معاناتي مع خشمي(انفي - منخاري)

عسل عسوله 20-03-2010 10 رد 6,792 مشاهدة
ع
السلام عليكمم

مشكلتي جابت لي عقده ومتفشله منها كثييييييييييييييير

انه خشمي مليان زيت يعني دهني اصلاً بشرتي دهنيه بس خشمي اكثر

اممم مافيه بقع سوده بس يطلع فيه حبوب وخاصه على الجوانب

صاير خشمي كله حبوب وحتى المسامات توسعت

وفيه شعر صغار يبان من قريب واضح


ابي حل لهذا الخشم :(


يعني خلطه حلوه وسهله وبسيطه


بلييييييييييييز ساعدوني لاني وايد متعقده منه :091:
ا
انا معرف بالخلطات بس انتي عليك انك تعالجي الزيوت اللي في خشمك وهذا ماينفع خلطة يحتاج كريمات

في كريم حلو تلاقينه بالصيدلية مفعوله مثل ريتين اي بس احسن بكثير لانه خفيف مايعمل احمرار

وب 4 ايام تشوفي نتيجة ان شاء الله تعالى اسمه ECLARAN 10

وشكله فيه خط احمر

ان شاء الله يقضي لك على الحبوب والزيت استمري عليه لين يخلص
وااذا بقت عندك اثار استخدمي كريم كتبت عنه في المنتدى دوري بمواضيعي تلاقينه ان شاء الله
وفي لاصقات للانف تجي للحبوب السوداء تحصلينها بالصيدلية
.
اللي اقدر افيدج فيه
استعملي لصقات الانف
تشيل الرؤوس السوداء و الشعر الصغير ..

واهم شي تغسلين وجهج كذا مره باليوم ..
و تستعملين ميك اب oil free ..
و في كريم من ماك انا استخدمه قبل الميك اب اسمه oil control
يتحكم شوي في الدهون اللي بالوجه ويأخر من ظهورها ..
ع
يسلموووووووو على المساعده

يعطيكم الف عافيه

يعني ماتنفع معي خلطات ؟؟؟؟
ا
خلطات ممكن تسبب احمرار وحساسية لاتستهيني فيها

ونتايج بطيئة وبنفس الوقت نفس اليوم اما تستمر لاااااا ابدا

استخدمي كريمات وكلها طبية ان شاء الله مامنها ضرر

موفقة يارب اي استفسار ثاني تفضلي
ا
طبعا اعتذر على الاخطاء اللي حاصلة بردي الاول

اقصد لين يخلص الكريم ..

وبعد لاصقات للرؤوس السوداء ..
ع
لا مافيني رؤوس سوده ,,

اممم متاكده انه هذا الكريم ECLARAN 10 مافيه ضرر

لانه بشرتي حساسه

انا رحت اكثر من مستشفى للعلاج وكله يعطوني كريمات تسبب احمرار وتقشر ولا فيها فايده
ا
لا ان شاء الله مافيه ضرر

انا بعد بشرتي حساسة كثييييييييييييييييير مو شوي

بس استخدمي معه صابونة دووووف اغسلي فيها ... لانها خفيفة معه كثيير حلوة
ع
مشكووره على المساعده

وجزاكِ الله الف خير

ابي صوره للكريم بس مشكله لا يوجد له صوره

راح اشوف الصيدليه اذا فيه هذا المرهم وبه خط احمر مثل ماقلتين لي

اممم بس سمعت انه فيه مثل ECLARAN 10 .. بس مو عشره سمعت فيه ECLARAN 5

ولا ادري ايش الفرق ؟

هل 10 مفعوله اقوى !
ا
اييييي اعتقد مفعوووله اقوووى حتى للجسم يصلح

واذا مالقيتي العشرة استخدمي الخمسة وين المشكلة لان نتيجته كثيير حلووة صراااحة انا احطه على الحبوب ثاني يوم ميتة ورابع يوم مافي ولاحبة
l


انا عن نفسي انفي دهني ومايطلع حبوب

بس صرت كل شهر اسوي تنظيف بشره

والحمدلله مايطلع دهون بس اذا تركت
تنظيف البشره يرجع

ان شاءالله البنات يفيدونك ..
X