طلابنا الحلوين ،، يومياتهم ،، صعوباتهم ،،، مشاكلهم ،،، وان شاء الله الحلول

بنتي خلصت و أخذت تقوويم الانجليزي يوم الاثنين اللي فاات و افتكيناا !!

كأن ياا بناات ماا في الاا بنتي بصف ثااني ؟!!

الله يووفق الجميييع

أم مرااام;11900554:
كأن ياا بناات ماا في الاا بنتي بصف ثااني ؟!!

الله يووفق الجميييع

مناار ولدش في الجعفرية؟ماأدري بس أحس المعلمات أقدر لهذي المهنة من المعلمين ،أني كنت بودي ولدي في الجعفرية وترددت ،عموما قلة التركيز يمكن مايشبع نوم؟بالذات الحين النهار طوييل ومتعب وبالذات اذا ناحسوا حزت النوم،أوحاولي تقولين للمدرس يغير مجموعته يمكن اللي صوبه مخرب عليه

مرحبا امهاااااااااااااااااااات
آآآآه دستو على الجرح والله اني داخلة ابي اكتب موضوع عن منهج الرياضيات ولكن طاحت عيوني على هالموضوع وقريت فيه المشاركات الاخيرة وجفت معاناتكم مع هالمنهج الفاشل

بنتي في صف الاول واحس ان مخها كلش مقفل في الرياضيات ماتحبه ولاتفهم وخصوصا من ابتدو في درس العد بالقفز ووراه الاعداد الزوجية والفردية والحين الجبر والله مدوختني واني توني والدة وماعندي وقت اقعد ادرسها واجد ودخلتها معهد يدرسونها بس ولا كأني مدخلتنها المعهد ترجع لي نفس الشي لان حتى معلمة المعهد شكلها مو قادرة توصل المعلومة ليهم وفوق هذا مخ بنتي مقفل عالآخر وشكلها من جم يوم عصبت المدرسة اللي في المعهد وضربت بنتي وبصراحة اعذرها لان اني بكبري انتفها من الضرب اذا جفتها نفس المفهية وقت الرياضيات
على الرغم اني شاطرة بالرياضيات لكن ماطلعت علي وشكلها بتطلع على اختي الكبيرة جذي في الرياضيات كلش وخايفة لاتصير مثلها


الحين مشكلتي الاساسية شلون اقدر انزل لمستوى عقل بنتي واوضح لها الدرس احس الكتاب فاشل فاشل فاشل وكل ما احاول ادرسها واجوف مستواها جذي اقعد ادعي على اللي حط هالمنهج <<< تراني ابد ما ادعي على احد بس من زود قهري
اعذروني دخلت عليكم بشراع وميداف على مايقولون بس من حر مافيني

راجعة لكم وقت ثاني الحين بتوصل بنتي من المدرسة ادعو لها بالهداية

بروكلي حبيبتي الله يكون في عونش بس ابد مايوصل للضرب ترى بتكون نتائجه سلبية على الطفلة

واني وياش المنهج صعب ومو عارفين اشلون يوصلون الفكرة للطلاب!!

بنتي كملوا الجبر وتراه مع مرور الوقت بصير سهل كللش !!! ووبمرون بصعوبة النقود << قاعدة تخوف هههه

بس صح الجبر مع الشرح ان شاء الله بتفهمه

وبنتي صار ليهم اسبوعين في النقود!! وهالاسبوع التقويم والله يستر

الحين رايحة ان شاء الله اذاكر وياها حتى تستوعب

على فكرة لفت انتباهي وقت كتابش الرد وحدة وربع وتقولين الحين بتوصل بنتش !!!

متى يخلصون ؟؟؟

اختي بسمة اطفالي
مشكورة لانش شوي خففتين عني معاناتي وعطيتيني امل انها تتحسن ان شاء الله
وبالنسبة للضرب خلاص تعودت من وهي طفلة واني اضرب فيها ما اتحمل كلش وكل مرة اقول خلاص مابضرب لكن الظروف تستدعي ذلك خخخخ

وبالنسبة لرجوعها من المدرسة عدل الوقت لان هي يخلص دوامهم الساعة 1:10 يمكن انتي بنتج النظام العادي انا عامر؟؟ بنتي النظام التكاملي وكل يوم يعطونهم انجلش

وبعد لاحظت انش كاتبة يسوون لبنتج تقويم انجلش انا بنتي كلش مايسوون اليها بس كل يوم والثاني تجيب لي ورقة فيها صور وعلينا نقصصهم ونرتبهم واحنا خبر خير لان الكتاب اكثر شي يكون عند المعلمة بس عادي سهل هي بروحها بعد ماشاء الله تعرف ترتبهم واني الصقهم اليها

ترى معظم البنات يشتكون من الرياضيات واني الحمد لله ولدي شاطر في الياضيات ومشكلتي معاه في التعبييير،ولما رحت لمعلمتهم قالت ان عادة البنات يستصعبون الرياضيات بعكس الاولادالعربي يكون صعب عندهم بالفطرة والله يعين الجميع

اووف

الله يعينكم ..!!

77

7

وحده خايفه خخ

ام علاااوي ههه خليش ريلاكس الحين لاحقة على هم الدراسة!!

ميثاق ايوة العربي بعد يبغي ليه تركيز !! الله يعين بس!

يوم كنت ادرس ماحملت هم مثل الهم اللي حاملتنه الحين هههه

بروكلي خلش عن الضرب ،، اني بعد بطتي مسكينة صارت ضحية هيه الكبيرة وجبت اخوانها ورى بعض ومسكينة كنت احط التعب فيهااا ،، بس الحمد لله انتبهت لروحي وتركت الضرب تقريبا ولله الحمد

اما عن نظام بنتي ايوة نظام عادي انا عامر من جديه اروح ليها المدرسة 12 وثلث او فوق بعد بس تكون واقفة على الباب !

بس الانجلينزي ماشاء الله يعطونهم واااجد مدرستهم ماشاء الله تبارك الإله ممتازة والكل يمدح فيها انشطتها متععدة وتخدم الطلاب بشكل فعال

ولهم تقويمات مستمرة

وحتى فيه شي يعجبني فيها ان من اول يوم قالت ليهم ( NO ARABIC )) ههههه ماشاء الله عليهم يحطون كلمة على كلمة حتى يكونون جملة مفهومة

بسمة أطفالي;11906393:
ام علاااوي ههه خليش ريلاكس الحين لاحقة على هم الدراسة!!

ميثاق ايوة العربي بعد يبغي ليه تركيز !! الله يعين بس!

يوم كنت ادرس ماحملت هم مثل الهم اللي حاملتنه الحين هههه

بروكلي خلش عن الضرب ،، اني بعد بطتي مسكينة صارت ضحية هيه الكبيرة وجبت اخوانها ورى بعض ومسكينة كنت احط التعب فيهااا ،، بس الحمد لله انتبهت لروحي وتركت الضرب تقريبا ولله الحمد

اما عن نظام بنتي ايوة نظام عادي انا عامر من جديه اروح ليها المدرسة 12 وثلث او فوق بعد بس تكون واقفة على الباب !

بس الانجلينزي ماشاء الله يعطونهم واااجد مدرستهم ماشاء الله تبارك الإله ممتازة والكل يمدح فيها انشطتها متععدة وتخدم الطلاب بشكل فعال

ولهم تقويمات مستمرة

وحتى فيه شي يعجبني فيها ان من اول يوم قالت ليهم ( NO ARABIC )) ههههه ماشاء الله عليهم يحطون كلمة على كلمة حتى يكونون جملة مفهومة

أنا بنتي بعد على قولتكم النظام القديم عامر وأمل وحمد ومريم والانجلش كل يوم ويطلعون من المدرسة المفروض 1:5 بس هم يطلعونهم 1 او 1و2 او 3 دقايق

بسمة أطفالي;11900612:

الله يوفقها

وزين تعطينا خبرات من خبراتش العظيمة:087:

ام مراام بنتي مو مستوعبة النقود اشلون تفكهم صح

اليوم قعدت اشرح ليها استوعبت بس مو عدل

شسوي وياها :02:

هلاا بسووومة

بنتي بعد ألحين في وحدة النقوود !!

بقوولج شنوو كنت أسووي لبنتي اللعاام

للأسف أني ماا كنت أخليهاا تصرف و تشتري بروحهاا بس الاا لما أخذت الدرس

حتى تستووعبه مضبووط شرحته اليهاا و خليتهاا اتكوون لي بالقطع النقدية "الفلوس" 100

فلس و بطرق متعددة

و مبااشرة أخذتهاا للسوبر مااركت و خليتها تشتري و تحسب بنفسها و كاان شكلهاا يضحك

بصرااحة حتى اللي كانوا هنااك ضحكوا عليها :085:

و الأشياء اللي شريناهاا كان فيها فلوس اللي انسميهم العشرات !!

و اليووم بعد و أني أدرسهاا تعبتهاا عدل خليتهاا اتكوون لي ديناار و ديناارين بالعشراات ههه

مجمعة لي عشراات اشكثر و مسوية اليها بعد صور للنقود و مغلفتنهم تغليف حرااري ..

ادعوا اليها بالتوفيق و الهدااية و الله يوفق حوورة الأموورة و كل طلاابناا الحلووين

و أي سؤاال أو استفساار حااضرة يا الغالياات !!:072:

الله يوفق الحلوين يارب

ميثاق;11901305:
مناار ولدش في الجعفرية؟ماأدري بس أحس المعلمات أقدر لهذي المهنة من المعلمين ،أني كنت بودي ولدي في الجعفرية وترددت ،عموما قلة التركيز يمكن مايشبع نوم؟بالذات الحين النهار طوييل ومتعب وبالذات اذا ناحسوا حزت النوم،أوحاولي تقولين للمدرس يغير مجموعته يمكن اللي صوبه مخرب عليه

هلا ميثاق
ولدى فى الجعفريه بس ماشاء الله استاذهم وااجد شاطر ويشتغل بذمه بس تدرين شطانه الاولاد ولدى كنت امسجلتنه بعد فى مدرسه حطين الى فى النعيم مدرسات الى يدرسون بس انى نحوسه وديته المكان لبعيد بس بعد اكون مطمنه عليه خب الحين مدارس الاولاد اخوفون من بلاويهم الله يحفظ اعيالنا ومن ناحيت النوم ينام من وقت بس يمكن من المجموعه الى هو فيه مو عاجبتنه لانه اقول الاستاذ امغير مكانه

ومشكوره حبابه على الرد
سؤال
ولدش فى اى مدرسه؟

بروكلى

حبابه خفى ايدش عن الجاهله ولااا تضربينها ابد وقت الدراسه اله فى الشديد القوي خخ يعنى حطى اعصابش فى

ثلاجه اله فى افريز لانه خلاص الكتكوته بتمل واصلا بصير عندها وقت الدراسه حاله خوف وعدم تركيز من انش اضربينها

فى اى وقت وجذى بقل تركيزها وفهمها وترى هذى امانه عندش وااجب عليش انش تتحملين فيها لانش يوم القيامه محاسبه على ضربش لها كلنا انعانى من صعوبه المنهج بس مو معناتها ان احنا نذبح اعيالنا

بدل ضربها طلعى لها اختبارات سابقه وتقويمات من النت للصف الاول وخليها اتحل ابنفسها مره وثنتين وثلاث وبتعرف

وحاولى وقت الى تدرسينها اتكونين هاديه علشان تقدرين اتوصلين ليها المعلومه صح يعنى ماعندش اشغال وتبين ابسرعه ادرسينها علشان اتروحين اتكملين اشغالش

مسامحه خيووو هذرت وااجد بس علشان الكتكوته الحلوه ربي يخليها

تقريبا اصعب مرحله الحين فى دراسه صف الاول لانه المدرسين يركزن على سالفه انه ما ينتهى الفصل اله الطالب حقق كفايه انه يقرا ويكتب لوحده وهذى اهم مرحله فلازم انركز عليهم من ناحيه القراء والكتابه يعنى قد ما نقدر نخليهم يطلعون على قصص يقراونهم

وكل ما قرا الطفل القصص راح يكون عنده مخيله خصبه حق التعبير ومن جه ثانيه راح الطفل تقوا عنده القراء

هذا الى قدرت افهمه من المنهج

وبنسبه الى وحده النقود سويت نفس فكره ام مراااام جمعت ليى انصوص وعشرات وربابي علشان لين وصل بعد بكره الى الدرس يكون عنده شي ملموس يعنى العب معاه لعبه انى انا البائع وهو المشترى وبحط ليه العاب واجباس يشترى منعدى خخخ علشان يفهم عدل وتركز المعلومه فى مخه

والله يهدى اعيالنا الحلوين

مناار;11912136:
هلا ميثاق
ولدى فى الجعفريه بس ماشاء الله استاذهم وااجد شاطر ويشتغل بذمه بس تدرين شطانه الاولاد ولدى كنت امسجلتنه بعد فى مدرسه حطين الى فى النعيم مدرسات الى يدرسون بس انى نحوسه وديته المكان لبعيد بس بعد اكون مطمنه عليه خب الحين مدارس الاولاد اخوفون من بلاويهم الله يحفظ اعيالنا ومن ناحيت النوم ينام من وقت بس يمكن من المجموعه الى هو فيه مو عاجبتنه لانه اقول الاستاذ امغير مكانه

ومشكوره حبابه على الرد
سؤال
ولدش فى اى مدرسه؟

ولدي في مدرسة جدحفص ،مشهوووورة بشطانة الطلاااب خخخخ بس الحق يقال معلمتهم وااااايد زينة،واني بعد كنت حابة اودي ولدي الجعفرية على اساس اضمن سلوكياته بس ترددت لبعد المسافة

طريقة أم مرام في تعليم النقود واجد حلوة ومنكم نستفيد
بروكلي أنا مع منار خفي على البنت شوي ترى الضرب يسبب قلة تركيز والأطفال قدرات صح ساعات يجيبون علة في القلب بس لازم تتحملين علشان مصلحتها أو حرام تحطين تعب السهر وتربية الصغير فيها أنا أعذرش أو ما ألومش ساعات التعب يخلي الواحد غصب يعصب وحتى لما يفهون يعورون القلب ويبطون الجبد بس بصراحة أني اشوف معلمة المعهد ما ليها حق تضربها يعني هي مهنتها تشرح ليها وتوصل ليها المعلومة وإذا حستها ما ستوعبت تغير ليها من طريقة الشرح وتحاول تدخل المرح في الحصة علشان البنت ما تمل وإذا سمحتي لأي أحد يضرب بنتش البنت بتهتز شخصيتها أو راح تكون شخصيتها ضعيفة لما تكبر إتني كأم المفروض إذا بتضربينها تضربينها بروحها ما يكون معاها أحد مو تسمحين لأي أحد يضربها ترى أني مو من النوع إلي يأمر على الشر بس قلت ليش وجهة نظري بكل صراحة واسمحي لي أدري الشي ما يخصني بس حبيت أكتب وجهة نظري وإذا كلامي ما عجبش فأني متأسفة

الاخوات
ميثاق
منار
ام انوار
تسلمون وان شاء الله بحاول اني اهدي روحي وياها ولو اني اشك في الموضوع ههه
وبالنسبة لبنتي احيانا تكتب الارقام من 1 الى 100 بدون غلط واحيانا الله لايراويكم تخربط والارقام مقلوبة حتى رقم عشرة تكتبه بالمقلوب ما ادري ليش احس ان مخها مقلوب هههه الله يهديها ان شاء الله ويوفقها وتريحني