلج لتمامه ياارب ,

ويخلي لج امج ياارب ويطول بعمرهاا ..!!

انا بعلاووي لما ولدت رحت تنفست عند عمتي ام زوجي ,

لاني ما اعرف شي لليهاال وكنت مضطره ,

وبالعربي شلت نفسي وولدي من اول يووم معني كنت قيصري وتعبانه ,

بس ما حبيت اثقل على احد ,

حتى هي بنفسها قالت ما تعبتني كلش وشايله روحاا !

وياريت امي موجووده الله يرحمهاا :091: ,

كان قعدت عندهااا 40 يوم واذا مو اكثر بعد ,

لانه مافي على الام ,

الله يخلي لكم امهاتكم ,

والا عندها ام لا تترد انها تتنفس وتريح جسمهاا وحتى نفسيتها عند امهااا ,,

اخيرا صار جانص ان ارجع للموضوع وأرد
بس البنات ما شاء الله ما قصروا

انا توني والدة وما كملت الاربعين بعد
بشكل عام ولا مرة كملت ال40 بالضبط عند أمي
بولدي العود قعدت يمكن 37 يوم
وبولدي الثاني قعدت 24 يوم
وهالمرة قعدت بس اسبوووووع واحد ورديت الشقة وبصراحه تعبت وايد وللحين تعباااااااااانه لكني ما في نفس الوقت ما اقدر اقول ان ندمانة لاني فعلا اضطريت ارجع رغم اصرار اهلي ان اقعد عندهم ع الاقل اسبوع زيادة يعني يكون صار لي اسبوعين من ولدت بس ولدي العود في المدرسة ولما ولدت ورحت عند اهلي حاولنا معاه انا وابوه انه يرجع الشقة مع ابوه علشان يداوم لكنه رفض رفض قااااااااطع لانه يموت على اهلي وكان الصبح يقعد مع اخوه بروحهم والكل اما مدارس واشغال وطبعا اكون انا معاهم وامي والشغالة ولا رضى انه يداوم كلش وكان صعبة انه يداوم من بيت ابوي لان بيت ابوي وايد بعيييييييييييييييييييييد عن المدرسة يعني كان لازم يرجع الليل الشقة مع ابوه وهو مو راضي وغاب عن المدرسة طول الاسبوع اللي قعدت فيه فعلا وعقب قلت خلاص لمتى يغيب بعد برجع شقتي ولما رجعت اخذ زوجي اجازة لكنه ما قدر ياخذ اكثر من اسبوع وصار معاي وساعدني لكن اكيد ما كان الوضع نفس بيت اهلي لاني اقوم اشتغل شوي في الشقة غير العيال وتعبهم وتدريس ولدي والاكل كان كل جاهز من المطاعم وهذاني للحين جسمي تعبان ما كأن كملت شهر على ولادتي !
ايي صح انا قبل الولادة كنت مترددة اروح او لا
بس لما ولدت وانا في المستشفى جاني ألم ( العقبان ) وذبحني كنت اتدحن واصيح منه ودموعي اربع اربع حتى ولدي ما دريت عنه في المستشفى زين كل اعطيه للممرضات لاني تعبانه خب تعرفين العقبان نفس الطلق يعني طلاع روح ، هذا غير الم الخياطة فقلت خل اروح عند امي اريح جسمي كم يوم لاني ما بقدر اقعد في الشقة بروحي واقوم بشغل البيت والعيال واقابل الضيوف وامور ضيافتهم وانا اتدحن من الالم ،، وفعلا استمر معاي الالم 5 ايام وبعدين يوم راح حسيت روحي صرت احسن ورديت شقتي لكن التعب هني وقلة النوم والراحة احسها متعبة جسمي وللحين أحس روحي كأن توني والدة ..


بالنسبة لج مثل ما قالوا البنات الولد بعده صغير وفي مستوى اول بيكون يعني كلش ما فيها شي لو غاب اسبوع لو 10 ايام هذا اذا فيها زحمة وصعبة يداوم من بيت اهلج ..
الله يسهل عليج وعلى كل حامل وتقومين بالسلامة ان شاء الله

سلام أم عبادي ..شخبارش حبيتي ...وحشتينا ... والله يسهل عليك حملك ..

الحمدلله غيرتين رايش ... شكلهم البنات اقنعوش بقوة ...ما شاء الله نعم الراي رأيهم ......

بقوليش خيو .. من تجارب أخواتي استنتجت ..أن اللي تتحمل بروحها وتريح جسمها في 40 يوم ترتاح بعدين وترجع لها عافيتها أسرع من اللي تتعب و تحمل روحها فوق طاقتها تصير لها اثار سلبية حتى بعد سنة من الولادة .

وان شاء الله ترجعين عروس وبصحة وعافية بعد نفاسك ...

نسألكم الدعاء

تسلمون حبوبات على المرور والله استفدت من تجاربكم
ماما حسون اتخيلت الوضع فعلا صعب يعني خصوصوا ولدش ماشاء الله كبير ويفهم
واني بعد اتخيل روحي في الثالث اذا ربي رزقني مابقدر اروح يمكن الحين اي لانة عبادي للحين صغير
الله يرزقكم اجمعين الذرية الصالحة ان شاء الله

تصدقين أم عبادي هذا أكثر موضوع شاغل بالي هالفترة

أنا كنت مقررة من البداية أني اكون في شقتي خصوصاً اني من النوع اللي صعب يترك مكانه ... تميت فترة ليما تعودت على شقتي والحين صعب علي أبات في مكان غيرها حتى بيت الوالد

بس لما قرأت موضوعك وشفت الردود ترددت فترة والأهل لما عرفوا قراري عارضوني قالوا لي على الأقل أتم عشرة أيام في بيت الوالد واقنعوني شوي بس رجعت غيرت رأيي

ولازال قراري حالياً أن ابقى في شقتي لأن ما اعرف اسيطر على ولدي افي مكان ثاني وفي بيت الوالد ما شاء الله أطفال كثير .... غير ان وقت ولادتي بيصادف أول شهر له في الروضة ... وأنا أحب تكون كل مستلزماتي ومستلزمات صغيري قدام عيني ولما احتاجها اعرف وين موجودة مباشرة ... وصح عندي في بيت الوالد غرفة كبيرة وأكبر حتى من الغرفة في شقتي بس ما أحب اتنقل واشيل واحط واجيب وارجع ... أنا من النوع اللي ما يحب التغيير

وأخاف يكون بيبي الجديد نفسي لأن اخوه في البداية تعبني جداً لما انتقلت شقتي بعد الاربعين حسيته ما ألف الجو بسرعة وكنت لما يصيح يصيح آخذ روحي وارجع بيت الوالد عشان ارضعه هناك ويهدأ !!!!

فأحس كفة الميزان ترجح شقتي ... لأن مهما كان تعب علي ما يهمني في الدرجة الأولى راحة واستقرار صغيري واحس نظامه بيعتفس إذا تغير مكانه خصوصا أن البيت كبير ومثل ما قلت في أطفال من عمره وأنا بكون مشغولة بالبيبي فصعب الاحظه على طول واحرص على إلتزامه بنظام أكله ونومه إلخ

مسامحة واجد هدرت بس لأن فعلا الموضوع شاغلني وانطرح اليوم مرة ثانية في بيت الوالد فحبيت افضفض !!!

مسامحة بنات تركت المنتدى فترة
توني الحين اشوف ردودكم

درة مكنون حبابة انتي مثلي كانش وصفتيني في الي قلتينة
بس بحاول لو علشان الوالدة لو اسبوع
وانتي بعد حاولي اني اشوف ساعات الين اقعد افكر في الموضوع وكل اقول مااقدر يستصعب الموضوع اكثر
بس خليها على الله والله يسهل الامور ان شاء الله
واذا على الاغراض حاول من قبل الولادة اتجهزين كلشي في بيت الوالد علشان مايستصعب عليش الامر
وبجدي بتطلعين من المستشفى ان شاء الله وكلشي جاهز في بيت الوالدة الله يحفظهااا
اني غيريت راي وعقبالش بعد هههههه
بظل وراش الين اتغيرين رايش

ام عزوز^الكويت;11923221:

أنا عن نفسي اذا ولدت على خير انشاء الله بروح بيت أبوي مع ان صعبه علي لان أمي كبيره بالسن وبشيل قشي وقش بنتي البكر بس شسوي هم صعبه علي أقعد بالبيت بروحي معاي ياهل توه مولود وعندي بنتي بتول اسم الله عليها عمرها سنتين ونص مأقدر عليهم اثنينهم على الاقل الصغير تمسكه أمي شوي وشوي ريلي يمسكه على الاقل يخف علي وأصلا انا امي وابوي مايرضون اتنفس بروحي بالبيت لازم على الاقل اسبوعين بعدين أروح شقتي لان خياط وعوار واثنين يهال اسم الله عليهم فصعبه،وبالنسبه لج حبوبه عادي يا اما ريلج يتحمل مشوار الروضه او غيبيه اسبوع او اسبوعين بعدين عادي روضه مو مدرسه وبعدين هم حرام تكسرين بخاطر الوالده الله يفظها انشاء الله،،،،، والله يسهل عليج وعلينا حبوبه :)

هلا حبابة الله يخلي لج الكتكوتة
اني اني لما هالمرة فتحت الموضوع جدام الوالد وقلت يمكن مااجي اتنفس على طول طالعني بنظرة قال لي ليش وقعد يحقق وياي
وعن عبادي غياب مااتاوقع اغيبة ماحب يطوف علية شي بخلي زوجي يتحمل المشوار وكلها اسبوع ان شاء الله ويعدي على خير

تسلمين عمري على مرورشF:

عبير البنفسج;11924876:

ام عبـادي ..

ما يحتاج نقول لج بالتعب بعد الولاده .. لأن ما شاء الله جبتي عبادي وشفتي التعب بعد الولاده ..

وغير جذي الضيووف يبي لهم مقابل وانتي والده ما لج مزاجهم !! يبي لهم واحد مرتاح يقابلهم !!

والجااهل في الأربعين نووومه مخررربط .. وبالأحرررى ما يناام .. ويبي لج احد يتناوب معاج عليـه ..

بالنسبــه لي ..

بولادتي الاولى قعدت شهرين عند امي ..

وبولادتي الثانيه قعدت 40 يوم ..

والله يخلي امي ويطول بعمرها ما قصصصرت شاالتني على كفوف الراحه ..

بالليل بنتي ما كانت تنام .. مسكينه امي تمسكها وتتخليني انااام .. غير جذي كااانت تقعد مسكينه من الساعه 5 حق اخواني ..

وبنتتي الكبيره مااا كنت ادري عنها .. امي والخدامه واختي يسبحونهها ويلبسونها ويأكلونها ..

انا على طول مريحيـني ...

فــ نــصيييحه .. رووحي عند امج بدددوون تردد وبدووون تفكـــير ..

ترى الزوج مهما كان متساعد ما بيقدر يساعدج في هالفتره !! ...

هلا حبيبتي عبير البنفسج
مشكورة حبابة على المرور وان شاء الله راح اروح لو اسبوع
والله يخلي لج عيالج والوالدة ان شاء اللهF:

الله يردج بالسلامة ياام عبادي بس الأفضل تتنفسين في بيت أمج حتى لو أسبوع تعرفين اول الأيام تعب:sick: ولو رحتي بيتج ما بترتاحين تعرفين احنا النسوان شلون لازم بتقومين وبتقعدين وخصوصا لو صادج خياط:( انا هذا حملي الثالث وعندي ولدين الله يحميهم وايد متعبين ومافي احد يقدر يتحملهم وقلت اني بقعد في بيتي أحسن لي عشان أهلي ما يتضايقون من عيالي لأنهم بصراحة انا وأبوهم ما نتحملهم شلون اهلي لكن امي الله يخليها هاوشتني فقررت ان شاء الله اذا ولدت أتنفس عندها لو اسبوع هذا اذا ما طفشوني عيالي من أول يوم :)

انا انصحك تتنفسي عند امك احسن لك
والله يقومك بالسلامة ان شاء الله

المكان اللي بترتاحين فيه قعدي فيه

وامش اكيد اذا بتزعل بتزعل علشانش ولانها تبغي راحتش

اني اول ولادة لي وما رحت بيت ابويي لاني ما برتاح راحتي في شقتي اريح ليي ولزوجي

صدق تعب وهذي اول ولادة ليي واني مااعرف شئ لكن الحمد لله ممشية حالي