برنامج نفاسي .. خلاني وردة في شبابي .. والشذى بأنفاسي بالصور

صبحكم بالخير يا حلوات:083:
خلني اكمل لكم الموضوع دام بنتي نايمة توها..

نظام الاكل في الاسبوع الثاني والثالث

الفطور 9 صباحا

قرصان بالحلبة مع العسل او الدبس
وطريقته سهله تاخذين كوبين طحين وام ص بيكنج بودر وشوي سكر وشوي ملح وا م ص حلبه وام ص هيل ومويه
وتصبينها على التاوه وتصير زي البان كيك
وهذا شكلها



وفوائدها
تقوي الظهر وتعطيك قوة وتدر الحليب


الساعة 12 ظهرا
سلطة فواكه
كاس حليب او كاس مويه

الساعة 2 ظهرا

نفس الاسبوع الاول .. مرقوق او قبوط او كبسة دجاج او لحم
سمك مقلي مع رز ابيض
ولازم سلطة خضراء
وشوربة اي نوع
وتمر
وكاس لبن

الساعة 4 العصر

هنا راح نترك القهوة والشاي عشان لا يسهر عليك النونو
وراح نبدلها
بكاس كمون
ولا كاس نعناع
ولاكاس بابونج

مع كيك ولا معمول

اهم شي تاكلين شي ماتجوعين نفسك ولازم يكون مفيد لك

وقت العشى

شوربة الحلبة
مكرونه باللحم ولا الدجاج
مكرونة باشميل
كاس عصير فرش
وحبة فاكهه



راجعه لكم:072:

من زود ما تحمست يا دريم

البارحة رحت الحواج وشريت ملح فارسي

ما كان عنده مره

برجع له مره ثانية حق الحلبه والمره وباقي السوالف

طبعا بهالفترة تكون الخيوط طاحت والتئم الجرح، بس انا خيوطي وصلت 12 يوم ولاطاح شي وكنت اتألم وقت الرضاعة لمى ارضع بنتي ولمى اجلس ع السرير ولا أنام
فا رحت الدكتورة وشالتهم لي وعطتني
آيدين على شكل اعواد أذن مدري تعرفونه ولا لاء وقالت لي احطه على الجرح عشان اعقمه ولايجيني التهاب لمده يومين

وكنت كل ما دخلت الحمام اتوضى بالمره والملح بدون ما احط على الفوطة شي
واحط شوي فيوسيدين على الجرح
واحس براحة فظيعه واقدر اتحرك بسرعة

ولمى صارلي 14 يوم
وانا اتروش حطيت ع المنطقة الحساسة شامبو جونسون الاطفال
وشلت بالموس
لان النظافة شي اساسي والشعر يكون بكتيريا والتهابات والدكتورة قالت لي اياكي والحلاوة
ترهل المنطقة وتخرب الخياطة كلها وتعمل لك تسلخات بالجلد
وبعد ما اشيل بالموس احط
فازلين الاطفال وهذ شكله

جدتي الله يطول بعمرها حطتني تحاميل الملح وهي تسويها بنفسها وكنت متخوفة منها ماكنت ابي احط شي داخل
لكن قالت لي انتي حرة بتكونين متوسعه ولاراح تنظفين بسرعه واذا جاك زوجك بتنزل منك مويات وبيطلع صوت
قلت طيب بستعملها بس قبل وديتها للدكتورة تشوفها قالت عادي حبيبتي هذي تحاميل ملح مامنها ضرر بالعكس كويسه

طبعا التحاميل عددها 10
اكبر وحده كبر غطاء موية الصحة خخخ
وتصير اصغر واصغر
لين اصغر وحده كبر الزيتونه

طريقة استخدامها بعد ما انوم بنتي انام على ظهري واحط شوي زيت زيتون على التحميلة عشان تدخل بسرعة
وارفع رجلي زي فحص كم سانتي وقت الولادة:040:
وادخلها والله واقسم بالله العظيم ان التحميلة الكبيرة تضيع من الوسع
ونامي وشوفي الفوطة بلاوي تطلع منك
واقسم لكم ان بقت لي تحميلتين انهم مارضو يدخلون حاولت وحاولت ماقدرت
رجعت وكاني لسه ماحملت ولاولدت
حتى اني طهرت في 32يوم وصرت اصلي
وكان اول يطلع من رحمي صوت لا جلست وقمت ولاعاد سمعت هالصوت نهائي
الحمدلله رب العالمين

تشترين ملح فارسي تغسلينه و وتدقينه لين يصير ناااعم مره
وتبلين شوي مويه وتسوين كور زي التحميلة كبار وسط صغير اصغر
وانتي لابسه قفاز
وتحطينه بصينية نظيفة ومعقمة وتدخلينه الفرن لين ينشف وتصير يابسه
ثم تجيبين منقوع المره وتغطسينه فيها بسرعه وترجعينه وتخلينه ينشف
وتحطينهم بكيس وتربطينه

والله يابنات ان طريقتها سهله وترجعك بنت بنوووووت:072:
لمدة 10 ايام فقط
وهذا شكل الملح الفارسي
شكله خشن
وانتبهي يعطيك العطار بدال الملح شبه بعض العطارين غشاشيين
ذوقيه بطرف لسانك

العناية بالجسم في الاسبوع الثاني والثالث

طبعا اكون رجعت لصحتي واقدر امارس حياتي طبيعي

كنت قبل لا انام ادهن جسمي بــ

( ليمونتين صغار+ نص كوب جلسرين سائل + نص كوب زيت اللوز المر+ ربع كوب زيت جنين القمح+ نص كوب زيت الزيتون)

ادهن جسمي كله إلا صدري عشان يمكن بنتي تصحى تبي ترضع
والبس اي قميص نوم اكمامه طويله
وانام

طبعا اول ما اقوم من النوم الصباح افطر وبعدها اجهز (سكر وملح+زيت زيتون)
واشغل الدش الحار وارش جسمي وابدأ افرك كويس مررره
خاصة الرقبة والبطن يكون لونهم اسمر بعد الولادة

وبعد ما اطلع استخدم لوشن زبدة الكاكاو من ماركة فازلين
وهذا شكله


والله يوميا اسوي هالحركة يوم وترك لين احلف لكم خف السمار بنسبة 70بالمية من جميع جسمي، وحتى الخطوط خفت مررره انا طلعت لي خطوط في صدري وباطن فخوذي

عنايتي بشعري في الاسبوع الثاني والثالث

طبعا مع الرضاعة راح يطيح شعرك بالهبل وقريب تصيرين صلعة:047:
وكنت كل يومين ادهن شعري
( زيت بارشوت +زيت الخروع+ ام ك ماينونيز + 2 م ك خل)
وهذا شكله الزيت


عطى شعري لمعان وحيويه وخفف التقسف مررره
وكنت استخدم شامبو
ضد التساقط هذا بس قل التساقط بنسبة 20%



وتركته
وجربت شامبو الخيول للتساقط مررره فظييييع وهذا شكله ترى سعره بالبحرين ارخص


راجعه لكم:083:

يعطيج العافية دريم

بغيت اسألج عن التحاميل

تحطينها بالفرن وهو شغال لأي درجة؟

الله يعطيك الف عافيه وبرنامجك بنفاسك نفس برنامجي تماماً الله يحفظ لنا الوالده
هي تجهز كل شئ وفعلاً التحاميل هي الاساس انا كنت في حملي الاول ارفضها بس في الثاني استخدمتها والله ندمت اني ماكنت استخدمها

حتى الآن اذا حسيت بهواء او تعب من الدوره استخدمها
بس فيه مداخله بسيطه
بعد إذنك اختي دريم

احنا في النفاس ماناكل السمك ولا الموز ولا الملوخيه ولا الباميه ولا الحوامض لانها تخرب خاصه في بداية النفاس
والحلبه نوقفها اذا كملنا 25 يوم لان كثرتها تخرب

واهم شئ الدوره اللي بعد النفاس احنا نسميها اخت الاربعين لازم الوحده تهتم فيها نفس النفاس عشان كل شئ يرجع تمام وافضل من اول

والله يعطيك العافيه اختي دريم ويطول بعمر الوالده ويحفظها لكم
تستحقين التقييم بكل جداره