طلابنا الحلوين ،، يومياتهم ،، صعوباتهم ،،، مشاكلهم ،،، وان شاء الله الحلول

أحس روحي متحيرة بين المدرسة الحكومية والخاصة بس مثل ما قلت ما أحس روحي مقتنعة في الخاصة أبد

مناار

كانج تتكلمين عن ولدي بالضبط !!

ملووووول و مزااااجي لأخر درجة ،،

الله يسااعدج و يساااعدني و يسااعد كل الأمهااات ..

مشكورة خيتو على الموضوع الحلو
بنتي في الصف الرابع ومنقولة من مدرسة النور فعندها صعوبة في العربي والرياضيات ، بس هالمرة بعد استلام النتايج قالت مدرستها العربي انها وايد تحسن مستواها عن الكورس الأول ومدرسة الرياضيات بعد تقول في تقدم في مستواها ، مشكلتي مع بنتي ما عندي وقت ارجع على كل الدروس ، أرد من الدوام الساعة 5 العصر وساعات تكون شطورة وما ارجع إلا كاتبة الواجبات ويكون عليها المراجعة فقط ، وعندها يوم وترك تروح تدرس صلاة مدة ساعة ، فهذا بعد يسبب لي ربكة يعني ما ترد إلا 7:30 أكون خلاص مجهزة لها العشا وتسبح وتنام على الساعة 8:30 .
هذا بالنسبة لبنتي أمرها سهل
المشكلة في ولدي مستوى ثاني في الروضة وما شاء الله بسرعة يحفظ وعرف بعض الارقام والحروف، جنني ذاك الكورس من يعطونه كتاب وإلا دفتر للواجب تشوفينه يدور بالكتاب على طول البيت من وقت ما يرجع إلى وقت ما ينام وهو بس حاضن الكتاب ، بس هالكورس مو راضي يروح الروضة وكل يوم يقعد يصيح من الصبح ليما أعصب عليه وأخليه ويا أختي وأروح عنه الشغل، سألته أختي ليش ما تروح الروضة يقول ملل ما يدرسونا بس يخلونا نلعب وناكل، فانا قلت يمكن خلص منهجهم لهالكورس ولذلك بس يقعدون الاطفال لللعب.
سوري وايد هذرت بس بالفعل معاناة واجبات المدرسة مع الام العاملة
الله يساعدنا

رد عالسريع خواتي واعذروني للحين ماعلقت عليكم

عندي بنتين ووحدة صف اول ومجننتي في دراستها وحاملة همها ماادري ليش احسها على ذكائها الا انها ماتركز
وفوق هذا اويدها يوميا تتعلم قرآن لمدة ساعة تقريبا ،، وعندها يومين في الاسبوع تتعلم صلاة لمدة ساعة وربع

وواجد احاتيها احس اني ضاغطة عليها في نفس الوقت احس ماابغي اتنازل ولا عن شي كلهم محتاجتنهم

وبنتي مستوى ثاني في الروضة كبر سيدون ولد ام مرااام خخخخ مسكينة اخلهيا تسوي واجباتها بروحها ولا اراجع وياها !!!! كل اقول احس مقصرة وياها

وولدي مستوى اول رضوة هذا رايح يلعب مو يدرس ههههه

ماشاء الله ذكي بس عنيد وما يحب يتعب روحه ولا يهتم بالواجبات << كبر ولد مسوزة

*ام وسام*;11617222:
موضوع حلوووووووو ...

مفيد جدا وممكن تتشارك الامهات بتجاربها مع العيال ...

اشوف الموضوع شاغل بالك كثير يا بسومة ... اكيييييييد الموضوع يحتاج له صبر

وانا اعرف بنوتك شاطرة بس انتي طولي بالك

hayawa;11617523:
انا ماعندي احد في المدرسة بس عندي بنت اختي صف الرابع وعمرها 9سنوات ووسبع شهور معانا في البيت اشوف وايد المواد صعبة وخصوصا العلوم والرياضيات من يوم غيروهم حطوا مواضيع الدروس صعبة وايد احنا على ايامنا عطونا اياه في الثانوي واهو من صف الرابع حرام عليهم بس انا استانس على الانجليزي وايد حلو وممتع والمواد الباقية الحمد الله زينة مو صعبة وايد وعن البحوث والانشطة تقريبا يوميا وغير انشطة التقانة والفن وغير الاختبارات الي يعطونهم 3 الى 4 في اليوم الواحد والله يعينهم وغير عن الطلبات الي ماتخلص يوم يبون خلق وادوات الخياطة واشياء وايد ماتعد ولاتحصى الله يعين كل طالب وكل طالبة والامهات اجمعين والله يساعد الي عنده اكثرمن طفل في المدراس وعندي ملحوظة انا اشوف بنت اختي من افتحت المدارس شهر نوفمبر الماضي الى هاي اليوم استهلكت 3 شنطات هل هاي الشي طبيعي عند كل الطلاب او ان الكتب وايد والشنطة ماتستحمل او ان بنت اختي اشوي مهملة من ناحية الشنطة والله يوفق كل الطلاب ان شاء الله


ونصيحة لكل الطلاب والطالبات لاتاجل عمل اليوم للغد وان اذا رجعتوا من المدرسة اخذو راحة بعد وجبة الغداء سوو فيها اي شي طالعو التي في او قعدوا على الكنبيوتر او اي شي ثاني تقريبا لمدة ساعة الى ساعة ونص وبعدين درسوا ليكون بالكم مفرفش واذا عطوكم درس ارجعوا البيت ادرسوا اول باول لعدم تراكم الدروس عليك في ايام الامتحانات

Blossoms;11617724:
موضوع حلو بسومة

انا عندي سؤال يشغلني كثير وهو الكتابة ثم الكتابة ؟كيف طرقكم في تعليم اطفالكم الكتابة ؟

أم مرااام;11619448:
موضوووع حلووو و مفيد كالعاادة ياا بسوووم

و تستاااهلي التقييم

بنتي في صف ثااني ابتداائي

و اليووم مريضة ماا دااومت !!

و ولدي بالرووضة و عليه وااجب و املااء بكرة بعد و للحين ماا سووى شي

مشيّب راااسي !!

و متاابعة ان شااء الله معااكم الموضووع

و لي عووودة ،،

انا من البداية قررت اني ااجل المعاناة للسنة الجاية ...

ولاحقين على التعب ما عليه

اني بكون وياكم اذا وديت بنتي الروضة
ههههههههه

كربلاء الله يوفق الحلوة وزمن الحين كلهم جديه واعتبري التقييم وصل

مسوزة الله يحفظه كبر ولدي ونفس الحال بالضبط فكرت اقعده عن الروضة بس بيشغل امي من جديه خليته يواصل

حبيبة جيمي الله يخلي البطل

وام نور وهذيان شرفتونا والله

أم هيا

ولدي مواليد 23/ 10 / 2006

و صدق اني اعصب وياه في التدريس لأن يرفع الضغط أحس تعبي كله رايح في الهوا و انتبهت لنفسي وقلت خل اسوي وقت الدراسه لعب علشان ما يتملل

و روضتهم رسومها مو غاليه بس في ارخص منها في منطقتنا 35 دينار لمستوى أول و 10 مواصلات يعني 45 دينار كامل بس في الي أرخص منها بواجد

وهو وصلوا في العربي لحد الضاد و الانجليزي لحد ال ال و الرياضيات آخر واجب جابه لل 8

وما يعطونهم تقويمات مثل ما تقولين


حبيبة جيمي

هذا الي اني حسيته

يعني يعيدون وياهم على الحروف والا دايركت يبتدون في التحليل و التجريد؟؟ اوكي اني قلت ببتدي اعلمه الحروف من الصفر بس ما يطيعني في البيت و خايفه يروح مستوى ثاني ويتورط يكون مو عارف شي لازم يكون عنده اساس

أم منار و أم نور

مشكورين ريحتوني شوي

المشكله إن ما أعرف أحد بهالسن علشان أشوف إذا هو أوكي والا لا و لا أعرف المعلمات الي في الروضه علشان أنقله لصف ثاني

و من أمس قرر إني أخلي وقت الدراسه لعب شوي علشان يتغير شوي

و أم نور ما أنصحش بالمدارس الخاصه أختي ودت بنتها روضه وبعدها فصل واحد من الأول وردت طلعتها تقول كلش ما عجبها مع ان بنتها ممتازة ونتايجها اوكي بس هي ما حبت طريقة التدريس الي تعتمد ع الحفظ

و ما شاء الله اكو احنا درسناا في مدارس حكوميه و لا ودونا اهالينا معاهد ولا شي و اكي لغتنا الانجليزيه قويه بعد شلون لو بتودينها ؟؟

اني عندي مدرسه حكوميه مع برتش كونسل بيكون كل شي تمام

احس المدارس الخاصه ضغط على الطلبه واجبات واجد و طريقة تدريسهم صراحه ما تعجبني و شوفي الحكومه هي تبع الحكومه و اختصاصيين و استشاريين يشرفون على المناهج و اداء المدارس غير الخاصه الي هدفها ربحي في المقام الأول

و أم نور نصيحه

نسيت أم هيا أقول إن ولدي لما يجي من الروضه على طول ينام و اخليه لين يشبع نوم حتى ساعتين لو اكثر ما اقعده لأن مساكين يقعدون من الصبح و لعب ونشاط في الروضه اكيد يستهلكون طاقه كبيره ويرجعون تعبانين

اخليه ينام ولما يقعد اغديه و العصر يسوي الواجب هو مسكين يحل ما يغربلني حتى يكتب أوكي بس تعالي قولي بتعلمينه يتنح

وما قلتون لي ام مرام وبسومه شنو يعطونهم بالضبط في مستوى ثاني؟؟

ماشاء الله ..!!

ما في شي سهل خخخ ..

الله العين ..

اذا ودينا علاووينا نجي وياكم ,

وان شاء الله يكون كل شي سهل ..!!

مسز عادل;11628007:
أم هيا

ولدي مواليد 23/ 10 / 2006

و صدق اني اعصب وياه في التدريس لأن يرفع الضغط أحس تعبي كله رايح في الهوا و انتبهت لنفسي وقلت خل اسوي وقت الدراسه لعب علشان ما يتملل

و روضتهم رسومها مو غاليه بس في ارخص منها في منطقتنا 35 دينار لمستوى أول و 10 مواصلات يعني 45 دينار كامل بس في الي أرخص منها بواجد

وهو وصلوا في العربي لحد الضاد و الانجليزي لحد ال ال و الرياضيات آخر واجب جابه لل 8

وما يعطونهم تقويمات مثل ما تقولي



هذا الي اني حسيته

يعني يعيدون وياهم على الحروف والا دايركت يبتدون في التحليل و التجريد؟؟ اوكي اني قلت ببتدي اعلمه الحروف من الصفر بس ما يطيعني في البيت و خايفه يروح مستوى ثاني ويتورط يكون مو عارف شي لازم يكون عنده اساس

حبيبتي ماقلتيلي اي روضة انا روضة بنتي رسومهم الشهرية 30 دينار والي يبي مواصلات 10 دينار حبيبتي يدرسون ولدج تيكواندو وكمبيوتر ودين او لا
بنتي روضتهم مايعلمونهم حروف العربية بالترتيب بالاسهل الى الاصعب يعني مخلط بعدين يحفظونهم بالترتيب يكونون حافظينهم ويعرفون يكتبونهم
والرياضيات اوصلوا الى الرقم 10
والانج في الحروف اليوم عطوهم حرف i
والانج في الارقام اوصلوا ناين
وترى المستوى الثاني يعطونهم املاء عربي كلمة تتكون من 3 حروف مو اكثر واحنا روضتنا لهم ملزمة املاء والرياضيات الجمع والطرح والارقام اعتقد الى 20 او اكثر مادري والانج نفس الشي يعيدون الارقام واكثر من المستوى الاول والحروف واناشيد ويعلمونهم اجزاء الجسم وادوات المطبخ والالوان والاشكال ومستوى الاول بعد واشياء حبيبتي ممكن اتقوليلي اسم روضة ولدج ورسومهم الشهرية وعند التسجيل وهل عندهم تقاويم شهرية وهل لهم شهادةشهرية او بس اخر الكورس يسون لهم احتفالات ورحلات او لا ممكن اتقوليلي اسامي كتبه او ماعندهم كتب بس دفاتر
العربي عندهم ملزمة وكتاب للصف ودفتر للواجبات
الانج عندهم كتاب للصف ودفتر واجبات الارقام والحروف
دين عندهم ملزمة للصف والواجبات
الرياضيات عندهم كتاب للصف ودفتر للواجبات
وعندهم كتاب كمبيوتر للصف والواجبات
وعندهم كتاب علوم للصف والواجبات
واحين عندهم مقرر جديد عن المرور
وباجر ماعندهم دراسة بيحتفلون بيوم المرور بيهم شرطي المرور

أم هيا

شكلها الروضه عجيبه في وين ؟؟ و شنو اسمها

ولدي في روضة سدرة العصافير ورسومهم قلتها من شوي 35 و المواصلات 10 ورسوم التسجيل الكورس الي طاف 105 دينار و السنه الجايه 115 دينار

عندهم كتب فقط ما في دفاتر كتاب عربي و رياضيات و الانجليزي ملزمه و في ملزمه ثانيه للأرقام بالانجليزي وملزمه فيها حروف بعد ودين بس ما يعلمونهم علوم و لا كمبيوتر اظن المستويات الجايه و لا يعطونهم شهاده شهريه بس آخر الكورس و ما عندهم اختبارات ولا شي

و ما في كمبيوتر ولا تيكواندو و لا اي شي غير الدراسه

يودونهم رحلات و احتفالات بسيطه يعني العيد الوطني بس سووا لهم

يعني بيتكم في المحرق او عراد انا من مدينة حمد اسمها زينة الحياة دوار 15 والرسوم عند التسجيل 10 التسجيل و25 القرطاسية و10 تيكواندو للكورس كامل و30 مقدم شهر يونيو وبس وانا قريت ان هاي اسعاركم 35 لمستوى الاول قصدج اذا راح مستوى الثاني يزيد احنا كلهم نفس الشي والتكواندو مو تدفعين من اول شهر يبتدي عندهم من شهر نوفمبر او اكتوبر وكل شهر عندهم تقويم في كل مادة وعندهم شهادة شهرية غير الي في النهلية الكورس وعندهم يوم المفتوح كل كورس مرة وحدة احين سوولهم واحد الكورس الاول وعندهم شهر الجاي بعد وتقريبا كل شهر رحلة بس ماتتعدى الدينارين ونص اذا كانت ترفيهية العاب ومطعم واذا كانت تعليمية مثلا مصنع الايسكريم او الفخار بس مال الباص 500 فلس لان الروضة ماعندها باص خاص فيها تاخذ النسوان او الرجال الي عندهم باصات يوصلون المدارس وةالجامعات ولهم راتب شهريا وعندهم مشرفة باص بعد والحفلة النهائية لكل المستويات وليس المرحلة التمهيدي فقط وعادة في طيران الخليج وبرفيه ويكون الصبح وعندهم الشهر الجاي تصوير صورة جماعية وصورة لوحده الطالب ومثلعا يحطونها لكم في الشهادة النهائية وغير احتفالات يوم المرور والاعياد واليوم الوطني ويبون لهم عربة الذرة والنفيش والدونت والبطاطس المقلية واشياء وايد وعندهم يوم المفتوح معرض ينعرض فيه اعمال الطفل في السنة كاملة الكورس الي طاف للمدة القصيرة ودوهم مطعم جسميز الاهلي وكانت بدينارين ونص وودوهم هاي الشهر العرين بدينار وهاي الشهر مادري وين رحلة بسيطة لان عندهم تصوير لان يراعون اولياء الامور بدفعون مني او مني ودايما رحلاتهم بعد الرواتب او اذا قبلهم عادي مادفعين الا مع الرسوم الشهرية بس مو كل طفل الا الي تعرف الادارة ملتزمين بالدفع الرسوم واشياء وايد وعندهم شهريا يطرشون نشرة شهرية باللي بيدرسونهم لكل المواد اذا تبيناتعرفين شي اتفضلي حبيبتي