تختارين الخيانة او الزواج عليك !!

سيدة القوم;11617182:
حلو الموضوع كثير وقرأت فيه كثير وصارت كثير مناقشات بس عمري عمري ما أتخيل نفسي بكذه موقف :01: الله يبعدنا آمين

يعني شعور صعب إن وحدة ثانية تشاركني مكانة الحُب بقلب زوجي... تشاركني آراءه وأفكاره وتنفسه.. تهتم بلبسه وصحته وسعادته وراحته..
إنه هو من الجانب الثاني مو بس أنا اللي شاغلة باله في راحتها وسعادتها ورضاها.. مو أنا غايته ومناه بحياته.. مو ابتسامتي فقط اللي تنسيه همومه وتنعش روحه..
إن فيه وحدة غيري يتلذذ بملمسها ونعومتها.. لا لا وألف لا..
أكره هالصور والمشاعر والأفكار!!!!!!!

طبعاً إني أكرهها ما أقدر أمنعها..
أريد الحلال لزوجي وما أرضى يكون بعلاقة غير شرعية لأنه يخدعني ويعصي ربه في الأول والأخير...

إذا حاب يتزوج (لقصور فيني) خله يتزوج.. وطبعاً أفهم من رغبته هذي إني ما أكفيه بحبي (مش جنسياً) وإني مقصرة معاه.. أو إنه حصل وحدة غيري يحبها لقصور فيه (يمكن جايز.... ترا مو شرط النقص في الزوجة!!!)
خله يتزوج الله معاه ويوفقه...
أتطلق؟؟؟؟
يعتمد... إذا عندي عيال ما أتطلق... ووين أروح؟؟ بيت أهلي؟؟؟ ما يصير وما أقبلها لهم ولا لي ولعيالي.. ومن بيريديني؟؟؟ ما أقدر أبدأ حياة جديدة!!!!

إذا ما عندي عيال يمكن أتطلق... ويمكن ربي يكتب لي حياة جديدة...

بس إذا بقيت على ذمته... ما يبات عندي وما أبيه إلا للسوالف وحفظ سودة الوجه قدام عيالي.. في النهاية هو أبوهم...

ماأدري إذا نفسيتي تسمح بكل هالعذاب >> متأكدة إنه لأ...
وراح أكون مكسوووورة جداً لأن أحلامي بحياتي تهدمت...

ياااااااااااا رب احفظ الحُب والمودة بيني وبين زوجي.. :065:

كلام رائع وجميل سيدتي... انا متفقة معاكي 100% تسلمي :083:

طبعا افضل ان يتزوج علي بعلمي ولا ان يخون بالحرام او يتزوج و انا مثل المغفله ما ادري
طبعا مو عشانه بس عشان عيالي
لأن الاب هو القدوه ممكن يتاثرون كثير اذا عرفوا ان ابوهم عمل شي بالحرام
واذا تزوج من وراي بعد مو حلوه وانا اللي بكون مثل المغفله اللي ما تعرف
بس اذا تزوج علي يكون خلاص نهايه علاقتنا
و بيكون عنده الاختيار يا اما يطلقني او نعيش مع بعض لخاطر العيال و بس من غير ما تكون بينا علاقه زوجيه
ما اريده يلمسني او يكلمني و ما راح اهتم فيه
خخخخخخخخ خلي زوجته الثانيه نغسل و تطبخ و تنظف له

موضوع جدا حلو
عن نفسي يصارحني و يتزوج بالحلال أفضل من الشئ الحرام طبعاً
لأن الحرام يجر مشاكل و يشوه سمعته و بالتالي سمعة أولادي و سمعتي
صح ممكن زواجه الثاني يجرحني و أكيد بزعل و بتضايق و لكن بضغط على نفسي و ما راح أطلب الإنفصال و أخلي الجديدة تغلبني
بالعكس راح أظل أهيأ الجو الحلو و أكون جنبه في الحلوة و المرة
و ممكن هالشئ يعيد لي و يترك الأولى خخخخخخخخ

إندمجت في الدور خخخخ

صوت الحنان;11617389:
موضوع جدا حلو
عن نفسي يصارحني و يتزوج بالحلال أفضل من الشئ الحرام طبعاً
لأن الحرام يجر مشاكل و يشوه سمعته و بالتالي سمعة أولادي و سمعتي
صح ممكن زواجه الثاني يجرحني و أكيد بزعل و بتضايق و لكن بضغط على نفسي و ما راح أطلب الإنفصال و أخلي الجديدة تغلبني
بالعكس راح أظل أهيأ الجو الحلو و أكون جنبه في الحلوة و المرة
و ممكن هالشئ يعيد لي و يترك الأولى خخخخخخخخ

إندمجت في الدور خخخخ

كلااااااااام سليم 100 % ماراح اخلي الساحه لها فاضيه :03:

هلا وغلا جود

بصراحه انا تنا قشت من قبل مع زوجي عندي يتزوج ولا يروح ويتعرف على بنات بالحرام صج انه شي يعور القلب بس ماراح ارضاها انه يسوي شي بالحرام

مشكوره حبيبتي على الموضوع ربي يعطيج العافيه

اففففف موضوع ذو حدين احلاهما مر

شوفي انت طلبتي نتكلم بعين العقل وليس القلب

والعقل بيقول انه يتزوج بالحلال احسن من الخيانة لانه خيانة الرجل المحصن عقابها الرجم حتى الموت
شوفي عقوبة الله سبحانه بقى نحن رح نجي ونحلل له العيشة ؟؟ وانه يخون من ورانا ونحن ما ندري ؟؟؟
هيدا عقابه الموت شرعا

المهم نجي للزواج على حسب شخصية الزوجة يا انها تتقبل تعيش معاه وهو على هيدا الوضع سواء نام عندها
ولا المبات كان مشترك سواء شافت الزوجة ولا ما شافتها لانه بيجي اليوم وبتشوفها او تعرفها

ومافيني قول انه الطلاق هو الحل لانه الاولاد شو ذنبهم ؟؟

بس بقلك شي انا لو صارت معي لاسمح الله بطلب الطلاق فورا
لانه مارح اقدر اعطيه حقوقه الشرعية وبخاف الملائكة تلعني لهيك بختصر على حالي وبروح بيت اهلي
وما بتخيل يلمسني وهو يلمس وحدة ثانية ولا حتى يقول انه بيحبني لانه اكيد قالها لها فحتى الكلمات والهمسات مشتركة
وانا ما بقدر اتحمل والله لا يكلف نفسا الا وسعها

واهم سؤال لما يكبر بالعمر هل رح يقدر يكفيك جنسيا ويكفيها ؟؟ لانه احس الرجال في ذروة شبابهم يفكرون
بانفسهم بس لما يكبروا ؟؟ بينسوا الزوجة وبيصير عندهم بدل الوحدة اثنين وما قادرين يوفقوا من ناحية العلاقة
وهو مسؤول عن اشباع رغبات مرته متل ما هو مسؤول عن رغباته لانه المراة مالها حد او عمر جنسي بتعطي حتى بعد انقطاع الدورة الشهرية
وممكن يكون مانه رومانسي وانا احب اسمع سوالف الغزل !! كيفي !! هل يقدر يسمعني كل يوم
وبالتالي يعدل ويسمع كمان زوجته الثانية ؟؟


اتصور انه ما يقدر ولا رح يكفي زوجته الاولى بشي لانه اغلب الرجال في الوقت الحالي ما قادرين يكفوا
زوجاتهم حتى من دون ما يتزوجوا وحدة ثانية

يمكن ينحذف ردي من الجراة ههههه بس لانه اغلب الرجال انانيين وتفكيرهم بنفسهم ومثل ما هم تفكيرهم بنفسهم
انا كمان من حقي افكر بنفسي ولا يقول ما بيقصر بشي الا ما يقصر كلنا بشر


المختصر انه يتزوج طبعا احسن من الخيانة المحرمة شرعا
ولكن النقاش كان في هل يا ترى تبقين معاه ولا لا ؟ وجوابي لا ان شاء الله

كل شئ فى الدنيا نصيب من الله
مو نحن اللى نقرر مصائرنا
سبحان الله وبحمده سبحان الله العظيم

اختي انا ماارضي بشريكه ابدااااااااااااا حتى لو كنت مقصرة احساس غيرة موطبيعي

وريال اللي يقول اعدل كذااااب

ولايخوني لانه احساس خيانه موسهل ابدااا وجرحه كبير ومايندمل

وممكن يجيب لي مرض بعيد الشر

الافضل من ناحيتي الطلاق

راحه وتعب قليل

ولا تعب وضيقه طووول العمر

والله انتي حطيتينا بين نارين!
ما في مراة في الدنيا تحب احد يشاركها في زوجها... وتكون مشاعرها ميتة لو رضت بهذا الوضع!!

الله لا يخلينا بهالموقف ابداً..

اما اختار احد الاثنين.. اكيد بلا شك الخيانة اقبح واقذر!!!
وما اظن اللي يخون عمره يتوب.. لأن يكون تعود على الحرام.. والتنويع عنده صار حاجة حلوة ومغرية ما يقدر يستغنى عنها..
كيف كل يوم والثاني بحضن وحدة وبعدين يجي يلمسني.. هذا اللي مستحيل أرضاها لنفسي لو تنقلب الدنيا على الأرض!


اما بالنسبة للزواج.. يمكن.. وانا اقول يمكن.. لأني ماجربت ولااعرف ردة فعلي وقتها.. وطبعاً اللي يده في النار غير اللي يده في الماي.. اتوقع بيكون صدمة ما بعدها صدمة.. وراح أكره حتى اشوف وجهه وقتها.. بس يبقى ان عارفة زوجي وين مكانه ووين يروح..
بس ما اظن اني راح ارغب فيه وقت المعاشرة لأن اكيد راح اتخيله معها بعد!!
يعني جرح حتى لو التألم اثره باقي..

والله يبعد هالسوالف عنا وعن ازواجنا..

يالله صباح خيير لساعنا مافطرنا خخخخخخ


والله حبيبتي انا من النووع الغيور جدددداااااااااا يعني اغار عليه من اهله تخييلي
والله لو وحده طالعت بزوجي او مثلا مره كنا بالمااركت وجات وحده الله لايبلانا قليلة ادب تقول لزوجي ممكن اوقف قدامك وذييك الابتسامه حسستني انه زوجها مو زوجي قام زوجي قالها روحي هناك وبقلبة وجه يعني ماعطاها مجال المهم البنت راحت قمت اطالع بزوجي وطالع فيني وابتسم

تخيلي انا ايش سوييت؟؟

والله تخاصمت معااه وقلبت وجهي وماتكلمت معاه كم يوم وهو مسكين ماله ذنب بس الغييره والقهر ماعطوني مجااال ابد
لا ومره حلمت انه تزوج علي تخيلي جاتني ايام بعد الحلم صرت اشك فيه خخخخخخخخخخخخخخ والله وهو مسكين مو حق السوالف البايخه بس الشيطان الله ياخذه

الزبده


لو اموووووووت بالتراب اللي يمشي عليه وفكر يخوني او يتزوج علي والله ماقبلها على رووحي حتى لو مارضي يطلقني حعتبر نفسي مو متزوجه وحعيش عند اهلي ولو مثلا جابني ببيت الطاعه<<دراما

حنكد عليه عيشته وحخليه يندم انه تزوج علي او انه تزوجني ماقدر اتخيل انه زوجي حبيبي لوحده غيري وتشاركني فيه وحده غيري والله مجرد التفكير بالامر يخليييني اموووت

ومشكوره عالموضوع بس لاتعيديها هههههه

هاجودي وانتي ماقلتيلنا رايك بالموضوع؟

انا برأي لا للخيانة ولا للزواج الثاني

انا بس افكر تفكير بس ان زوجي يفكر بوحدة ثانية اموت او احسه يطالع وحدة يمكن بدون قصد او مب قصده سيئ يذبحني اشلون تبيني اسكت اخلي وحدة ثانية تلمسه وتشاركه كل شي واكون محل مقارنة بيني وبينها

انا عندي الطلاق احسن من اعيش بدون كرامة لان اذا فكر يتزوج او يخون يعني راح اكون مهمشة في حياته واذا تعاليت على نفسي و سكت راح اعيش بدون كرامة

وصعب الانسان يعيش بدون كرامة والله يهدي جميع الازواج ويسخرهم لزوجاتهم

ما قرأت الردود لاني بقوم بس راجعه ان شاء الله وهذا رد ع السريع

اني كل مااتكلم مع احد في هالموضوع يصيرون ضدي وباقي شوي واتكفخ

بس صراحة خطأ ان الزوجة ترضى باللي تسموها خيانة وهي اسمها الحقيقي زنا

اني ارضى بالزوجة الثانية لان الزوجة الثانية ما بتعيبني او بتعيب زوجي

اذا الله وشرعة يقول ان الزوجه الثانية والثالثه والرابعه بعد صح

والزنا والعلاقات المحرمة خطأ

من اكون اني حتى افتي من بعد شرع الله

وجوابا على سؤالش ايه نعم ارضى بالزوجة الثانية ولكن ماارضى ان يكون زوجي زاني

بسم الله وعلى بركه الله
بالنسبه لي (الله يبعد هالموضوع عني) رجلي واحبه
واحب الي يريحه والي يسعده واذا شاف نفسه يحب
ينوع ويتزوج وحده ثانيه خل يتزوج عادي يعني راح تصير
احلى مني لو تهتم بيه اكثر مني؟؟(واثقه بنفسي)
واكيد راح ازعل اول الامر والشيطان يلعب ويلعب ويلعب
لا وراح ياخذ مرتبه عاليه هالشيطان اذا انفصلنا!!
المهم خل يتزوج بالحلال افضل لي وافضل اله
بلا المسلسلات الدراميه وين جنت؟؟
ليش تطلع من وكت؟؟ليش تاخرت؟؟
ووجع الراس عالاقل اعرف وين هو بالضبط

تراني ده اتصبب عرك من ده اكتب
الله يخليه الي وما تحله بعيونه غيري

كلمة حب;11616492:

انا ماحبش اايد ارادة حد، واستحالة امنعه يتجوز عليا

كمان ميجبرنيش اني اعيش معاه ومعاه واحدة تانية غيري بينام معاها

يبقى زي ما ريحته انه يتجوز
كمان يريحني ويطلقني واشوف طريقي

وربنا ما يكتبها عليا اللهم آآآآآآآآآمين

انا بعد ما رح احرمه من اللي خاطره فيه

اذا بغى يتزوج

براااااااحته

حلااال عليه 4 منو انا علشان امنعه

بس بشرررررط

انه يطلقني

ويخليني اشوف حياتي مثل ما هو يبي يشوف حياته

لا ارضى الخيانة و لا ارضى يتزوج علي

واذا سوا اي من هالإثنين

باقوله

سلاام عليكم:064:

بس ما ظنتي يسويها فديته:02:


تسلمي

الزواج الثاني افضل طبعا من الخيانة (الزنا)لانو طبعا لو زنى حينزل قدره عندي وح يطيح من عيني واذا لزم على الزواج الثاني اخطبله وحدة كويسة صالحة عشان ماتخرب عليا بعدين لانو اذا طلقت ومعايا عيالي مين حيتحملنا ماحيتحمل العيال الا ابوهم واذا تطلقت (لاقدرالله) ماحيجيني الا اغلبيتهم من المتزوجين اوكبار السن يعني تطلقين من هنا وتروحي تزوجي واحد متزوج خليكي مع زوجك أفضل واولادك يكونوا معاكي طبعا ماحخطبلوا وحدة تانية الا اذا كنت متاكدة على الاقل 60 %بالمية انو حيعدل
مع العلم اني غير متزوجة ولا مخطوبة واذا جاني واحد متزوج ماحوافق الا اذا تاكدت انو مرتو راضية وجلست وتكلمت معاها عشان مااحد يزعل مني وعشان مااقهرها

:095:

&#1112;&#511;&#273;;11616953:
وش بتقولين للقاضي لا سألك!
انه بس تزوج عليك! هذا مو سبب مقنع وخاصه
الشرع حلل اربعه

اقل الشي القاضي بيسألك هو مقصر معاك بحاجة؟
ضربك .. سوى معاك حاجة تضرك

مشـــاعل;11618499:

الدكتوره فوزيه دريع تكلمت مره عن نظرية الضغط الاسموزي
وهو ان بالعلاقه الحميمه
الرجل مثل مايقذف يمتص من المرأه
يعني يصير بداخل الرجال شوي منه وشوي من حرمته
عاد لا صار عنده حرمتين وجا وقت ليلتي يصير بداخلي شوي منه وشوي مني وشوي من حرمته الثانيه

سلالالالالالالالالالالالالالالالالالالالالالالالالالالالالالالالالالالالالالالالالالالالالامتكم :039::039::039::039::039:

ههههههههههههههههههه ضحكتيني والله :037:
صدق كلامك....

تسلمي وربي يحفظ لك زوجك يا رب :025: