زوجي مضايقني مره الله يخليكم ساعدوني

بحرينية ودمي عماني;11605109:

الله يهديه ان شاء الله

حبيبتي اسمحيلي انا اشوف ان انتي غلطتي يوم شفتي جواله والا كان كنتي مرتاحه (ولا تجسسوا).. سبحان الله فيها حكمة كبيرة عودي نفسك وعاهديها ان ما عاد تحوسين بجواله .. بقولك ليش ؟
لأن اغلب الريالييل اذا مو كلهم جذي عينهم زايغة ويحبون يبصبصون يعني ريلك مو ملاك .. بس مو معناته بعد انه ما يحبك لا ..

بس احنا الحريم من زود الغيرة ننفعل وننسى للي نبي نوصل له الا وهو
(الاصلاح)
حبيبتي عليك الحين تقبلين اعتذاره وتحاولين تردين له الثقة من اول او حاولي على الأقل تبينين له هالشي لأنه هو راح يكون مرايه يعكس اللي انتي تبينينه
ثقة = ثقة واحترام ويادهينه لا تنكتين .. شك = خيانة وحقران وبالطقااق

يعني دام انه ندمان وحس بغلطته يعني يحبك بس هااا خلاص لا تزودينها وتخلينه يمل و يرد للحركة مرة ثانية
الريال قاعد يعتذر لك ولازم تعرفين ان له حد وطاقة ما راح يراضيك على طول
و تقدرين بعدين اذا ردت المياه بينكم لمجاريها تذكرينه بالله
وان هالشي حرام يعني بطيب وبعقل لأن الريال يأثر فيه العقل بالدرجة الأولى مو الصراخ والعصبية

و بالنسبة لموضوع الرضوة انا اشوفه كلش كلش غلط يعني انتي راح تحددين وتبينين له ان رضاك بهدية
وانتي رضاك عن اللي سواه ماله ثمن الا توبته والابتعاد عن الغلط والتبصبص
يعني زوجك راح يحس بتناقض تزعل تزعل ترضى بأي شي!!
وراح يتعود ان كلما تزعلين او يزعلك بالأحرى
ما يهتم كل اللي عليه
يجيب لك هدية !! ترضينها ؟؟
سمعيها مني ..
((ولدك على ما تربينه وزوجك على ماتعودينه))

لا حبيتي خلك اكبر من جذي وانتي بذكائج تعرفين تخلينه يجيب لك اللي تبين بس ها
لا تنطقين ابد .. خليك كبيرة بعينه مثل ما انتي

تحياتي