مييين اللي حلمت انها تزوجت وتزوجت بعد فتره (( تحقق حلمها ))

قبل ما انخطب حلمت اني في حوش بيتنه ويايي بنت عمي المخطوبة وكأنها تقول لي جوفي السما وكانت السما شي رهييييييييييييييييييييب كلهاااااااااااااا نجوووم يعني مشعه بشكل مو طبيعي والقمر كبير كان منظر عجيب وعقبها تقدم لي خطيب الهنا :D

وعقبالكم

بنات مو كل حلم تصدقونه وتستانسون عليه ،،
فيه احلام يمكن تحلمونها من كثر التفكير فيها ،،
لأن بعدين مايصير شي ويصيدكم احباط ،، هههههه

انه اختي حلمت ان ناس جايين يخطبونها ويوم ثاني فعلاً جو يخطبونها ماشاءالله عليها ،،
ورفيجتي بعد نفس الشي حلمت وعقب جم يوم جو خطبوها وخطوبتها الشهر الجاي ^^
وحتى انه حلمت فيها انها عروس ورحت قلت لها وقالت يمكن يصير صج ،، وصج صاار ايه عليهااا ،، :)


اما انه حظي مو حلو مثلهم ههههههه ،،
لأن السنة الي طافت ايام المدرسة << وكانت آخر سنة لي ،،
كنت كله احلم وخااااااااصة ايام الامتحانات النهائية مادري ليش خخخخ ،،

مرة حلمت ان رفيجة اختي جاية بيتنا تراويني صورة واحد بس نسيت شلون شكله ههههه
وكانت تمدحه وتقول خوش آدمي ،،
وحلمة ثانية اني كنت عروس وكنت قاعدة ع الكوشة وفيه ناس جايين يباركون لي ووحدة ثانية من رفيجات اختي كانت مستاااااااانسة حدها وجاية تسلم علي ،، بس الغريب في هالحلم اني كنت قاعدة بروحي و المعرس مو وياي ههههههههه ،، وبعد ماشفت احد من اهلي ،، !!!؟؟

وساعات احلم احلام من هالنوعية هع بس ما اذكرها الحين ،،

وعقب ما تخرجت من المدرسة بجم شهر انخطبت بس ماصار نصيب ،، :(



وبعدها قمت ما اصدق احلامي ههههه ولا احلمها بعد ولا ابي احلم خخخ
لأن اقول يمكن من كثر ما نفكر بالشي نحلم فيه ،،


و بس صرت ما افكر في هالاشياء الحين ،،
لكن من جم اسبوع حلمت اني لابسة فستان ابيض وكأنه كان فستان عروس ،،
ما اذكر الحلم عدل بس الي اذكره انه كان فستان ثقيل يعني وكنت لابسته وحامله اطرافه من تحت ،، وكنت عند باب البيت بطلع لأن اخوي كان ينتظرني بره ،، ومادري شمعنى اخوي بس الي طلع بالحلم ،،


والله اعلم وش ورى هالحلم ،،
بس عن نفسي ما اصدق الاحلام ،، يمكن اتفائل شوي بس ما اصدددق ابد ،،


وانشاء الله يارب كلكم تتحقق احلامكم ونشوفكم عرايس ،، :)

صديقتي حللمت اني داقه عليها واقول لها اني انخطبت وبعد اسبوعين الا هي تنخطب وتتملك

ههههههههههههههه رهيب الحلم

مشكورين ع الموضوع مره روقان *_^

ههههههههههههههههههههه

انا متابعه معكم

احلامكم حدهاا حلوة

هالايااام واايد احلم كوااابيس:(

انا من فترة حلمانه اني اختار خاتم ومحتارة اي واحد واسال وحده من هلي

ههههههههههههههههههههه
الله يسعدكم ويوفقكم ويزوقكم جيمعااااااااااااااااااااااااااااااااااااا
:L::L::L::L::L::L::L::L::L::L::L::L:

أحلم كثير ..:086: << بس ما ادري هو حديث نفس والا تبشير ..
يأإرب عقبال ما أرجع واكتب لكم ..<< خبريه خطوبتي ..:o

يوووو احلامي كثيرة
مرة حلمت اني اخوي نايم جنبي بالمنام وكنت مستغربة وش جاب فلان عندي
بس نايم
وانا على طرف السرير ومستغربة مرة
المهم الا تفسره صديقتي الله يذكرها بالخير
بتقدم لك عريس نفس مواصفات اخوك
طبعا مر ايام وتقدم لي شخص يشبة لاخوي بعد ونفس مواصفاته
ورفضتة الاسباب انه مطلق مريتن واسباب ثانية
وكذا مرة احلم بخاتم الماس وانخطب وتتفركش
والايام الاخيرة حلمت اني ابحث عن نعالي الله يكرمكم
وتم تفسير خطااااااااااب
وانا في الانتظار ويارب افرح في نفسي وفيكم
بعد

انا حلمت اني لابسه فستان العرس و واقفه على الكوشه واشوف خوات زوجي وهم يقربون لي جايين يرقصون وبعد الحلم بأسبوع انخطبت والحمد لله تحقق الحلم
وانصح كل اللي تبي اتزوج انها تكثر من الاستغفار والصدقه

السلام عليكم

ههههههه الموضوه عجيب

كذا مرة احلم اني عندي اولاد اربيهم

وما شاء الله جماااااال

وعندي بيت .. ودائما في الحلم ان زوجي راجع من برة ..

بس اسمع صوت الباب ينفتح وانا داخل البيت ..

واقعد من النوم .. ولا اعرف من هالزوج اللي دش علي البيت انا واولادي !

وقبل كم اسبوع .. حلمت ان امي جابت لي دبلتين ..

وحدة لي ووحدة حق زوجي ..

وفي نفس الاسبوع الله حقق حلمي وانخطبت حق ولد خالتي :L:

والله يتمم لي على خير :o

تحياتي

قبل لا انخطب بجم يوم حلمت اني اتحنى
والحنا يا بنات تدل على الفرح او الزواج للعزوبية

واللي تحلم انها لابسه خاتم يدل على الارتباط

واللون الأبيض والأخضر في الحلم يدل على الخير والفرح

وصديقتي كانت دايما اتقول ادعوا لي اتزوج ومن فتره حلمت ان وايد ناس متيمعين في بيتنا على العشا وهي بعدين دخلت وكانت لابسه فستان قصير أبيض اتصلت فيها بعد كم يوم من الحلم وقلت لها اني حلمت فيها لابسه ابيض قالت بشري متكلمين علي وان شاء الله بيتقدمون لي على نهاية الاسبوع والحمدلله صار نصيب وتزوجت.

وبث

عروسة الاميرات ماشاءالله وانا كذالك :040:
الله ييسر الامور ويرزقنا الصالح ياكريييييييييم يارب





عثل البحرين
ماشاءالله الله يوفقكم ويتمم لكم على خير ويسهل ولادتج ويرزق رفيجتج الذريه الصالحه

ويوفقنا يارب

بنات توني شايفه برنامج رأيت خيرآ

قالت وحده انا حلمت اني لابسه خاتم ذهب

قال ان تفسير الخاتم
يـآ .. أنو يكون خاتمه التخرج .. أو خاتمه الاححزآآآن .. أو خاتمه العزوبيه
بس قال ان معنااه ششي جمييل


ولاتيأسسون انا صديقتي حلمت حلم .. وماتحقق االا بعد 5 ششهور .. وكثير من صديقااتي بعد .. وبكل تأخيره خيره


والله يرزقني ويـآكم يـآرب بـآلـأزوآج الصـآلحين الي يحبونا و يسسعدونا طول العمر :55:

ياكثر الأحلام اللي حلمتها وناس حلمتها بي وفعلا صارت خطبات لكن للحين ماجا النصيب اللي
يصير جد مو خطبه اوحلم لكن ان شاء الله ربي يرزق كل العازبات

حلوووووووووو الموووضوووع بصرااااااااحة اني حلمت اني حااااااامل وولدت وجبت ولد اموووووور وحسيت بحنااااان الاموووومة اللي اتمنااااااه كنت مرتاااااحة والولد اللي بالحلم كان منوووور الدنيا بعدها بفترة بسيطة تقدم لي خطيبي ووافقت وصار لنا مخطووووبين سنة و11 شهر وان شااااء الله الشهر الجاااي زواااااجي ...

الله يووووفق الجميع وتسلم صااااحبة الموووضوووع ...

باااي

ومره حلمت اني لبسه عبااايه حلوه مره ثاانيه جالسه افصل عبااايه