الي عندها كرامه حياها الله (والي ماعندها) "ماتشوف الشر"

بسمة;11634083:
جزاك الله خيرا على الموضوع كان في بالي هالموضوع من زمان انا متزوجه ولدي طفلان لكن زوجي رافض الوظيفة وانا احب اغير الروتين اليومي الممل مالحل برايك وشاكره لك

i miss u dad;11636735:
صديقتي العزيزة ما تحتاجي ابدا تحلفي،،، القصة موجودة و متكررة بكل بلداننا و ان اختلفت التفاصيل.

مثل ما قلت باحد ردودي،،ان المجتمع معطي حق للرجل اكثر في الاوضاع الانسانية مثل المرض او وفاة احد الشريكين،،الرجل مسكين و يضحي عشان زوجته مريضة المفروض يتزوج بثانية عشان تخدمه و تدلعه و تلبي طلباته اللي ما تقدر لها زوجته المريضه بس المراة لازم توقف مع زوجها المريض و تقوم بيه و تتفانى في خدمته.
نفس الفكرة الرجل اللي يموت باسرة الحريم لازم يبينوا الحزن و التعاسة للخسارة الفادحة و يضلوا بحداد ايام و اسابيع،،
لكن شوفي لو المراة هي اللي ماتت، الرجل سواءا اب او اخ او زوج بيلبس احسن ما عنده عشان يوديها يدفنها و بيكون بعدها باحسن شكل يستقبل العزاء في حالة الزوج منتظر العرس الجديد:039::039::039:و لو تزوج بعد 6 شهور يكون كثر خيره لانه صبر بس شوفي ارملة بعد سنتين تقول تبي تتزوج،،بتنقلب الدنيا.

الرجل تعود منذ التنشاة ان له حقوق و لازم ياخدها و له احتياجات و لازم تتلبى، و لو عنده غلط فلازم ينصبر علبه،،هذه افكار للاسف هي اللي كانت منتشرة بالجاهلية،،طبعا على اخف لان الاسلام هذب حياتنا و عاداتنا و اعاد تقويم سلوكياتناــ

الطريق الوحيد لتصحيح المفاهيم هي تنشئه الطفل من و هو طفل على اهمية و احترام الام و الاخت يوم يتعود على كده بيصير هذا سلوكه مع زوجته و بنته بالمستقبل.

احلا بنوته;11641891:
من جد كلامك صحيح

وماتعرفي فين الخلل...
اذا الحرمة تركت زوجها وهو مريض قالوا ماعندها قلب وماتخاف الله
بس اذا هو تركها قالوا عاااادي..من حقه يتركها ويتزوج..الرجال لازم تلبى احتياجاته..
وما اقول غير الله المستعان..

الجوهرة;11629078:
حبيبتي خير الامور الوسط

انتِ قلتيها المجتمع هو اللي يذل المرأة ويطلب منها شي أكبر من طاقتها وواجباتها

لكن الاسلام ضمن للمرأه حقوقها كلها كاملة

الله يعزنا جميعا ولايذلنا

وجزك الله خير ع القصة والله يشفي اختنا ويعافيها

رقة الورد;11875538:
وانتي صادقه ..الرجال هنا كائن مقدس لازم الزوجة تصير عنده زي العبده ..ولازم هي الا تضحي ولا هو مو مجبور ..بجد شي يرفع الضغط ..

FARAH 2009;11629458:

تسلمي اختي الغالية صح لسانك , نجد يوميا الملايين من النساء يبحثن عن طريقة جديدة لاضافة جو جديد وسعاده لبيتها والي تدور ع مفاجات والى اخرة , طبعا هذا مو غلط بالعكس صحيح ومطلوب , ولكن الرجال هل يبحثوا مثل ما تبحث المرأة من أجل سعادتهم ؟ الرجال بدلا من ذلك يبحثون عن أمراءة اخرى اذا بدر ابسط تقصير من زوجته للاسف , الرجال تعودوا على الاخذ فقط والمرأة تعودت على العطاء فقط لغاية ما تحس نفسها تعبت وشابت , بصراحة اضم صوتي لصوتك وانصح كل وحدة تهتم بأكمال دراستها او تنمية وتثقيف نفسها دائما , لازم يكون لها كيان وعالمها الخاص واهتماماتها , للاسف للاسف اجد نساء كثيرات يتزوجن ويصبح الرجل هو كل حياتهن وليس لديهن اي هدف في الحياة الا اسعاد ذلك الزوج وفقط, ومن وجهة نظري ان حياتنا اكبر بكثير من انها تكون للزوج فقط , بحيث ان اول ما يزعل عليها زوجها تحس ان حياتها توقفت ليش ؟؟؟ لان هي حاطة زوجها كل حياتها للاسف , اذا قسنا وفاء الرجل للمرأة سنجده 20 % من مقدار وفائها له , اقول لكل فتاة الحياة ربك اولا , انت ثانيا, اهلك ثالثا , زوجك رابعا

ومن وجهة نظري اذا الزوج شاف زوجته عندها ثقافة واهتمامات وكيان ودور ناجح بالمجتمع راح يحترمها ويقدرها اكثر , بالعكس اذا شافها ما عندها شغلة غيرة هو 24 ساعة راح يقول عنها فاضية وما عندها فكر

بنات نصيحة ثقفوا انفسكم وانظروا للحياة من زواية كبيرة ,وخلي لك دورك ووزنك بالمجتمع , ضعي لك بصمة يشير اليها الناس بالبنان ساعتها زوجك راح يلتفت لك اكثر

موفقه اختي

لا اله الا الله

شرقــــآوية;11876291:
انا معـكـ ..

yas__1980;11876822:
سلام حبوبات
انا رأيي النو المشكلة مو بالرجال المشكلة عن المرأة الي بترخص نفسها وبتفكر نفسها وبتحسس الرجل انها اقل منو يعني بتلاقي البنت اول ما تكبر في السن شوي بتصير تبكي وتحكي بدي اتزوج وبتفكر انو خلص خلصت الدنيا لو ما في رجال وممكن تتزوج اي واحد يقابلها المهم يتزوجها وخلاص حتى لو كان متزوج مرة اخرى وهاد بيشجع الرجال يعملو نفس الشي كمان شوي هتلاقي كل راجل اتزوج خمسة بسبب البنات الي رخصت نفسها كترو معلش دخلت في موضوع تاني بس في الاخر انا بحط الحق على المرأة نفسها المثل بيحكي اذا ما دللتي نفسك ما حد بيدللك يعني اذا هي تبدأ التضحية الزائدة عن اللزوم بيتعود الراجل عليها انها تضل طول عمرها هيك يعني

ام نمير;11876728:
الله يشفيها اهم شي الحين انكم تدعون لها