هدية يوم الأم } بالصووور ,,,

الام المفروض انقدرها ونحترمها بكل ساعه وبكل يوم بعمرنا

ولا يمنع نخصص لها يوم نعبر فيه عن مشاعرنا واحساسينا اتجاهها ..

حتى ولو وردة او شي بسيط والهدية بالمعنى والمضمون ومو بغلاها

انا جبت لها ويا اخواني طقم من داماس والبارحة اشتريناه وما صورته لانه ما رديت عن موضوعكم

والله يحفظ أم علي الغاليه وامهات العالم الغوالي

~sweety girl~;11602127:
:02:

انا ما اهديت امي شيء ولا وديت لها شي
لأني اهدي امي وعمتي ام زوجي بيوم آخر
بس مواضيعكم حمستني اني اهديها بهاليوم بس ما اشتريت لها شي للأسف
وما اطلع مكان
واللي يحتجوا على هذا اليوم ممكن تحتجون على ايام غيره عاد ماوقفت الا على هاليوم اللي نهدي فيه امهاتنا وشو قالوا قالوا نحبها بكل يوم...!! ندري مايجتاج لتوضيح

لكن ممكن تخبروني حفل الجنادرية وين موقعه من الدين؟ واي رسول حثنا عليه؟

عجبني ردج اختي ..

وبعدين احنا ماقلدنا الغرب في شي ..

والغرب مايحتفلون هاليوم وما اعتقد انهم اصلا عندهم يوم ام ..

وكفايه فرحة امهاتنا لما يعرفون بهاليوم ان احنا ما نسيناهم وما نسيناهم الايام اللي راحت ..

ومن ناحيتي اخذت لامي تلفزيون بلازما 42 بوصه خاطرها فيه .. وباقة ورد وسله حلويات :065:

وعمتي ام زوجي طقمين اواني فخمه بعد خاطرها فيها وباقة ورد وسله حلويات ..:065:

:032:والله يخلي امهاتنا لنا ويحفظهم ويعينا على برهم :032:

ولكل ام في المنتدى اهديها ورده :065:

موضوع وايد حلووو وتسلم الايادي بس للحين ما شفنا الهدايا

ماشاااء الله رسيل حلووو موووضووع
انا بعد شوووي رايحة بيت الوااالد وبحط لكم الصووور
انتظرووني

والله انا اشترتلها شنطه فخمه بيج من فنسي
مررررر حلو جلد

وان شاءالله تعجبها

للاسف بعد ما نزلت موضوع شفت موضوعج ،،
بس مو مشكله
هذه الصور

http://forums.3roos.com/showthread.php?t=521756

السلام عليكم ورحمة الله وبركاته


حلووو الموضوع وااايد وانا بس طرشت مسج حق ماماتي


ويوم بروح البحرين لها بودي لها هديتها ان شاء الله


//


{حبيت اعلق ع البنات اللي يقولون عيد الام حرام


بليز يعني انتوا وين عايشين صدق يعني احنا انحب امهاتنا وانقدرهم ونحترمهم وطول السنه نهديهم احسن الهدايا

وما يمنع اني ذكر امي في هاليوم وبعد الحين انتوا تحتفلون بليلة رومنسيه وليلة ذكرا زواجكم وما ادري شنو يعني هالليالي واللي تصرفون عليها اهم من ورده حق امهاتكم

اللي مب عاجبه الموضوع لايدخل او يتفرج بصمت

//

اتمنى مافي حد يزعل من ردي


كل الشكر لصاحبة الموضوع ولكل وحده حطة رد ويلا عاد حطو الهدايا

الله يخلي لنا امهاتنا

مشكوووووووووووووورين على المشاركة
وان شاءالله بعدين انزل صور هدية بنتي جابتها لي من الروضة

رسيل اني بعد كتاكيتي جابوا ليي من الروضة هدية عجبوني

بس خساة تلفوني خربان!

رسيل ما شاء الله الهدية وايد حلوووة الله يخلي لش الامووورة ان شاء الله وعقبال هي بعد ما تصير ام

كوامن الليل;11601661:
مممممم عجيب ما تدرون أنها حرام أعتقاداتكم هذي !!

أخواتي بارك الله فيكم هذي بدعه وحرام حتى لو أختلف المسمى
قال رسول الله صلى الله عليه وسلم (من أحدث في أمرنا هذا ما ليس منه فهو رد ) أخرجه البخاري ومسلم

خلونا معتزين بإسلامنا و ديننا اللي أرتضاه لنا رب العالمين ونبينا محمد صلى الله عليه وسلم

لو كان هالعيد أو هاليوم أو أي تسميه سميتوها وصدقتوها لو كان فيه خير لنا كان دلنا عليه نبينا الكريم ولا عندكم شك !!

اللهم أنا نسألك العفو والعافيه في الدين والدنيا والآخره
وثبت قلوبنا على دينك وذرياتنا يا ذا الجلال والإكرام

:ok:عين العقل ... لا والجديد حفلات تكليف ..
تكليف شو ربي يرضى علينا وبس .. :085:

~sweety girl~;11602127:
:02:

انا ما اهديت امي شيء ولا وديت لها شي
لأني اهدي امي وعمتي ام زوجي بيوم آخر
بس مواضيعكم حمستني اني اهديها بهاليوم بس ما اشتريت لها شي للأسف
وما اطلع مكان
واللي يحتجوا على هذا اليوم ممكن تحتجون على ايام غيره عاد ماوقفت الا على هاليوم اللي نهدي فيه امهاتنا وشو قالوا قالوا نحبها بكل يوم...!! ندري مايجتاج لتوضيح

لكن ممكن تخبروني حفل الجنادرية وين موقعه من الدين؟ واي رسول حثنا عليه؟

أختي الله يهديك كان بإمكانك تبينين وجهة نضرك باأسلوب غير كذا ..بعض الاخوات ردو لكن مو بنفس اسلوبك ...بعدين معروف مايبيلها كلام الأم مكانتها محفوظه ونشيلها فوق روسنا دووووم
ونهديها متى ماسنحت الفرصه من دون مناسبات ..وطبعآ كل دوله لها عاداتها وتقاليدها الي تعودو عليها حتى حسو انه شي واجب عليهم ..ولو كان هالشي مو من الدين بشي

لكن الي جذبني للرد عليك هو مقارنة الجنادريه بعيد الام ,,,الجنادريه ياأختي مو عيد لا..هو احتفال يكون عن التراث وحياة اول وتراث كل مدينه واشياء كثيره عن المدن وعاداتها واكلاتها واشهر عوائلها,,,,اتمنى ان كلامي مايكون فيه زعل بس حبيت اوضح الفرق ,,,وانتم حرين بالي تسوون وهذي اشياء تعودتوا عليها ماراح نقدر انا ولاغير ونغيرها ,,,


الله يحفظ لنا أمهاتنا ويطول بأعمارهم على طاعته,,,

لي عوده بصورة الهديه

رسيل الورد حلوة هدية بنوتج العسل :087:

خساااارة ما صورت بنوتي وهي تهديني مايه في بالي وقتها ... كان شعوري لا يوصف


وهذي صور أغلا الهدايا اللي هدوني عيالي حياااتي :



هدية بنوتي من الروضة مبخر معاه بخور وترا المبخر صغير والبخور حلوة ريحته

خسارة ما صورت الهدية مغلفة ! ولا صورت الكارت

وطبعا بنتي اهدت ماماتها في الروضة هدايا تعبير عن حبها وتقديرها لهم باليوم :065:

انشدت نشيدة بالهمناسبة وهي :

ماما ماما ماأحلاها ..... أبدا ما أنساها
أمي ربة بيتنا ..... أمي ما أحلاها
كيف البيت يكون ...... لا أعرف لولاها
أنسى حتى نفسي ..... لكن لا أنساها
وكما هي ترعانا ..... الله سيرعاها
بيتنا فيه الحنان ..... فيه أمي وأبي
فيه أختي وأخي ..... فيه أمي وأبي
فيه أمي وأبي


وهذي هدية ولدي حبيبي مع أبوه :



وهي عبارة عن :




أمووووت فيهم والله :087:
الله يحفظهم لي يااارب

حلوة هداياكم عليكم بالعافية
وعقبال مية سنة
وعقبالي ان شاء الله

انا راح اهدي امي افكر بالصينية الخاصة بالمكسرات الكشخة, وبعد باخذ لها شيء ثاني لازم
بس متى عاد مادري بس هالأيام الجاية بس خلني اخلص الواجبات اللي عندي..

ما شاء الله موووضع وايد حلو

مافي احلى من الأم عشان ما نذكرها إله نذكرها كل يوم والأحلى انه نخص لها يوم نبين فيه انه اهيه الحياه والماي والروح

الله يخلي لنا امهاتنا يا رب العالمين

احنا عندنا عيدين بس الفطر واالاضحى

بس عندنا بعد يوم خصصناه للغاليه والغالي ابونا بعد ليش ،، خلهم يستانسون

وإلي ردت على حفل الجناريه وانه معناه يختلف لا يالغاليه تره الأم بعد اهي اساس وساس والإسلام قال الجنه تحت اقدام الامهات


يعني الوطن ام صح والأم اهيه وطن

مثل ما كل وطن له يوم يحتفلون فيه للوطن نفسه

إذا للكل الأسر يوم يحتفلون فيه للأم نفسها

احنه نحب الوطن ونذكره بيوم التحرير وله الإستقلال

والأم بعد غاليه نذكرها بيوم نعظمها فيها

تره المووضوع كله عاطفه ،، والله يخلي لكم امهاتكم

للأسف رديت على الموضوع متأخر ... بس هديتنا لأمنا كانت كرسي الصلاة لأنها مسكينه متأذية من الروماتيزم في رجولها الله يحفظها