الرضعات الاصطناعية

نورلؤي;11626484:
السلام عليكم ورحمة الله وبركاته
اخواتي الغاليات من منكم تعرف عدد الرضعات الاطناعية للرضيع كم مرة باليوم واذا شاركه رضاعة طبيعية كم مرة تصير واذا الرضيع لايكمل الاصطناعي يعني يبقى بالرضاعة حليب ماذا افعل كم مدة صلاحيته بالرضاعة كم ساعة؟
كم مرة تبدل حلمة الرضاعة الاطناعية هل تبدل الحلمة فقط ام الزجاجة باكملها وكيف يتم تعقيم الرضاعات وكم مرة ؟

مع الشكر الجزيل

هلا حبيبتي .. .
انا بجاوب لج على حسب خبرتي والي علمتني امي ..

اول شي الرضيع يحتاج رضعه اقل شي كل ساعتين .. وبعدين اذا انتي ترضعينه كله طبيعي يكون احسن .. الا اذا عندج ضروف مثل الدراسه او حليبج شوي .. عطيه صناعي بالتدريج .. لان كل طفل قابليته غير .. يمكن يتقبل شوي او وايد .. وحتى لو رضعتيه صناعي حاولي بعد ترضعينه طبيعي عشان على الاقل يستفيد من حليبج ..
واذا الحليب صناعي ... سويه وشربي ولدج علطول .. لا تخلينه اكثر من ساعه لان بيكون اخترب .. ( هلمعلومه قريتها على علبة الحليب )


بالنسبة للمراضيع والحلمات .. انا الحلمات اغيرها كل 3 أو 4 شهور ..

وحاولي تشترين نوعين من المراضيع عشان تعرفين تفرقين بينهم ..

انا احط مرضاعه خاصه بس للماي .. واذا سويت منقوع التمر او اعشاب او عصير برتقال ..

والمراضيع الثانيه للحليب ..

والتعقيم .. يستحسن تعقمينهم باليوم مره ..

يا تعقمينهم التعقيم العادي .. يعني تجيبين جدر وتحطين فيه ماي عادي ونص فنجان ماي ورد .. عشان ريحة الحليب تطلع من المرضاعه .. وتحطين المراضيع داخل الجدر وتحطينه على النار يغلي .. ويتحسن تشترين المراضيع الزجاج .. لان البلاتيك ما تستحمل الحراره وايد ..

او تستخدمين آله التعقيم .. ( انا استخدم هالطريقة ) تصفين فيها المراضيع وتتبعني التعليمات الي عليها فكمية الماي وكم تحطينها بالميكروويف .. او اذا كانت تشتغل بالكهربا ..

وردة لبنان;11628339:

شكرا لك نور لؤي على طرحك للسؤال

و مشكووورة فرح الهوى على التوضيح , عندي كم استفسار بعد , اذا كنت بدي ارضع طبيعي هل من الضروري اشتري رضاعات ؟؟ و اذا نعم شو هي الاحجام المناسبه لاول 3 شهور و كم وحدة اشتري ؟

سؤالي الثاني لو كنت خارجه من البيت و حبيت اسحب الحليب من الصدر , كم مدة صلاحيته بالرضاعه ؟؟

العفو حبيبتي ... :02:

اذا كنتي ترضعين كله طبيعي وما تطلعين من البيت كلش .. يعني لا دراسه .. ولا دوام .. يحتاج لج على الاقل وحده احتياط .. يعني للماي او الاعشاب .. ووحده يمكن تضطرين مره ترضعين صناعي .. انتي ما تعرفين الضروف ..

الاحجام المناسبة ل 3 شهور هي الي يكون فيها 3 او 4 اوز بلكثير ..


في حال انتي برع البيت .. تقصدين تشفطين بلمكينه صح .. ؟؟
اهم شي اذا شفطتي تكون عندج شنطه داخلها اكياس التبريد .. اعتقد فهمتي قصدي .. .هي اكياس داخلها مثل الجلي تحطينها بالفريزر ساعتين تقريبا .. بعدين اذا طلعتي تقدرين تشفطين الحليب وتحطين المرضاعه داخل الشنطة وتحوطيها باكياس الجلي المفرزن .. يعني حتى لو طولتي كم ساعة برع البيت بتردين والحليب بارد بس تسخنينه وتعطينه البيبي .. ما يخترب ..


انا الشنطة واكياس الجلي لقيتها مع الشفاطه ..
















وهاي بالضبط صورة الشفاطه الي عندي .. الشنطة الرصاصية والاكياس الزرقا هي اكياس الجلي ..

واذا في سؤال انا حاضره :087:

وردة لبنان;11639822:

مشكورة حبيبتي و الله ما قصرتي عندي بعد استفسار انتي شو بتفضلين الرضاعات البلاستيك او الزجاج للمولود حديثا ؟؟ و محتارة بين ماركتين بيجون و ايفنت , الايفنت ما عم الاقي منها زجاج انتي حسب تجربتك اي احسن ؟؟؟

حبيباتي بدي افدكم بس بشغله


اذا كانت الرضعات من البلاتيك
يجب تعقيمها بعد كل استعمال


اما اذا كانت من الزجاج فمرة واحدة باليوم تكفي



بالنسبه لرضاعه الطبيعيه : اذا كان عندك حليب كفايه بصدرك فامفيش احسن منوا


اما اذا كان ضعيف :
يمكن تساعديه برضعه وحدة باليل قبل النوم حتى يشبع


الرضاعه الاصطناعيه : فبين كل رضعه و اخرى ساعتين


بالتوفيق ان شاء الله