كرات الكيك المغلفه بالشوكلاه ( الترافيل ) شكل راقي وطعم ارقى

Daisy Ash;11625665:
ما شاء الله تبارك الله...

أنا أضم صوتي للأخت دهن العود، لازم نذوق عالطبيعة :)

هذي للحين ما جربتها، لكن ناوية إن شاء الله، ما نقدر نقاوم الإغراءات :)

أنا جربت الترافلز العادي اللي بالكاكاو و الكريمة بس... و بيني و بينج أما مو ذاك الزود مع الكاكاو، أحب الحلويات بأنواعها و الكاكاو يجي في آخر القائمة، غريبة صح؟ خخخ
بس صار لي فترة مشتهية الترافلز و لقيت طريقة ل ألتون براون، كانت رااائعة، صرت آكل و ما أحس بنفسي ههههه، لكن ما صورتها، لأني ما كنت متأكدة إنها بتضبط، لكن إن شاء الله أسويها مرة ثانية و أنزلها...

ترى عدلت في الوقت اللي كنتي حاطته عشان تذويب الكاكاو في المايكروييف، كنتي كاتبة 50 دقيقة، و أظنج تقصدين ثانية :)

تسلم إيدج و عساج عالقوة، و إن شاء الله أسويه قريب و أرويج التطبيق F:

انا مثلج كل مره اسوي اللي على جوكلت كيك وطعمه ألذ ..بس هالره قلت اجرب انواع ثانيه ..اشوف شنو الاحلى ..
لحد الحين الجوكلت عندي التوب في الطعم ،،
ابي اجرب اللي على ستروبري كيك هالمره !!

ماعرفه التون براون شنو ذيه ؟؟

زين سويتي ..صح اللي اقصده 50 ثانيه طبعآ مب دقيقه جان صارت مصيبه :037: ...

جربي الطريقه وبتحبينها وبتتذكريني

ابدااااااااع ماشاء الله ايش هالحركات كتكوتة من جد شكله يجنن وراقي ولا افخم المحلات تسلم ايديكي دائما مميزة الله يقومك بالسلامة وتستاهلي تقييم

نــور العمــر;11626276:
كلش رووووووووعه والله

تسلم يدج يا فنانة سواء بالوصفة الرائعه او التصوير

خاطري والله اجربها لبنتي ..

بس ساعات اصير كسولة خخ

لا ان شاءالله بجربها

بس بسألج حبيبتي وين احصل الترافيل والسباركز

جربيها وراوينا تطبيقج :ok:

الترافيل هو اسم هالسوييت اللي شفتيه !!
اما السباركلز ..هاي النوع طالبته من امريكا ..بس كأني شفته في السوبرماركت اللي يجيب اغذيه مستورده ..مثل ميغامارت عندنا فالدوحه ،،
ولو ماحصلتي حطي اشكال ثانيه مب شرط هالنوع او اللون ..فيه اشكال وايداللي يجون طوال وملونين بعد حلويين ...تحصلينهم في قسم الكيك العلب وادوات تزيين الكيك ،،

بنت الاصايل;11627087:
ما شاء الله تبارك الرحمن!

قمة الروعة والجمال.. والله احس هذا احلى من شغل المخابز..
جان زين اعرف اسوي جذي.. كشخة..

جداً راقي.. وينفع لضيافة الولادة.. ههههه مادري اجرب ادرب احد يسويهم لي مثلج!!!

اسكتي انا بعد ودي شغالتي تعرف تسويه ..جان خليته تسويلي حق ولادتي..
بس للأسف ماتعرف ..وبتخبص الدنيا ..:091:

Mahary82;11627517:

ماشاء الله عليج.. في قمة الروووووووووووووووووووعه
و عجبني شغلج النظيف..تبارك الرحمن مثل الجاهز
ولو سمحتيلي سيتم الحفظ للتطبيق
تسلم إيدج يااااااقمر

طبعآ احفظيه عندج واطبعيه اذا تبين ..:025:

زوجة المهندس;11628472:
ابدااااااااع ماشاء الله ايش هالحركات كتكوتة من جد شكله يجنن وراقي ولا افخم المحلات تسلم ايديكي دائما مميزة الله يقومك بالسلامة وتستاهلي تقييم

تسلمين عزيزتي ..هذا من ذوقج ..
هاي الموضوع اللي قلت لج عنه أمس انه بيسوي ضجه ..وفعلآ مثل ماتوقعت ... :094:
شكثر جاتني رسايل !!!

باقي البنات اللي ردوا على موضوعي ..
ماقصرتوا على هالردود الحلوه ..
شجعتوني انزل كل مافي جعبتي من سويتات ومواضيع مميزه ..!!
انتظروا الماكرون ..بنزله قريب اذا الله راد ..

كتكوته نايمه;11628465:
انا مثلج كل مره اسوي اللي على جوكلت كيك وطعمه ألذ ..بس هالره قلت اجرب انواع ثانيه ..اشوف شنو الاحلى ..
لحد الحين الجوكلت عندي التوب في الطعم ،،
ابي اجرب اللي على ستروبري كيك هالمره !!

ماعرفه التون براون شنو ذيه ؟؟

زين سويتي ..صح اللي اقصده 50 ثانيه طبعآ مب دقيقه جان صارت مصيبه :037: ...

جربي الطريقه وبتحبينها وبتتذكريني

Alton Brown هذا طباخ أمريكي، راعي هذرة و سالفته طويلة و عشان يعطيج الطبخة يطلع روحج، يشرح لج مكوناتها العلمية و شلون تتفاعل، عوار راس لكن مفيد :)

تلقين له مقاطع عاليوتيوب إذا حابه تشوفينه :)

Daisy Ash;11628603:
Alton Brown هذا طباخ أمريكي، راعي هذرة و سالفته طويلة و عشان يعطيج الطبخة يطلع روحج، يشرح لج مكوناتها العلمية و شلون تتفاعل، عوار راس لكن مفيد :)

تلقين له مقاطع عاليوتيوب إذا حابه تشوفينه :)

ايه حابه طبعآ ،، بشوفه بعد شوي
ثانكس:087:

رووووووووووعه ما شاء الله

ماشاء الله رووووووووووووووووووووووووعه بجد
انا إن شاء الله هاعملها النهاردا
ادعيلي تنجح :)
وعندى اعواد الخشب تنفع؟؟
بجد تستاهلى احلى تقيم في الدنيااااااا

وااااااااو بجد حلوة اوى و سهل كمان تسلم ايدك يا قمر

ما شاء الله عليج روووووووعه

مشكورة اختي

في غاية الروعه

سلمت يداك اختي

تقبلي مروري

تحياتي
زهور الامل

فكرتك خطيرة كتييييير تسلم ايديك يامبدعة

Nesoo;11630699:
ماشاء الله رووووووووووووووووووووووووعه بجد
انا إن شاء الله هاعملها النهاردا
ادعيلي تنجح :)
وعندى اعواد الخشب تنفع؟؟
بجد تستاهلى احلى تقيم في الدنيااااااا

اعواد الخشب لو كانت رفيعه مش حتثبت عليها كور الكيك
لو شوي تخينه حتضبط ان شاء الله ..
انا النهارده عملتهم لصديقتي واختي من غير اعواد ،،وضبطوا معايا
بكره حنزل الصور تشوفيهم :ok:
ومتشكره على التقييم ،،،نردهاك فالافراح والليالي الملاح :083:

ما شاء الله عليج دوووووووم مواضيعج تشدني ربي يحفظج تسلم يدج حبيتي وتستاهلين التقييم اااكيد

الله يسامج يا كتكوته
و تقولين الصور مب بالجوده المطلوبه !!!!!!!!!!!

ما شاء الله عليج
ابداع الصوره على السويت على كل شي


ربي يحفظج من كل عين يالغاليه

و الله من فتره ابا اسوي هالسويت بس ماعندي وقت
بس دامج نزلتي الموضوع .. بجرب ان شاء الله و بنزله



ربي يحفظج من كل عيييييييين يارب

غاليه بنت عبدالله;11635218:
الله يسامج يا كتكوته
و تقولين الصور مب بالجوده المطلوبه !!!!!!!!!!!

ما شاء الله عليج
ابداع الصوره على السويت على كل شي


ربي يحفظج من كل عين يالغاليه

و الله من فتره ابا اسوي هالسويت بس ماعندي وقت
بس دامج نزلتي الموضوع .. بجرب ان شاء الله و بنزله



ربي يحفظج من كل عيييييييين يارب

لو مصورتهم فالنهار كان شفتي الصور اروع من جذيه ..
لازم تجربيه ..انا تجيني فتره ادمن عليه كللل يوم اسويه ..
ووقفت فتره ..
الحين رد الادمان ..
صار لي يومين وره بعض مسويته ..
اول مره هاي اللي فالصور ..وثاني مره امس سويته بدون اعواد ،،
طعمه عجييييب ...وهو بارد احلى واحلى